吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我嬲到攬住我老公喊

婆媳關係今日: 0|主題: 27759

收藏本版

發帖

返回列表

跳至頁

查看: 5913 | 回覆: 24

我嬲到攬住我老公喊 [複製鏈接]

有苦自己知

民房

積分: 10

1^#

發表於 08-2-11 00:40 |只看該作者 |正序瀏覽 |打印

我老爺同奶奶唔係算好惡頂，但係有好多嘢，我同老公結婚成十年我都唔習慣佢地嘅作風。

我奶奶同老爺都係受過教育嘅人（一個係醫生，一個係大學教化學，兩個都係晌50年代留學澳洲時識），佢地已經70歲有多。我奶奶係一個好厲害嘅女人，雖然能幹但係成日戴住假面具做人，我覺得佢好虛偽。我老爺屋企以前非常有錢，所以唔知民間疾苦，份人好自私，成日要人就佢，好鐘意洗錢（洗晌自己度，鐘意食，享受）。

我老公得一個妹，佢晌美國，有一仔（三歲半）一女（半歲），我只有一個仔就黎一歲，我老爺平時晌電話都問亞仔識行未（佢地移咗民去澳洲），話應該識行，通常我奶奶就會即刻截住佢，講話細路仔一到時候就會自己行，唔洗膽心。如事者都試過幾次咁嘅情形，問完又答咁，我只係以為佢只係過份關心，無乜嘢。新年老爺奶奶返黎同我地過年，點知年初二嗰晚，我地一齊晌屋企食飯，又有兩個親戚將會移民，其中一個有病，專登黎同我地飯敘。但係我老爺開著個電視睇，雖然佢地熟，但係我同奶奶都覺得佢無禮貌，將近埋位我就熄咗個電視，食完飯，佢又開番個電視，話睇DV碟，係佢平時同旅行影嘅，初初睇返新年呢幾日影我個仔果D，我個仔仲有幾日就一歲未識行，佢話想影晒隻碟，所以影我個仔，然後播俾我地同親戚睇，跟住唔知點樣，我睇到佢轉碟，然後晌Menu揀片，揀到其中一段片仲要Fast forward，當停咗嘅時候，就見姑仔同佢老公一人企走瑯一邊，佢個仔晌佢地中間行好開心，好似係啱啱識行咁，我睇到佢個仔應該當時細過兩歲（佢兩歲我地見過面，係唔同樣）咁我地以為佢係歲半，點知老爺話唔係，係一歲，仲補充話係一歲生日會影（有氣球）我第一時間就諗點解播完我個仔，然後揾碟再播佢另外個男孫。仲要唔係近期嘅，係兩年幾前嘅一歲生日。（後尾同老公講返，佢都有同感，唔明佢亞爸點解有咁嘅舉動）

我即刻面都變埋，好傷心，想起身入廚房避，但係俾奶奶叫住我要我坐番低（我覺得佢知發生乜事，但係扮豬食老虎，雖然佢果陣係晌餐檯同人傾緊計，背住沙化）我覺得老爺原來一直以黎唔係關心我個仔嘅進展，只係想用我個仔托起佢個男孫有幾醒（因為佢將兩段片咁播法），一歲就識行，我唔係要鬥同比乜嘢，我只係心痛佢咁樣利用我個仔，難為我個仔見親佢都好開心爬埋佢度。除咗呢樣，佢見親我個仔都撩佢，例如俾嘢等佢拎，但又即刻收返等佢喊。我個仔攞住枝叉玩，所有人都叫我老公拿拿臨收番枝叉（包括佢）點知原來佢話驚亞仔篤花佢張檯，我地個個都即時話有無攪錯，顧張檯唔顧個孫。我當晚就同我老公講，我好傷心失望，攬住我老公喊，想掉晒佢地送俾亞仔嘅嘢（唔多，有幾件衫仲係一洗甩色兼走樣，where晒果隻）。你讚個男孫咪讚囉，洗唔洗要拍埋一齊俾人睇。

佢地唔係第一次咁樣，我都係最近先同番佢地聯絡，我老公不嬲企我呢邊，佢話佢都想問佢亞爸點解，因為佢亞爸係唔會講對唔住，次次都係奶奶同佢拆掂，而奶奶又成日詐唔知，扮傻。

