婆媳關係 今日: 0 | 主題: 27778

積分: 6333

1^#

發表於 08-4-18 16:50 |只看該作者 |正序瀏覽 |打印

我曾經有一段時間好唔like我奶奶的，話說我係好中意買衫的，咁一年當中都買埋唔少，而我見我姑仔的生活環境唔係太好，佢又瘦過我，咁我好多時都會將d唔著但係新淨的衫執俾佢，由於我姑仔當時日日都返奶奶屋企食飯，咁我會將d衫先攞去奶奶屋企等姑仔攞。可能我奶奶唔知d衫全部都係用我自己的錢買，見到我買咗咁多衫又唔要，竟然叫c6話我，叫我唔好咁大使wor，我當時聽到，真係好唔開心，就算我買咗好多衫唔著，我都唔係用c6 d錢，就算唔要都唔係益其他人，係俾佢個女咋。佢有無諗番轉頭，我可以將d衫送俾其他人的，我只係見到姑仔環境唔好，佢要養自己同2個女(因為佢老公唔理屋企的)，咁我俾佢，佢可以慳番d錢唔好咩。

另一方面，佢同我媽的關係又几好的、几關心我阿媽的，好多時都會主動打電話同我媽傾計，試過有一次我地新年去咗旅行，但我媽無去，佢知新年得我媽一個人係屋企，就同姑仔大年初二搵我媽去飲荼，等佢唔使咁悶。
如果我地兩家人一齊出來食飯，佢一定要我呀媽同佢坐，又成日幫我呀媽夾餸，照顧佢wor

你地話，我奶奶算唔算係好奶奶呢 ?

0 0 0

私人傳訊

evashao

積分: 2165

26^#

發表於 08-4-23 12:30 |只看該作者

睇你講既case,我覺得你99算係好99嚟架~

至少佢會同你媽咪打好關係,互相關心慰問,你地又可以有個渠道(媽咪)知到99有無病痛,好過佢老人家屈埋屈埋~凈係呢點都係一種幸福!

有時我見其他媽咪o係度呻~99一係就當正男家大晒,睇唔起親家;再唔係就乜都同親家比較,死要面唔肯執輸;再再唔係就向親家打小報告,狂數新抱不是...呢d咁既姻親關係真係睇見到怕怕,所以你應該覺得好安慰

!

至於送舊衫~我諗你99都係出於善意先同你老公講叫你唔好亂駛錢既啫,佢都知你d衫係比姑仔想幫輕下姑仔,所以佢應該唔係有心鬧你既!老人家只係對事唔對人咁提點下你,而且佢叫個仔同你講,都係唔想親口話你免你難受或者誤會,只要你自己清楚咩事咪ok囉,其實好多老人家見到d後生買野,唔多唔少都會叫佢地[慳d駛]/[唔好咁大駛],就好似係佢地既一句口頭禪咁!或者樓主你父母從來都無咁同你講過,所以當聽到有人咁同你講既時候你會好介意~其實真係好小事嚟架咋,唔好太介懷喇!

本來我都諗住既然你唔想99囉嗦,就提議你不如親自約姑仔交收,咁就可以避免再有機會聽到你99既[長氣]說話!而家見你都係用呢套方法咁咪大家都好囉

!

放開d啦樓主~佢始終都係一個好99,為左一句半句說話耿耿於懷,影響左大家既關係就真係好唔值~~

[ 本文章最後由 evashao 於 08-4-23 12:35 編輯 ]

私人傳訊

Leomummy

積分: 7723

25^#

發表於 08-4-19 13:20 |只看該作者

原文章由 水媽媽 於 08-4-19 11:56 發表
我見我俾姑仔d衫，佢真係有著架，有時靚個d仲著去飲添呀，以前我姑仔兩個女細，就只係佢可以著，而家佢兩個女高過佢，可以三母女一齊著添呀，所以我一直都keep住留衫俾佢lor ...

