母乳餵哺 今日: 0 | 主題: 85707

積分: 40343

好媽媽勳章醒目開學勳章陪月勳章

1^#

發表於 07-9-15 09:03 |只看該作者 |正序瀏覽 |打印

而家個肚7個半月了(第一胎), 一有左就上黎bk睇各位sisters的sharing, 知道餵人奶對bb好(又可keep fit呢), 真係好想餵全人奶最少6個月. 如健康狀況 / 出奶唔係咁理想都希望可以餵2-3個月.

但發覺有好多解決唔到的問題, 最主要係來自99度, 而我婆婆(我冇媽咪)對人奶的認識亦只係一般, 老公的態度算係支持, 但始終係男人有好多野佢都唔會感受到.

我的煩惱...希望各位可以幫下我...

其實之前已因坐月問題搞到我勁唔開心, 人都癲! 咁我去佢屋企坐月, 買張摺床比我訓响廳中間...老公聽到都話唔work, 咁點餵奶呀? 62會行出行入嘛...同埋冇張固定的床想休息多d都唔得, 佢咪極力"勸喻"99黎我屋企, 最後佢話會黎我度. 其實根本冇諗過我有餵人奶的需要.

至於餵人奶...99 同老公提過, 話expect我坐月時只餵人奶一個月, 之後(2nd month)餵返奶粉. 我一聽到即刻好唔開心, 好似得唔到支持, 同我的expectation(3-6個月)相差好遠.

老公話佢家姐都係餵一個月人奶咁大把, 因只想返工唔想湊bb, 咁99係佢媽咪當然配合到佢啦. 而99湊過幾個孫仔, 冇一個試過食人奶多過一個月, 唔知係佢意思定係個女/新抱唔想餵, 但肯定佢冇湊全人奶bb的經驗.

我相信99係唔識cup feed的, 亦唔會學, 就算識亦唔會做, 因嫌麻煩, 同埋佢o既心態係一定要bb肥, 大隻, 所以我估計佢一定會補奶粉(係老公個家姐同我講, 叫我買定奶樽, 我話點解呀我要餵人奶, 佢話餵人奶都要用奶樽 - 要補奶粉). 就算而家, 99都話要我食多d野, 要生個8磅或以上的bb才算合格, 我當然唔會理, 容乜易有妊娠糖尿等問題.

不過其實係咪cup feed我都唔係太介意. 大家唔好鬧我住...我承認自己冇信心埋身餵, 一來nipple比較sensitive, 二來成日好驚bb個咀仔(唔知點解). 但我十分希望可以全泵, 餵到幾多得幾多.

然而, 我相信呢個只會係一個白日夢. 6299知道人奶好又點, 餵唔飽嘛, 奀得滯唔大隻嘛, 會面黃嘛...實係反對多過支持. 99都唔知算唔算開通, 可以接受到唔少新野, 但stubborn起上來又只會堅持己見. 我對餵人奶並唔樂觀.

其實响湊bb的方式上, 我承認對佢的方式有d意見, 老公梗係信晒自己阿媽, 點會信我又冇經驗. 但有d野係應該隨住時代的轉變而改變, 唔可以一本天書睇到老.

仲有就係飲食問題, 唔知99真唔知, 定係冇乜避忌, 由有左到而家都肆無忌憚叫我食d唔係咁應該食o既野, 如榴槤, 山竹, 荔枝, 芒果, 鵝, 鴨, 無鱗魚, 又飲過勝瓜湯苦瓜湯等...總之唔濕毒唔涼都唔叫我食. 佢亦唔識 / 唔會整d幫助出奶的食品比我(e.g.魚湯)...唉...真係好冇信心做個好媽媽.

好似變左數99的不是...我冇咁o既意思, 其實我同99的關係都算唔錯, 只係一講到湊bb就出問題, 真係好擔心...

