心聲留言今日: 0|主題: 17521

收藏本版

發帖

返回列表

跳至頁

查看: 17621 | 回覆: 4

寧生敗家子，莫生蠢鈍兒 [複製鏈接]

kensiu

男爵府

積分: 5541

1^#

發表於 22-2-5 03:07 |只看該作者 |倒序瀏覽 |打印

我都唔記得自己第幾次感嘆同贊美古人既説話，好多人對古人古語聼完就算，個中道理真係跨時代，創世紀。真架，寧生敗家子，莫生蠢鈍兒，呢句説話真係至理名言。有乜野人蠢過爛賭鬼，衰過爛賭鬼？就係借錢比人賭既，仲要係飲杯酒，拍心口果隻，無抵押，無簽字。賭，你點閙賭點反賭，客觀上都仲有2分1機會贏，借錢比人，就真係輸足100%，你話，係咪真係寧生敗家子，莫生蠢鈍兒。前者，最多係敗家，後者，激死全家！

0 0 0

私人傳訊

pokultmama

大宅

積分: 1001

2^#

發表於 22-2-14 19:15 |只看該作者

哈!!! 我正正識哂呢兩類人, 仲要係我親人!!!!
我老豆, 後生時識左阿e (而家個老婆, 大陸人), 然後走左去賭, 一次兩次, 我姑媽阿叔姑姐都幫過佢還, 還到最後真係唔再幫!!! 本以為而家成60幾歲會生生性性啦, 係丫, 老豆係生性丫, 但阿e唔係呢, 50歲人都仲要走去繼續賭, 仲記得當年連佢個大仔既食飯$$校巴$$都拎埋去賭, 賭到冇$就走黎問阿麻拎!!

敗家仔? 都有個丫, 老豆個細仔就係例子啦, 搶人地條女, 差d俾人打爆眼球, 條女15歲有左, 16歲生仔, 生完走撚埋, 大肚時, 我地叫佢不如唔好要啦, 真係好細個丫, 條敗家仔同我講果句, 我到死果日我都記住「家姐, 你連蛋都冇隻」到我嫁果日, 我對住佢講「細佬丫, 你老婆呢?? 走x左拿?? 係喎, 你地上次倒哂茶俾長輩, 有冇你家姐我身上咁多金器呀」!!! 當日, 我在佢家樓下, 佢在樓上掉左包檸茶落黎!!! 叫佢返工, 唔返, 識埋哂唔知d咩朋友, 吸毒, 打老豆, 偷$$樣樣齊!! 佢話要生果個仔丫, 而家老豆湊囉, 仲好曳添, 打佢阿爺同阿麻 (即係我老豆同阿e)。
大果個細佬叫好d, 不過搬左出去同大夾租, 但為左面, 人地唔交租佢又幫人交, 問題係...都係問老豆攞

我呢個女, 我老豆自我細個掉低左我係阿麻同阿叔度, 自大仔出世後, 佢已經冇女架啦, 阿女入左院, 病到死, 冇野做, 冇關心過架!!!仲好意思走去d長輩度投訴我話我唔同佢講「生日快樂」呀!!! 佢個仔咪一樣冇同佢講!!!

我同阿麻講過, 我冇呢個老豆, 亦都冇老母, 阿叔阿嬸先係我阿爸阿媽!!! 老豆? 到佢老到冇人理既, 我咪理下佢囉, 否則, 我咩都唔會理

私人傳訊

kensiu

男爵府

積分: 5541

3^#

發表於 22-2-17 02:54 |只看該作者

pokultmama 發表於 22-2-14 19:15
哈!!! 我正正識哂呢兩類人, 仲要係我親人!!!!
我老豆, 後生時識左阿e (而家個老婆, 大陸人), 然後走左去賭, ...

有時呢個世界好多人唔知頭唔知路，只係睇當前既表面，就話你唔孝順，不孝，但佢地永遠唔會睇過去，亦唔會明白你既過去，然後就用個人直觀直覺去話你呢樣唔岩果樣唔岩

私人傳訊

pokultmama

大宅

積分: 1001

4^#

發表於 22-2-17 10:12 |只看該作者

kensiu 發表於 22-2-17 02:54
有時呢個世界好多人唔知頭唔知路，只係睇當前既表面，就話你唔孝順，不孝，但佢地永遠唔會睇過去，亦唔會 ...

你說得對, 我麻有事, 咩都係我親力親為, 就連阿麻臨走前守住阿麻都係我, 佢地呢? 個個一早就走哂...到阿麻最後果一分鐘, 都係我陪住佢....阿麻既葬禮又係我負責, 佢地最多就係出$$, 但前題果d $$係阿麻在生前留低話係做佢身後事...
連堂官等人, 都覺得佢地不知所謂!!
佢地最叻一句...阿麻最錫係我...

我最記得, 阿麻走前個多月, 佢選擇搬黎同我住 (之前佢唔肯), 因為佢真係對d仔心死, 我老豆就覺得係佢係大仔, 點解阿麻唔去佢度住反而要去個孫女度住, 俾人聽到會俾人話, 即係剩係要面....完全冇想過阿麻點解唔開心, 點解同個細仔住咁耐, 佢要走, 就算走都唔肯去大仔度!!!