懷孕前後今日: 5|主題: 330458

收藏本版

發帖

返回列表

跳至頁

查看: 11356 | 回覆: 21

26週確診分享 [複製鏈接]

demetri

複式洋房

積分: 423

1^#

發表於 22-9-1 16:40 |只看該作者 |倒序瀏覽 |打印

我本身係上年9月打左第二針，一直無打算打第三針，因為頭兩針打完出風疹出得好勁。
今年三月尾發現有左更加唔想打，之前試過兩次早期流產，所以今次都好小心，我有醫學豁免，但都怕中招，所以由三月尾到而家都係响家食飯多，返公司都係叫外賣！

我公司好少人，我一直都有帶口罩，亦唔同同事同枱食外賣，估唔到咁都俾同事惹到！佢中左之後隔兩日我喉嚨好痛，返到家驗見到有條虛線都知瀨嘢！即刻叫老公放工時買齊晒日用品，當晚我就匿响房，老公做廳長！

待續

0 0 0

私人傳訊

demetri

複式洋房

積分: 423

2^#

發表於 22-9-1 16:48 |只看該作者

第二朝一起身再驗，真係兩條線，當時係擔心要入隔離營，睇過指引28週先係高危，會即時安排入院，28週以下就居家隔離都可以，但要留意胎動，有減少情況都要入院處理。

咁我怕還怕，都要即刻申報，還好我哋得兩個人，有兩個廁所，都符合居家隔離條件，我八點申報，一點已經有人嚟幫我帶手環同俾基本物資我，例如探熱針，血氧計，大陸退燒藥同蓮花清瘟！

我果朝亦開始發燒，keep住38度，好彩之前醫生開定左paracetamol 俾我，咁我就每隔六個鐘食一次，喉嚨痛我就唔敢亂食藥，keep住每一個鐘都用鹽水漱口一次。個人仲精神嘅，無話好辛苦，可能之前都有食開營養品，病徵同感冒好似

待續

私人傳訊

demetri

複式洋房

積分: 423

3^#

發表於 22-9-1 16:57 |只看該作者

頭兩日都係保持同樣情況，好彩有媽媽煮飯同煲湯俾我哋兩個，另外我每日都有飲滴雞精加檸蜜潤喉，第二日開始有少少鼻水同塞，我就開始早晚洗鼻同用鼻貼。

第三日就開始咳同有啖，咳就令我有啲擔心，因為用力咳個肚會縮一縮，好怕咳傷個b，但見佢個個鐘都有郁，我就無太擔心了！而且第三日都退左燒，個人再精神左，仲可以做公司嘢。。。真係辛苦命:(

到左第五日喉嚨亦無痛了，只係咳多左，第六日得返一條線，我第七日申報左連續兩日陰性，第八日就出左關喇！

不過唔知係我本身有哮喘定真係呢個病影響，出街行耐啲都覺得有少少氣促

待續

私人傳訊

demetri

複式洋房

積分: 423

4^#

發表於 22-9-1 17:02 |只看該作者

回覆樓主：

本帖最後由 demetri 於 22-9-1 17:05 編輯

隔左一個星期，今日去左私家產檢，醫生都話b無事，佢話咳可能會宮縮，但我無出現呢個情況，所以都唔洗擔心。氣促問題佢就介紹我食G-Niib益生菌加強版，五百蚊得28粒，少少貴，但都即管試下！

希望呢個分享可以等唔好彩中左嘅媽媽有個例子參考，我都覺得好好彩早中，樂觀啲面對會好快啲㗎我信，而家唯有安慰自己當賺左個康復碼，同可能有抗體俾到bb囉！