懷孕前後 今日: 0|主題: 330612

第一胎T18 positive 同最後翻盤成功分享,

希望可以令同樣情況了解過程同埋祝福場各位都可以翻盤成功.

我同我老公都踏入3中,算係岩岩踩入高齡Range.

在12Weeks 時去左做T21,13w話只係知道性別,其他都因為血液濃度不足,

出唔到結果,要14weeks再去抽血.

到左15Weeks, 診所打電話黎話出左結果
T13,T21都正常,無DNA缺失,

但係T18 就Positive,約時間叫我地去聽報告.

聽完之後心情直落谷地,上網check T18知道愛德華氏症係1個好嚴重既病,

一路睇一路哭,心情好似跌左落地獄咁.

去診所聽報告,等候既時間就好似等待行刑咁,心跳得好快,同埋覺得好辛苦.

到左見醫生,醫生簡單講下個報告, ,即刻俾左轉介信我地同埋建議我地去公立到抽羊水.

我係咁問:”個BB會唔會無事?個報告會唔會錯? 之前產檢都未咩跡象?”

醫生就安慰我地,話個

“結果未必100%準既;

有機會母體抽出黎既DNA同埋真實既BB DNA唔同;

報告唔係直接講成條DNA多左,而係mild increase in the amount of DAN from chromosome 18.

抽左羊水去診斷先”

我地因為公立同私家都有睇,睇完私家之後第2日就係見公立.

到左公立醫院同佢講左個報告,因為只係15周,醫院話17周先可以抽,因為宜家抽都未到培養到既DNA,

叫我地簽左睇左個同意書同注意事項先,之後約左17Weeks+4抽.

係等候抽羊水既日子,成日都係到諗係咪做錯左咩,係到怪自己,成日哭.

唔可以俾自己有一刻停,一直做野一直做野.

放工時,老公就係身邊一路陪住同埋安慰,搵劇/電影俾我睇.

訓先就陪我一齊祈禱希望BB無事.

係呢段時間,心情好唔穩定,成日哭又係到怪自己.

到左17w+4,抽羊水,醫生都有安慰我,話照超音波無早期跡象,唔似有T18問題.

開始抽時,成身係咁震,覺得好凍好凍.

醫生護士幫我關左冷氣再同我抽,好多謝佢地.

抽完之後,護士話3-7個工作天有結果,話如果有問題,醫院會打電話俾我,然後無事就等信件.

又係一個好辛苦既等待過程,每日都好驚醫院打過黎.

過左4個工作天,都未收到信同電話,好心急打去醫院,

醫院都係話叫等電話同信,唔會幫我去check.

每日都好緊張,好驚,唔知點算.

又係唔可以俾自己停落黎,會一直搵野令自己分心.

到左第6個工作天, 老公放工返黎好開人咁俾左封信我,話bb一切正常.

身上既壓力,緊張感同負面情緒好似氣球放氣咁,一直排哂出黎,如釋重負,喜極而泣,

又係咁係到哭.

希望唔好彩遇到相同情況既媽媽都可以翻盤成功.