吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 後悔莫及-爸爸最後一段路

醫護健康今日: 1|主題: 7953

收藏本版

發帖

返回列表

跳至頁

查看: 6855 | 回覆: 22

[長者] 後悔莫及-爸爸最後一段路 [複製鏈接]

eva4542

複式洋房

積分: 426

1^#

發表於 14-6-18 00:09 |只看該作者 |正序瀏覽 |打印

仍記得爸爸於幾年前入院做換室頭交位，臨做手術前仍叮囑我幫佢買馬仔，以前覺得佢講嘢好大聲，但手術完成後，突然中風，從此以後亦不能聽到佢好大聲講嘢，因為中風後除右半身不能動外，仲講唔到嘢！

因為工作未能親身照顧，唯有揾一間好D的老人院，不過離開屋企好遠，只能每週探望一次，亦因能力問題只可每月帶佢出去飲一次茶！時間過得好快，轉眼間呢D生活過咗3年，突然之間屋企樓上開咗間老人院，於是把心一橫，將佢轉咗去樓上間老人院，雖然可以多D時間探到佢，但照顧方便未有之前果間院舍照顧得咁好！

大約轉院半年後，有一晚好夜收工，心血來潮想探佢，於是硬著頭皮比姑娘話到去咗睇佢，點知見到佢時，佢表達話我知佢好唔舒服，見老爸不停霧汗面色開始灰白，唯有即時叫救護車送院，雖然果次救得返，但自始之後身體亦差咗好多！

約於上年10月某日中午 (老人院差唔多開飯時間)，去咗探佢 (因為當晚成家人要去旅行8日)，故去話聲佢知要幾日後先探到佢，佢叫我幫佢換衫仲以為我果日會同佢出去酒樓食飯，佢當時好開心，但我因未執拾行李，另佢好失望冇同佢出去食飯.........仲同佢講等我返來再帶佢去飲茶！

直至10月23日中午時分，响外地收到老人院的WHATSAPP通知老爸突然暈咗，已叫救護車送院，收到消息時已好驚，過一陣後收到公司同事來電 (因電話飛咗線返公司)，話有警察來電話老爸剛已過身，叫我盡快聯絡警局，當時簡直失咗控，因為冇人可以响老爸身邊陪佢最後一刻！

我直的好後悔，點解唔同佢去食飯，而家想帶去出街都再冇機會！

在此叮囑各位子女，家有一老如有一寶，唔好好似我咁有遺憾，老人家想做而你又做郅的話，盡量去做！

點評

poodlema

發表於 15-6-19 15:20

0 0 0

私人傳訊

朱寶媽媽

男爵府

積分: 7999

23^#

發表於 15-4-25 18:14 |只看該作者

回覆：toyspoodle 的帖子

我好明白樓主心情，我都係送唔到爸爸最後一程

，因爸爸走得突然。

私人傳訊

Jennie

子爵府

積分: 12443

22^#

發表於 15-4-14 12:33 |只看該作者

人不是完美, 點做都好, 只要我們作兒女的盡了責, 在父母心中已是好子女. 他們都無悔而走.

不要自責, 我們也繼續為下一代而努力. 忘記憂傷, 努力面前! 亦要珍惜眼前人.

齊齊加油努力!

耶穌拯救人, 人間真有幸, 從此做人冇閉翳, 歡欣讚頌神, 好開心, 耶穌在我心,你與我樂共聚, 歡欣讚頌神.

私人傳訊

shadowrainbow

男爵府

積分: 8800

21^#

發表於 15-4-10 00:26 |只看該作者

本帖最後由 shadowrainbow 於 15-4-10 00:27 編輯

先父走了約十年，我仍然很掛住佢。
他單親帶大我。

當時，我真係想跟埋佢走。希望在黃泉路上也可以待奉到他。
醫院的姑娘有打電話，跟進我，佢地跟進了我三年。

第一年，第一個電話一打黎，我已泣不成聲了。
我想跟埋去。姑娘問我，"你走左，哄你的仔女點算呢？"當時一諗，又係喎。

現在邊打呢個貼，的眼流一樣係哄流。

好後悔無同爸爸去旅行，好後悔無多的陪他，反而係佢一路支持住我。

樹欲靜而風不息，子欲養而親不在....