我個仔初六生日，佢地話要同我地一齊慶祝，但係我仲好傷心，唔想佢地嚟，因為一諗起我就想喊，好心痛，佢地當我個仔係乜？飯後娛樂？

我係咪反應太大？

[ 本文章最後由有苦自己知於 08-2-11 00:44 編輯 ]

0 0 0

私人傳訊

driedpork

禁止訪問

積分: 2182

25^#

發表於 08-2-13 23:16 |只看該作者

提示: 作者被禁止或刪除內容自動屏蔽

私人傳訊

pingu_k

侯爵府

積分: 21812

24^#

發表於 08-2-12 13:16 |只看該作者

唉!有D人唔知點解就係咁衰?!!:tongue:

你唔好太唔開心,想想你c6都企你呢面,咁就好夠啦!有D老婆個c6專幫6299仲慘!

cheer up!!

私人傳訊

E@V

大宅

積分: 1312

23^#

發表於 08-2-12 02:45 |只看該作者

唔好咁快俾囝囝行添呀!!
我嫲嫲之前就係迫我阿哥學行 (差唔多一歲), 點知佢d 骨未生好, 搞到最後要去睇物理治療, 重要將兩隻腳仔夾板呀!

你唔好理你62, 99 囉! 反正又唔係正日見, 避到就避, 避唔到未當佢地唱歌!!:tongue:

私人傳訊

anita_yps

侯爵府

積分: 23755

2024年龍年勳章 BK Milk勳章畀面勳章

22^#

發表於 08-2-12 01:56 |只看該作者

呢個時刻最好扮我咩野都唔知, 我咩野都唔理, 由得你C6同6299折掂佢。

其實係C6同62都應該係硬脛既人先會攪到咁薑, 你62又係唔知點咁, 行早行慢呢D咁小既事, 駛咩專登做D野出黎等人唔開心呀。

私人傳訊

tintinfun

複式洋房

積分: 463

21^#

發表於 08-2-11 23:33 |只看該作者

我覺得版主想多了

私人傳訊

PurpleSea

大宅

積分: 4311

20^#

發表於 08-2-11 18:41 |只看該作者

回覆 #1 有苦自己知的文章

Usually the old fashion grandparents love the "in" grandson more than the "out" grandson ga wor!!

私人傳訊

yukkie

男爵府

積分: 7827

19^#

發表於 08-2-11 17:34 |只看該作者

agree!!! 好似我朋友講無論點都係你呢個老婆有問題 ﹐ 一陣人地以為你貓哭老鼠 ﹐ 真係無謂

原文章由 weima 於 08-2-11 16:21 發表
既然事已至此，樓主你一定要支持老公。可能佢為左你同父母撐，又或者佢都好唔順父母會咁對佢個仔，所以語氣唔好，甚至不惜吵大鑊，但你千奇唔好話佢點解要搞成咁，如果佢係為左你撐，你數番佢會令佢好hurt。

佢同父母搞成咁已經一 ...

Nijnje

私人傳訊

Charlotte_mom

王國長老

積分: 223409

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

18^#

發表於 08-2-11 17:26 |只看該作者

攪成咁, 我都建議你咩都唔好理喇! 大家都over左, 你而家插手盞做"架兩", 夾o係中間難做人

原文章由 weima 於 08-2-11 04:21 PM 發表
既然事已至此，樓主你一定要支持老公。可能佢為左你同父母撐，又或者佢都好唔順父母會咁對佢個仔，所以語氣唔好，甚至不惜吵大鑊，但你千奇唔好話佢點解要搞成咁，如果佢係為左你撐，你數番佢會令佢好hurt。

佢同父母搞成咁已經一 ...

私人傳訊

calculator

大宅

積分: 4828

畀面勳章

17^#

發表於 08-2-11 17:02 |只看該作者

喂喂! 我老闆娘話識講野先過識行, 條命好d, 我信o家, 因為係老細都用把口叫人做野, 使mud咁辛苦自己"行"啫! 你個仔咁聰明, 要你抱佢, 幫佢拿東拿西, 你真辛苦!!

