母乳餵哺 今日: 0 | 主題: 85706

積分: 6675

1^#

發表於 12-9-29 20:23 |只看該作者 |倒序瀏覽 |打印

今日係隔離版見到有個Post講點樣調整BB有規律地飲奶。有個媽媽分享左佢嘅經驗。原本想請教佢，但睇埋落去，原來係餵奶粉，咁諗住人奶同奶粉唔同，就冇再問。跟住再睇落去，有個媽媽話BB飲奶粉，可以令BB生活有規律，去黃快，便便好，仲話佢餵咗半人奶一個月，唔覺得人奶有咩好，反而奶粉好好。我自認並非人奶狂熱份子，一直尊重奶粉媽媽，認為每個人有選擇的權利。但見到奶粉媽媽攻擊及否定人奶的好，實在非常心痛，人奶媽的路並不易行，一步一艱辛，一滴一心血，都係因為人奶媽堅信要給寶寶最好，原來我地嘅堅持在奶粉媽眼中只是自己攞苦來辛。我並非攻擊奶粉媽，我初初未上奶都有補奶，最辛苦嘅時候，亦無數次諗過餵奶粉算啦，但每次上來睇下，呻下，見到好多媽媽都在堅持，所以自己同自己講最辛苦嘅時候再堅持下就得啦。希望奶粉媽媽唔好再因為餵粉而否定人奶的好同人奶媽的堅持與努力。

0 0 0

私人傳訊回覆引用

糖糖靚媽媽

積分: 3186

2^#

發表於 12-9-29 20:49 |只看該作者

回覆：關於母乳，有些感慨

始終奶粉媽只可以係文字上睇到人奶有咩好無親身感受過。朋友個仔係婆婆揍，經常同兩個表姐表哥一齊玩。表姐表哥食奶粉的，經常感冒，但佢仔仔成日同佢地齊玩都無被傳染，我朋友立即見到個分別，覺得咁辛苦都係值得。

私人傳訊回覆引用

gloriachan1015

積分: 1259

3^#

發表於 12-9-29 22:17 |只看該作者

本帖最後由 gloriachan1015 於 12-9-29 22:17 編輯

糖糖靚媽媽發表於 12-9-29 20:49
始終奶粉媽只可以係文字上睇到人奶有咩好無親身感受過。朋友個仔係婆婆揍，經常同兩個表姐表哥一齊玩。表姐 ...

私人傳訊回覆引用

kyobi

伯爵府

積分: 15667

4^#

發表於 12-9-29 22:26 |只看該作者

回覆：關於母乳，有些感慨

但係有幾個粉媽大大聲聲講話佢地又細到大無乜病痛，反而食人奶既朋友／親戚成日病

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊回覆引用

黃二少奶

水晶宮

積分: 67254

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

5^#

發表於 12-9-29 22:42 |只看該作者

引用：始終奶粉媽只可以係文字上睇到人奶有咩好無

原帖由 糖糖靚媽媽 於 12-09-29 發表
始終奶粉媽只可以係文字上睇到人奶有咩好無親身感受過。朋友個仔係婆婆揍，經常同兩個表姐表哥一齊玩。表姐 ...

真係有分別嫁，我囡囡三個表姐，表哥係我99湊，我99話佢地好易病，最慘次次都搞成個月，睇醫生都睇窮，我囡囡係15個月先第一次大病，第一次發高燒，我99成日話鬼我姑仔連坐月都唔餵下人奶，搞到個囡抵抗力差

私人傳訊回覆引用

積分: 6675

6^#

發表於 12-9-29 22:42 |只看該作者

引用：但係有幾個粉媽大大聲聲講話佢地又細到大無

原帖由 kyobi 於 12-09-29 發表
但係有幾個粉媽大大聲聲講話佢地又細到大無乜病痛，反而食人奶既朋友／親戚成日病

...

但人奶的好難道單單只是在病與不病之間體現出來嗎？

私人傳訊回覆引用

肥貓主人

複式洋房

積分: 202

7^#

發表於 12-9-29 23:20 |只看該作者

回覆：關於母乳，有些感慨

我也不是人奶狂熱份子，現在仔仔8個月，都係半人奶半粉，我知道人奶的好處，所以堅持到現在，雖然產量未能全人奶，但我會抱住有幾多食幾多的心態，朋友親戚知道我仲有餵都比個叻我，仲記得，剛生左阿仔，在醫院同房一個媽媽可以理直氣壯地說佢唔會餵人奶架，因為佢一定戒唔到口亂食嘢，我當時覺得好奇怪，呢位媽媽似乎自私左d喎，而家我會覺得佢錯失左好多，包括同BB的親密關係，順帶一提，我仔仔8個月，touch wood 未有大問題，打針未發過燒，腸胃亦ok,最近只是我同佢互相傳染有少少鼻涕，我相信，人奶對BB抵抗力真係有幫助的，各位奶媽，繼續加油！

