母乳餵哺

收藏本版
回覆 發帖
返回列表
跳至頁
千其唔好放棄埋身 (長氣)   [複製鏈接]

首頁
12345...20

尾頁
   139
草


伯爵府

積分: 18713

環保接龍勳章


1#
發表於 14-1-6 11:52 |只看該作者
<千其唔好放棄埋身> (幅圖打多左個'了'字... > <)

又係想寫好耐的topic, 希望幫到準媽媽, 初生bb因為食得好密, 媽媽未餵過又冇信心, 如果請的陪月都未餵過, 好容易走上左全泵呢條傻豬豬之路.

埋身同全泵, 起初全泵真係好似好d. 點解, 因為現代人乜都要有plan, 要把握一切, 再加上上一代好多都用奶粉餵, 唔識同誤解人奶, 所以會用奶粉的概念套落母乳餵哺, 根本兩者好唔同, 呢個point第時再講. 咁未餵過的陪月, 佢地餵開奶粉, 四個鐘一次, 每次幾多, 跟呢個formula bb實唔會餓親, 總之就方便佢地做野, 而你亦會覺得佢湊得好ok, 唔會係呢方面話佢, 所以好多時都見人話陪月會鼓勵佢地泵出o黎比bb食. 佢只係陪月, 陪一個月之麻, 完全唔會知你之後會陷入幾辛苦的局面. 全泵最大的好處就只係知道bb食幾多, 對於緊張型的媽媽同唔想有咩差遲比人話的陪月係好. 但係就帶左好多問題o黎, 大約有以下:

花時間:
就算你係ftm有工人, 餵同洗都唔洗自己都好, 埋身時mama可以餵bb同時親子, 但係你就只係對住個泵, 泵冇埋身咁刺激產奶, 正常的mama泵的次數仲要比埋身多先ok, 一日泵6次, 每次30分鐘, 你每日就少左180分鐘, 一星期21小時, 一個月90小時, 半年成22日, 如果以兩歲為目標, 真係唔識計. d人有時會話反正都返工, 索性全泵, 我就覺得返工更需要埋身, 而家成日講緊在職媽媽同小朋友相處要有'有質數時間', 而咁珍貴的時間竟然要用咁多去泵, 如果識埋身, 呢d時間絕對就真係有質數時間啦. 以上仲未計要洗要烚要餵的媽媽, 洗野真係好麻煩, 花幾多時間, 用呢d時間就算唔同bb玩, 打下candy crush relax 下, 奶都多d.

易塞難通:
泵較易塞, 因為冇咁清, 塞左又難通, 在職的我塞左真係好想即時返去埋多d身, 埋身之後一掃清的感覺非常良好. 塞左又痛又跌奶量又可能發燒人又忟, 連屋企人都易遭殃.

奶量難keep:
全泵追奶真係難, 除左泵密d我都諗唔到其他方法, 好多泵媽起初都好似好成功, 到六個月, 全泵媽同埋身媽的比例應該已經少左, 一歲就超明顯, 全泵可以維持到兩歲的真係好少, 個比例幅度超大. 埋身其實六個月之後真係易好多, bb隨住時間過, 大力左, 技巧好左, 同身體合拍左, 泵就永遠都一樣. 有時m呀, 病呀, 出trip之後少左, 埋身的話, 比佢食返密d, 變返feed on demand又追到, 泵就追極都差d咁.

超唔方便:
有時d post一問去街去旅行點呀, 埋身個答案都係好易, 就係用巾餵, 去足三幾個月都冇問題, 泵就麻煩好多, 要諗泵的地方, 儲備, 又要帶冰, 又要計邊餐點食, 其實泵奶真係麻煩過奶粉, 所以泵媽真係好偉大. 而家天寒地凍, 埋身抱住個小暖爐係被窩, 一邊親子一邊互相取暖. 泵就要走出去拎泵, 再凍冰冰咁痴埋個身度, 就算暱係被度泵, 泵完都要死死地氣走去仲要開雪櫃雪, 再洗泵同烚, 唔係一晚, 而係晚晚, 諗下都想喊.

水份功能消失:
泵奶冇左埋身自然設定的前後奶, 冇左當水飲的好處, 有時bb打egg, 又或者好似我細女咁, 腸胃6個月都未係好成熟, 飲水易嘔, 前奶當水真係好有用, 唔洗迫佢飲水, 水份都好足夠, 到腸胃成熟啦, 佢自然地好鍾意飲水, 因為冇被迫的不愉快經歷.

