xNikkix,
我會建議你去睇清楚先生公司份保險，因為大部份公司保險，
已婚僱員都會有晒所有生仔嘅保障，當然你先生每月就要加多D保費啦，
如果你自己買，要比較吓價錢同細節，睇吓有冇次數限制，
去Check吓你想睇果個醫生同想去嘅醫院係咪on the list，檢查要唔要收費，
定係某D要收費，又或者係計D，都可以差幾遠吓。
一般產檢都會包，但又係要睇清楚要唔要每次俾Co-pay，
我自己生大仔時產檢唔駛Co-Pay，住院每次$100，但仔仔唔錫我，
要我入咗4次先出世。囡囡果陣就次次產檢$25，住院一次$500，
不過我只係一次入院就生得。另外，抽血見營養師或某D特別服務都可能有額外收費。
由有BB到生要幾錢？好難講喎，可以俾少少資料你參考吓嘅: -
初初知道有（當係兩個月）去到第七個月都係大約一個月一次產檢：$25 x 6 = $150
踏入第七個月開始三星期一次去到第八個月：$25 x 2 = $50
八個月至九個月兩個星期次：$25 x 4 = $100
之後每個星期一次：$25 x 4 = $100
抽血、驗血糖、照超聲波（我大仔4次，囡囡2次）：$15 x 4 = $60
Total: below $500 for prenatal checkup
買大肚衫：我都冇計過用咗幾多，你唔駛返工，如果唔一定要靚嘅，
可以著大碼少少嘅Top加孕婦leggings，我要返工所以都要買D見得人嘅，
不過我慳家慣，一係買Gap, Old Navy嘅減價maternity wears，
JC Penny同Target果D都唔錯，只要質地好就冇問題；
又或者上ebay或Craigslist買二手孕婦衫，其實上面都有新貨賣，
相對係平過出街買。鞋要預買兩三對，因為對腳會腫，未必可以著平時著開果D，
我係去到要買先買，唔駛買定費事浪費。
如果冇保險，產檢幾錢好難講，因為加州同德州唔同，我只係知道三藩市係大約幾錢。
以普通睇醫生為例，有保險只交診金，係由$195起至$480一次不等，
睇你有D咩Procedures要做，我個仔睇一次醫生，co-pay$25，
但如果睇張詳細嘅賬單，醫生診金$200，打針$140，清耳垢$60等等，
當然保險公司要俾咁多，因為一般醫生會有折扣俾保險公司；
囡囡出世住院張單係三萬幾蚊，但我只要俾$500。
你可以比較吓個D有幾多，德州應該比加州平。
花旗太太生活在花旗國，留意時差，你問我未必即時答到。
發表於 
返回列表
