夫婦情感今日: 2|主題: 42808

收藏本版

發帖

返回列表

跳至頁

查看: 11448 | 回覆: 212

甚樣跟這類男人相處？ [複製鏈接]

12 3 4 5...11

catcat@cat

伯爵府

積分: 16741

2018復活節勳章畀面勳章

1^#

發表於 14-6-8 00:46 |只看該作者 |正序瀏覽 |打印

本帖最後由 catcat@cat 於 14-6-8 22:56 編輯

同個八十後男同事食lunch，講開佢同女朋友冷戰，咁就八掛問吓咩事啦，佢又好樂意同我分享喎…

話說，佢女友最近轉咗工，公司在交通唔方便嘅地方，但好多女同事都有男朋友來接放工，咁佢女友就開聲話好想佢得閑俾個驚喜，入去接吓放工，但男同事好斬釘截鐵咁拒絕，女仔好唔開心甚至忍唔住喊，話自己開到聲話俾對方聽想對方點做，佢都唔肯做，但男同事依然覺得山長水遠花時間花車費入土接放工係好唔 make sense，唔會妥協，結果就冷戰喇…

我聽完就多口問：「你女又係咪好公主病嗰隻，想你成日接呀？」

男同事：「又唔係，我都有接過，不過真係好浪費時間囉」

我：「又唔係叫你成日接，你咪應承佢，幾個星期一次又好，一年幾次都好，唔使咁斬釘截鐵架？」

男同事：「就係唔鍾意佢叫我接我就接，縱壞晒，更加唔鍾意規定要接幾多次，如果我應承咗我就要數住，好大壓力，最憎咁樣，如果工司要我打卡規定我幾時返工，我都唔鍾意架…」

我：「咁其實你係為鬥氣，要攞話事權？」

男同事：「都係架，佢唔開聲我都會接吓，但佢開到聲仲要話同事啲男朋友都係咁接，點解我唔肯，我就更加唔想接」

我：「但你女友又唔係要你送名貴禮物，又唔係要你估佢鍾意乜，人地女仔都講到明只要你做尼少少嘢佢就開心，你都唔肯做？」

男同事：「所以我完全明白同理解點解佢唔開心到喊，但我真係唔想做就唔做囉… 我會在其他方面錫佢，好似見佢凍會即刻倒杯暖水俾佢呀…」

我：「咁其實你係咪唔係好鍾意佢呢？如果換另一個你好愛嘅女仔你會唔會肯呢？」

男同事：「我愛佢架，唔關尼個問題事，我對以前啲女朋友我都係咁」

我：「咁你唔驚佢會因為咁樣而離開你？」

男同事：「如果係咁就唔好勉強，我都唔想佢唔開心，如果佢真係接受唔到都無謂夾硬喺埋一齊，況且我對自己好有信心，實會再搵到女朋友嘅」

我：「你講到好輕鬆咁… 養隻貓養隻狗都冇感情啦，更何況你話愛佢」

男同事：「咁唔開心就一定會嘅，咪多啲約啲 friend 出嚟飲嘢、陪我囉…」

同尼個男同事傾完，我諗起一個 auntie，佢啲仔女都大晒出晒身，一把年紀都仲會周圍同人伸，話老公從來未送過一枝花俾佢，有一年情人節發晒脾氣同老公講，總之係花就得，在公園“擇”一技俾我都好，我要收花，但老公都係死都唔肯…

突然有感而發，口口聲聲話愛對方，但又死要維護自主權，尼啲男人都幾難相處…

[好多 jm 討論誰對誰錯，其實我意思唔係話個男人/女人邊方面有問題, 只係尼度 jm 多，所以標題先問點樣同咁樣嘅男人相處啫，我意思係如果你想另一半為自己做啲嘢 tum 自己開心，而另一半企硬話佢唔會縱你，咁應該點樣同咁嘅 c6 相處呢？]