吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 會唔會同嫂嫂比較?

婆媳關係今日: 1|主題: 27765

收藏本版

發帖

返回列表

跳至頁

查看: 2322 | 回覆: 6

會唔會同嫂嫂比較? [複製鏈接]

ivymeoow

男爵府

積分: 5160

1^#

發表於 08-2-1 17:53 |只看該作者 |正序瀏覽 |打印

其實我同老公一家人相處上無咩問題,
其係呢排有個問題有少少困擾,
想傾訴下姐。

事源係之前2007年7月份大伯同嫂嫂o黎左香港結婚,
因為嫂嫂個證未批,
所以好多野都係我幫佢地搞。
又因為大伯同嫂嫂無錢,
我地搞左既野都係搵6299clam,
好多時見錢少少都唔好意思clam佢地,
就當我同c6送比佢地既結婚禮物。
到佢地結婚o個日就好順利啦,
大家都好開心,
不過因為o個時嫂嫂個肚都6個月大喇,
所以無著到婚紗, 有少少缺憾。
而o個晚佢地都只係叫左一團小菜就當擺左酒,
出席既除左6299, 新人同兩個細佬+當時仲係女朋友既我同細叔個女朋友之外,
就係爺爺麻麻同我老公既叔叔嬸嬸一家。

佢地註冊既第二日,
我以為自己之前幫佢地搞結婚D野太忙凍親,
咁諗住搵我公司既西醫幫手睇睇啦,
可能佢地醫生心水清D, 問埋我D親戚幾耐無o黎過!
仲笑我可能之前去旅行pre-honeymoon o個陣可能中左招!
(因為我地都plan左12月結婚)
一驗就中左, 勁開心啦!

咁但係我地既計劃就會打亂哂喇!
因為12月o個陣個肚都會幾大,
我唔想咁樣, 所以提早到9月,
一過左個農曆7月就結。

我地兩個又影婚紗想又盛咁,
都使左幾多錢, 不過都係我同c6既私己,
所以使得特別心痛。

而且我係漁家女, 仲要係長女,
所以擺酒一定唔少得,
都同我daddy mummy吵左兩次大大鑊既,
先可以減至少少地擺左7圍。
或者咁做有D不孝,
但我衡量過如果男家得兩圍,
我地女家好似做show咁大排筵席,
好似有點兒那個,
所以同媽媽佢地講價, 只擺最親既親戚,
而我地由細玩到大既好朋友 / 同學都只請total一圍,
佢地仲要身兼伴娘 / 攝影師 / 兄弟先有得去飲。

而我屋企人好多都打左好多金器比我,
雖然覺得好老土(我20歲, 覺得金器老土我諗正常掛!),
但我都有比面戴足一晚。
而6299就打左同送比嫂嫂o個對重量一樣既龍鳳手鐲,
佢地都講明咁係因為唔想有人覺得唔公平,
都同細叔個女朋友講埋佢都會係一樣既,
我地都覺得無問題ga!

當晚大伯有去, 嫂嫂個證未得去唔到,
所以只係返o黎睇相。但問題咁就出現喇。

大伯同嫂嫂而家間唔中都會話我地兩個使左好多錢,
話我屋企o個邊貪心。
我認我媽媽會向錢看,
而我除左話我自己mummy之外我都唔方便再做D咩,
都唔知可以點做好。
但自問我同c6都係同自己既錢,
而大伯同嫂嫂就覺得我地"一定"用6299既錢,
有時聽到D說話都真係好傷心。
但係我又唔方便駁,
一來o個陣有6299在場, 我唔知佢地覺得家嘈屋閉唔開心;
二來c6都開左聲講過, 再講佢地唔信都無意思;
三o黎佢地係大伯嫂嫂, 我唔想頂撞佢地......

而家佢地會有意無意咁提起,
我同c6都只係唔出聲, 笑笑就算,
一係就索性扮聽唔到。

點知避得一樣, 避唔到第二樣,
嫂嫂個B仔07年11月出左世,
而我個B就08年3月預產期。

本身以為佢個係B仔,
長孫喎, 萬千寵愛啦!
點知人算不如天算,
我c6佢地一o黎三兄弟,
而62佢地都係全男班,
所以大家都想有個B女玩下。
嫂嫂生左個仔, 所以個個就望住我個肚喇。
隻曳豬都唔知係唔係知道發生咩事,
到而家34w幾喇, 次次照u/s都比個pet我睇,
所以到而家都未知佢係男定女。
但係嫂嫂成日都話我呃佢地,
話我唔肯講......