減低連繫:
其實埋身係bb同媽媽溝通的一種, 透過埋身, bb會比母體知道佢有咩需要, 身體就會造出抗體, 好神奇. 而透過bb需要的次數, 長短, 身體又要調節奶量, 有d餵一邊, 有d餵晒兩邊, 總之係每對母嬰的adjust. 我真係好想重申, mama同bb係partner, 而唔係純粹上下的關係, 我比你幾多就幾多, 你唔識, 唔好理. bb係母乳餵哺中的角色遠比我地想像的要重.

風險增加:
儲奶同熱奶都有風險, 我試過儲奶杯蓋唔實, 流到成裙都係, 8安冇左, 真係眼淚在心裡流, 間中都聽見話雪櫃門閂唔實呀, 奶袋爆左呀, 泵完唔記得放雪櫃等等, 浪費的真係用錢都補唔返, 發現o個刻個心真係走左咁, 情願自己係跌錢, 奶媽先明呢個感受. 仲有用玻璃又話痴抗體, 用膠又驚烚得多唔好, 暖奶又驚太熱殺死抗體, 半泵半埋身, 風險已經低一半.


所以, 就算mama真係好緊張, 起初一定要知道bb食幾多, 都唔好放棄埋身, 除非你只係想係咁二餵個零月就算, 想長遠餵, 埋身真係非常之重要, 唔可以話全泵係唔得, 只可以話條路辛苦好多之餘, 亦唔係bb最需要的, 用多d時間陪下bb仲好.

另外, 以上講的, 亦係反映我對泵媽的萬二分尊重, 知道有d因為各種問題, 埋唔到身都keep住全泵到自然離乳的, 全泵好辛苦, 面對好多問題, 真係要好堅持同好有毅力先可以, 我真心想比好多讚呢d媽媽.

我自己只係經歷過兩個月的全泵, 已經深明弊處, 我兩個b計餵左兩年幾, 如果係全泵, 我諗得真係放棄/ 被迫放棄左好耐, 亦冇好似而家咁enjoy. 我大女係兩個月先識得埋身的, 只要唔放棄就總有機會, bb滿月時健康院姑娘有睇過我餵, 佢話都係唔得啦, 唔洗試, 疊埋心水全泵, 不過我冇理, 冇放棄, 同第一個月一樣, 每日都試, 終於黃天不負有心人, 大女兩個月左右終於得左, 有機會可以再分享少少點練.

唔好意思, 太長啦, 最後好想講: 唔放棄就有機會, 全世界最好的泵係bb, 全世界最好的樽係mama, 天作之合o黎, 有得揀, 揀最好的比bb~

點評

夢雪雪媽    發表於 19-6-6 11:53
夢雪雪媽    發表於 19-6-6 11:52
TungC9    發表於 15-7-29 16:55
leaf2008    發表於 15-7-26 00:32
alisavolvo  Thank you!  發表於 14-6-22 10:51
lyanbing    發表於 14-6-20 23:00
Glad    發表於 14-6-20 18:19
BoBo1003    發表於 14-1-25 05:10
JASON1124    發表於 14-1-23 18:48
yuen_0803    發表於 14-1-20 17:18
Cutemom0808    發表於 14-1-16 17:42
mrstsang2010    發表於 14-1-13 03:09
OforOsaka  你講得好好，我頭一個星期，曾經比「好心人」勸我做泵媽，話咁樣人B都會舒服啲，不過我懶，唔想洗野泵野，所以試左一兩日都係轉返全埋身，到現在已經返工，除左返工冇得簡要泵奶，其餘時間都係全埋身。   發表於 14-1-10 00:04
私人傳訊回覆 引用

aathena


複式洋房

積分: 165


383#
發表於 19-4-29 13:11 |只看該作者
謝謝分享，一 D 都唔長氣
私人傳訊回覆 引用

harridolly


別墅

積分: 884


382#
發表於 19-4-26 15:00 |只看該作者
草 發表於 14-1-6 11:52
(幅圖打多左個'了'字... >

睇完好滾動，我個仔而家三個月鬆d， 一開始姑娘同陪月都覺得我埋唔到身架啦，你做泵媽啦，攪到我都無信心可以埋到，連彷母乳既奶咀都無畀仔用，大半個月前有日終於塞奶check哂好多方法都係話畀bb埋身啜最好，硬住頭皮再試，卒之最後阿仔成功埋到之餘，仲終於畀佢啜到咁奶可以全日餵人奶，我少咗勁多洗奶樽洗泵既時間，餵奶時又可以有時間睇吓其他野/同仔傾吓計，又無哂沖奶又驚太熱會辣親佢，暖返人奶又驚過熱會殺死營養既果d壓力，仲有一日泵唔夠次數又自責係咪我太懶了，但點解我已經無乜瞓都仲係唔夠時間既內疚感⋯ 埋身餵真係好方便⋯ 我成功全人果日真係好感動⋯
私人傳訊回覆 引用

