其他親子社群 今日: 0 | 主題: 1218

積分: 3489

1^#

發表於 07-10-14 22:44 |只看該作者 |正序瀏覽 |打印

唔知道大家鐘唔鐘意去冒險樂園玩呢? 我以前拍拖會去另一間執左既'XX天地'玩,不過之後就越來越少去,但自從囡囡一歲後,我每次經過冒險樂園門口,囡囡都要拖我入去,就算唔玩,行下睇下都好,佢見到D哥哥姐姐玩,已經開心到又叫又笑.

去得多左我覺得悶悶地於是又開始換少少錢玩,點知我一開始玩掉金幣'彩虹',就中左綠色(二獎) 跟住又再換多D錢玩,見到入會有金幣優惠又有其他優惠卷,就入左會,之後每個星期都有買金幣優惠,我就忍唔到手,越買越多幣,越玩越耐,一發不可收拾,雖然我知道'蠃粒糖,輸間廠'的道理,不過當局者迷,所以每次玩的時候,見到差少少就中,又忍唔住再'入錢',唉!...好在囡囡暫時只識入錢,唔識玩,所以正好俾佢入錢,然後由我控制點玩.

我想大家分享下玩game既心得,最勁鸁過D乜野禮物,最新有乜'積分禮物'扺換? 交換下'小禮物'咁,我有D小禮物可以交換或出售,歡迎有興趣既靚媽去睇下相

按此睇相--->http://hk.f2.page.auctions.yahoo.com/hk/auction/b6834275?u=gillianchanlee

0 0 0

私人傳訊

積分: 16277

好媽媽勳章

27^#

發表於 08-12-3 14:55 |只看該作者

原文章由 gillianchan 於 08-11-30 22:37 發表
Doraemon_ng~

多謝你讚我囡囡'好乖'~ 不過我覺得只算'ok',係我心目中,'乖'係會自動自覺(做功課,溫書,做家務),唔會做曳既野,唔會扭計,唔發脾氣,唔會搞搞震....可能我以前教過幼稚園喇!所以要求會高d,因為見 ...

Gillian,
尋日經過一店, 有份公主系列包裝既糖果禮盒. 我囡囡一見, 好鍾意. 之後佢問我幾多錢. 我如實告知, 之後佢話: 買罐奶粉仲好

最終佢覺得份禮盒唔抵, 寧願買奶粉好過 (佢奶引好大架~)

其實每個小朋友, 都間中失常喎~ 扭下計又會有. 搞搞震又會喎~ 好難真係十全十美的,所以我覺得1日24小時裡, 佢有20小時以上, 無扭計, 無搞搞震的話, 都算乖咯~

其實有朋友及我媽咪覺得: 小朋友唔識野, 唔好俾佢選擇權, 小朋友係無話事權等....
所以成日話我, 俾咁多自由個囡, 但講真, 小朋友係一個獨立個體, 佢自己有思想, 有喜惡, 又怎能勉強佢做一些不喜歡的事情呢~如果係自己的話, 又會唔會唔高興呢???

我其實成日返學校做義工, 所以每遇到有咩問題, 我都會直接與學校傾. 例如有時見個囡放學返來, 特別扭計, 咁會問下老師, 佢在校發生咩事. 又或者問老師, 怎樣處理兩姐弟之分爭等. 總知每事問

之於講座, 每次學校搞的, 我都一定會去, 多d 聽係好嘛~
我其實都有係bk 度開左blog. 得閒去睇下啦~

私人傳訊

積分: 3489

26^#

發表於 08-11-30 22:37 |只看該作者

Doraemon_ng~

多謝你讚我囡囡'好乖'~

不過我覺得只算'ok',係我心目中,'乖'係會自動自覺(做功課,溫書,做家務),唔會做曳既野,唔會扭計,唔發脾氣,唔會搞搞震....可能我以前教過幼稚園喇!所以要求會高d,因為見過一d好乖好叻既小朋友,不過我而家都幾'滿足'架喇!因為我果時都見過一d勁曳,勁蠢又或者發晒狂失控既小朋友,當時我會安慰自己,好彩佢唔係我既仔囡,唔係真係無命

嗯!俾小朋友選擇權係好,但正如你所講,都要有個範圍俾佢.當然尼個範圍要係我地可以接受架喇!唔接受既,盡量唔好俾佢知,哈哈!