[ 本文章最後由方麗娟於 07-9-15 09:07 編輯 ]

0 0 0

私人傳訊回覆引用

睡公主~

積分: 552

28^#

發表於 07-9-16 18:11 |只看該作者

支持你啊~
當初餵母乳我都無諗住一定得
只係知道母乳好得就得唔得就算囉
但係估唔到可以餵到而家
已經係賺左架啦
所以你唔好俾咁大壓力自己
我媽媽都好支持餵母乳
因為佢睇好多書知道有咩好但係我奶奶就唔係
佢都叫我只係餵一個月
我話到時先算~~
我都無信心我一定夠奶俾bb
頭一個月我都有補奶粉(o係奶奶屋企坐月)
之後返左自己屋企
個人relax d 慢慢奶量重多左
就轉為全人奶啦
我覺得你係咪做全人奶媽媽唔重要
最緊要你肯餵人奶已經走出左第一步
bb食人奶都肥肥白白 99一定無野講

至於損呢個問題
頭一個星期一定會損
第二個星期會開始好
之後好返晒就唔會再損架啦
只係咁短既時間捱過佢吧
加油啊!
第日個bb淨係痴你唔痴99 個心都唔知幾開心哈哈

7月12日出世3.19kg 滿月4.86kg 兩個月5.5kg 四個月6.6kg

私人傳訊回覆引用

TFMOM

積分: 654

27^#

發表於 07-9-16 15:54 |只看該作者

(第二部份)

你好地地做媽咪喂奶咁簡單又話怕這怕那要全泵. 你參考有關全泵的一些意見和經驗, 再決定是否選擇全泵.

記住, 不要自己為自己添麻煩.

媽媽: 非不得意, 請勿全泵
http://forum.baby-kingdom.com/viewthread.php?tid=1095148&extra=page%3D10

媽媽: 你未必需要奶泵
http://forum.baby-kingdom.com/viewthread.php?tid=1085878&extra=page%3D15

原文章由 TFMOM 於 07-9-16 15:53 發表

由頭到尾看過你的描述和其它媽媽的回應. 你的確面對不少問題. 如果可以安排專業輔導,對你會有幫助. 見你有意自己照顧bb, 想給你少少意見.

我是全職媽咪, 兩個仔現在讀中學, 我非常鼓勵媽咪自己帶bb, 單是喂母乳 ...

[ 本文章最後由 TFMOM 於 07-9-16 15:58 編輯 ]

My mission in life is to promote, protect and support breastfeeding.

希望每位媽媽都可以享受喂奶的樂趣! 每位bb都可以在媽媽懷裡享用媽媽的奶奶和感受媽媽的愛!

更多母乳資訊或哺乳支援
http://www.breastfeeding.org.hk/

私人傳訊回覆引用

TFMOM

積分: 654

26^#

發表於 07-9-16 15:53 |只看該作者

由頭到尾看過你的描述和其它媽媽的回應. 你的確面對不少問題. 如果可以安排專業輔導,對你會有幫助. 見你有意自己照顧bb, 想給你少少意見.

我是全職媽咪, 兩個仔現在讀中學, 我非常鼓勵媽咪自己帶bb, 單是喂母乳就解決了不少問題, 原本照顧bb就是媽咪本身的責任, 假手於人(親人或工人)好多時都是環境不許可, 叫做無辨法, 但效果是否理想各位媽媽比較清楚. 所以我也不會push媽咪, 免至大家有壓力.

如果你有能力並希望自己照顧bb的, 你好好跟丈夫商量. 媽咪自己照顧bb對bb的心智發育都有正面影響. 其實你可以到圖書館多找此類書籍與先生分享. 因為, 有時自己怎樣說, 也不及’專家’說.

我本人就認為找奶奶陪月, 90%傷感情. 因為奶奶跟媳婦的相處是這個世界上最覆雜的問題. 現在奶奶肯到你家都算有誠意. 如果真是說不通先生, 你就順其自然, 試試先講.
你先生可能不明白要照顧你和一個初生bb的功夫, 和他的媽媽年紀大未必可以處理繁重的家務. 總之, 大家過往不住在一起, 未相處過, 真是大挑戰!

家務助理或外傭的資料你可以先找定(不一定要告訴先生), 有需要時打個電話總好過到時再找. 說不定到時是你先生第一個說要找個人回家幫手呢!

另外, 你可多找些母乳或育嬰的書和資料放在家中, 一有空就同先生討論, 父母必須同樣堅持母乳育嬰 , 成功的機會才會大.

你没有多經驗, 有擔憂也難免, 但你想想自己就來做媽媽了, 多幸福. 想想開心的事情 (對了, 希望你為人寛容些, 這個世界不要期望別人如何關心你, 首先問問自己有没有關心別人. 弟婦小產很不幸, 你懷孕順順利利應覺得幸運和盡量體諒人. 奶奶知你不願到她家, 起碼答應來你處, 可說是關心和就你了. 記住, 不要小氣. 多站在別人的角度. 否則家庭不和睦, 小問題也會變大件事. 不好意思, 好似教訓你, 但都是希望你好.)