我都想信會有好多人好似我咁，真係唔介意著人哋d衫ga，環保吖嘛

你又俾得開心，佢哋又著得開心，大家都開心，你又有個算唔錯既99，咪再諗埋一邊啦﹗

私人傳訊

shanbbmami

複式洋房

積分: 474

24^#

發表於 08-4-19 11:58 |只看該作者

甘又係既 D老人家係甘架喇。省住D錢，見到自己身邊人買多也就覺得曬錢。

私人傳訊

積分: 6333

23^#

發表於 08-4-19 11:56 |只看該作者

回覆 #22 Leomummy 的文章

我見我俾姑仔d衫，佢真係有著架，有時靚個d仲著去飲添呀，以前我姑仔兩個女細，就只係佢可以著，而家佢兩個女高過佢，可以三母女一齊著添呀，所以我一直都keep住留衫俾佢lor

私人傳訊

Leomummy

積分: 7723

22^#

發表於 08-4-18 23:32 |只看該作者

原文章由 cherry1498 於 08-4-18 17:14 發表
講真...如果我真係咁多舊3,我寧願拎去捐...俾姑仔..好似唔知點咁...掉轉係你,成日著人舊3你會點諗丫...我明白你都係一番好意...你99算係咁啦,如果我99...唉...阿B仲係1歲個陣,有次發燒,我地好緊張...不過我老公番唔 ...

其實俾舊衫人哋，我覺得無問題噃﹗因為我好多時都會要朋友d舊衫，佢地俾我d衫都幾新ga，有d仲未著過，己經唔啱啦，我又唔會介意噃，咁我又可以慳返買衫錢吖嘛﹗一家便宜兩家着，可樂而不為呢﹗

私人傳訊

vvcc

積分: 1952

21^#

發表於 08-4-18 22:02 |只看該作者

原文章由 水媽媽 於 08-4-18 05:08 PM 發表
係的，我見99對我媽几好，我都感動架，所以有時99唔舒服，唔敢話俾d仔知，只係同我媽傾開電話先講，咁我媽講番出來，我就叫c6打個電話問吓99仲有無事，使唔使幫忙呀 ...

咁你99 算幾好, 幾識do架啦.
有事又唔敢話俾啲仔聽, 費事你地擔心...
唔會煩住晒.
我個99 事無大小, 狗屎垃圾都要驚一餐,
仲要急call 我老公, 要我老公隨傳隨到,
如果我老公話唔返去住, 佢會响電話度cut 線,
等我老公驚一驚, 跟住咪即刻返去囉.
真係好好好好鬼煩.......
好羡慕你有個算係識做既99.......

私人傳訊

ada605

積分: 1080

20^#

發表於 08-4-18 20:55 |只看該作者

原文章由 水媽媽 於 08-4-18 16:50 發表
我曾經有一段時間好唔like我奶奶的，話說我係好中意買衫的，咁一年當中都買埋唔少，而我見我姑仔的生活環境唔係太好，佢又瘦過我，咁我好多時都會將d唔著但係新淨的衫執俾佢，由於我姑仔當時日日都返奶奶屋企食飯，咁我會將d衫先攞 ...

算是好 99 , 原因是佢肯主動和你 mum 說話, 加上他們的 relationship 都幾好的.............................

佢只是誤會了您, 當她知道真相後, 一定會好好咁對你的................ 加上你 honey 都知道你那些衫是給你姑仔, 故佢一定會好支持您的.....................

私人傳訊

debbyma

水晶宮

積分: 53120

畀面勳章

19^#

發表於 08-4-18 19:11 |只看該作者

你奶奶咪算好,煮嘢比你食,我奶奶話唔記得啦唔煮比我食,咁咪我亞媽煮,佢又打電話講叫我亞媽煮清D喎(清D即係什麼,講咗等於無講)

私人傳訊

debbyma

水晶宮

積分: 53120

畀面勳章

18^#

發表於 08-4-18 19:02 |只看該作者

原文章由 水媽媽 於 08-4-18 17:32 發表
咁講真，我99對我都ok的，不過有時又會好心做壞事咁la，話說我生咗阿仔之後，佢地興煲 "黑木耳" 俾新抱飲，話幫助去除d瘀血wor，其實我都唔係好想飲，因為醫院已吩咐過我，已經同我打咗通瘀血針，唔好飲黑木耳，不過呀99一番好意，我無出聲 ...

咁你自己應該同奶奶講清楚,有時佢地未必知道,雖然一番好意,醫院已經吩咐你,你唔拒絕奶奶就自己辛苦.

私人傳訊

laimanw

複式洋房

積分: 399

17^#

發表於 08-4-18 18:23 |只看該作者

原文章由 cherry1498 於 08-4-18 10:14 發表
講真...如果我真係咁多舊3,我寧願拎去捐...俾姑仔..好似唔知點咁...掉轉係你,成日著人舊3你會點諗丫...我明白你都係一番好意...你99算係咁啦,如果我99...唉...阿B仲係1歲個陣,有次發燒,我地好緊張...不過我老公番唔 ...

