母乳餵哺 今日: 0 | 主題: 85708

積分: 901

1^#

發表於 07-10-8 17:44 |只看該作者 |正序瀏覽 |打印

我就快放棄了….幫幫我吧

我是個已經堅持了個半月的奶媽, 但很灰心, 若再因為以下的問題而解決不了的話, 我便要放棄了……
看到之前好多奶媽都可以在k上面得到支持, 我現在真的要求救呀! 希望我可以做到啦! 我連pump同冰袋同餵奶袍, 衫都買哂!!

小女子萬分感激!!!(真的不想放棄, 但上次在此留言得到的支持實在不多, 未足以解決我的問題呀!!)

我覺得好無助, 雖然cyntoby已經私人幫了我很多, 但我想得到更多支持, 可以嗎?

我個囡已經一個半月，　但係每天都要餵成８次，（因為我日頭最多比亞囡瞓三個半鐘，之後會叫醒佢餵奶）, 但暫時姑娘都話bb重得幾好!

其實我之前一路都聽姑娘教每次只餵一邊(我囡囡每次吃完之後我再擠她剛吃完那邊, 每次都還有奶, 即未吃清) 所以囡囡就在後段吃得勁慢!本來我都試過兩邊餵, 一邊約十五分鐘, 但又怕囡吃得前奶多會唔夠飽! 而且因為我試過因此而谷奶, 所以D姑娘就更加唔比我餵兩邊!! 就這樣, 現在每次囡囡都要吃成個鐘, 有幾次計埋掃風仲要成個半點添!!

而且最近每次掃風都要掃好耐，　有時吐一啖氣都唔得！試過吐三啖氣咁多，如果掃唔到啖氣，　佢會唔肯吃(仲會中途哭起來, 好忟憎, 之前唔會咁架!)，　所以每次都要餵成個鐘．．．
個心實哂, 辛苦完一輪都無d安慰同成功感!

就快放棄的我, 好想BK有經驗的媽媽回答我以下幾個問題:

Q1:日頭係唔係唔使叫醒佢起生餵奶? 小睡最多瞓幾耐?
Q2: 點解亞b吃人奶都咁多風? 定係佢有肚風呢?如果係, 可以點攪?

Q3: 究竟我應該餵一邊定兩邊, 每邊又要幾耐?
Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..

有沒有好的方法呢?

0 0 0

私人傳訊回覆引用

Venuscheng

子爵府

積分: 11275

28^#

發表於 07-10-18 12:37 |只看該作者

原文章由 appleCC 於 07-10-18 11:59 發表
rowenahui,
你現在餵人奶的情況如何?
需要否補奶粉?
我發覺我的bb愈來愈唔夠食,補的奶粉愈來愈多.
點算?

我的情況都差不多, 不過我照比bb啜下先補奶粉, 順其自然啦! 不可強求, 餵到就餵

私人傳訊回覆引用

appleCC

複式洋房

積分: 456

27^#

發表於 07-10-18 11:59 |只看該作者

rowenahui,
你現在餵人奶的情況如何?
需要否補奶粉?
我發覺我的bb愈來愈唔夠食,補的奶粉愈來愈多.
點算?

私人傳訊回覆引用

wawamama

積分: 2807

26^#

發表於 07-10-15 13:37 |只看該作者

我細仔BB一兩個月大時，大約4個鐘食一次奶。

我日頭冇跟固定時間表餵，但是每次都會餵到甩嘴為止。

夜晚我就 11:30 pm "抄"佢，然後餵到甩嘴 (約12:00啦)，咁4:00 am起身都唔算太痛苦啦。

我的細仔很快學曉分日夜。2-3個月大時已可以經常12:00 - 5:00都唔使起身。

我覺得每次要餵得飽，還有要等佢真正肚餓才餵。

加油加油！

laughin' to keep from cryin'

私人傳訊回覆引用

wong_cat

男爵府

積分: 8866

畀面勳章

25^#

發表於 07-10-14 11:29 |只看該作者

加油~唔好放棄呀!