咕嚕#17說得很好.
(第一部份)

原文章由 方麗娟 於 07-9-16 13:20 發表
靖嵐,

我到時會買定羊脂膏旁身的! 加埋塗人奶, 雙管齊下, 點都好過乜都冇準備吧!

講開家務助理...唉...又係唔比請! 你話我老公係咪好stubborn呢? 佢話唔想搵外人, 咁我話淨係做家務(清潔)啦, 幫輕下都好, 都唔制, ...

私人傳訊回覆引用

積分: 40343

好媽媽勳章醒目開學勳章陪月勳章

25^#

發表於 07-9-16 13:20 |只看該作者

靖嵐,

我到時會買定羊脂膏旁身的! 加埋塗人奶, 雙管齊下, 點都好過乜都冇準備吧!

講開家務助理...唉...又係唔比請! 你話我老公係咪好stubborn呢? 佢話唔想搵外人, 咁我話淨係做家務(清潔)啦, 幫輕下都好, 都唔制, 比佢激死.

我話咁第日如果阿b交比99湊, 不如請個工人(鐘點or外傭)幫輕99, 佢湊bb好辛苦! 老公都話唔好...唉...算啦...

不過頭先傾完, 既然佢堅持99全權負責, 唔怕辛苦咪由得佢, 只係餵人奶上我有我的立場, 好怕講出黎99唔接受我呢套(多數都唔會接受, 只係睇下我到時有幾硬頸

)

私人傳訊回覆引用

積分: 40343

好媽媽勳章醒目開學勳章陪月勳章

24^#

發表於 07-9-16 13:12 |只看該作者

原文章由靖嵐於 07-9-16 12:33 發表
唔記得講, 有d羊脂膏係可以塗上nipple度, 我個人覺得效果快過塗人奶.... 仲有唔一定要飲魚湯, 飲多d水都會多d奶...
唔請陪月可以考慮o下請家務助理, 我個家務助理都係一個星期黎兩三次, 幫我買哂送煲埋湯, 有時會買 ...

聽到你咁講我個心都up埋...你囡囡一個小b要訓箱又食唔到人奶...不過唔緊要, 而家健康就得啦!

我都知奶粉冇話唔好, 而家咁多選擇, 又有咁多添加營養, 衰d講句有錢買就有得食! 不過我見自己某些客觀環境都幾好, 例如: 可以home office, 自己arrange到時間, 淨係呢一點已經比好多媽媽好好! 雖然我係細細粒, 但身體又唔係話好差, 尤其有左bb之後更加好左, 由今年1月計劃要bb到而家9月中都未病過! 相信都係一份堅持, 為左小b唔可以咁易病^^

既然一路陀得幾好(touchwood一次都冇嘔過), 時間又可自己arrange, 點解我唔去為阿b做多d野呢?

頭先同老公好好傾過餵人奶問題, 同佢提過cup feed呢樣野, 佢唔知係乜, 聽完後都話好難接受, 好似好難咁...不過都唔緊要, 佢精神上係支持我餵人奶的, 仲support我埋身餵, 加上你地o既鼓勵, 同埋我今朝又想像下bb埋身食奶的情境

...我諗我都會為阿b著想而選擇埋身餵.

好啦, 呢個心理障礙暫時叫做衝破左先...同佢提過我對99的信心問題...其實我唔介意99點湊, 我相信佢一定會好好take care bb, 只係一談到人奶問題, 99根本冇湊全人奶bb的經驗, 亦主張快d食奶粉. 老公話不如試下認真同6299講我地想咁, 睇下佢可否接受和配合(全人奶, 如有需要用cup feed等). 至於煲湯就要麻煩我婆婆了.

今次老公的反應比我預期中好, 因之前提親佢都唔係幾認同我的說法(我都係learnt from internet和bk sisters之嘛). 佢耐心聽之餘, 仲會問野, 我都有讚佢

!

我以前直頭冇諗過生bb, 就算生都唔想餵人奶. 但到而家, 估唔到可以180度轉變, 乜野都係為個b出發, 我係為佢而活的! 所以真係好希望得到大家的支持和鼓勵, 黎呢度係想搵人support, 和問下點餵人奶等問題. 謝謝你地o既幫忙, 我會繼續努力.