私人傳訊

均均媽

大宅

積分: 2249

好媽媽勳章

16^#

發表於 08-2-11 16:24 |只看該作者

唔好傷心啦,不過你老爺又奇怪,佢唔係應該錫你個仔(男內孫喎)多點架咩..點解偏心個外孫?-( 呢d人唔洗理佢地啦...一歲唔識行又點..我個仔未夠一歲未學過行已經識跑喇

咁又點..但佢一歲都未出到半隻牙呀

個個小朋友發展都唔同,你個仔好正常架:loveliness:

私人傳訊

weima

禁止訪問

積分: 940

15^#

發表於 08-2-11 16:21 |只看該作者

提示: 作者被禁止或刪除內容自動屏蔽

私人傳訊

有苦自己知

民房

積分: 10

14^#

發表於 08-2-11 16:03 |只看該作者

原本老公係諗住寫封信俾佢地，講番件事，但因為佢無時間晌生日之前寫，咁就選擇晌公司打電話講（啱啱12:30pm打），點知就出事。

首先講電話好易生誤會，我都唔贊成老公晌電話同佢地講，因為佢講野係好倔，好強硬。有理講不清之外，因為仲係3人會議（老爺，奶奶，老公），大家一人一句，解釋都未講完就俾對方截斷，所以講到唔清唔楚，最弊係有D說話講咗收唔返，殺傷力好大。

都唔知點講起佢地頭先嘅對話，因為成件事依家搞到好大鑊。我只可以話，臨收線前老爺話如果佢地唔受歡迎就唔會再黎，奶奶就強調話佢有權睇個孫，我老公話權利係要自己賺番黎（佢意思係我地唔同意，唔通佢真係撞門入屋擄走個孫咩？），同埋如果佢再堅持佢有權，我地會斷絕來往，以後唔見。講完後我奶奶就喊。

我都唔明點解搞成咁。其實我真係無諗過會咁。我最多諗住聽日我老公載個仔去同佢地食下野見見面，我就消失幾個鐘（乜籍口都好）然後等我心情平覆先再見面。

我同我老公講無論點，唔應該咁樣講野，少D來往咪少D囉，唔洗講到咁，無彎轉。

俾D時間我整理下先再出post。

私人傳訊

kantanjin

大宅

積分: 1272

13^#

發表於 08-2-11 15:24 |只看該作者

原來有文化同無文化既6299都係咁~既..(強項: 都係唔理人感受, 最叻用說話行動去傷害新抱)

我都似妳咁. 拎個心出來對佢地男家, 但佢地永遠當應份及應該. 妳好好啦. 起碼妳老公企係妳立場, 佢唔幫佢父母. 我c6全幫佢家人. 唔會理我感受. 無文化既家族

如妳老公話要問6299. 妳又佢問啦. 我地新抱唔好理. 妳同老公講問完既結果亦都唔想知. 廢事妳又會為呢個唔知咩既結果/答案而唔開心 (唔好浪費左自己既感情/感覺)

至於生日會既問題, 妳咪同老公講, 想一家三口開心過, 過左正日先同6299同仔仔慶祝. 一係就婉轉地講, 話不如約埋邊位朋友一齊慶祝. 妳地"一家三口" 係而家呢個年代硬係要加插埋6299, 姑99, 姑仔....etc. 妳係媽媽同仔仔慶祝天經地義

唔好為呢兩個"人物"而唔開心. 唔值得呢, 慢慢學啦. 我尚在學習中, 有排都未畢業呢

私人傳訊

Charlotte_mom

王國長老

積分: 223409

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

12^#

發表於 08-2-11 14:52 |只看該作者

一廂情願??
我"後生"時, 真係曾經天真過, 我個人好直, 最怕人"扮晒蟹", 初結婚, 我62同我老公講, 結左婚就係男家既人, 唔好拎錢返外家, 我老公就叫我靜靜雞唔好俾佢地知, 我傻到好天真地同我62傾計, 話我屋企點點點, 我62即時扮野, 話我老公誤會佢意思, 佢無咁講過, 我又傻到信......
咁多年後, 我發現我以前真係好笨! 唔係下下你拎個心出黎, 人地就會同樣對你好, 所以而家我樣樣都arm's length, 真心話無謂講咁多!
所以話最好就"今天天氣呵呵呵"喇!

