想生BB 今日: 0|主題: 109513

2025 年又新一年 好想share d 正能量比所有努力中既sis：

我結咗婚一年都未有BB
去左睇醫生 佢話我其中一邊輸卵管有黏液 難啲自然有BB 所以決定做試管

一開頭去左中環 xxxxx clinic睇醫生 但係佢地又貴服務又唔係好 睇左兩個cycles 就冇再睇 （醫生態度又串又高傲 完全唔覺得佢有caring 病人既感覺）個system 都好古老 係佢果度驗完血 唔會主動比返報告你 只會口頭話比你知/寫係佢地本profile 照完超聲波 亦都唔會俾返相你 有時想睇返自己個cycle 有幾多卵泡/ 荷爾蒙指數都要問返佢地 作為病人比咁多錢 基本record 都唔比返我 成件事好唔make sense 好慶幸冇繼續倒錢係呢間診所

後尾有次上網search 其他診所 見到台灣送子鳥 覺得可以一試 當係去個旅行

第一次去就有一個專人介紹成個診所 設計好舒服 完全唔似去咗醫院 有indoor & outdoor area 等候區有snack & drink station
(諗返起喺xxxxx clinic 全香港最貴 唔好講咖啡茶 係連想裝杯水都冇 長期個水機都話因為疫情 唔可以用 但講緊已經2023 年) 做左basic check up 抽血 攞精子 見醫生 成個過程好有系統同效率 佢地有個apps 有哂驗血報告、進度、用藥療程、payment record 透明度好高

本身喺香港做過輸卵管檢查 左邊有少少黏液 所以要喺呢度做多一次三合一 因為我記得係香港做好痛 所以我喺呢個環節勁驚 點知係呢到做完全冇感覺 醫生姑娘都勁溫柔 好感動 （嗰時係金醫生負責做呢個檢查 大家如果去都可以搵返佢） 最後發現原來我兩邊輸卵管都好暢順 反而我有免疫問題

返到香港，佢哋會有專人一路同你email接觸update 所以你期間打針食藥有咩問題都好快有人覆 我記得培養胚胎個5-7日 每日係apps 都會有圖片update 形成到咩情況 咩grading 到最後果日胚胎師親自打電話上黎同你講返個結果 成個過程好貼心 因為我有免疫問題 到我ready 可以植入胚胎既週期 佢哋有特別安排一啲針劑俾我打到第4 日我偷驗 見到實實在在兩條線直到兩日後再返送子鳥驗血 確認bingo!!!!

驗完血攞晒藥同針劑嘅第二日我就要返香港 佢哋一路都好密切follow up 完全冇鬆懈 個人感覺佢地仲緊張過我 要我每兩日都去驗血 監察HGC有冇翻倍、血栓指數、E2 、超聲波照 一直去到兩個半月後穩定左先比我畢業

植入係賴醫師幫我，快恨準，植入果時發現我有少少發炎 安排左相關藥物比我 怕發炎影響著床

*植入成個過程班姑娘超sweet 聽住台語做手術特別開心 哈哈哈

*植入前一路都有係香港做針灸 個人認為係一定一定要做 幫助血液循環 令個子宮環境夠暖幫助胚胎著床

如果有sis 經歷緊又想知多d 歡迎PM 我

雖然每個人身體狀況唔同 我個case 未必應用到 但都好想分享經歷 睇下幫唔幫到手 加油。。 you are not alone!