有時我都會教囡囡一d 深d 既野,又會講下道理,希望佢唔明得多,明少少都好丫! 你教囡囡睇價錢,乜叫失業.都ok既,不過有時要睇佢聽果時既反應,如果冇興趣或者覺得好煩,好悶就唔好講太多喇!物極必反,有時佢自己問起反而會記得多d,印象深d .

當然正確理財同'珍惜'一分一毫,係好既,要從少陪養,唔好俾佢地成日扭計要買野,要知足,要珍惜現有既野.放心!只要仔教既野係啱既,就唔駛擔心.

你好勁呀!返學校請教下老師及社工? 會問d乜野呀? 教小朋友既'意見'?
我都好少問老師野,都係問囡囡學校既情況多d!

原文章由 Doraemon_ng 於 08-11-25 11:59 發表

其實你囡囡都好乖啫~
我每次要大囡去選擇時, 都有個範圍俾佢. 呢個範圍當然係我可接受既範圍啦~
而家個囡大左, 我會教d 深d 既野, 例如買野前要睇價錢, 咩叫失業等. 要佢知道其實錢係好重要, 要好好珍惜一分一毫, ...

私人傳訊

積分: 16277

好媽媽勳章

25^#

發表於 08-11-25 11:59 |只看該作者

原文章由 gillianchan 於 08-11-25 01:12 發表
OK! 咁我唔咁'客氣'喇!但係都好多謝你入黎同我傾偈
好呀!有時間去書局睇下有冇'九因歌'買先!因為囡囡都幾鐘意睇碟聽歌同唱歌仔. thanks!

我都有用尼招對付囡囡,可能佢仲細,唔識駁咀,我有時問佢'好唔好',但 ...

其實你囡囡都好乖啫~
我每次要大囡去選擇時, 都有個範圍俾佢. 呢個範圍當然係我可接受既範圍啦~
而家個囡大左, 我會教d 深d 既野, 例如買野前要睇價錢, 咩叫失業等. 要佢知道其實錢係好重要, 要好好珍惜一分一毫, 或者我咁教, 可能現實左, 市儈左d, 但呢個係現實社會, 我覺得要佢清楚屋企經濟, 唔可以下下咩都話要買, 玩一陣就唔玩咁. 我想佢學懂咩叫知足, 咩叫珍惜等. but 我唔知咁樣啱唔啱. 或者有時間, 我會返學校請教下老師及社工等, 希望佢地能俾d 意見我.
係呢, 你點睇呀? 你都俾d 意見我參考下啦~thanks!

私人傳訊

積分: 3489

24^#

發表於 08-11-25 01:12 |只看該作者

OK! 咁我唔咁'客氣'喇!但係都好多謝你入黎同我傾偈

好呀!有時間去書局睇下有冇'九因歌'買先!因為囡囡都幾鐘意睇碟聽歌同唱歌仔. thanks!

我都有用尼招對付囡囡,可能佢仲細,唔識駁咀,我有時問佢'好唔好',但佢話'唔好'(例如:訓晏覺好唔好?眼訓未?...如果佢話唔訓) 我會同佢解釋,再問一次 :訓喇!好唔好?...佢通常都會聽話,如果佢都係唔聽,我就會話訓醒先可以睇dvd,先可以去公園....(但記得要講得出,做得到,咁佢下次先會聽)

其實佢仲咁細,有時會'揀錯野',雖然我都會'民主'問佢想要邊樣,但如果我覺得唔好,就會話媽咪覺得尼樣好d喎!佢都肯聽既,小朋友有選擇權會開心d架!當然最後'決定權'係我地大人果度喇!

(例如買唔買玩具? 去邊度玩?....)

唉! d'大公司'係咁架喇!乜都係佢地講晒,都唔知點'評分'既,你唔好

有對咁叻既仔囡,應該開心d嘛!果d'小恩小惠',豪俾佢囉!

