吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 新年"留留",俾我6299激到有丁點淡粉紅分泌!!! ...

婆媳關係今日: 0|主題: 27771

收藏本版

發帖

返回列表

跳至頁

查看: 4474 | 回覆: 29

新年"留留",俾我6299激到有丁點淡粉紅分泌!!! [複製鏈接]

pino

大宅

積分: 1646

1^#

發表於 08-2-9 22:33 |只看該作者 |正序瀏覽 |打印

我呢幾日真係一肚火

,俾6299(包括我老公)激到個肚吾多舒服,早兩日朝早仲有丁點淡粉紅分泌!!

我真係忍吾住要響度呻呻發洩下!!

我6299一向都騎呢(無數咁多野),我已經一向都吾多敢"惹"佢地,費時到時又俾佢地激親!.....咁農曆新年,父母一般都會俾壓歲$仔女架啦,佢地已經一向吾俾,直情好似完全吾知咩係壓歲$咁添(定係孤寒扮吾識??)!!咁算啦,我都吾恨佢地既利是!!但係今年我就想佢地利利是是,俾利是小b,諗住都係為小b,我媽媽都話人地話爺爺mama要俾,咁我知佢地自己實吾會做,於是就叫我老公預先同佢地講聲啦,係咁易都得架啦!!

結果佢地俾左,但係就得1封,但佢地明明兩公婆嘛,吾係一人一封架咩,咁算啦,佢地不嬲都古古怪怪!根住我知佢地一向勁緊張$,就拆開封利是,八下佢地會封幾多俾個孫!!點知一拆,見到1張$100+1張$10!!!!!!!

我吾知大家覺得點,我自己見到就即刻打個突!!第一,我咁大個女從未見過人地咁封利是,已經覺得超騎呢,點解會好似搭豬骨咁無啦啦多1張$10??第二,亦係最主要既問題,就係,我隱約記得呢個數目,有d人(我以前公司既case)封果d"大吉利是"野俾人時就會咁封(當然好多人係封$100加個coin,但好似都可以咁封,特別係無coin時),我就即刻俾我媽媽睇,想睇下佢既反應,會吾會係我自己記錯!我媽媽一睇,即刻面都變哂,我就知係咩事,但新年留留,大家都吾敢講到出口o者!!跟住,我好隱晦咁同我老公講咩事,我話有咩理由封得咁騎呢,點知佢即刻好吾like仲"喝"番我,又話可能佢地吾小心攝多張姐,又話吾覺得有問題,又.....之後我同我媽媽個心都好吾舒服,我媽媽諗諗下,又係費時自己諗錯野,就打電話去問另一個年紀再大d既長輩,媽媽最初只係問佢如果有人新年咁封利是,有咩意思,對方即刻話:"啋!!!大吉利是!!!!!!咪果d野囉!!!"就問我媽媽邊個咁封咁黑心,跟住我媽媽講哂成件事俾佢聽,佢即刻鬧到九彩!!之後我媽媽先再同我講,原來咁啱佢早兩星期有個朋友屋企人咩左,佢就係exactly封左呢個數俾人(因為佢另外有d朋友都係咁封)!!!!!佢結果當然更加激到紮紮跳!!

之後,就係........六國大封相咁濟!!!事後,我99既解釋係,佢原本封$100,我62就拆出黎睇,睇睇下就攝多張$10落去!!!哼,我真係無野好講!

以我認識62多年既估計,佢既思維根本係孤寒吾想封,但又覺得自己一點都無貢獻吾好意思,就整張$10落佢老婆封野度當俾左!!!唉,真係好難頂呀佢地!!:tongue: :tongue: :tongue: 我99之後重要講句,"我幾十年都未聽過人話要封利是俾未出世既bb!!"仲話可能係我媽媽自己鄉下先興喎!咁即係咩意思,係咪即係你都吾願封,不過,"你地要咯,咪俾囉"咁呀??!!講真,呢d野好平常姐,平常你見到個fd大肚,有心既都會話"俾封利是你個小b,利利是是"咁樣啦!!我吾明點解99會講到好似叫佢吾知要做d咩古怪行徑咁!!成日乜野都話吾識吾識,我62吾想我99做野時(怕佢辛苦),試過話,:"佢吾識洗杯架!"

衫鈕又話吾識釘!!!.........