究竟我可以點做???
我只係想安安樂樂咁過咋......
就過年喇, 嫂嫂都唔知會唔會返o黎香港過年,
如果佢o黎, 都唔知點答佢喇......

0 0 0

私人傳訊

E@V

大宅

積分: 1312

7^#

發表於 08-2-1 23:14 |只看該作者

其實你真係好好喇..
你同奶奶講喇, 佢應該係明白事理的, 叫佢出聲話無幫你地出錢..咁樣 1 唔駛嫂嫂成日覺得奶奶偏心 , 2 嫂嫂亦唔會成日煩住你

重有仔女, 其實你唔駛膽心...佢地口講啫, 到時生仔生女我肯定大家都好高興!
尤其你自己, 唔應該成日諗呢d 無謂野..安安心心等bb 出世喇~:-P

私人傳訊

jk923

翡翠宮

積分: 75416

6^#

發表於 08-2-1 23:13 |只看該作者

得罪講句，如果你大嫂係大陸人就唔好理佢講咩啦，因為我都有個大陸既大嫂，佢嫁我大伯時咩都無嫁，因為佢生埋我6299先第一次見佢。我同老公就做足晒，但係用自己錢。佢見親我同落黎後都擺出個阿嫂款，教我應該點教仔，要煮d咩佢食！:tongue: 但我只會同佢一句起兩句止，我諗教仔唔你教我，我以前係幼師黎，教細路多個你見，二來都唔覺佢煮過d咩比個仔食(99講既，因為佢地係大6無錢，tum左6299上去買樓同佢地幾仔la一齊住，所有食用洗費全是6299的，重要煮埋都未必食)。後晚食團年飯可能會見到佢地！:tongue:

私人傳訊

yinmelody

超級版主

積分: 92417

2025勳章 2025勳章蛇年勳章 2018復活節勳章好媽媽勳章醒目開學勳章畀面勳章超級版主環保接龍勳章大廚勳章親子王國15週年勳章

5^#

發表於 08-2-1 23:12 |只看該作者

洗咩理佢咁多丫.

佢地結婚都係洗6299$...仲向度' 呀支呀阻'

你地2個問心咪得囉.
洗咩理佢講咩野丫.橫掂又唔係一齊住.

你陀咩同佢有咩關係者.佢唔信你唔知.咪由佢囉.生男/女又點者.好多身家分咩

驚有人同佢個囝爭寵咩

我老公個堂呀哥個老婆又係d咁既人

話我地結婚點解有咁多圍..又話點解我有咁多金器:tongue: :tongue: :tongue:

私人傳訊

我愛Corina

瑪瑙宮

積分: 137675

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

4^#

發表於 08-2-1 22:38 |只看該作者

其實你唔駛理佢咁多la..
你又唔係洗你6299錢...你地既wedding party鍾意點咪點囉...關佢咩事..再吵咪老實同佢講,d錢係你地自己比個lor...
仲有你個bb係你ga ma..仔女你都會咁錫ga la...我6299都好錫我亞b ga..

私人傳訊

premum2006

侯爵府

積分: 20746

好媽媽勳章醒目開學勳章

3^#

發表於 08-2-1 21:45 |只看該作者

唔好樣樣都太在意
放太多包袱喺自己度
以後做人妻子,媽媽,媳婦,妯娌,嬸母等唔同角色
條路一世咁長
對得住人對得住自己咪ok囉
人嘅嘢
日久見人心嘛
即使人哋立定心思要誤會落去
你老公明白咪得囉
佢同你bb先係你嘅幸福呀
祝福你一家永遠幸福健康

私人傳訊

十月變形記

大宅

積分: 2703

2^#

發表於 08-2-1 18:06 |只看該作者

你真係一個好新抱!!

咁細個就又包容又識大體, 好難得呀.
你都做晒應該做同可以做嘅嘢啦, 把口生喺佢地兩個度, 你都冇計, 而且你老公都解釋過, 佢地唔聽就由佢地啦. 你6299有冇講清楚佢地聽你地係用自己錢?
至於係仔定女都唔由得父母話事, 只要父母愛鍚bb就幸福o架啦, 況且生仔定女人地都可能搵到話題嚟講, 所以唔好聽佢地d說話入耳.
安心養胎等小bb出世:恭: :喜:

十月變形記: http://hk.myblog.yahoo.com/bibu-fish