christypcyip


複式洋房

積分: 399


381#
發表於 19-4-18 03:54 |只看該作者
後悔遲左睇你篇文
而加bb一星期大, 做緊泵媽, 一泵完奶奶就搶左黎餵
個下覺得自己飲造奶機器, 好怕bb之後會唔痴我
夜晚個幾餐 奶奶餵完奶 直頭自己同埋bb訓
真係好怕有日bb跟奶奶多過我
本身出院後, 試過埋身 佢唔肯啜, 奶奶又逼我係廳餵人奶, 搞到出院頭兩日勁大壓力

今日試左埋身 bb都肯啜幾下,希望有一日可以全埋身啦
bb肯啜個下 種感覺好奇妙 好親近

私人傳訊回覆 引用

JASPERMOM


別墅

積分: 596


380#
發表於 19-3-21 08:58 |只看該作者
回覆 MyloveMyBB 的帖子

只要過左兩個月，你就會感受到埋身餵的美好！出街一條餵奶巾攪掂！
如果你要帶枝人奶出街餵，又要凍種，又要熱水，有時又要返屋企泵，好麻煩ga！
私人傳訊回覆 引用

hkmm888


複式洋房

積分: 430


379#
發表於 19-3-20 16:05 |只看該作者

回覆樓主:

有感而發，我小朋友已經讀小學，當年我埋身全人奶餵阿囡到二十幾個月，甘多年嚟，托賴阿囡身體都幾好，甘大個囡都只係試過2~3次高燒，感冒吾使食藥都自己好返。慨嘆身邊好友，冇一個成功餵全母乳，覺得好可惜，佢地都係因為怕bb食吾飽，泵出嚟餵，然後就要補奶粉，好快就失敗了。
私人傳訊回覆 引用

belle123


複式洋房

積分: 441


378#
發表於 19-3-20 15:18 |只看該作者
回覆 草 的帖子

可惜我之前無睇咁多資訊, 無睇你這篇文. 現在係全泵, 真係少咗好多親子時間. 已泵快要 16 個月了!
試過埋身, 被B咬, 佢已經唔識埋身食了. :(
私人傳訊回覆 引用

ballee


複式洋房

積分: 241


377#
發表於 18-9-27 15:06 |只看該作者

回覆樓主:

個泵裝得啱唔啱？感唔感受到個泵有吸啜力？
私人傳訊回覆 引用

klyilok


大宅

積分: 3363


376#
發表於 18-9-23 09:29 |只看該作者

回覆樓主:

請教一下，有試過用電汞，但半個中得10ml都無，但淨手擠15分鐘都有2安？我係用吾到汞定咩原因？因為手擠好攰同手指痛，應該可以點？謝謝各位
私人傳訊回覆 引用

ballee


複式洋房

積分: 241


375#
發表於 18-9-18 21:26 |只看該作者

回覆樓主:

好有價值的分享。多謝草。
我會繼續堅持身餵依條路。
私人傳訊回覆 引用

Hailey0616


複式洋房

積分: 144


374#
發表於 18-9-10 17:11 |只看該作者
你好呀，草。
我BB半個月大，因為一開始黃導致佢太攰唔肯埋身啜，就算肯都啜得好差同好抗拒，咁為左佢既健康著想，我就泵出黎用樽餵，而家佢已經退晒黃同體重達標，我想試返埋身餵，可以點做？
我今日都試過埋身餵，佢半推半就咁食左每邊大概10分鐘，之後就唔啜就訓左，咁我見兩邊個胸仲實，就走去泵清佢，泵完大槪半小時，佢就喊同食手指，但我因為泵清左，所以冇奶比佢，最後唯有用之前泵落既奶比佢食，但下次我谷奶時，佢又未餓，咁點算好？
另外，有時會只啜一邊，然後就唔訓著，咁另一邊谷緊需唔需要泵？
私人傳訊回覆 引用

Glad


版主

積分: 16360

版主 好媽媽勳章 醒目開學勳章


373#
發表於 18-8-13 22:17 |只看該作者

回覆樓主:


草，非常感謝你熱誠分享！
各位母乳媽媽，加油！與你同路同行！
願 【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !
私人傳訊回覆 引用

covermama


複式洋房

積分: 201


372#
發表於 18-8-12 01:04 |只看該作者
草 發表於 14-1-6 11:52
(幅圖打多左個'了'字... >

agree
私人傳訊回覆 引用

momot128


複式洋房

積分: 155


371#
發表於 18-8-7 16:09 |只看該作者

回覆樓主

我bb而家兩星期大 一開始都可以每邊15分鐘 當中有訓過叫醒過 但最近一邊啜5-10分鐘就訓左 點整都唔醒 合實個咀訓到好林 想問有咩辦法可以整醒到佢繼續食
私人傳訊回覆 引用

boyancarmen


別墅

積分: 676


370#
發表於 18-8-7 14:14 |只看該作者
草 發表於 18-8-7 13:37
回覆 boyancarmen 的帖子

咀郁唔係指標, 一開始最好兩個半鐘至三個鐘咁餵, 佢唔叫都比佢食下, 咁佢慢慢會 ...

謝謝回覆同鼓勵，我再試下。
私人傳訊回覆 引用

草


伯爵府

積分: 18713

環保接龍勳章


369#
發表於 18-8-7 13:37 |只看該作者
回覆 boyancarmen 的帖子

咀郁唔係指標, 一開始最好兩個半鐘至三個鐘咁餵, 佢唔叫都比佢食下, 咁佢慢慢會調較到自己要嘅份量.
兩日好少, 睇你想餵幾耐, 我自己餵左三年幾, 由歲幾識行開始佢每朝都自己走入黎搵食, 有兩年我朝早連人都未醒就已經餵完奶, 用兩三個星期去換都抵到爆. 真係唔知慳左幾多錢同時間.
私人傳訊回覆 引用

boyancarmen


別墅

積分: 676


368#
發表於 18-8-7 12:58 |只看該作者

回覆樓主

草，睇完你既分享，我都即刻的起心肝想轉全埋身，但係試左2日又想放棄⋯
BB2個月多DD，之前每日6-8餐，夜晚3餐奶粉，其餘泵奶，每餐4-5安，有時食到6安，每次泵到2.5-3.8安，定時定候3-4個鐘喊肚餓，間唔中半夜挨到5個鐘先餓醒。
呢2日試埋身，好挫折，唔夠濕片補奶粉係預左，有時啜5分鐘就瞓，隔半個鐘又郁嘴仔，以為真係肚餓啦，點知又係啜5分鐘收工。
有時又挨5個鈡先叫餓，完全打亂曬個schedule。
有次認真啜左20分鐘（每邊10分鐘）再補奶粉，又飲到3安半奶粉，即刻覺得自己浪費左20分鐘，好灰。
諗住洗少啲泵同樽，但係感覺好似冇輕鬆到， 時間同份量都冇預算，仲要成日擔心唔夠濕片⋯唔知要挨幾耐先磨合到。
私人傳訊回覆 引用

felixsky


男爵府

積分: 9584


367#
發表於 18-8-4 22:18 |只看該作者

回覆樓主

我上奶上得慢，結果我仔慣左奶樽唔肯啜我，宜家我都努力緊tum佢埋身佢啜一兩啖就會爆喊我都驚我堅持唔到要做泵媽
私人傳訊回覆 引用

samanthayip124


大宅

積分: 3438


366#
發表於 18-7-31 11:53 |只看該作者
草 發表於 18-7-31 11:51
回覆 samanthayip124 的帖子

多D比佢試, 由首先要鼻尖對乳頭先, 比佢聞下先.

好的，我會繼續努力，謝謝妳。
私人傳訊回覆 引用

草


伯爵府

積分: 18713

環保接龍勳章


365#
發表於 18-7-31 11:51 |只看該作者
回覆 samanthayip124 的帖子

多D比佢試, 由首先要鼻尖對乳頭先, 比佢聞下先.
SPOON我用左一個月都改變唔到佢, 我個女差唔多兩個月先識埋身, 仲要係日日練, 不過佢會大個會有力左又會叻左, 所以我相信佢終有一日會識, 人會長大同有學習能力的.

呢個係我的經歷:
https://www.facebook.com/grasscottage/photos/a.158788774249617.31341.140312532763908/524271327701358/?type=3&theater
私人傳訊回覆 引用


首頁
12345...20

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見