以下為我小小經驗之談, 我係一個返工的媽咪
我都餵左"幾乎"(因為有時泵唔夠佢食, 但一般情況都係食人奶的)半年, 我亞b六個月大啦!

Q1:日頭係唔係唔使叫醒佢起生餵奶? 小睡最多瞓幾耐?
其實我一路都無理佢訓幾耐, 初初出世時佢成日都唔食奶, 我就好擔心, 不過之後佢慢慢就會肚餓就叫你
Q2: 點解亞b吃人奶都咁多風? 定係佢有肚風呢?如果係, 可以點攪?
d人成日話食人奶少d風, 不過其實我個b成日都放屁同"ur"氣(三個月後先"ur", 細個時都唔"ur"); 佢細個時我半夜三更餵奶, "合"住眼訓同佢掃風掃成半個鍾佢都唔"ur"...結果我都係放低佢訓...不過就心驚膽跳d囉, 因為驚佢"逐"到
Q3: 究竟我應該餵一邊定兩邊, 每邊又要幾耐?
我餵一邊, 另一邊就泵奶, 下一餐就食上一次泵奶那邊先
Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
佢咁細個夜晚訓到約五個鐘好好啦!好多bb到時六個月都要食夜奶. 其實佢肚餓你先俾佢食咪仲好!

Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..

如果餵一餐奶粉之後就會開始想餐餐餵啦~所以唔好開左個頭
同埋bb咁細個好多時都係好快叫肚餓, 佢每三個鍾算好好啦!

我在醫院的時候有個人奶媽仲慘!我估佢係有經驗的奶媽, 但佢隻b每個鐘都要食一次, 所以我住院那幾日無論我食飯, 半夜起身, 或睇電視, 有八成機會佢都餵緊bb, 所以我成日同自己講我真係好幸福架!起碼亞b唔會個個鍾都要食奶!

你都加油呀

私人傳訊回覆引用

積分: 901

24^#

發表於 07-10-13 17:35 |只看該作者

原文章由 jess0331 於 07-10-10 17:58 發表
is so good to hear from you that you are feeling better!!!!

hope you will continue to enjoy la!!!!

you may say you want to stop now but trust me when your bb doesnt need BF anymore you will nv h ...

希望如你所說啦!

但我份工算係大壓力的工, 而且自己一向是個"神經質"的人, 其實都好驚自己到時會唔夠奶!

仲有三個星期便開工的我, 可以教我如何儲stock得黎又唔會弄致"谷奶"嗎? 因為d熱線姑娘唔主張我現在就pump定, 可能因為我之前已試過兩次谷奶問題吧!

私人傳訊回覆引用

jess0331

積分: 1189

23^#

發表於 07-10-10 17:58 |只看該作者

is so good to hear from you that you are feeling better!!!!

hope you will continue to enjoy la!!!!

you may say you want to stop now but trust me when your bb doesnt need BF anymore you will nv hope that she stop haha

原文章由 rowenahui 於 07-10-10 17:53 發表
OK!!
i'm overcome my emotion la!!

try to pump out and control my feeding not more than 45 mins, so now is MuCH MUCH better!!

thanks your support!

私人傳訊回覆引用

積分: 901

22^#

發表於 07-10-10 17:53 |只看該作者

OK!!
i'm overcome my emotion la!!

try to pump out and control my feeding not more than 45 mins, so now is MuCH MUCH better!!

thanks your support!

私人傳訊回覆引用

ahmi

男爵府

積分: 8913

21^#

發表於 07-10-10 14:54 |只看該作者

我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅

個半月時就2.5個鐘, 夜晚都係4個鐘最多架啦...其實bb咁細個, 你比佢食得耐都唔會頂得耐, 因為個胃仔好細架喳, 加上人奶易消化, 你咁樣擾攘得黎會唔會已變成食兩餐的份量, 但中間卻令自己同bb都無得休息.不如順其自然佢唔食就掃風, 兩個一齊休息啦. 仲有人奶b未必有風掃到出黎, 食完比佢坐直一段時間, ok都可以放落床, 如太擔心可以比家人掃耐d或抱, 你自己休息下.

