懷孕前後今日: 0|主題: 330663

收藏本版

發帖

返回列表

跳至頁

查看: 8059 | 回覆: 124

呀b出世了,但係更加擔心同心痛(長編傾訴)

[複製鏈接]

12 3 4 5...7

venusmax

大宅

積分: 2512

畀面勳章

1^#

發表於 12-5-16 01:00 |只看該作者 |倒序瀏覽 |打印

本帖最後由 venusmax 於 12-5-28 10:47 編輯

先比翻之前兩條link關於呀b既情況, 都要多謝係BK既各位jm比位我傾訴...
(得知bb心臟出問題) - http://www.baby-kingdom.com/forum.php?mod=viewthread&tid=4566916
(今日由開心到唔開心...) - http://www.baby-kingdom.com/forum.php?mod=viewthread&tid=4735721

呀b係5月9日開刀出世了, 本來醫生覆我係那天早上開刀, 點知之前一日入院當晚醫生話要中午先開刀, 因為開刀之前一晚12點後唔可以飲水食野, 等到中午果餐都未有野食真係好餓同心急...點知最後要等到成下午2點先入得手術室...真係餓到暈=.=" 好在通知左老公中午先黎, 唔係佢都等到瞓著 o_o" 不過好可惜, 因為醫生話因為我子宮肌瘤位置開刀位要當時情況而定, 會先用半身麻醉帶左呀b出黎先再睇下駛唔駛全身麻醉, 又唔想老公到時係手術室走出走入所以全程都係唔比老公陪產...老公只有在走廊等...
我真係禁大個囡第一次要做開刀手術, 比人推入手術室果段路真係驚到震, 雖然我知一定好安全, 只係自己細膽...手術開始用半麻醉, 而且我肌瘤較大醫生驚有機會失血過多, 所以除了打背脊骨支麻醉針外, 另外兩隻手都要打鹽水斗, 嘩...真係痛到唔知講咩, 又要插尿喉...跟住我就十字架感瞓係道開刀了...
開始感到下半身麻痺, 醫生問我有無覺痛, 我話應該無, 之後就覺得好似係感比人搖左搖右...又chok上chok下, 無耐我聽倒呀b喊啦!! 好大聲喊~ 好在係半麻醉, 姑娘整好呀b之後抱黎我身邊, 叫我睇下係男定女同對身份資料, 我答得黎又想喊...好在都清醒, 不過因為我對手都吊緊鹽水同營養水唔旭得, 姑娘只係比我用手指掂倒呀b隻手仔...之後就抱出去比兒科醫生檢查了...當時真係好想喊...見一見呀b就抱走了...真係好心痛 =.=
之後醫生幫我逢左9針, 佢話肚面開了打直, 好在肌瘤之間剛好有一個位可以打橫開, 被開了無出血, 所以唔駛全身麻醉, 手術成功...就係感完成了...十字介豆腐 +_+" 之後推左我去休息室, 姑娘check左3次我傷口無爆開就過翻病房...原來已經4點了, 不過原來老公係出面等都見唔倒呀b @@" 不過之後有人叫左老公去見兒科個醫生, 感我就休息等待見呀b...點知唔夠一陣, 老公上翻黎同我講...呀b要送過去瑪麗醫院比果邊個兒科心臟醫生跟進, 仲要同我抽多次血, 佢都會過去見醫生...果刻我真係想爆粗...呀b一出世見左一面就比人送走!!?!? 又要吉多針, 老公又走埋得翻我自己...仲要同房有3個B6嘈爆.........點解要感對我>_<
之後老公話我知呀b要留係瑪麗觀察, 醫生之前照倒佢心臟既肌瘤無了, 不過左心房輸血既血管位有肌肉阻塞了令左心房編細, 如何氣速時心臟輸唔切血就唔好, 所以暫時唔可以比佢自己進食, 要用胃喉...
我真係好唔開心, 本來仲想用母乳餵呀b, 點知連呀b都見唔倒...本來開刀要住4日醫院, 但係醫院根本無得休息, 一來太嘈根本無得瞓, 二來眼見其他媽媽有得抱自己個bb, 餵奶, 影相, 家人探望一人一句bb好得意點點點....=0= 我真係接受唔倒囉...我決定第3日就要出院, 醫生話傷口未埋得晒都好, 我點都要出...好想見呀b...
不過傷口真係好痛, 我行路都困難, 所以回家休息左到母親節先可以去探呀b, 自己住東區, 呀b係南區, 坐車又chok傷口痛, 不過去到見倒呀b真係咩都唔記得晒...不過眼見呀b個鼻仔插住條胃喉, 隻手仔仲要插鹽水斗...好心痛...果日我終於可以抱住呀b, 雖然傷口痛抱得耐都會攰, 但係我真係好唔想放底佢...老公有幫手影相拍video, 因為我坐月而呀b又未知幾時出得院, 所以到而家我只係見過呀b兩次...探病果道只可以父母進入, 所以暫時每日只有靠老公影相回來比我止下痕... 依段時間只可以日日對住呀b既相同video黎pump奶, 差唔多一個星期, 最多都係得 1安士 =_=" 好辛苦不過點都會堅持, 希望母乳有抗體會令呀b身體健康d...
老公今日見倒醫生, 話呀b左心房依然編細, 黎緊星期五會比外科睇下有無其他方法幫到, 都希望呀b一路大d個心臟會發育得好翻d...我見老公今日翻到黎都唔太開心, 我知辛苦心痛既唔只我一個, 所以我點都會堅持落去, 明天我傷口拆線, 都會順道去見呀b, 希望同呀b一齊努力!!!