吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人/女人出軌既分別？女人出軌真係大曬？ ...

夫婦情感今日: 0|主題: 42703

收藏本版

發帖

返回列表

跳至頁

查看: 68079 | 回覆: 127

12 3 4 5...7

積分: 1212

1^#

發表於 21-5-1 02:10 |只看該作者 |倒序瀏覽 |打印

本帖最後由 wsy201722 於 21-5-2 22:45 編輯

男方出軌：無論點出軌都好，9成男人只為左性/貪新鮮，但大部分人個心都重係愛老婆/家庭，所以如果個女人重係愛個男人，就可以原諒？可以繼續再一齊？

女方出軌：個心係已經一定唔愛老公，就算老公肯原諒，最後個老公因為覺得老婆唔再愛自己，所以到最後都唔會接受/忍受到？最後都係會分開/離婚？

我好迷惘，幾個月前老婆出軌，我接受左件事，接受左佢已經唔愛我，但係咪就等於佢隨時都可以去搵另一個男人去愛？我又要再受多一次傷害？

其實都好諷刺，女人出軌，覺得個問題實係個男人對佢唔好/自己對個男人死心，感覺完全問題都不在自己身上，唔覺得自己有錯，錯係錯男人唔好好珍惜在先？

呢幾個月，不停去睇出軌case，男方好女方好，最後覺得個結論係，大多數男人唔係受唔起帶綠帽，而係接受唔到個老婆對自己已經無左愛，對自己好冷淡/無左正常夫妻生活

究竟點解？男人世界會接受唔到女人出軌？

男人出軌回頭，多數老婆會查得好緊，基本上無時無刻都可以搵到佢，男人會心甘情願
女人出軌回頭，會話返老公轉頭話老公查得好緊覺得自己好似重犯咁成日要監視住好辛苦，好大精神壓力

一個女人，對你變左心，真係只會當你一個外人，試問有邊個男人可以忍受到？

其實個老婆出軌完再咁對自己，我真係唔明白點解自己重留係度，我開始覺得女人好恐怖，開始想對佢完全死心就算，覺得面前呢個人好陌生，明明對左14年，可以一下子就好似變左第二個人咁，個心重一直一相情願，以為對佢好，佢會肯返轉頭，點知原來大家既方向，已經係拉到好遠，無論我再為佢做D乜，佢已經唔會再覺得係D咩，放手，我諗對大家黎講，都會係件好事。

0 0 0

私人傳訊

freemanyay

複式洋房

積分: 308

2^#

發表於 21-5-1 04:36 |只看該作者

你加油呀！要去面對同埋經歷也總是真係好難受，我自己面對都覺得好似係唔知中咗絕症嘅感覺，死又死唔去但係有時真係生不如死。
點都好啦我想講嘅係，男人定女人變咗心就有機會有你上面講嘅事會發生。無謂太執着過去，展望將來啦。基本上我睇到嘅就係一個心已經走咗嘅人，如果佢都唔唔想挽回嘅話，放手你哋大家都好過啲。

私人傳訊

Airwayairline

別墅

積分: 700

3^#

發表於 21-5-1 07:13 |只看該作者

樓主要接受現實，女人死心好難重燃，襯大家都仲未去到討厭對方時候就處理佢，對個家都好。

私人傳訊

soso1227

珍珠宮

積分: 37350

醒目開學勳章畀面勳章

4^#

發表於 21-5-1 10:46 |只看該作者

所有婚姻問題，包括出軌，我都建議俾一次機會大家。但修補唔到就無謂勉強，最重要是呢個女人對你唔好，放棄也不可惜

點評

cankiu2011

發表於 21-6-3 10:21

私人傳訊

buibui1123

大宅

積分: 3620

5^#

發表於 21-5-1 11:29 |只看該作者

wsy201722 發表於 21-5-1 02:10
男方出軌：無論點出軌都好，9成男人只為左性/貪新鮮，但大部分人個心都重係愛老婆/家庭，所以如果個女人重 ...

樓主加油，如果覺得無辦法改變，就好好為自己打算下，一段婚姻無左愛，夾硬為小朋友留底都無意思。人生好長，無謂要生活系一個無左信任既環境下。
記住呢度係bk，係偏幫女人
男人出軌係男人錯，但會支持個女人唔好離開唔好益小三，要鬥長命打，要做野討好老公令老公回頭。
但女人出軌實係家庭壓力大，老公仲愛老婆要原諒睇下點樣改善關係。

私人傳訊

Belavizio

男爵府

積分: 8345

6^#

發表於 21-5-1 12:53 |只看該作者

本帖最後由 Belavizio 於 21-5-1 12:56 編輯

樓主，你要知道你哋兩個嘅問題係邊度先，如果你哋好好，只是老婆心野，就留都唔駛留。

如果係夫妻關係，生活問題，傾過，試過改善嚟，都唔得嘅，就放生大家。

出軌，無論男定女，都係唔啱，應該結束一段關係才開始另一段。

有些男人, 可以同時愛老婆，亦愛出面果個，個老婆就算唔離婚，唔攬嘢都得。因為想守住段婚姻，唔想益人。

但男人原諒個老婆，老婆唔想比你攪，男人接受嗎倒嗎。

所以女人有異心，身心都好難留，這亦是男人對出軌妻的痛苦。

如果你仍愛佢，好好傾一次，睇吓仲有冇得挽救，否則，放生大家吧！