舊年六月我生左大豬仔出黎，大約九月發現自己又有左，今年五月中細豬仔應該就出世。因為身體有後遺症，我不能正常出外工作，所以宜家係全職家庭主婦。有冇人可以分享下一個人湊兩個年紀差唔夠1歲嘅bb嘅經驗比我聽下🥲？
因為好嚴重嘅家庭因素我舊年年初已經同屋企人斷絕左關係（佢地對我講左啲極之過分嘅說話同埋話我詐病，完全無法接受），而我先生係孤兒，所以我完全冇任何支援，身邊只有先生一人同埋野都未識講嘅豬仔一隻。
我宜家比較想了解下：
1.如果餵緊細豬仔飲奶大豬仔好奇心作祟騷擾/生理因素爆喊/想要我同佢玩，除左教育我仲可以點樣處理？初生嬰兒都要花好多時間餵奶，同埋我比較鍾意直接埋身，將初生嬰兒不停抱上抱落感覺對bb唔係咁好；
2.我以前有位親戚嘅大女見到自己細佬妹直接一隻手抓落去塊面到當堂留曬血，好驚歷史重演😓到時大豬仔都係十一個月大左右，我實在冇咩信心佢聽得明我教緊佢野，係佢仲未話好識聽教嘅時期我可以點防止呢啲問題發生；同埋
3.休息時間可以點安排？又要過一個月冇覺訓嘅生活，但係我日常仲要時間準備飯餸比一家三口、清潔、陪大豬仔玩、同大豬仔食飯、帶大豬仔落街散步見識下、打針、買衫仔。
真係唔知點解好似越講越灰，感覺好難兼顧得十全十美，都感覺時間好似唔多夠用。黎緊仲要準備搬屋迎新成員😵因爲預算問題，只能考慮村屋，到時買餸耗費時間精力可能變成一個比較困擾嘅問題……我覺得自己頭頂就黎諗到出煙
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