總之,我今次真係勁後悔叫佢地俾利是,估吾到咁小既野都可以攪到咁,真係多得佢地吾少!!今次之後,我真係更肯定我6299真係完全吾"惹"得架,原來吾駛接觸佢地,吾駛見佢地同佢地講野,真係已經當行運架啦!!

成日話幾十年未聽過乜未聽過物,我夠咁大個女未聽過有人好似你地咁騎呢啦!!!:tongue: :tongue: :tongue:

0 0 0

私人傳訊

bunnymami

別墅

積分: 711

30^#

發表於 08-2-12 18:13 |只看該作者

係呀，做帛金係封單數，即係除唔盡果種，如果佢地封$110係雙數，係無問題架；樓主唔好嬲啦，最緊要係自己同bb o既身體，呢d凡文俗節o既野好閑嗟，算啦。

原文章由 anita_yps 於 08-2-10 00:57 發表
你係咪誤會佢地, 因為有D鄉下既習慣係咁, 我MAMI既鄉下就係咁, $100+$10係雙數, 做帛金係零頭單數, SO係$1, 唔係$10。

你果多出黎既$10意思係希望後輩有出頭, 所以先要多出$10, 好多香港既年輕人, 甚至中年, 老年人 ...

私人傳訊

jessicaluiyan

洋房

積分: 245

29^#

發表於 08-2-12 17:53 |只看該作者

$110利是..好小事,放鬆啦.
同埋,我都真係冇聽過要封比肚入面bb,所以媽媽成日話bb新年前出黎先趕到出黎逗利是.

私人傳訊

pingu_k

侯爵府

積分: 21813

28^#

發表於 08-2-12 15:39 |只看該作者

原文章由 lemonpie 於 08-2-11 12:44 發表
上面有些網友話$110吾係做X金,但事實上版主身邊亦有好多人係咁做X金(我身邊都有人咁),難道果班人就全部做錯?..大家都曉話各處鄉村各處例,版主一直得到既訊息都係咁,試問佢一心想為bb拎意頭,但結果得到既竟然係最吾意 ...

AGREE!

"我幾十年都未聽過人話要封利是俾未出世既bb!!"仲話可能係我媽媽自己鄉下先興喎!
~~~>>利是=祝福=關心/愛錫,乜祝福,關心/愛錫都要"聽過"至識做?要"鄉下興"至可以做?祝福只要有"心",你想既就可以做,隨時隨地都可以,比任何人都可以,同"受唔起"更拉唔上關係吧?!

我c6 D fd&同事都有主動比利是我肚內既阿b啦!

佢跟你姓都得架!!!"
吾好要個bb囉,反正都未成形!!!"
想唔比你生???
~~~>>

"緊"既說話係人講ga??咁既6299應該攞去

私人傳訊

lemonpie

洋房

積分: 83

27^#

發表於 08-2-11 12:44 |只看該作者

上面有些網友話$110吾係做X金,但事實上版主身邊亦有好多人係咁做X金(我身邊都有人咁),難道果班人就全部做錯?..大家都曉話各處鄉村各處例,版主一直得到既訊息都係咁,試問佢一心想為bb拎意頭,但結果得到既竟然係最吾意頭既東西(以佢所知啦至少),咁我認為嬲,介意都非常正常!

講真句,男家最初就話吾知係乜意思o者,到知啦,老公依然話"無問題",99竟然還說當封俾個仔,換著係我,我都嬲啦!

不過,睇到版主再講多D佢6299既騎呢事(sorry,其實我覺得吾係騎呢,係衰格

),我認為呢對6299幾不知所謂,得罪講句,版主,睇落佢地根本吾想你有b!!~~佢地咁衰,應該還有大把"案例"!積埋積埋,俾著我都火山爆發啦,大家好心吾好再話版主小器,吾大方..... 啦!唉.

私人傳訊

A.C.C.

大宅

積分: 3786

26^#

發表於 08-2-11 11:22 |只看該作者

原文章由 polly1120 於 08-2-10 12:44 發表
超小事咋喎.. ?-( ?-( 小題大做…
睇到你個標題話俾人激到流紅都覺得你係比較偏激.. 根本都唔關事..........

你自己口話唔介意佢地俾唔俾利是.. 但又勁緊張入面幾多錢啊, 又緊張佢地俾唔俾, 老實講, 我都未聽過要人 ...