私人傳訊回覆引用

kyobi

伯爵府

積分: 15667

8^#

發表於 12-9-29 23:20 |只看該作者

引用：Quote:原帖由+kyobi+於+12-09-29+發表但係

原帖由 tityting 於 12-09-29 發表
但人奶的好難道單單只是在病與不病之間體現出來嗎？

有時我睇到呢啲post個心都唔舒服，但係唔想加把咀令到有心搞事既人有機可乘，亦想個post快啲沉，所以通常唔回應

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊回覆引用

積分: 6675

9^#

發表於 12-9-29 23:22 |只看該作者

引用：我也不是人奶狂熱份子，現在仔仔8個月，都

原帖由 肥貓主人 於 12-09-29 發表
我也不是人奶狂熱份子，現在仔仔8個月，都係半人奶半粉，我知道人奶的好處，所以堅持到現在，雖然產量未能 ...

人奶媽要互相鼓勵，加油

私人傳訊回覆引用

積分: 6675

10^#

發表於 12-9-29 23:22 |只看該作者

引用：Quote:原帖由+tityting+於+12-09-29+發表但

原帖由 kyobi 於 12-09-29 發表
有時我睇到呢啲post個心都唔舒服，但係唔想加把咀令到有心搞事既人有機可乘，亦想個post快啲沉，所以通常唔 ...

同感

私人傳訊回覆引用

hhpapa

別墅

積分: 906

11^#

發表於 12-9-29 23:33 |只看該作者

回覆 tityting 的帖子

BB出世3個月, 我C9(要返工)都有繼續泵同埋身, 一日大約1/2-2/3 係食人奶. BB有鼻敏感, 醫生都話盡量餵人奶會有幫助.

事實上, 我反而覺得呢到有D媽媽過份執著要餵人奶, 食一餐奶粉好似食毒藥咁. 又話見一罐掉一罐, 又話屋企人搞破壞. 同時認為餵唔到人奶嘅媽媽就係冇恆心, 對母乳冇認識等等... 其實佢哋有冇諒解一下嗰D媽媽可能真係有困難呢?

以下呢個Q&A係由母乳育嬰協會copy過嚟:
Q19. 如何增加奶量？

首先應盡早(產後1 小時內)開始餵哺。
因應多求多供的原則，讓嬰兒多吸吮。初生嬰兒於首數星期每天平均大約餵哺10 - 12 次。晚上也餵母乳，更能刺激母乳分泌。
因應嬰兒需要餵哺，嬰兒有覓食的動作便開始餵哺，無須等待嬰兒啼哭，不要規定時間表，也不應計時。(可參考Q8)
正確的餵奶姿態。(可參考Q18)
盡量兩邊乳房都餵，令乳房多些刺激。但必須在嬰兒停止吞奶時才可轉換另一邊乳房。(可參考Q9)
出生至4 - 6 星期也不要給嬰兒奶嘴(包括安撫奶嘴) 或以奶瓶餵哺。以免引起乳頭混亂的現象。
媽媽應爭取時間休息，特別是當嬰兒睡覺時，家務盡量安排工人或家人處理。
保持心境輕鬆愉快，不要過勞或緊張，因這會影響奶量的。
飲食要均衡及水份要足夠，以確保母乳的質量，及避免進食減少乳汁的食物。(可參考Q38 及Q39)

我想講, 如果一日要餵10-12次, 即約2小時就要餵一次, 我睇唔到有乜可能同時做到第7及8點. 好多時, 初生BB埋身一次都要30-45分鐘, 如果一D比較弱小嘅BB, 可能要更耐. 咁即係每次最多可以瞓1個鐘, 咁瞓法, 邊會有精神呀? 唔夠瞓心情點會輕鬆? 奶量唔夠又導致壓力大...

另外, 好多人屋企係冇工人, 陪月只可以日間幫手, 而C6亦要返工(大部分人都冇侍產假), 我覺得一日要餵10-12次係知易行難. 再者, 每個人嘅體質都唔一樣, 有D人會容易D有多D奶, 有D人會難D.

我讚同做到全奶媽真係了不起, 但做唔到並唔係冇恆心唔堅持囉, 而係好多時環境同個人因素限制.

私人傳訊回覆引用

lo_1010

積分: 2347

12^#

發表於 12-9-29 23:56 |只看該作者

回覆：關於母乳，有些感慨

關於樓上post 嘅pt. 7 ，令我諗起我阿姨，我媽話我知，我姨以前都係餵人奶，我阿姨係啲一大家庭一齊住，佢要幫手做好多家務，而餵人奶期間係佢唯一唔須要幫手嘅日子。要餵人奶確實係要有取捨，唔可能做鐵人，咩都要做，咩都做到最好，如果媽媽決心餵人奶，屋企人嘅支持係好重要，希望佢哋家人明白，媽媽真正須要嘅係鼓勵同一雙幫手做家務嘅手。

私人傳訊回覆引用

perseuspan

積分: 1249

13^#

發表於 12-9-30 00:06 |只看該作者

回覆：關於母乳，有些感慨

我都係人奶媽媽,餵咗十一個月.當中都係靠一個信念(想俾最好的BB).我認為人奶才是BB第一選擇,既天然又有抗體.成曰聽到新聞一時話某某牌子有問題,一時話研究指出飲奶粉的BB大個時會易肥胖.作為父母聽到都心寒,況且今曰話某某奶粉對BB好,但可能十幾年後至話有問題.到時後悔都冇用.支持人媽媽,大家努力呀.