私人傳訊回覆引用

積分: 40343

好媽媽勳章醒目開學勳章陪月勳章

23^#

發表於 07-9-16 12:50 |只看該作者

原文章由 Kirin_Lui 於 07-9-16 10:59 發表
方麗娟，um....你呢個心理障礙我就未聽過...你講既故事都未聽過...anyway..你要相信一樣野...人地遇到既問題未必會發生在你身上，同樣地...有可能你會遇到一d人地無既問題...所以...如果你想要輕鬆面對問題，足夠的researc ...

thanks! 我知道黎得呢度, 做人奶媽媽的路已經唔會孤單. 至少有咩問題, 就算唔得閒research, 只要一開口就問到人! 呢度d媽媽好helpful~
你個朋友真係好叻

佢一定好堅持才做得到. 我唔知埋身餵／用手擠／泵奶各樣野的感覺係點, 都係靠"道聽途說"別人的sharing. 但係感覺始終係自己o既, 人地覺得冇問題, 可能我覺得好大問題, 反之亦然. anyway只要搵到個合適自己的方法, 又能達到目標就最理想不過.

情緒問題...我諗我係有, 尤其係8月中談到"坐月問題"就開始好困擾, 雖然而家99已答應來我家(唔駛我過去訓廳咁慘), 但仍然有好多野要諗, 要打算...禮拜三會覆診, 或者會問下醫生我有冇需要睇下d情緒問題...不過好鬼貴呢~

多謝關心!

私人傳訊回覆引用

靖嵐

子爵府

積分: 11973

好媽媽勳章

22^#

發表於 07-9-16 12:33 |只看該作者

唔記得講, 有d羊脂膏係可以塗上nipple度, 我個人覺得效果快過塗人奶.... 仲有唔一定要飲魚湯, 飲多d水都會多d奶...
唔請陪月可以考慮o下請家務助理, 我個家務助理都係一個星期黎兩三次, 幫我買哂送煲埋湯, 有時會買定兩日, 佢會洗好切好哂, 有需要叫佢煮埋都得, 你蒸返熱食就得.... 又可以叫佢清潔地方.

[ 本文章最後由靖嵐於 07-9-16 12:39 編輯 ]

我想要9999呀...

私人傳訊回覆引用

靖嵐

子爵府

積分: 11973

好媽媽勳章

21^#

發表於 07-9-16 12:27 |只看該作者

我有兩個女, 大女已經六歲, 只食1個月人奶, 細女13日大, 暫時全人奶...
我可以話比你聽, 埋身餵係非常方便, 因為當年大女早產, 要訓箱, 係唔可以離開個箱, 咁一定要pump奶, 加上當年醫院未有依家咁 support 人奶, 所以我大女食人奶期間係用胃喉落及用奶樽餵, 就算出o左箱, 佢都唔識埋身食.....
初初我都好有信心可以餵大女到6個月, 雖然我係開刀o既, 但我第一日落床已經可以用手擠到4oz奶, 其實生之前我已經有漏奶... 之後每次pump 奶, 我都有成10oz以上, 夠送去醫院之餘, 我仲儲到成雪櫃都係奶.... 但... 但當大女出院返屋企後, 我每次只pump 到2oz, 由10oz多跌到2oz, 你諗o下我心情係點... 又要pump, 又要洗, 又要餵, 又要洗.... 仲要我女早產好易嘔奶要抱耐d先可以放落床, 真係人都癲, o個時我開始情緒唔穩定, 打個女, 結果一下就轉全奶粉, 個人先叫好d... 不過就係因為"多奶", 結果停餵1年半後竟然乳線炎, 個心又再唔好受, 覺得好"side"料, 對個女唔住... 後尾叫諗通o左, 其實食奶粉都唔係壞事, 我同老公都係食奶粉大....

講返依一胎, 暫時都好順利(touchwood), 係初初冇上胎咁上奶, 搞到bb冇小便, 醫院姑娘叫我補奶粉, 我唔肯, 跟住體重又跌埋, 姑娘再叫我補奶粉, 我死都唔肯, 因為我有信心(以前都有10oz喎), 結果, o係醫院有一晚, bb連續兩次食o左兩個鐘(共4個鐘), 兩次兩邊乳房都啜清啜到流哂血, 第二日我就上哂奶, bb有小便, 第二日體重仲開始升返d, 我簡直感覺到大自然o既奇妙力量, 一個餵開人奶o既姑娘都讚我夠堅持... 到出院再返健康院, 我女體重仲比出世跌o左1%, 健康院姑娘都幾緊張叫我餵密d, 但有時真係好難, bb整極都唔醒, 但好好彩, 三日後返健康院呀b又重到0.3kg, 黃都退埋, thx bb~
依家夜晚埋身餵夜奶, 真係好方便, 唔駛開奶, 唔駛pump, 唔駛洗, 累的話又可以訓o係度餵, 就算日頭, 屋企人, 朋友黎屋企, 我都照樣坐o係度餵, 除非朋友中有男士, 男性屋企人黎我都係照餵, 最多件衫遮多d.