到底係咪小事，係睇樓主自己嘅感覺，已經谷到一肚氣先會上呢度呻，如果唔係好嬲，又邊個會想上來.....
樓主已經唔舒服啦，大肚婆本來就容易情緒波動，就算有時敏感咗都係人之常情。

不過樓主唔好因為封110利是激嬲自己啦，小B要緊，任何唔好聽嘅就唔好理當聽唔到:tongue:

[ 本文章最後由 A.C.C. 於 08-2-11 11:27 編輯 ]

私人傳訊

jackie123

大宅

積分: 2348

25^#

發表於 08-2-11 10:57 |只看該作者

其實我老爺在生時我一路都收110, 不過一封一百, 一封十元, 不如樓主當老爺無利是封係身, 所以夾埋奶奶一齊封, 唔好勞氣lar, bb 緊要呀

私人傳訊

siusum

伯爵府

積分: 15132

好媽媽勳章醒目開學勳章

24^#

發表於 08-2-11 09:59 |只看該作者

我個b上年三月出世, 我媽媽都叫我阿爸新年千其唔好派利是比未出世的bb, 出左世先好比喎...不過又唔話比我知點解...淨係話對阿b唔係咁好

私人傳訊

十月變形記

大宅

積分: 2703

23^#

發表於 08-2-11 00:34 |只看該作者

原文章由 pino 於 08-2-10 21:50 發表
先多謝某些網友既關心!

或者係既,如果吾係有多年來累積既"前因",我今次真係未必會嬲到呢個程度!但6299多年來既騎呢野/衰野,真係令我愈來愈無法忍受!所以而家一發生d乜,我可能都真係會比正常大反應!

舉例,有關小b, ...

其實全部人都係關心你, 不過意見梗有正有反, 你無需要太過敏感. 而且你有咗, 情緒唔好太大上大落, 冷靜d, 養好個胎, 生個肥肥白白小bb

十月變形記: http://hk.myblog.yahoo.com/bibu-fish

私人傳訊

十月變形記

大宅

積分: 2703

22^#

發表於 08-2-11 00:27 |只看該作者

我都認為各處鄉村各處例, 我都未聽過要封利是俾未出世嘅bb, 係咪意頭都未知, 因為有d人又可能話未出世未必受得起添, 所以唔好攞嚟激心.
都有d媽咪解釋過, 大吉利是嗰d情況係封單數, $110都係雙數, 百無禁忌啦!

十月變形記: http://hk.myblog.yahoo.com/bibu-fish

私人傳訊

pino

大宅

積分: 1646

21^#

發表於 08-2-10 21:50 |只看該作者

先多謝某些網友既關心!

或者係既,如果吾係有多年來累積既"前因",我今次真係未必會嬲到呢個程度!但6299多年來既騎呢野/衰野,真係令我愈來愈無法忍受!所以而家一發生d乜,我可能都真係會比正常大反應!

舉例,有關小b,就發生過下面既事:
1.我果時未有bb,我亦都無開聲叫99第時湊,佢就已經對住我阿媽講:"第時佢地真係生,千祈吾好預我湊呀!!你反正湊開孫,你湊埋佢啦!!佢跟你姓都得架!!!"

佢地兩公婆齊全,我媽媽就寡母婆一個,真係要湊,佢地係爺爺mama都應該要湊先啦!!而且,根本我都吾會俾d咁既人湊我阿b,駛吾駛一早就驚定先咁講?!仲要話跟女家姓都得!!
2.我62曾經叫我地:吾好生bb!!...有次出去食飯,佢趁我老公行開左,就同我講而家打工好辛苦呀,負擔重呀....."所以我叫阿xx(我老公)吾好生!!"跟住重要重覆呢句說話幾次,好似要我say yes應承佢咁!!我就專登完全吾俾反應!!我覺得你分析俾我地聽話養個小朋友負擔好重,叫我地考慮清楚,咁樣好正常!但你憑乜野叫我吾好生??呢d點都係我兩公婆既事掛?!!
3.我有左後,卵巢入面出現水瘤,有左bb個幾月時曾經因為咁引致個肚突然好痛,要call白車入醫院,結果訓左醫院幾日!醫生話無乜辦法,都係要等佢自己縮細,再吾係,除非係無左bb,先會無左個水瘤,但係個水瘤對bb無影響!咁我99去醫院探我,我講番醫生既說話俾佢聽,佢即刻就話:"咁咪吾好要個bb囉,反正都未成形!!!"d咁既說話,我真係覺得極度過份!!

