兩個月時間好短咋喎，我以前有個朋友移民，佢話俾自己兩三年時間，起碼經歷多個一個春夏秋冬，咁樣就知道氣候是否適應到，而且未滿一年好難講得到果個地方係好定唔好，又睇你好唔好彩，遇著D咩嘢人，歧視度度都有，多元種族同文化反而比較冇一面倒，好似香港咁，你話冇歧視就呃人啦，只係咁啱華人佔大部份，對住老外，好多人一樣唔鍾意，印度人菲律賓人巴基斯坦人都睇唔起，覺得唔係守銀行門口菲傭就係打劫，但其實又點可能人人一樣？美國呢邊基本上係自由開放，以大圍睇係比較包容多元文化，歧視係犯法嘅，冇人咁笨將自己擺上枱，我地要學反而係要speak up，有人發表歧視言論要出聲，只要你問佢係咪即係歧視，十居其九收聲走頭。
你或者試下枰下回流同留美嘅優劣，比較邊一樣好D再決定，不過始終度度都會變，香港呢十年八年變化好多，未來會點變好難講，大前提係香港優勢已經冇咗，會唔會好似以前咁易搵工咁多機會？居住環境生活質素唔見得會比以前好，以前你份工壓力大，而家香港人工作生活嘅壓力大到就爆煲，單以讀書嚟講，喺香港做父母做小朋友係好難好辛苦，兩地比較，美國呢邊大嘅可能係單純D，但同時會獨立D，讀書壓力冇咁大，可以做番一個小朋友，有一個有玩樂時間嘅童年。
全職主婦喺香港喺美國都一樣，生活圈子窄，帶小朋友上吓playgroup去吓學前班等都識到其他家長，我而家有一班就係仔女學校同學家長朋友，又有仔女興趣班同學家長朋友，反而老公自己呢度朋友反而越來越少見，因為大家仔女年齡差好遠，開始話題都唔同。到你小朋友返學可以搵下part time做，到時就唔會覺得返香港係一個選擇架啦。
花旗太太生活在花旗國，留意時差，你問我未必即時答到。
我搬入黎之前都聽過呢度比人叫第二個chinatwown，但估唔到華人真係多到咁
希望遲啲好啲~行開library，我覺得cambridge果邊感覺好舒服，另外brookline好似都OK，遲啲BB返preschool，都諗緊留係quincy好定係去其他區好
發表於 
返回列表