真係希望你可以解開自己心結, 對自己有信心, 咁先可以說服其他人... 我有信心餵人奶, 但我都有買定奶樽奶煲, 因為我怕我有一日病o左唔餵得的話, bb唔可以冇得食, 如果真係一路咁順利一路可以餵到大, 已經比o個幾百蚊賺得多, 送比人都開心過人~

我想要9999呀...

私人傳訊回覆引用

Kirin_Lui

男爵府

積分: 5134

20^#

發表於 07-9-16 10:59 |只看該作者

方麗娟，um....你呢個心理障礙我就未聽過...你講既故事都未聽過...anyway..你要相信一樣野...人地遇到既問題未必會發生在你身上，同樣地...有可能你會遇到一d人地無既問題...所以...如果你想要輕鬆面對問題，足夠的research是很重要的(見你來這裡，你應該有兩手準備的)

我想分享一個朋友的經驗(可能佢會睇到呢個post，希望佢唔好介意我講佢)我真係好佩服佢(直頭當佢係我偶像)，佢今次係第二胎，大女無餵人奶，囝囝唔識埋身食，呢半年佢係做全擠媽咪(係全擠...唔係全泵)因為佢用泵nipple會損，所以就只好用手擠，囝囝有濕疹，佢自己食中藥和戒口戒得好清，等囝囝食左佢d奶可以好d...乳腺幼，出奶出得慢，又容易塞，佢係多奶媽咪，一唔擠/擠唔清就塞，食左回奶食物都無法退少d奶...所以佢好忙...又要返工又要擠奶..仲要抽時間陪兩個小朋友...雖然面對咁多難題，佢都可以解決，希望你知道人奶的艱難路上...你並不孤獨...

至於你老公同奶奶...如果照你所說的，你可以自己湊無問題(我指經濟上)我一定建議你自己湊...可以心平氣和同老公講...奶奶當初做媽咪時都一樣唔識...無人一出世就識湊仔...你已經有好好的準備...所以想自己湊....如果心平氣和唔得...大下佢lor...發下佢脾氣...大肚婆大晒的...(不過發脾氣俾老公睇下好啦...唔好激親自己呀)

另外我睇你reply...你最好搵d專業人士傾一下...因為你情緒容易因為其他人波動...咁對你同bb都唔好...

原文章由 方麗娟 於 07-9-16 09:13 發表
Kirin Lui,
“當你見到你bb在你身上找乳頭…”我就係克服唔到呢個心理障礙…唔想自己好似乳牛咁…可能之前聽妹妹講過佢同事的case, 佢生完bb未上奶(可能都好幾日掛), d姑娘(係阿嬸)企响佢背後幫佢揤奶, 佢即刻喊出黎 ...

私人傳訊回覆引用

積分: 40343

好媽媽勳章醒目開學勳章陪月勳章

19^#

發表於 07-9-16 09:13 |只看該作者

Kirin Lui,
“當你見到你bb在你身上找乳頭…”我就係克服唔到呢個心理障礙…唔想自己好似乳牛咁…可能之前聽妹妹講過佢同事的case, 佢生完bb未上奶(可能都好幾日掛), d姑娘(係阿嬸)企响佢背後幫佢揤奶, 佢即刻喊出黎, 覺得自己好似一隻乳牛, 冇晒自尊…返到屋企個nipple黑晒仲好唔舒服! 或多或少我受左呢個story影響吧…

yoyoslam,
多謝你的支持, 我未試過玩香薰, 有鼻敏感怕聞香味…不過如有需要我會搵你呀~ thanks!

gunsou, 納奧美,
唔知點解睇完你地兩個o既回應, 我真係有諗過埋身餵, 頂唔順至算(e.g.損左). 其實一路以來唔係想諗咁多, 但因為身邊有朋友同我講過, 餵人奶nipple會損…仲要用超級誇張高8度的語氣, 佢o既聲音同神態而家仲歷歷在目. 搞到我一聽到 “餵人奶”就自動諗起佢…真係好想洗腦!!

