自由講場

跳至

首頁
1

尾頁
   0


公爵府

積分: 28215


1#
發表於 26-5-2 13:56 |只看該作者


蘇志威、蔡一智、蔡一傑的草蜢出道40周年,在紅館舉行7場《THREE IN LOVE草蜢演唱會2026》,嘉賓陣容強勁令人驚喜,昨晚(4月30日)表演嘉賓為草蜢經理人林珊珊,演唱40年前經典金曲《再見Puppy Love》和《戀愛預告》掀回憶殺,全場大合唱,非常震撼,片段


更在網上洗版。

林珊珊全家總動員捧場,鄭伊健親自到後台打點並在控制台神秘監場,比自己開騷更肉緊。

昨晚觀眾席上亦星光熠熠,寰亞集團老闆林建岳、鄭丹瑞、呂良偉與太太、張玉珊、容祖兒、蔡卓妍、關智斌、GinLee、彭秀慧、周勵淇、Anson Lo等捧場,他們揮動心心手燈跟草蜢跳舞和玩人浪,非常興奮。


林珊珊一家到場支持

林珊珊相隔逾20年再踏舞台演唱,她的父母、弟弟林曉峰、女兒李澄(西瓜)和李怡(野人)、好友鄭丹瑞等捧場,高舉燈牌和自製手幅打氣,全家都非常溫暖有愛。鄭伊健親自在後台為林珊珊張羅,更護送她到台底準備,出場前大嗌「GoodShow 珊珊」打氣。然後他走到控制台監場,期間滿意點頭和拍手。林珊珊演出後,伊健立即與陳光榮跑返入後台,她緊張問「點呀?」伊健話「OK」,林珊珊如釋重負:「呢個係我producer 鄭伊健,佢話OK就得架啦!」

台上林珊珊與草蜢分享相識40年點滴,蘇志威說:「去到今時今日,20年,我哋唔會再搵到更好嘅經理人,因為只有你最了解我哋三個,多謝你。」林珊珊表示更要多謝老闆林建岳博士支持,蔡一傑稱他們與花草樹木的字好有緣,說:「梅艷芳、陳淑芬、林建岳、林珊珊,草蜢都係草花頭,姓蔡、姓蘇都係。」蔡一智笑說:「我哋係屬於大自然架!」蘇志威補充:「好耐之前有相士贈言『若見草頭人 咫尺青雲路』。」


合作21年無損友誼

草蜢送上「金哨子」給林珊珊,阿智說:「呢個唔係『銀雞』係『金雞』,金雞獨立,你一吹,我哋三個即到,可以指揮我哋!」林珊珊笑說:「如果係足金就更好,依家金價好吖嘛!」

《戀愛預告》MV被翻出考古

林珊珊對蘇志威說:「個個叫你『阿細』,其實你應該叫『阿大』,因為你擁有好大嘅胸襟。」觀眾笑聲,她解釋:「佢今日係有胸肌,但我意思係胸襟,當我哋火紅火綠嘅時候,你用胸襟包容我哋,所以多謝你!」

接著對傑仔說:「我哋度過20幾歲、30幾歲,估唔到今日我哋度過50幾歲,(指住阿智)我哋六十幾歲,樂悠卡代表。(對蘇志威)你仲有幾日都樂悠卡喎!」然後她認真對傑仔說:「你每晚俾大家正能量,我要送一句俾你:『你真係好叻仔呀,蔡一傑』!」又說:「多謝蘇師奶同蘇先生、蔡師奶同蔡先生,佢哋喺某一個晚上好興奮咁喺埋一齊,結果誕生咗咁可愛、咁powerful 嘅草蜢!」

而林珊珊在草蜢舞台唱歌片段網上大洗版,就連她的舊歌MV也被翻出考古,網民留言「邊個估到有生之年可以聽到《戀愛預告》嘅live,好驚喜」、「林珊珊也來一個演唱會吧」,似乎想集氣,推她開個唱。


她透露成為草蜢經理人從阿智一通電話開始,說:「2004年某一晚阿智打俾我話攞到紅館個期,草蜢卒之可以開演唱會,我替佢哋好開心,然後佢問我可唔可以做佢哋經理人?」林珊珊坦言父母擔心好朋友變工作伙伴會變質,結果合作至今21年很愉快,她感謝草蜢。


伯爵府

積分: 18501


2#
發表於 26-5-2 13:59 |只看該作者
elbar 發表於 26-5-2 13:56
蘇志威、蔡一智、蔡一傑的草蜢出道40周年,在紅館舉行7場《THREE IN LOVE草蜢演唱會2026》,嘉賓陣容強勁 ...

林珊珊唱歌仲係好聽,首戀愛預告好好聽。


男爵府

積分: 7790


3#
發表於 26-5-2 14:07 |只看該作者

回覆樓主:

戀愛預告當年都好 hot。Danny 嘅作品,送給好友林姗姗。Danny 自己都有唱番,一女一男嘅演唱,各有特色,都好聽


象牙宮

積分: 212471

2025勳章蛇年勳章 2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


4#
發表於 26-5-2 14:12 |只看該作者
若見草頭人,咫尺青雲路!


伯爵府

積分: 18501


5#
發表於 26-5-2 14:30 |只看該作者
saladgab 發表於 26-5-2 14:07
戀愛預告當年都好 hot。Danny 嘅作品,送給好友林姗姗。Danny 自己都有唱番,一女一男嘅演唱,各有特色,都好 ...

好回味


別墅

積分: 994


6#
發表於 26-5-4 16:58 |只看該作者
佢把聲又幾靚,聽唔到歲月痕跡


公爵府

積分: 28709


7#
發表於 26-5-4 18:46 |只看該作者
好聽


侯爵府

積分: 22406

母親節2025勳章 2024年龍年勳章 牛年勳章


8#
發表於 26-5-4 18:53 |只看該作者
本帖最後由 Cathy1121 於 26-5-4 18:55 編輯

戀愛預告真係回憶剎
Danny concert 請過姗姗做嘉賓,也是一齊唱戀愛預告,我估好多人一响起前奏,都唸起Danny 仔,旋律太動人
連學友也話聽返姗姗唱歌,好有回春feel 帶返大家去80 年代尾


男爵府

積分: 6581


9#
發表於 26-5-4 19:35 |只看該作者
本帖最後由 bb360 於 26-5-4 19:35 編輯
Cathy1121 發表於 26-5-4 18:53
戀愛預告真係回憶剎
Danny concert 請過姗姗做嘉賓,也是一齊唱戀愛預告,我估好多人一响起前奏,都唸起Dan ...

當年少女情懷, 聽戀愛預告 sweet 到爆, 轉眼幾十年就過去了, 聽番真係想起當時年紀小的歲月!

首頁
1

尾頁

跳至
你需要登錄後才可以回帖 登入 | 註冊

Presslogic Logo
Baby Kingdom Logo