自由講場今日: 35|主題: 1350173

收藏本版

發帖

返回列表

跳至頁

查看: 2055 | 回覆: 35

好朋友比鬼纏* 02慎入* [複製鏈接]

Miss_S

大宅

積分: 3177

1^#

發表於 13-8-26 19:43 |只看該作者 |倒序瀏覽 |打印

最近我有個好close嘅朋友(簡稱W)失戀，由於我住外國，所以呢幾月佢經常喺whatsapp同我訴苦，言談間得知佢比嘢搞。話說佢未同佢前男朋友（下稱ex)分開之前，一直住喺呢個ex屋企，佢ex係外國人，幾個月前ex嘅媽媽同妹妹飛左去香港探佢地。本來相安無事，直至ex媽媽同妹妹走左之後，怪事就開始發生，例如佢隻狗會經常無端端對住空氣吠，佢沖完涼返房見到D櫃桶打開晒，W起初完全無諗過係02野作怪，一直都不以為意，直至有一晚，佢自己一個人同隻狗喺屋企睇電視，當晚明珠台播緊母親節特備節目，電視裏面個外國女人用英文講話,\'雖然我囡囡已經成30歲人，但喺我心目中我仍然當佢係個baby, 我會永遠愛佢！同一時間，我朋友突然聽到一把男人聲喺佢耳邊大笑用英文話，\' pffffttt..... Oh yeah! Right!!! \' W當堂呆左，而W隻狗就跑去對住牆角猛吠！W定一定神之後即刻抱隻狗走，喺街度等到佢前男友放工先敢一齊返屋企。W同佢ex講有件咁嘅事發生,但個ex唔信(可能佢個ex係外國人唔信呢D野，因為我同我隻外國鬼C6講佢都唔信，仲話我個friend W 思覺失調），W雖然係香港人但鬼妹仔性格，所以佢都自我安慰，同自己講係自己幻覺，但佢亦盡量唔自己一個人留喺ex屋企。自始之後，無論喺街或自己一個人嘅時候，W都會經常聽到同一個旋律嘅口哨聲喺佢耳邊響起，有時同朋友出街食食下飯，朋友會不自覺吹口哨，甚至佢個ex都一樣，佢開始覺得唔對路，於是就同佢屋企人講，佢媽咪叫左一個師傅上去個ex屋企睇風水同擺左個陣(詳情唔太清楚，只係知師傅放左D野係窗同門口), 之後嗰幾日口哨聲少左，但間唔中W都會聽到，W諗住過一排就無事所以無理，之後佢就經常為左少少事同佢個ex鬧交，最後仲搞到分手，因為W失戀情緒好Down所以Whatsapp搵我傾計，言談間佢話我知佢比隻\'English speaking ghost\' 搞，我同佢講隻野一日喺你身邊都會影響你情緒，我仲覺得佢同ex一齊成2年，感情穩定仲去到談婚論嫁地步，無啦啦為左D小事分手，唔多唔少係隻 \'English speaking ghost\' 影響佢情緒搞出黎！所以我叫W快D去紙扎鋪\'查日腳\'睇下搞唔搞得掂。W第二日放工即刻去紙扎鋪，紙扎鋪個阿姐問W邊日開始比野搞,但W自己都唔知，只好同阿姐講太概母親節期間，個阿姐比左D衣紙叫佢返屋企向四角拜完化左D衣紙佢，W有向阿姐提及隻野講英文，但阿姐話無關係，照做就得。咁返到屋企（當時W已同ex分開，搬返父母屋企）W父母幫W手拜四角同化寶，之後幾日W無再聽到口哨聲，諗住搞掂，點知一星期唔夠，唔單只口哨聲出現返，W媽咪病到入醫院，阿妹喺屋企仲見到黑影，W雖然驚但嗰一刻佢無心情再理，一心只係諗點樣可以快D同個ex復合。如事者過左兩，三個星期（其實係最近幾日嘅事）,W媽咪個朋友知道唒成件事，就帶左W去龍母廟度求籤，W一踏入龍母廟嗰一刻，廟裏面即刻有三\'支\'燈熄左左（我唔肯定係咩燈, W只係話 3 lights turned off all at sudden) , 然後W就拜唒龍母，觀音，同所有太歲爺爺，之後求完籤去解籤，W無講D乜，但解籤阿姑一開口就話W比污洉野搞，隻野係千里迢迢過黎，鐘意咗W所以要W落去陪佢。之後阿姑求勝杯，龍母娘娘答應幫佢。阿姑比左好多嘢W去化同護身。原本當日個天好好太陽好光猛，點知W一俾錢,個天即刻落左半分鐘超大嘅雨，廟入面D人同W講話：「連個天都幫你」,之後W坐的士返屋企，架的士入面放滿哂佛牌佛象，唔知有冇關係，但W去完龍母廟感覺個人舒服左D，連額頭撻黑氣都淡左，不過W尋晚訓教成晚都聽到有野喺廳度行黎行去，我問佢係一隻定好多隻行黎行去，佢話一隻，唔知係咪隻English speaking ghost 唔肯走，佢今日話比佢媽咪聽，佢媽咪話屋企擺哂佛，果隻嘢應該入唔到黎，話可能係佢地嘅先人黎幫佢嘅。而W媽咪個朋友就話如果隻English speaking ghost 繼續唔肯走就要搵道教師傅收左佢。我同W好friend, 所以佢一直有同我updated佢嘅情況，我地平事用英文溝通，但因為怕隻English speaking ghost 睇得明所以而家用中文傾Whatsapp, 我好擔心W, 唔知仲有咩方法可以幫到佢，希望龍母娘娘可以幫到佢啦，我叫W去曬多D太陽吸收多D正能量。如果大家知道有冇咩方法可以幫W手的話麻煩請pm我！