我知道餵完人奶後用返自己d奶水輕擦nipple呢個方法, 姑娘都講過奶水具有修復的功能.

anyway多謝你地, 我會重新、認真考慮, 睇下自己能否衝破此心理關口! 為左阿b希望我真係 “乜都得”啦^^

私人傳訊回覆引用

積分: 40343

好媽媽勳章醒目開學勳章陪月勳章

18^#

發表於 07-9-16 08:58 |只看該作者

好老實講, 我黎得呢度搵人傾, 真係想得到support, 如果唔係點會黎呢個版, 唔係預左比人鬧比人話我......

之前試過將自己的問題响產前產後同人講, 坐月和情緒問題會有人開解, 但餵人奶就冇乜人講. 終於發現呢個版, 真係以為發現新大陸咁好想搵呢度o既sisters幫下我...殊不知換來比人話我...:-( 我而家眼濕濕咁打呢個reply...

唔知你地有冇睇過我前幾次reply, 我係上左產前講座後, 對人奶的認識多過之前(之前係有好多誤解), 先夠膽黎呢度講. 唔係我無知, 唔通我真係想咁冇信心咩?

<要相信自己有奶>
如果我唔信自己, 點會話寧願泵到痛泵到爛(sorry講核突d, 當然唔會啦)都要泵. 但上talk時姑娘講過飲食方面可以做好多野去幫助出奶, 如飲木瓜魚湯, 食豆腐等. 但我99係唔會煲魚湯, 姑娘所講的食物list 99全部都唔會做. 我聽過坊間有咩"開奶茶", 唔知成效如何, 會再詳細了解. 如果work我會試, 但可以肯定只能偷偷摸摸地試, 因99唔識呢d野, 唔知會唔會以為我飲毒藥想毒死個仔(誇張左d~講笑, 不過由於佢唔知係乜所以真係會唔比我飲). 衰d講句, 咁我仲駛乜佢照顧呀?

只能偷偷地做一d為阿b好的事...你地諗下有幾痛苦? 我有d朋友/我妹成日同我講, "你至係媽咪呀! 自己話事啦" 如果可以講咁容易我就唔駛响度呻.

<飲人奶bb奀d>
我知, 姑娘有講. 我之前的留言係話, 好肯定6299會心痛個b點解奀d. 可能只有開頭係咁, 後來會大隻都唔定, 但老人家只係睇表面, 又要面子, 唔通滿月仲係細細隻呀? 邊有人體諒我的苦心?

我都唔明bb要咁大隻做乜, 99要我勁食, 要生個8磅以上的bb, 傻架, 當我係豬毑? 好大壓力. 我心目中一路只係想6.5-7磅幾, 收埋水都仲夠有凸, bb好快大我冇擔心過. 唔通我咁諗都唔啱? 係任性? 係無知? 99竟然對我有呢d無理要求, 佢生4個都係得2件8磅幾b啫, 其餘2個咪又係6-7磅. 佢得唔等於我得, 亦唔等於我要跟佢. 但佢唔係咁諗, 要指揮晒全世界人.

頭3個月bb唔好太肥, 否則到7歲時好容易過肥超重! 但我地呢d"新一代"媽咪識又點, 佢地識咩? 個個淨係話要肥肥肥, 到而家7個半月係咁叫我食, 想我糖尿定高血壓? 我直頭唔想見佢地, 唔識唔緊要, 聽下人講啦唔該! 我阿婆七十幾歲人唔識, 我解釋比佢聽, 佢幾唔明都好, 咪話"哦, 乜而家咁架?" 都好丫, 起碼唔係唔認同.

我覺得自己直頭被忽略, 咁多個月一滴湯水都冇, 我fd介紹我去鴻福堂買湯券, 自己搞掂! 第一次懷孕就有咁多不愉快經歷, 仲點敢要第二個???

<請陪月>
前一個月同d朋友傾開, 佢地都話我o既case最好請陪月. "99會同bb一齊瞓喎!!!" 我知有d人係得, 佢地好好彩. 但第一次做媽咪的我聽到真係超級驚! 比10個有9個人都話唔好. 第一時間同老公反映要請陪月, 我自己um荷苞啦~ 答案都係"no!" 比你地個老公只信阿媽唔信你, 你地有咩感受呢?