原文章由 有苦自己知 於 08-2-11 12:51 PM 發表
真係多謝各位嘅安慰。

呢幾日我真係好唔開心，可能之前都有好多事，唔止今次呢單，好多時我都算，或者幫佢揾籍口，但係今次我都唔識點呃我自己。

最近仲以為可以大家開心見誠，不過睇黎係我一廂情願。

我老爺知道我個仔正常，我 ...

私人傳訊

kellyly

侯爵府

積分: 24623

好媽媽勳章畀面勳章

11^#

發表於 08-2-11 13:18 |只看該作者

洗咩理佢.
你62同我62一樣都係嗰d知識份子黎ka.
我仔6個月大時未識轉身就話乜咁蠹ka,呀妹個女4個月大時都識轉la.
好la到呀仔一歲大時又係未識行又話呀仔蠹唔識行,呀妹個女都識行la.
我無理佢,我教好呀仔.
而家佢地話我呀仔好禮貌又自己食飯.
我心諗緊係la,你地d咁既人只會睇低人地,唔會係另一角度睇人.
所以而家佢地只有"幸"無得湊孫.哈哈哈哈

私人傳訊

sylviawong

男爵府

積分: 5339

10^#

發表於 08-2-11 13:08 |只看該作者

唔駛唔開心啦,我個仔歲半先識行,行就唔駛擔心既(因為佢地無事既話一定會識行!)
你咪忍C忍尿(SORRY,好粗魯),忍埋佢呢幾日羅...癈事你老公難做啦

私人傳訊

有苦自己知

民房

積分: 10

9^#

發表於 08-2-11 12:51 |只看該作者

真係多謝各位嘅安慰。

呢幾日我真係好唔開心，可能之前都有好多事，唔止今次呢單，好多時我都算，或者幫佢揾籍口，但係今次我都唔識點呃我自己。

最近仲以為可以大家開心見誠，不過睇黎係我一廂情願。

我老爺知道我個仔正常，我地每個人都明學行呢D嘢係有遲有早，唔代表乜。但係可能佢係一個好勝心好重嘅人（年輕時好鐘意打網球同golf，仲嬴咗好多獎）所以佢可能覺得正常唔算乜，越早就越醒（其實我好多時見BK內都有媽媽有咁嘅態度，或者人性係咁）

我無諗過去鬥，亦唔係因為我個仔無人地咁快識行而唔開心。我唔開心嘅原因係，我地唔想作比較，好多時對話上都儘量避免觸及呢個話題，講真，比較下實有輸嬴，但係呢D輸嬴都唔係真輸嬴（學行遲早），但係佢一直唔放棄，講無得講就用行動去show比我地睇，其實佢係想講，佢個男孫好(口力)，監硬將我個仔label做輸家黎話俾人知個男孫好(口力)，由頭到尾係得佢同奶奶知個男孫比我個仔早行，佢地可以選擇唔出聲，但係佢無囉，係都要將兩個孫嘅同歲片段咁樣播法，仲要轉揀一歲生日，仲要係淨show行個段，好明顯係有心揀俾我地睇。

我老公話會直接問佢點解咁做，仲要唔俾奶奶幫口。如果佢又係側側膊唔多覺，我老公話唔會同佢地聯絡見面，但我覺得咁樣唔好，咁做好仵逆。

佢地成日都係咁，講嘢有好多時唔會理下人地感受，口氣又好傲慢下，我覺得好難頂，雖然唔係大事，但係成日都咁，小事成多，我好難受。佢地都要考慮下我嘅感受。真係一言難盡。

我覺得佢地係上幾代嘅人，呢個世界在變，佢地非常脫節，可能真係要同佢"今天天氣呵呵呵"，唔係下下周不時俾佢hurt一hurt，人都老快D。

私人傳訊

泳泳102

複式洋房

積分: 190

8^#

發表於 08-2-11 12:12 |只看該作者

唔洗理62啦，費既，枉佢係讀書人，一D教養都無，你99都係，扮唔知就得架哪，你唔鐘意的話就同你C6講唔想6299黎個仔開生日會，費事變左開片。

私人傳訊

bigmagmag

別墅

積分: 607

7^#

發表於 08-2-11 11:53 |只看該作者

My baby can walks on 18 months,...
it's late, but i don't think it is a problem ...
Don't be sad because of it la...
your 62 is so die hard and stupid