我個b當時都成日晚上唔肯訓, 諗住12點餵最後一餐, 但試過成半夜3點都仲搏鬥緊, 又食第二餐, 我估係bb仲未分到日同夜, 要等佢自己調節, 我從無比奶咀, 所以比唔到意見你.

私人傳訊回覆引用

積分: 4412

20^#

發表於 07-10-10 13:38 |只看該作者

我求祈響萬o 買pigeon的安撫奶咀0乍, 無乜研究呢~

原文章由 rowenahui 於 07-10-9 16:24 發表

我比nuk奶嘴佢食, 暫時都ok, 但係朋友送既ｐｏｏｈｐｏｏｈ按撫奶咀阿囡就唔肯含，唔知有冇邊隻　按撫奶嘴　可以介紹下呢？

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 901

19^#

發表於 07-10-9 16:24 |只看該作者

原文章由 李小B太太 於 07-10-9 15:48 發表
KAKKAKAK 小笨細時都會0架, 明明食到飽、飽到嘔, 都仲扮肚餓死要食! 結果俾條紗巾仔一角佢啜, 佢好快就訓著啦~~~:-P

3. 同埋, 如果你唔介意, 可以俾安撫奶咀佢食, 半夜好多時 BB 喊只係要安撫, 唔一定食奶。我返工之後媽咪或老公同女女訓, 唔0岩時間喊就用安撫奶咀 + 輕拍, 佢會訓返, 到夠時間 (如三四個鐘), 就抱入黎俾我埋身餵。

我比nuk奶嘴佢食, 暫時都ok, 但係朋友送既ｐｏｏｈｐｏｏｈ按撫奶咀阿囡就唔肯含，唔知有冇邊隻　按撫奶嘴　可以介紹下呢？

私人傳訊回覆引用

積分: 4412

18^#

發表於 07-10-9 15:48 |只看該作者

KAKKAKAK 小笨細時都會0架, 明明食到飽、飽到嘔, 都仲扮肚餓死要食! 結果俾條紗巾仔一角佢啜, 佢好快就訓著啦~~~:-P

原文章由 appleCC 於 07-10-9 13:42 發表
佢可以由早上8:00-下午2:00也不肯去睡.夜晚由6:00-10:00. 一放低落床仔就哭, 跟住就周圍寧,張晒口咁. 差不多一小時食一次. 差不多整個時段就做了餵機器. 都唔知係bb唔夠飽, 定係佢扭眼訓要啜.

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 4412

17^#

發表於 07-10-9 15:38 |只看該作者

啊啊呀呀, 你太「勤力」啦! 醫院姑娘教, 話一餐唔應該餵超過 30min, 因為太耐媽咪同 bb 都會好累0架, 所以果陣我一餐最多餵 45min就收工0架啦。

當然你見有0的媽咪無法, 一定餵好耐, 咁係因為佢地bb 唔肯甩咀, 一甩就喊一甩就喊, 所以先餵咁耐, 又或者訓著左叫唔醒, 攪黎攪去都唔肯食等等. 如果以你亞b 情況, 其實只要佢甩左咀唔發脾氣, 就可以「放過佢」, 如果真係唔放心, 最多掃多次風餵多次, 45min 左右就可以放佢休息, 你自己又抖下~

我頭先答漏左, 我都係每次只餵一邊, 咁可以越黎越多奶, 又無咁辛苦, 因為bb 大0的就可以訓響度餵, 每次餵一邊唔駛成日轉身, 可以順便訓覺~

同埋, bb 肚仔因為0的腸同消化系統未成熟, 所以雖然無吃奶樽 bb 吃到咁多氣入肚仔度, 但係bb 肚仔未身亦都會有好多風, 如果情況太嚴重 (例如食唔到奶、又或者嘔奶嘔到飛起), 可以去醫生度, 有一種藥係去肚風的, 每餐食奶前滴入咀仔, 係好安全的藥物。