唔敢講請陪月(始終係陌生人)一定好過99, 但問題係, 我對99冇信心! 講左9萬幾次喊晒咁老公都唔比請, 又話點同6299交代呀, 佢d外甥都係比99湊呀, 又話會全家反目關係唔好...xyz佢講晒啦! 唔通我唔可以打破呢個宿命? 難聽d講句你阿媽年紀會大, 身體會差, 對上一次湊bb已經係4年前的事了. (佢湊過d細路, 都唔知係咪太早唔比食人奶, 個個抵抗力都好弱, 每個星期枕住病!)

所以我話自己係"肉隨砧板上", 任人擺佈, 肚都咁大就黎生得, 我仲可以走得去邊?

我唔係冇錢請陪月, 但會尊重老公, 全因佢係bb daddy. 我有話過唔請人咁我自己湊, 唔駛99陪坐月, 自己搞掂, 好多人冇99冇媽咪又冇錢請人都係咁啦...佢都唔信我得! 好孤獨, 點解有唔開心係唔可以同最親密的人講, 反而係上網同素未謀面的人講呢?

私人傳訊回覆引用

咕嚕

積分: 582

17^#

發表於 07-9-16 08:07 |只看該作者

真係火都黎,,,

見到你個post!!! 就算一陣要趕住去我表妹度做姊妹都係要打埋先.
你宜家有左7個月,, 要先自己執返個好既心情. 個b 都知你唔開心架.

我知你好想餵人奶,但應該先信自己會有奶先得.
我自己初初都驚自己冇奶. 咁之後真係冇乜,咁點??? 買左奶粉.因醫院話我個b收左水輕左7.5%,輕左d. 咁點. 咪唔硬頸.買左奶粉.
一日係日頭餵完佢就補1安捭佢law. 之後追返.好努力咁返健康院學餵人奶.因為我冇奶係我餵得唔好, 流哂血.

之後終於餵順左.就連奶粉都掉埋.. 同自己講,宜家技術上冇問題.
我得既... 之但係.我都唔係多奶既人.咁就係咁飲水.一邊餵一邊泵.
宜家. 返左工.都泵2次.之後就餵佢law.
個冰格都儲左好多冰奶.仲有多要掉.

你估真係咁多唔夠奶既奶媽?咁要睇下你自己夠唔夠決心同努力先好講..

99既問題.連你自己都冇信心.點同佢地揮??

你既問題,要靠人就要睇人面. 咁不如靠自己.同你老公講.唔駛佢幫.

私人傳訊回覆引用

Jojolaw99

大宅

積分: 2982

16^#

發表於 07-9-16 00:43 |只看該作者

方麗娟:
I cannot type Chinese so quickly. So I type in English. First of all, your worries will come true if you always think at the negative side. Why don't you think that you will hv too much milk ? I want to correct your wrong assumptions :
1) you will hv not enough milk - every mom should hv the enough amt. of milk for her baby. The key is to let him sucks and be relaxed. My exp. is I had too much milk and finally had to thrown away many bags of frozen milk !

2) BB drinks breast milk will become thin - my baby (1-yr old fully BF B) was born in M size. But from month 1 until month 6, he is always the 97 percentile baby, really FAT.

So, pls prepare yourself by getting more info. and read the sharings from this forum when you hv difficulties.

It's good that you plan to breast feed. When u hv a good start you are half success.

私人傳訊回覆引用

納奧美

大宅

積分: 1167

15^#

發表於 07-9-15 23:47 |只看該作者

方麗娟:

就算想泵出來餵但最初都最好要比bb多多啜.咁才會有多些奶的,而且有多些時間休息.

開頭有陪月好好多. 因為初初要餵得很密(日與夜)及較長時間, 不餵時自己要盡量爭取休息(不論日夜最好bb睡自己就洽一陣).

如果指明請陪月會較貴, 但有些家務助理是同時幫你揍bb和照顧你的.我當時就係請職工盟的家務助理但講明要揍初生及照顧我, 價錢都ok. 我在網上找了些坐月食譜及資料給她跟著做.

私人傳訊回覆引用

gunsou

大宅

積分: 3415

14^#

發表於 07-9-15 22:57 |只看該作者

方麗娟，

你想給bb母乳的心，很值得欣賞。

雖然bb在c+打針，但照可以返健康院見母乳姑娘同磅重，愈早返愈好。我最初兩個月係埋身餵，因一些原因，要全泵，但我想提醒你全泵比埋身餵更辛苦，如只係得你自己照顧bb係非常難，你想想當你泵奶時，你便不能分身照顧bb。

其實，陪月係我國很好的傳統，產後媽媽需要多休息去回復心情和體力，多休息對於做奶很重要，而且，有經驗的陪月懂得照顧餵母乳的媽媽。媽媽可以從中學到不少育嬰知識。

原文章由 方麗娟 於 07-9-15 19:58 發表
先多謝你地的留言和鼓勵. 本來我打左好大段"肺腑之言", 但因太耐未post出黎, 結果一click"發表回覆"就冇晒, 當我係guest, 好慘...乜都冇晒, 又唔記得晒自己打左d乜...大肚真係好冇用.