你這樣講令我想起了"長腿叔叔"的故事, 女主角是孤兒, 但每次有好心人送舊衫來給她著時, 她就會很憤怒, 因她覺得別人是可憐她, 看不起她, 而她也對自己的出生很感慨。

私人傳訊

積分: 6333

16^#

發表於 08-4-18 17:32 |只看該作者

咁講真，我99對我都ok的，不過有時又會好心做壞事咁la，話說我生咗阿仔之後，佢地興煲 "黑木耳" 俾新抱飲，話幫助去除d瘀血wor，其實我都唔係好想飲，因為醫院已吩咐過我，已經同我打咗通瘀血針，唔好飲黑木耳，不過呀99一番好意，我無出聲，都照飲，飲完大鑊喇，d血流到唔停，暈到連床都落唔到，最後因為流太多血，要睇急診，仲俾醫院話添，奶奶初時唔知，後來知道咁大鑊，就唔敢再監我飲喇，個次真係嚇到佢面青呀

私人傳訊

beautykong

積分: 5814

15^#

發表於 08-4-18 17:25 |只看該作者

原文章由 OneOneMa 於 08-4-18 17:23 發表
你奶奶都幾好呀, 起碼唔會口衰衰咁話你先啦, 有D 99 把口好得架(唔收), 我估你 99 可能都係"鄧"你肉赤, 驚你使得多日後冇個錢旁身, 所以唔好睇得咁認真啦, 你可以約你姑仔自己攪仲好。佢又對你媽咪咁好, 你都要對佢 ...

agree!

唔錯啦啦隊

私人傳訊

OneOneMa

積分: 1038

14^#

發表於 08-4-18 17:23 |只看該作者

你奶奶都幾好呀, 起碼唔會口衰衰咁話你先啦, 有D 99 把口好得架(唔收), 我估你 99 可能都係"鄧"你肉赤, 驚你使得多日後冇個錢旁身, 所以唔好睇得咁認真啦, 你可以約你姑仔自己攪仲好。佢又對你媽咪咁好, 你都要對佢好呀。

私人傳訊

8C9

積分: 1078

13^#

發表於 08-4-18 17:23 |只看該作者

你梗係由細到大都冇憂米哩. d老人家捱過窮日子, 錢對佢地黎講係要用得其所, 我老豆好多錢都好孤寒, 我有時請佢去食貴少少, 都會俾佢鬧架. 佢地既價值觀同我地唔同, 聽完咪算, 個心知道佢地為我地好, 搵機會對佢地好d就得架啦.

原文章由 shanbbmami 於 08-4-18 17:10 發表
系啊系啊，我都係好似你甘，D老人家係甘架喇，雖然吾係用到距錢，但係距都系好似覺得我地好大使，我媽同我奶奶都好F架，真系念吾明

私人傳訊

積分: 6333

12^#

發表於 08-4-18 17:22 |只看該作者

我媽就唔會話我的，因為我讀書個陣已經幫屋企手做野，咁時時都會搵到零用錢，因為我唔使問父母攞錢使，所以我買咩佢都唔會理我，可能一直以來都係咁，所以突然俾人管我點用d 錢，會覺得唔好受lor

私人傳訊

Leomummy

積分: 7723

11^#

發表於 08-4-18 17:21 |只看該作者

原文章由 水媽媽 於 08-4-18 17:04 發表
其實呢件事都過咗好耐，只不過我有時諗番起會忟lor，所以呢件事之後，我唔再攞d衫去99度，直接打電話約我姑仔﹐等佢係屋企先攞俾佢，我亦都無同99講番其實我唔係使老公的錢買衫，一來我怕老公唔開心，好似大家分得好清楚咁，二來以後唔 ...

其實我覺得你99都算唔錯，你亦都無錯，你出發點係想幫吓個姑仔啫，你99出發點係關心加擔心，驚你哋唔save money啫，你而家都索性唔俾佢知仲有買衫仲有攞衫俾姑仔囉，咁咪算囉﹗你不如諗吓難得佢咁好人，會真心關心你媽咪，當俾面你媽咪囉，唔好忟啦﹗忟得多好易皺，唔靚ga

私人傳訊

debbyma

水晶宮

積分: 53120

畀面勳章

10^#

發表於 08-4-18 17:15 |只看該作者

就咁睇少少你講,她算好奶奶,對你媽媽咁真係好好人,至於話你買衫,可能覺得會係個仔比錢買,就算係你自己買都覺得你地唔慳家大使,而且係佢心目中覺得買得太多(老人家覺得著唔哂),因我媽咪同老豆都會咁講,所以我以前未結婚時,有時買衫回來收埋唔比佢地知,費時煩!

私人傳訊

cherry1498