原文章由 Doraemon_ng 於 08-11-24 10:39 發表

Gillianchan,
唔好咁講啦~ 大家分享下啫~
我個套唐詩, 係我未有bb之前買的, 幾多錢就唔記得咯~ 都差不多成七八年前既事, 係廣東話, 有書的, 有講解每首詩既意思同埋有詞語解釋的. 當年手痕痕去買, 估唔到而家啱用啫 ...

[ 本文章最後由 gillianchan 於 08-11-25 01:15 編輯 ]

私人傳訊

積分: 16277

好媽媽勳章

23^#

發表於 08-11-24 10:39 |只看該作者

原文章由 gillianchan 於 08-11-21 01:31 發表
Doraemon_ng~

好多謝你同我分享左咁多教小朋友既野呀! THANKS!
你仔仔真係好叻呀!仲好乖添!竟然自已去拖地

我都睇過廸士尼幾隻碟(sample),囡囡由幾個月大就開始睇,到而家都會間中睇下,都幾開心,不過正如 ...

Gillianchan,
唔好咁講啦~ 大家分享下啫~
我個套唐詩, 係我未有bb之前買的, 幾多錢就唔記得咯~ 都差不多成七八年前既事, 係廣東話, 有書的, 有講解每首詩既意思同埋有詞語解釋的. 當年手痕痕去買, 估唔到而家啱用啫~

九因歌係用唱歌仔形式(廣東話)去教小朋友背乘數表, 內裡仲有練習及遊戲. 我大囡都係n1 開始讀, 所以你囡囡都可以開始喎~ 呢套教材好似係$200左右(唔係太記得, 因是約三年前買的), 我係商務買的, 但係大眾都見過.,不過你可以去看看先.

小朋友多數都會蛤d 老人家啦~ 爺爺嫲嫲公公婆婆咁錫佢地, 佢地又點會唔知喎~ 我兩個細路都係一樣, 而家佢地邊個扭計, 嫲嫲都會同佢地講: "你阿媽返來, 話俾佢知.." 佢地就知驚啦~其實我唔係好惡咋~ 大囡由細到大, 都係打過佢兩次. 個兩次打完佢個紅印都不到五分鐘已經消失,所以你諗下我個力度有幾大啦~ 不過對付大囡, 我而家係: 取消佢自由度, 選擇權等. 每次勸極都唔聽, 講幾多次都係咁的話, 我會取消佢自由度, 選擇權, 即係話: 唔俾佢揀, 我下命令, 一定要做, 無得選擇.亦無自由決定任何野.

呢招而家work 喎~ 我一出呢招, 佢無得反抗.

其實上次我出呢招係因天氣凍, 佢都唔肯著多件衫(佢話熱喎~) 但又冷到佢流鼻水, 勸都無效之制, 唯有出此下策

最近我去左冒險樂園, 去check 個個"好學生奬勵計劃", 居然無我囡份, 其實我好嬲, 我大囡連連都係滿分個欄, 都唔明佢點批的, 難道無分數, 只做評估個d 幼稚園(全港學卷制), 都唔可以參加???

咁不如取消幼稚園個欄啦~

私人傳訊

積分: 3489

22^#

發表於 08-11-21 01:31 |只看該作者

Doraemon_ng~

好多謝你同我分享左咁多教小朋友既野呀! THANKS!
你仔仔真係好叻呀!仲好乖添!竟然自已去拖地

我都睇過廸士尼幾隻碟(sample),囡囡由幾個月大就開始睇,到而家都會間中睇下,都幾開心,不過正如你所講,當然仲有其他碟喇! english time(sample碟) noddy 三套歌仔(都係$100八隻vcd) 仲有唱歌仔'普通話' 同 '英文'既碟,五十幾隻故事同卡通片...

請問你講既--唐詩三百首(cd)係廣東話定國語架? 一set套裝要幾錢架? 淨係聽會唔會好悶呢?有冇書仔睇架?
九因歌(dvd+cd) 請問係點架? 大約幾錢? 你仔仔囡囡有冇跟住唸呀!我囡囡得k1,睇會太早嗎?