你放心pm 我啦, 我一至五 office hour都會上 bk 灌水, 放工同weekend 響屋企就無上網~ ^_^

原文章由 rowenahui 於 07-10-9 14:40 發表

我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 901

16^#

發表於 07-10-9 15:17 |只看該作者

原文章由 appleCC 於 07-10-9 13:42 發表
我估我的情況也不比你的好, 在日間我的bb食極唔肯訓.
佢可以由早上8:00-下午2:00也不肯去睡.夜晚由6:00-10:00. 一放低落床仔就哭, 跟住就周圍寧,張晒口咁. 差不多一小時食一次. 差不多整個時段就做了餵機器. 都唔知 ...

係呀!

勁似呀! 那段時間真的想死呀!
但好彩都叫過咗, 我估同我食"28方"補身有關, 你有沒有留意自己的飲食呢?

hAYES MAMA & appleCC , 我地一齊努力呀!!!! 只要有人明白, 分享同埋訴苦, 多難捱都係值得!!!

私人傳訊回覆引用

積分: 901

15^#

發表於 07-10-9 15:11 |只看該作者

原文章由 李小B太太 於 07-10-9 14:15 發表
3. 同埋, 如果你唔介意, 可以俾安撫奶咀佢食, 半夜好多時 BB 喊只係要安撫, 唔一定食奶。我返工之後媽咪或老公同女女訓, 唔0岩時間喊就用安撫奶咀 + 輕拍, 佢會訓返, 到夠時間 (如三四個鐘), 就抱入黎俾我埋身餵。

6. 其實心理質素同埋有無人支持好緊要, 所有呢0的辛苦我會周圍「唱」、周圍「炫耀」, 你就會覺得自己超勁, 好似我宜家用你講我的辛苦, 我就會覺得自己好勁, 你都可以周圍post 同人分享, 咁你就會覺得自己好0力0力0架啦~~~

7. 我地一生幾十年只得呢一兩年可以餵人奶, 放棄左就無得返轉頭, 你要諗清楚啊。

加油、加油、加油啊~~~~~~~~

如果有需要可以pm 我, 我地大家一齊「炫耀」0的辛苦野, 互相支持丫~~~~~

靚靚劉太 ,小笨媽 & jolau,
我知道自己應該點做架勒! 我同你地的諗法都係一樣, 最辛苦的日子都捱過了, 無理由現在先放棄!!! 而且我係個師奶仔, 買咗咁多餵人奶的用品, 放棄咗咪勁哂!!!

我都知自己的心情會影響到bb同奶量, 所以我都盡量控制自己的情緒! 得到你們的鼓勵, 我真的很感動同埋知道自己不是獨單的! 好多謝你地呀! 我會再同大家跟進我餵奶的情況架!

李小
B太太, 我鐘意你的”減壓方法”!!! 我ADD咗你做好友架, 希望你唔會覺得我煩就好啦! (因為我淨係打熱線都打咗十幾次問姑娘問題, 連D健康院既護士都認得我呢!! 哈哈!)

私人傳訊回覆引用

chiuchristan

男爵府

積分: 7768

14^#

發表於 07-10-9 15:03 |只看該作者

Hi rowenahui,

You may feel much better after the first 2-3months. Mama milk is your BEST gift to darling BB. Keep it up!!!!

Add Oil!
We all are on the same boat, you're not lonely!!

