在職全職今日: 69|主題: 48041

收藏本版

發帖

返回列表

跳至頁

查看: 438 | 回覆: 2

[全職媽媽] 而家D人做生意真係好唔老實 [複製鏈接]

karenng115

男爵府

積分: 7066

陪月勳章

1^#

發表於 12-9-1 06:45 |只看該作者 |倒序瀏覽 |打印

事原今年洗冷氣.

一開始搵左姑奶介紹既人黎洗.
洗完仲話D冷氣要入雪種 (因為係新屋, 未開過, 唔知凍唔凍), 咁俾佢入埋.
之後先知果個人其實做得好差, 我姑奶果度都有好多手尾, 又唔去執返.

唔夠一個月, 其中一部冷氣唔凍, 搵原廠既技師黎睇, 佢話之前入雪種, 入得唔好, 同埋果隻雪種好差. 如果原廠技師黎入就要1200. 咁我地有可能會搬屋, 就由佢啦.

到最近廳冷氣漏水, 搵62介紹既一間公司整, 正常應該通返條去水管就得.
點知呢間公司既人黎到, 又搵上次洗冷氣既人洗得唔乾淨, D污漬洗左出黎, 又唔清左佢, 搞到去水管塞左.
跟住佢又話裝水等去水既位又爛左 (果部冷氣有成10年), 仍話要整要整成1300. 我同C6都諗咁貴, 不如換部新既, 佢又話如果搵佢地買機(買返同一牌子)連安裝要成13000-14000. 咁算啦, 我同C6又唔知價, 諗住1300整左佢先, 就算而家唔整, 佢都有可能特登整爛佢, 因為真係唔知佢做左D咩. 跟住傾開又同佢講埋上次入雪種既事, 佢話幫我地檢查下部機, 唔收錢, 入到房, 好求其咁望2望咩都冇講, 又冇話有咩問題, 又冇話係咪真係需要換雪種, 就話換雪種要2500. 我C6即刻同佢講, 原廠都只係收1200. 果個人就好多原因藉口, 到最後話應該可以1500搞掂. 我地當然冇叫佢整啦.
呢個夏天, 整冷氣整左成3000-4000.

經過呢次之後, 屋企D電器, 我地只會搵返原廠整, 雖然貴D, 好過俾人扼時, 仲貴.