你個'溫書奬勵計劃'幾好喎!我囡囡都係好'為食'架!你好偉大呀!為左陪仔囡溫書,讓個電視俾佢地睇碟,我囡囡星期一至五係阿媽湊既,我買左兩部手提dvd機,方便囡囡自己開關,換碟,一來方便佢學習,二來,唔駛爭電視,仲唔怕佢太近睇'大電視'添!尼個方法都幾好架! 有時我去做'推淋巴'要兩個鐘,都係帶埋部dvd加幾隻碟就可以令佢乖乖坐係房內兩個幾鐘

你都講得o岩,如果想買教材,除左錢,仲要睇下小朋友既'往績',如果唔係成日用,又冇時間陪佢睇,教佢,真係唔買好過,我而家只得星期六,日先帶佢返工及返屋企,唯有用尼2日好好陪佢,教佢,因為婆婆都係著重照顧,同睇住佢,冇乜教佢學習上既野,而且囡囡會蝦公公婆婆,要佢地錫佢,就會扭計同依賴,冇係我同老公面前咁乖,有時返去外家見到佢既表現,真係睇到

私人傳訊

積分: 16277

好媽媽勳章

21^#

發表於 08-11-18 17:38 |只看該作者

原文章由 gillianchan 於 08-11-3 21:32 發表
Doraemon_ng~

哦!原來係因為english time,果次係邊個決定為俾錢買套教材架?

我都去銅鑼灣聽過顧問講解,不過最後老公都係覺得貴,都怕婆婆唔識教佢,囡囡又冇心機用,所以冇買到,不過如果俾囡囡自己揀,我諗佢都係鍾意' ...

我大囡佢自己保証會好俾心機學同會成日用. 咁我咪決定買俾佢咯~ 因由細開始, 佢無要求我買咩俾佢, 有時要我氹佢, 先俾我買俾佢. 所以個次佢主動要求, 咁我咪買咯.

其實買呢套之前, 有朋友借左套廸士尼俾我. 我大囡都有睇到.初初佢都係好鍾意, 到後來, 佢厭悶. 到佢試用左套english time時, 佢又轉駄. 其實屋企除左呢套最貴既外, 我地仲有買唐詩三百首(cd), 九因歌(dvd+cd), noddy ($100八隻碟個d), gc, phonics kids 等. 佢套套都自己去攞.

而家細佬仔加入陣型, 自己揀去睇. 呢個衰仔真係叻過家姐, 學野好快. 今日教佢兩個中文生字, 佢第二日都可以讀返俾你聽. 見我地做咩, 佢又照學. 又好快上手. 真係唔得佢死...

上次先見地下濕左, 自己去攞地拖出來抺地....

其實我大囡當初, 都唔鍾意日日去溫習的, 睇下碟就ok, 睇書或做功課等, 就唔鍾意, 後來我買左好多聯線練習俾佢, 要佢聯晒線後, 話俾我知係d 咩來, 又教佢寫數字&字母, 跟住要佢將數字&字母來作畫. 睇書就揀d 得意既書來同佢講故事. 每次完成左後, 就奬佢一個星星貼紙, 要佢儲滿20個後, 就帶佢去超級市場度, 任佢買野食 (因我大囡最鍾意係食), 就係咁慢慢開始, 呢個奬勵計劃行左都唔夠一年, 就唔需要再行, 因佢已習慣左咯!

而家細佬仔, 見家姐溫習, 就自動自覺要求我同佢溫習.

不過講真, 初初我買套貴野時, 都好肉痛, 亦都好怕大囡係三分鐘熱度. but 幸好, 佢最終都唔係. 所以而家都覺得套野抵.

其實我同我老公, 都好著重小朋友教學 (可能細個個時無卦), 所以幾貴都好, 寧願自己慳d, 都會買俾佢.