Hayes mama

Hayes had been breastfeeding for almost 3 years, then naturally weaned by himself！

Wish Hayes with Love, Peace & Joy！！

私人傳訊回覆引用

積分: 901

13^#

發表於 07-10-9 14:59 |只看該作者

原文章由 yanlongma 於 07-10-9 10:01 發表
唔好放棄呀！
姑娘話你個女重得好，呢d咪係成功感囉！能夠餵得個女肥肥白白，唔係個個人都得家！

多謝bbpooh同yanlongma的肯定呀!
好感動呀!
以下是我昨夜寫的blog
"
昨日照常九時多便餵囡囡吃最後一餐奶, 因為希望佢可以瞓耐d, 所以盡量滿足佢要求, 俾佢慢慢吃, 連埋掃風足足70分鐘, 阿囡吃了一邊半小時後再吃另一邊約十分鐘, 跟住我便上床睡覺。
為了自己可以瞓得我d,我便同老公講好如果阿囡不能夠瞓得耐, 想早點吃奶(即兩點前)就請佢或工人幫忙餵雪柜裡的人奶先，結果阿囡真的十一時多便醒, 則她實際上只睡了一小時便哭起來, 雖然我都覺得有點怪, 但我同老公都無猶豫便用stock餵佢

可是, 惡夢才開始, 凌晨一點四十分, 佢又醒, 我好自然覺得佢係肚餓, 所以就再餵佢, 但心中真的很不是味兒, 有”十萬個為什麼”在腦內纏繞!!!本來想上baby kingdom 找些”奶媽”支持下, 點知個website好係down咗, 看來我還是要自己”撐”下去了! 但老實說, 我真的不知可以撐得幾耐, 因為我d信心已經俾小b頭”毁滅”到九九十十了!"

全因為你地咁多位的積極回應, 我d信心又番黎啦!!!

其實昨夜我的心情真是跌到谷底, 幸好最後我都看到一些bk mommy給我的留言,令我不致於覺得求助無門, 雖然因為個server有點傻傻地, 所以我要今早才可回覆, 但我看完大家給我的回應後, 真的好像”重新得力”般, 又再充過電, 我會再看看餵奶時間是否過長架啦!
(可能因為我想佢耐d先餵一次奶, 所以每次我都會要佢食幾次同掃幾次風才停
有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅)

私人傳訊回覆引用

積分: 901

12^#

發表於 07-10-9 14:52 |只看該作者

原文章由 bbdou 於 07-10-8 20:45 發表
珍珍,

少少經驗，同你分享，希望可以鼓勵到你。

Q1:日頭係唔係唔使叫醒佢起生餵奶? 小睡最多瞓幾耐?
我有最多三個鐘叫佢起食奶，等BB知道日頭要有規律地食奶，同樣，未夠三個鐘我亦唔係佢一喊就俾佢食，我係俾少少水佢飲，盡量 ...

maggie, 好多謝你咁有心給我留言呢!
想跟進以下問題, 謝

Q2: 點解亞b吃人奶都咁多風? 定係佢有肚風呢?如果係, 可以點攪?
食人奶應該冇咁多風，但我記得我個仔未滿月時都係有好多風，當時都唔識上BK，只係得用雞蛋同搓熱BB油幫佢搓肚仔，可能我當時都日日食薑，但原來薑會令到BB有肚風。咁你盡量少食會引致肚風的食物。

>>>其實點解薑會令BB有風呢?

Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..
你夜晚最後一餐奶係幾點餵，盡量夜D，你可以8點餵完就休息，到12點時再起身餵一次，BB半夜喊醒未必係肚餓，可能是片片濕左、可能是太熱、亦可能是扎醒尋求安全感，你試下放個米袋係BB胸口會唔會好D。

>>>我個囡真係勁鐘意扎醒呀, 我已經用了米袋, 又放個有”的但”聲個鐘係佢張床, 但係都唔係好有用, 最有用的方法就係”俯睡”, 但晚上我地無人看著她便不敢, 所以還有沒有其它方法提供呢? 我試過一次在吃最後個餐時同她按摩, 但係乎效果唔明顯

私人傳訊回覆引用

積分: 901

11^#

發表於 07-10-9 14:40 |只看該作者

原文章由 wawamama 於 07-10-8 19:02 發表
A1:等BB餓了才餵，不需要叫醒他餵奶。

A3: 餵一邊，每次30分鐘或甩嘴為止。BB要食到後奶才會飽。

好多謝你地的支持呀!
AHMI, wawamama

我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅

私人傳訊回覆引用