私人傳訊回覆引用

VickyCY

積分: 8526

14^#

發表於 12-9-30 00:18 |只看該作者

回覆：hhpapa 的帖子

所以家人的幫助好重要。我剛開始都做唔到全人奶，頭一個月差不多係半奶粉，朝早bb食得密，埋身餵，差不多無得瞓。呢個指引我覺得係俾人奶媽媽的另一半睇，提醒你們要讓人奶媽媽多些時間休息，可以幫忙的家務就幫忙，多照顧人奶媽媽的需要，得閒同老婆傾下心事，等佢地可以放鬆些心情。

呢區媽媽個個都辛苦過，知道如果唔俾多些決心，只會越來越少奶，所以先叫想餵人奶的媽媽掉左罐粉。

私人傳訊回覆引用

xavier327

積分: 5099

15^#

發表於 12-9-30 00:22 |只看該作者

回覆：tityting 的帖子

我都做咗6個月人奶媽媽，我都有好無奈既時候，每一次有人問我你個B食咩奶粉架？我話食人奶囉。好多人會用好奇怪既神情望住你，話點解唔餵奶粉呀？奶粉好好呀，便便又靚，又多DHA，又唔洗咁辛苦......。我答佢地話自己有奶仲咩要食罐頭呀，做媽媽只係想俾最好既野俾BB啫有錯咩？我個人唔返對餵奶粉但都唔好歧視人奶媽囉！

私人傳訊回覆引用

goosema

翡翠宮

積分: 92484

畀面勳章 BK猜猜猜慶中秋 BK Milk勳章

16^#

發表於 12-9-30 00:24 |只看該作者

引用：回覆+tityting+的帖子 BB出世3個月,+我C9(

原帖由 hhpapa 於 12-09-29 發表
回覆 tityting 的帖子

BB出世3個月, 我C9(要返工)都有繼續泵同埋身, 一日大約1/2-2/3 係食人奶. BB有鼻敏 ...

絕對同意！雖然我自己係全人奶媽（阿女已經26個月大）但我覺得餵到人奶既媽媽已經係好叻！太執着人奶同奶粉之間既差別會令自己好辛苦！我好好彩有家姐有經驗可以教我，又有媽媽fully support！所以我既成功唔只係我一個，如果無屋企人協助真係好難成功全人奶！奶媽們加油呀~

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊回覆引用

^GGmami^

子爵府

積分: 14749

17^#

發表於 12-9-30 00:40 |只看該作者

引用：但係有幾個粉媽大大聲聲講話佢地又細到大無

原帖由 kyobi 於 12-09-29 發表
但係有幾個粉媽大大聲聲講話佢地又細到大無乜病痛，反而食人奶既朋友／親戚成日病

...

咁可能如果果個b唔食人奶，仲病得勁d呢！就係飲咗人奶先至病少咗！唔洗理果d人講乜，如果佢明就餵咗人奶啦！唔好咁嬲

私人傳訊回覆引用

sunplay

複式洋房

積分: 436

18^#

發表於 12-9-30 00:41 |只看該作者

引用：Quote:原帖由+kyobi+於+12-09-29+發表但係

原帖由 tityting 於 12-09-29 發表
但人奶的好難道單單只是在病與不病之間體現出來嗎？

說得好，人奶不是薬，吃人奶的BB也會傷風感冒。我fd知我B病了，一句「人奶B都病，咁渣架！」我沒話好說。

吃人奶奶的好處要餵過，努力過的媽媽才能體會，要知道有乜好處去google 下，去母乳學會睇下就知。吃奶粉也好，人奶也好，大家都想BB健康成長。

私人傳訊回覆引用

積分: 6675

19^#

發表於 12-9-30 00:56 |只看該作者

引用：回覆+tityting+的帖子 BB出世3個月,+我C9(

原帖由 hhpapa 於 12-09-29 發表
回覆 tityting 的帖子

BB出世3個月, 我C9(要返工)都有繼續泵同埋身, 一日大約1/2-2/3 係食人奶. BB有鼻敏 ...

我並不反對奶粉，也明白每個媽媽都有選擇奶粉或人奶的理由（但我堅信每個人奶媽都會夠奶，未夠的也許是心理因素或方法唔啱，不必強求），但因為選擇了人奶呢條難行嘅路，唔想見到奶粉媽貶低我們的付出。

私人傳訊回覆引用

amypunwm