如果你真係想買, 不妨同老公傾傾先啦~ 不過首要條件係:
1) 係囡囡係咪好鍾意呢套教材
2) 大人可否犠牲睇電視時間, 讓個電視出來俾佢用/陪佢一齊用

如果以上兩樣都無的話, 我勸你唔好買咯! 唔係話你有無錢買既問題, 因無時間俾佢睇/佢唔鍾意的話, 咁即係買左套野, 都係得個 "擺" 字啫! 我都係咁勸我朋友.

唔怕話你知, 我都好多年無電視睇咯!我指係星期一至五由五點幾至九點半呢段時間, 而每逢假期, 亦都唔到我地睇.

我地個個都係無得睇. 所以我可以講一句, 我真係無咩娛樂....

幸好我奶奶支持我地, 佢都同我地一樣, 唔睇.其實真係好多謝佢.

私人傳訊

積分: 3489

20^#

發表於 08-11-3 21:32 |只看該作者

Doraemon_ng~

哦!原來係因為english time,果次係邊個決定為俾錢買套教材架?

我都去銅鑼灣聽過顧問講解,不過最後老公都係覺得貴,都怕婆婆唔識教佢,囡囡又冇心機用,所以冇買到,不過如果俾囡囡自己揀,我諗佢都係鍾意''迪士尼''果套多d,不過三,四萬蚊喎!老公話要等中'六合彩'先可以買lu

不過佢乜野都話要等中'六合彩'先買,所以我諗有排都未輪到買教材,如果真係要'中',可能囡囡都時都畢業lu

你囡囡咁自律,咁好學.真係好難得,學野真係迫唔黎架!可能仲會有反效果添! 我囡囡而家讀緊k1, 不過連拎筆都仲係唔得,唔知佢幾時先寫到字呢?

見你咁講,可能你細囝到時會仲叻喎!哈哈! 咁佢有冇同姐姐一齊學,一齊睇書睇碟呀? 兩個一齊用,會抵d

我邊算叻丫!成日都係中到三,四奬, 大奬,二奬真係唔易中,要勁好彩果日先得囉!

原文章由 Doraemon_ng 於 08-11-3 17:49 發表

其實大囡係佢一歲八個月時, 去參觀個bk 搞既bb展後, 佢自己同嫲嫲四圍行, 四圍試d 教材, 俾佢搵到個啱佢心水的. 就係咁, 買左套english time 俾佢用.
so far 咁耐, 佢都好自律, 自己攞出來學. 我當初都無諗住迫佢d ...

私人傳訊

積分: 16277

好媽媽勳章

19^#

發表於 08-11-3 17:50 |只看該作者

原文章由 gillianchan 於 08-10-31 22:42 發表
我今日去藍田分店玩,見到'掉彩虹',送既藍色大奬係一系列迪士尼既萬聖節公仔,有米奇,美妮,維尼,史迪仔....全部都魔鬼打扮好靚好得意架! 可惜我同老公玩左$50都冇個掉得近,得兩份'紅色細奬',同兩份'黃色二奬'咋! 最後 ...

你好叻啦~成日都中奬．．．．

私人傳訊

積分: 16277

好媽媽勳章

18^#

發表於 08-11-3 17:49 |只看該作者

原文章由 gillianchan 於 08-10-11 22:44 發表
多謝你讚賞! 我都唔算叻,只係好彩o者!我每次都係最多掉廿幾三十個,玩完就算,覺得咁樣仲好,唔駛好似玩其他機咁,見到差d'中奬'又忍唔住買多一百幾十個幣去玩,我只係當試下果日好唔好運?始終 '掉彩虹'都係運氣緊要過'技 ...