我揀响呢版度開topic和留言, ...

[ 本文章最後由 gunsou 於 07-9-16 00:13 編輯 ]

私人傳訊回覆引用

yoyoslam

男爵府

積分: 5081

13^#

發表於 07-9-15 22:50 |只看該作者

好想做全人奶媽媽, 但我相信得唔到家人支持...

原文章由 Cammy3007 於 07-9-15 12:28 發表
我以母乳+奶粉鍡哺已有4個几差不多五個月了.
家人一直都反對我餵母乳
身邊有很多聲音.....(大多來自99, 連妹妹都是).....bb常常吃, 是否不夠奶....食得這麼慢, 不要再給她吃了.....很快返工了, 吃奶粉吧......不要埋 ...

我都忍唔住要講吓嘢. 我99由知道我有咗到現在寶寶九個月都冇問過一句,佢自已餵三個仔女人奶,最細我老公才吃奶粉的. 但佢一直唔鐘意我,固此沒有問一句.但也沒有反對一句.

媽媽話那時上圍很痛,沒試過餵一下.唔知我做乜咁堅持要餵奶.又要番工,又問會唔會唔夠奶因個囡晚晚都唔知乜事就喊餐飽.就話啲奶唔夠,最可怕就是回健康院唔夠重.但又勁塞, 塞咗兩個月,頭一個月辛苦到發顛.因冇覺好瞓.為咗比老公瞓,自己走出廳餵夜奶, 一晚三次, c6仲還會講你早上可以瞓番.那時累到唔識得鬧佢.唔體諒和幫手.仲話我可以日間休息番.好sad n disappointed.

我都間中全人奶和加一至二餐奶粉至四個月之後到現在都是全人奶.中間好彩, 真係識到好多奶媽教路.出街時去商場餵奶間也會認識到前輩的,很多都好大方教路的,我到現在寶寶九個月都仲要問人的.比心機.

兩個月時請專業餵奶姑娘上門指教,都話我奶量唔夠的,及佢都好擔心我情緒. 可想而知情況幾差.

如太累,可以試吓搽香薰油,　好有幫助. 我之前好唔開心,搽咗之後,開心咗好多,因為放鬆咗.奶量都穩定番.如有查問，不妨pm我

[ 本文章最後由 yoyoslam 於 07-9-15 22:53 編輯 ]

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊回覆引用

Kirin_Lui

男爵府

積分: 5134

12^#

發表於 07-9-15 21:56 |只看該作者

方麗娟，你而家仲係孕媽媽，應該開心d，期待bb的來臨(什麼弟婦又小產又有左的事...你不要再操心了)

我餵了6個月全人奶，囝囝一粒奶粉都未食過，你問我有咩心得?我會覺得"信心"好重要，其實我有bb之前和開頭都無考慮過餵人奶...因為自己同妹妹(還有一齊長大的表弟妹)都係食奶粉大，竟然有bb食奶粉係理所當然的想法，直至來到bk做research，才知道人奶的好處，自此，我就覺得我要餵囝囝食人奶...我就係因為信心...所以沒有補奶粉...相信自己，初出世的bb胃仔好細...無咁多位...所以...俾佢啜就ok...我記得我在醫院時，ignore了姑娘給我的餵奶record...囝囝一喊就啜，瞓醒又啜...出院時已上奶，出世後第5日返醫院覆診時重量仲有增長(通常bb會收水，會輕少少)

奶樽奶煲我6個月時已買，因為我要返工，就算餵人奶都要泵出黎俾bb在我返工時食...

還有一件事...你話唔打算自己餵，做全泵...我想話你知，開頭的時候你唔會覺得有咩特別(因為bb都仲係一舊飯咁)去到5,6個月時...你就會發覺餵人奶係好過癮的一回事...點解過癮?當你見到你bb在你身上找乳頭...眼瞓/肚餓時一見到你就發癲邊個都唔要的時候...那種滿足感和快感是可以令daddy envy的

私人傳訊回覆引用