美容扮靚今日: 14|主題: 137873

收藏本版

發帖

返回列表

跳至頁

查看: 10190 | 回覆: 211

消滅大肚腩,肥手臂,多年減肥心得分享.. [複製鏈接]

12 3 4 5...11

siuwan23

別墅

積分: 992

1^#

發表於 13-9-26 01:30 |只看該作者 |倒序瀏覽 |打印

我今年28歲,由14歲開始發奮減肥,因為細個根本唔知咩係肥,覺得肥又有咩所謂呢~可愛MA,所以小學的時候日日都食炸薯餅,牛油雞翼,等等的勁肥食品。中一的時候已經140磅,之後知道唔可以再咁落去啦,就食藥減肥囉,另到胃口細左所以成功減到120磅,但係隻肥大的手臂同大大的肚腩都仲係跟住我...
以下係我的減肥報告:

1.食過多種減肥藥,但都只係食個時咪瘦囉...最終有一次食泰國YANKXX的藥覺得心跳加速,又訓唔到覺,另到我開始怕怕,唔敢再食啦,但都已經攪到身體差晒,以前身體好好的,就係食減肥藥食得多,攪到經期唔準,胃痛,成日手凍腳凍!估計食藥多年的錢大約都有4-5萬..

2.做運動,跑步,高溫YOGA,跳繩,行樓梯都係啦~做個陣咪瘦囉...一唔做又肥番!錢就只係高溫YOGA做左2年跟過私人教練用左大約3萬左右,因為跑步,跳繩,行樓梯都係唔洗錢的**

3.去美容院做機,人手通淋巴,什麼RF,M6,爆脂機呀..一個星期去足4晚,間斷地做左3-4年,效果做完只覺得firm左,去左水"重"!脂肪就仲係度,2-3日就打回原形,錢就用左大約6萬..

4.睇營養C,跟佢的餐單食足3個月,都係跟個時咪減到磅囉~一唔跟咪回復原形囉!用左我大約2萬..
其實我真係為減肥負出過好多好多的金錢,時間同努力..但係年紀越大就越難減..

我係上年的8月決定做激光抽脂的手術,我本身個肚腩35.5吋,右臂12吋~左臂11.5吋
經朋友介紹去見醫生,一入到房醫生問我想做咩位置,我就話左比佢知肚腩同手臂,佢就睇左我有幾多脂肪,講解做法,有咩要注意的事項等,最緊要既係佢同我講,做左的地方係唔會再生脂肪,如果我唔Keep遲D肥番只係會肥係其他地方...我聽到已經著晒火好想做,之後落埋訂BOOK時間一個星期到就可以去做...

我BOOK左中午12點,一去到姑娘幫我量度尺寸,換衫等...
換好衫,我就訓上手術床上等待開始手術,一開始醫生幫我做左肚腩先,分開2邊左右做...
打左麻醉藥先,因為醫生話只需局部麻醉所以我一直都係清醒,之後開始入左一支野入我的肚入面話要開左條路先,一路做都好細心問我痛唔痛,一痛要出聲話比佢知叫我唔好忍痛,突然覺得個醫生好細心..哈哈
之後先再用激光溶脂,激光溶的時候感覺熱熱地咁,係打溶左D脂肪呀~~好啦,之後再用部機抽番出黎,我見到D脂肪真係米黃色架,好似豬油膏咁...LEE D就係我的千年脂肪~~做晒2 Part姑娘就再幫我推番多餘的水出黎再清理傷口,包砂布等

做完晒之後姑娘再幫我量度肚腩得番33吋,右臂11吋~左臂10吋,醫生話要等D水同脂肪吸收左叫我得閒按摩下佢,等到大約3個月的效果係最好的~到左3個月的時候自己再度肚腩得番31.5吋,右臂10.5吋~左臂9.5吋!直到現在已經一年都無反彈,LEE一年我係無做過任何運動,只係飲食正常!所以本人覺得效果真係好好..當時做晒2Part 價錢大約4萬,我真心覺得好抵!因為之前我真係浪費左好多金錢同時間係一D無效的PRODUCTS上面啦。

建議有心要做激光抽脂的朋友，唔好到處比價錢，比到最後其實差唔到幾多錢。想要貪平到後來其實是自己吃虧了。做手術應該找個好的醫生而不是找好的價錢,更加不要到大陸做手術怕你們得不償失呢~

開心的分享,純屬本人意見!