其實大囡係佢一歲八個月時, 去參觀個bk 搞既bb展後, 佢自己同嫲嫲四圍行, 四圍試d 教材, 俾佢搵到個啱佢心水的. 就係咁, 買左套english time 俾佢用.
so far 咁耐, 佢都好自律, 自己攞出來學. 我當初都無諗住迫佢d 咩. 只係諗住俾佢習慣, 要每日溫學校d 書. 所以由n1開始, 我食完飯都會同佢溫一溫, 到佢k1開始, 便教她寫字等. 而家k2, 咁梗係教d 深d 啦~

細囝佢真係好叻, 佢咩都收埋落個心到, 好多英文都識, 只係佢想講時, 就會俾個驚喜你. 其實佢都好錫個家姐. 只係有得俾佢蛤, 佢就蛤啫~

私人傳訊

積分: 3489

17^#

發表於 08-10-31 22:42 |只看該作者

我今日去藍田分店玩,見到'掉彩虹',送既藍色大奬係一系列迪士尼既萬聖節公仔,有米奇,美妮,維尼,史迪仔....全部都魔鬼打扮好靚好得意架! 可惜我同老公玩左$50都冇個掉得近,得兩份'紅色細奬',同兩份'黃色二奬'咋! 最後又係順囡囡意,換左兩包'脆卜卜'(零食) 同兩個細公仔,因為覺得拎 240票冇乜用,都係俾囡囡拎實物好d

上個星期去玩,就好d, $50 中左4隻'黃色奬',剛剛好有一套4隻萬聖節細公仔(南瓜,鬼鬼,木乃伊,蝙蝠) 都幾得意架!

私人傳訊

積分: 3489

16^#

發表於 08-10-11 22:44 |只看該作者

多謝你讚賞! 我都唔算叻,只係好彩o者!我每次都係最多掉廿幾三十個,玩完就算,覺得咁樣仲好,唔駛好似玩其他機咁,見到差d'中奬'又忍唔住買多一百幾十個幣去玩,我只係當試下果日好唔好運?始終 '掉彩虹'都係運氣緊要過'技術'.

好似前日放假,我地一家三日去玩,平時我老公玩極都唔中,掉二三十個都可以連紅色獎都冇個,但今次佢用左十個幣左右,佢就中左兩次綠色二奬

(換左2個公仔) 而我就用十幾個幣,中左2次紅色,一次黃色三奬(細公仔),終於俾佢威番次

你大囡而家k2,但已學緊小學既課程.咁勁?真係好叻喎!咁你平時點教佢架? 好細個開始教? 有冇用乜野教材輔助? 咁佢咪科科一百分? 佢學校有冇分'名次'架?你覺覺佢邊科最叻呢? 會唔會係'資優生'呀? 帶佢去check下 IQ,EQ....好喎!

你細囝最叻,恰家姐. 咁都代表佢聰明丫!諗到點恰家姐,咁細個就知邊個錫佢,相信佢大小小一定會錫番家姐既.係一對感情好好既姐弟

我都幾忙架!不過平日係阿媽幫我湊囡囡,我少見佢,'公公婆婆'又唔會帶佢去玩,我咪盡量每星期帶佢去玩一次,順便用埋每星期'$50- 52個幣'既優惠券囉! 如果再玩多d錢既話,真係冇錢開飯喇!

mouth:

原文章由 Doraemon_ng 於 08-10-2 11:44 發表

好叻喎! 我以前都好鍾意玩 '掉彩虹'. 但後來, 發現自己次次都唔中, 就無玩咯~

叻個個係大囡, 佢而家雖然k2, 但已學緊小學既課程. 而細囝最叻, 係蛤家姐. 佢恃住家姐錫佢, 就咩都搶家姐既野. 不過最近好好多咯. 少 ...

私人傳訊

積分: 16277

好媽媽勳章

15^#

發表於 08-10-2 11:44 |只看該作者

原文章由 gillianchan 於 08-9-24 23:41 發表
好開心呀!星期六去左'掉彩虹',用左三十個左右,己經俾我仲左4次紅色細奬,一次'過三關' (有八百張票), 最後仲埋大奬藍色添! 平時我會揀要'公仔'架!因為覺得抵d,不過果日d公仔唔係好靚,而且之後仲要同囡囡去街 ...

好叻喎! 我以前都好鍾意玩 '掉彩虹'. 但後來, 發現自己次次都唔中, 就無玩咯~

叻個個係大囡, 佢而家雖然k2, 但已學緊小學既課程. 而細囝最叻, 係蛤家姐. 佢恃住家姐錫佢, 就咩都搶家姐既野. 不過最近好好多咯. 少左搶家姐野.