私人傳訊

CBBCBB

大宅

積分: 3732

20^#

發表於 08-2-10 19:08 |只看該作者

我父母兒孫滿堂，一家和睦，佢地從未俾過壓歲錢後輩，亦冇封利是俾未出世bb，因為鄉下冇咁做，所以你唔駛咁介意，況且110可以俾2除盡，應該算係雙數，bb始終係兩老嘅乖孫，我諗佢地冇心嘅，唔好嬲佢地喇 :-P

私人傳訊

大宅

積分: 2178

19^#

發表於 08-2-10 18:25 |只看該作者

樓主,真係各處鄉村,各處例，
我大肚時,大的（Ｃ６和我）無利事的，小的亦無，無所謂,習慣唔同者。
我現在不是９９,不過幾十年後,我會做人９９，所以我都盡量對９９好好。

唔想他朝君體也相同。

無仔的可以大聲話９９,我們有仔的會站在對方的站場,想多些,始終係人地阿媽了,

要成熟些和大方些了。

私人傳訊

drlin

複式洋房

積分: 287

18^#

發表於 08-2-10 17:14 |只看該作者

原文章由 anita_yps 於 08-2-10 00:57 發表
你係咪誤會佢地, 因為有D鄉下既習慣係咁, 我MAMI既鄉下就係咁, $100+$10係雙數, 做帛金係零頭單數, SO係$1, 唔係$10。

你果多出黎既$10意思係希望後輩有出頭, 所以先要多出$10, 好多香港既年輕人, 甚至中年, 老年人 ...

帛金係單數呀,唔會俾 $10.尾嫁.
樓主你一向同 99 唔啱嫁? 其實好小事啫.各處鄉村各處例,我 99 會俾壓歲錢,佢都係俾單封 ($20.) 等我哋放在眈頭下. 而我媽一向都無 e d 習俗,唔會俾.
唔會咁小事就嬲一餐啦!好易老嫁

私人傳訊

weima

禁止訪問

積分: 940

17^#

發表於 08-2-10 16:26 |只看該作者

提示: 作者被禁止或刪除內容自動屏蔽

私人傳訊

lemonpie

洋房

積分: 83

16^#

發表於 08-2-10 16:20 |只看該作者

版主,吾記得講,您要保重身體!!!雖然係好嬲,但諗諗為D咁既人影響自己真係好吾值,咁您就會好D! take care!! D無聊人講既野就更加吾洗理! :->

私人傳訊

lemonpie

洋房

積分: 83

15^#

發表於 08-2-10 16:17 |只看該作者

俾我都"興"喎!好似剛才在另一版見到個網友話佢老公那邊話結婚後就"冇利是"(i.e.唔派利是),佢聽到後覺得唔順耳,我覺得係喎!!"新精頭",邊個吾講意頭?

尤其版主呢單,版主身為媽媽,明知佢6299吾會俾利是bb,問定佢6299拎利是都係想為個bb拎個意頭,祝福,咁有問題mei?難道真係貪佢地一百幾十?到頭來收到封咁既野,俾我我真係啋c佢!!

算我都孤陋寡聞,我亦都未聽過有人會封$110俾人!做"果ting野"咁封我就聽過!另外,撇開利吾利是呢樣野,版主99話呀62睇睇下就攝多張$10落去,呀99又無反對,單單呢個動作都feel到呢對6299有幾騎呢!吾識洗杯,衫鈕又話吾識釘???scaring!!!

係咪真吾識定另有目的而咁講都吾知!面對呢D家人,想吾發火我覺得好難!

所以polly1120,你咁都話超小事,小題大做,真係佩服佩服!!

私人傳訊

dannypang

別墅

積分: 530

14^#

發表於 08-2-10 15:51 |只看該作者

其實你係咪人哋99嚟

原文章由 polly1120 於 08-2-10 12:44 發表
超小事咋喎.. ?-( ?-( 小題大做…
睇到你個標題話俾人激到流紅都覺得你係比較偏激.. 根本都唔關事..........

你自己口話唔介意佢地俾唔俾利是.. 但又勁緊張入面幾多錢啊, 又緊張佢地俾唔俾, 老實講, 我都未聽過要人 ...