我就黎無得做….奶媽啦!!
囡囡今日4個月啦，一直以黎都好想用全人奶去餵囡囡，由於奶量唔多，開始時仍要先人奶後補奶粉，囡囡食人奶或奶粉都食得好好，上得呢個forum多，慢慢可以做到全人奶約一個半月時間，由於無工作，全力埋身餵，(有時出街唔方便餵都會補支奶粉代替約1星期1支)。
最近開始無密奶，全無谷奶感覺，個胸淋淋咁，唔覺有奶，囡囡食食下會望下你，好似問你: 「媽媽無奶既 ?」佢又再試，到佢忍唔住就大大聲咁喊，我轉另一邊佢又重新食過，之後又會望下你，好似話你知: 「媽媽又無奶既 ?」佢又再試，到佢忍唔住又大聲咁喊。因為自己有時間埋身餵，我一直唔多泵奶，乳房係最好既存人奶既工具，所以呢2個禮拜補多左奶粉，1 日1支至2支。
有BK mami 叫飲多多湯同水，呢兩個禮拜我已經做到一啖飲一樽500ml既水，一日3-5樽，每晚湯水4大碗，每日1樽裝奶同埋 1大盒豆漿，仲有其他飲料，魚湯2日1 次，去廁廁都唔少呀，但奶量依然唔多囉!!! 夜晚飲完魚湯加1杯豆漿，唔餵奶唔泵奶谷到第2朝個胸就脤卜卜，餵完囡囡一餐之後就打回完形，試左呢兩個禮拜，都無信心可以餵飽個囡啦!!!真係好唔開心!!!! 囡囡啜奶既感覺好正喲!!!!
:-( :-( :-( :-( :-( :-( :-( :-( :-( :-( :-( :-(
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