呢排都好唔得閒, 都無去個度玩好耐咯~

私人傳訊

積分: 3489

14^#

發表於 08-9-24 23:41 |只看該作者

好開心呀!星期六去左'掉彩虹',用左三十個左右,己經俾我仲左4次紅色細奬,一次'過三關' (有八百張票), 最後仲埋大奬藍色添!

平時我會揀要'公仔'架!因為覺得抵d,不過果日d公仔唔係好靚,而且之後仲要同囡囡去街,唔想拎住公仔四圍走,所以揀左要1500張票囉!三十幾蚊就有二千幾張票,係我既'最佳紀錄'呀!

happy!

hi! Doraemon_ng~

雖然係麻煩少少,但你投訴完,有位好好先生,叫你去另一間交表.咁都算成功丫!我囡囡學校都係'乜野'都冇列係成績表,所以我都怕煩,過左期都冇去交表!

你仔仔真係幾叻喎!等我都讚下佢先,希望佢可以keep住咁叻仔喇!

你老公都有參與學校活動,得閒跟你返學校幫下手,仲肯做下義工tim.真係好難得喎! 你講得o岩呀!家長參與學校既活動,小朋友同父母既關係都會好d!

原文章由 Doraemon_ng 於 08-9-10 13:26 發表

最後我係打去投訴之後,個位好好先生叫我攞去指定個間分店度報名參加, 最後唔得閒去, 所以無CHECK 度.

我最初去問屯門個間分店時, 佢話要有分數來計進步奬, 又話要有操行分(即A,BCD等), 又話要有出席率......, 仲 ...

私人傳訊

積分: 16277

好媽媽勳章

13^#

發表於 08-9-10 13:26 |只看該作者

原文章由 gillianchan 於 08-9-4 09:30 發表
hi! Doraemon_ng~

差d漏左覆你添!果日留完言俾 happy168~ 之後,想再留俾你,就自動關晒所有'bk',嚇死我呀!第一次咁咋!所以冇留言俾你囉!而家補番呀吓!

好多謝你回覆我呀!有理你入黎傾計就好喇!唔駛傻婆我 ...

最後我係打去投訴之後,個位好好先生叫我攞去指定個間分店度報名參加, 最後唔得閒去, 所以無CHECK 度.

我最初去問屯門個間分店時, 佢話要有分數來計進步奬, 又話要有操行分(即A,BCD等), 又話要有出席率......, 仲話幼稚園暨幼兒園唔等於幼稚園喎!

但你知啦!而家幼稚園教署規定左, 攞學券個D , 係無分數麻~ 至於操行, 以文字來表達, 咁啱我呢間學校係無計出席率的. 咁佢地咪樣樣REJECT我咯~
我最後仲問呢間分店既人話: 如果小朋友已經係上學期係考第一, 科科滿分, 咁下學期, 成績同上學期一樣的話, 咁咪即係無進步, 係咪無得攞進步奬? 點知佢話: 係 (簡直離譜

)

之後我咪打去投訴佢咯~ 個位先生好好人, 佢話, 小朋友已經考第一, 仲要考咩名次? KEEP住第一名, 已經係好叻啦~ 咁仲唔係好學生??? 之後佢仲答左我好多問題, 又叫我去另一間近我公司既分店度交表.... 真係好多謝佢.

其實兩個小朋友, 真係好忙架~ 大囡K2, 細囝育嬰院大組. 兩間學校既活動, 好多時撞埋同一日, 好彩有時時間唔同.但變左要走兩場, 都好辛苦架~

我老公都有參與學校活動, 有時佢得閒, 都會跟我返學校幫下手, 做下義工tim. 其實咁都好架! 可以俾小朋友知, 父母係同佢地一樣, 都要返學. 亦要主動咁幫人.....

私人傳訊

積分: 16277

好媽媽勳章

12^#

發表於 08-9-10 13:14 |只看該作者

原文章由 happy168 於 08-9-3 17:36 發表
好學生計劃係咩黎架?
點 join?

SORRY, 我都好耐無上來呢度...
好學生係奬D 金幣俾D 有進步既學生.
係分店到攞張FORM, 同埋小朋友既成績表去就得咯~

私人傳訊

happy168

禁止訪問

積分: 12333

好媽媽勳章

11^#

發表於 08-9-5 21:34 |只看該作者

提示: 作者被禁止或刪除內容自動屏蔽

私人傳訊

積分: 3489

10^#

發表於 08-9-4 22:52 |只看該作者

hi! happy168~

我覺得入錢既'AAA',好似好難中,而且跌既幣又唔多,所以我寧願玩'火車',不過唔係次次都會玩,有時經過見到d 著左4個燈既,就會玩下,希望中多兩個燈,火車到站跌多d幣落黎

通常玩一百個都可以有成千張票架!

囡囡好鐘意睇一個'魔女遊戲' (有兩個女主角,可以儲咭,換衫裙鞋) 不過佢咁細我估佢唔識玩,所以冇俾錢佢玩呀!好在佢又唔會扭計,所以當佢見到'彩虹'有得意既新公仔,咪會玩二,三十個睇下運氣,玩晒就走,好多時都有d'黃色'既細公仔既,間中都會中到'綠色',有兩次仲試過同一日中兩次綠色添! 囡囡同我都勁開心,佢會一次過抱住兩個公仔行來行去,其他玩客都會發出羨慕既目光,仲讚我好勁添!

不過更多既時候係'交學費'送錢俾佢地駛喇!

我通常去將軍澳中心,藍田,九龍灣淘大分店玩,你呢? 去開邊間玩呀?時間夾到一齊去都好喎!我囡囡最鐘意同'哥哥'玩架喇!

原文章由 happy168 於 08-9-3 17:39 發表
唔好客氣, 大家交流吓咋
我彩虹好咋, 玩好多次可能先會中一次紅色"細"獎
我以前就成日玩"AAA", 生咗仔後多數陪仔玩, 玩親"AAA"就真係不斷咁入錢, 所以先會成日玩咁多錢
你通常去邊間玩架? 我哋如果啱時間/地點 join ...

私人傳訊

積分: 3489

9^#

發表於 08-9-4 09:30 |只看該作者

hi! Doraemon_ng~

差d漏左覆你添!果日留完言俾 happy168~ 之後,想再留俾你,就自動關晒所有'bk',嚇死我呀!第一次咁咋!所以冇留言俾你囉!而家補番呀吓!

好多謝你回覆我呀!有理你入黎傾計就好喇!唔駛傻婆我自問自答,你係咪會去藍田果間玩呀?有機會約埋去玩下丫!

我去親老公鋪頭,都會順便帶囡囡去玩下,雖然間鋪細細地,不過唔會太多人,而且夠晒光,唔似得其他鋪,又黑又嘈,仲勁多人,一個唔覺轉個身,連小朋友都唔見埋,有排搵

我知有'好學生計劃'不過冇參加呀!覺得囡囡唔夠醒,而且我估應該唔會咁易拎到奬囉!廢事煩喇! 咁你兩個小朋友最後有冇報名呀?

你有兩個係辛苦d架喇!我得一個已經覺得'夠晒數',我諗你除左返工時間之外,一返到屋企d時間一定俾晒佢地喇!學校活動通常都係媽咪參加同幫手,所以如果撞期,你真係要分身先得喇! 咁你老公會唔會參與小朋友既學校活動架? 我老公就冇乜理喇!係去過一次'親子旅行'咁大把!

sorry呀! happy168~ 我要去街喇!今晚再同你傾過喇! cu~

原文章由 Doraemon_ng 於 08-9-2 17:05 發表
我最近都少去左好多咯~
因大囡細囝學校都好多活動, 好多時兩間學校d 活動都撞晒期(幸好唔同時間), 所以都無時間去玩.
不過, 佢地搞左個好學生計劃, 我都覺得幾好. 不過有d 分店既staff 就唔係好想做, 成日呢樣reject ...

[ 本文章最後由 gillianchan 於 08-9-4 09:32 編輯 ]