吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 訓吾著申下，上水越棧店長恰大肚婆

懷孕前後今日: 2|主題: 330469

收藏本版

發帖

返回列表

跳至頁

查看: 3251 | 回覆: 61

訓吾著申下，上水越棧店長恰大肚婆 [複製鏈接]

12 3 4

nana_meow

大宅

積分: 1437

1^#

發表於 15-1-29 01:39 |只看該作者 |正序瀏覽 |打印

我係一個大肚婆，抱住個2歲半既仔仔訓左覺，加我媽媽買左一大袋餸，於2015年1月28號即係今日下午2點20分左右諗住揾間餐廳食個下午茶，於是去左上水新都廣場間越棧，坐低左。由於丫仔太重，抱得太耐個肚吾係咁舒服就諗住坐一坐抖一抖先，睇下個餐牌2點30分先有下午茶，咁就梗係等一等啦。

到左2點30分，
個丫姐同我講：你地2點30分之前入黎，吾可以食下午茶餐，只可以食正價餐。
咁我就同佢講話：我都係早左少少入黎，頭先抱住小朋友訓左覺都睇吾到你門口有個牌有條咁既例，都係爭左10分鐘，小朋友又訓左，可吾可以通容下。
丫姐就話要問店長，因為頭先店長話吾得。
咁我就叫佢叫左店長黎。
店長黎到講左同一番說話，公司有公司既條例，你地只可以食正價餐。
咁我就同佢講：咁係咪要我依家出去門口再入番黎先可以食個下午茶丫?
佢話：係，不過你要抱埋個細路出去。
真係o晒咀，咁我地就出去跟住再入番去，叫左個丫姐落單，丫姐有同我落到下午茶餐，跟住我影左個店長2張相。
個店長即刻過黎同我講：你吾可以影我相，叫我刪除。
當然我吾刪啦。
跟住佢就話：咁你食番正價餐，吾可以食下午茶。
聽到呢句，我莫名其妙，依家咩事吾俾我食下午茶? 我系2點30分後已經從新入坐。
之後佢冇再回應我。
我媽就問丫姐：咁有冇同我落到單?
丫姐話店長吾俾落。
跟住再問店長：點解我2點30分後入坐吾俾我食下午茶，一定要我食正價?
佢冇回應，跟住我話我報警。
等左20分鐘，有2名警察黎左，分別同左我同店長問話。將以上既對話講左一次。
警察同我講：你依家從新抱個仔出黎，再入黎去，跟住照叫下午茶餐。
我就問：同樣既野我已經做過，頭先佢話有錄影影到我2點30分前入坐，我已經系2點30後從新入坐，點解吾可以食?又要我做多次?何況依家都吾會食得落啦。
跟住，我媽應該忍吾住，係度鬧個店長，想食碗麵啫，洗吾洗咁丫，今時今日咁樣既服務真係吾係囉………………
咁我就去叫丫媽冷靜啲，吾洗同佢吵。
跟住警察就叫左我地出去傾，話吾好影響其他客人。警察就同我講：岩岩個店長就話打左電話請示左上級，話拒絕我地食野，叫我地一係打去消委會投訴佢。

其實只係一件小事，人心肚皮,個店長係咪石頭爆出黎架?有冇媽媽生架? 睇個樣起碼40歲，係咪未大過肚未生過小朋友，咁小事都吾可以體量下。一諗起，個肚成晚都吾舒服。

0 0 1

私人傳訊

TreeLover

男爵府

積分: 5251

62^#

發表於 15-7-2 17:05 |只看該作者

回覆：訓吾著申下，上水越棧店長恰大肚婆

搞咁多野又報警，我唔會入完再出去再入黎囉，做咩要俾錢佢駛，食其他野仲好啦

私人傳訊

winifredwin

珍珠宮

積分: 40237

61^#

發表於 15-7-2 14:57 |只看該作者

回覆：訓吾著申下，上水越棧店長恰大肚婆

照食正價費事煩

私人傳訊

許c9

伯爵府

積分: 15915

BK Milk勳章

60^#

發表於 15-7-2 13:33 |只看該作者

引用：Quote:原帖由許c9 於 15-07-01 發表店長係

原帖由 fula 於 15-07-02 發表
香港人真麻煩，幫襯幾十蚊以為自己大哂!點解要難為人哋打工仔呢，人哋都係揾食，跟公司規矩，仲要下下話要 ...

咪係囉，好驚呢d人搞到香港人同大肚婆比人標籤

我唔想無啦啦比人話大肚公主！

私人傳訊

estherpang

大宅

積分: 1244

59^#

發表於 15-7-2 09:45 |只看該作者

樓主, 呢個故事教訓你; 下次要醒少少; 個餐黎左食埋先好影人相同投訢; 唔係搞到人地又唔比你食或者野食度加料就唔好啦

私人傳訊

我要做媽媽

珍珠宮

積分: 47784

BB防敏心得分享勳章

58^#

發表於 15-7-2 09:19 |只看該作者

其實我都會走去第間，有時候大肚都係普通人

私人傳訊

chung816

大宅

積分: 4364

57^#

發表於 15-7-2 09:17 |只看該作者

回覆：訓吾著申下，上水越棧店長恰大肚婆

我都試過早左入去，係俾正價，咁我覺得早坐早享受，唔使同等下午茶嘅食客一齊等位，係舒服左，由其湊住個孩子！
同只係差幾蚊就算啦！
如果我係你又唔想俾正價，我會走，去第二間，又唔係得一間

私人傳訊

candiceb

男爵府

積分: 5263

56^#

發表於 15-7-2 09:06 |只看該作者

回覆：訓吾著申下，上水越棧店長恰大肚婆

其實我唔覺佢針對你大肚而恰你，你影人相好唔啱，人地可能真係按公司規矩做野，唔明點解要報警，自己解決咪得囉，唔鍾意可以去第二間，食得都唔開心，大肚唔係等於人人都要就你

私人傳訊

烏龍mama

複式洋房

積分: 226

55^#

發表於 15-7-2 05:26 |只看該作者

回覆：訓吾著申下，上水越棧店長恰大肚婆

餐廳打開門做生意,下午茶set左時間,有啲餐廳好有人情味俾你早啲入去等,呢間寫明唔可以提早入座,你扶老攜幼仲操身大細可以選擇另一間食,但你揀左出門口再入返黎即係你已經agree呢間餐廳既規則,咁點解仲要影人相呢?無論你為啖氣好為投訴好,人地態度點差都唔應該咁樣侵犯私隱,
最後餐廳決定唔做你生意,你仲話人地恰你大肚婆警都報埋,根本唔係恰唔恰大肚婆既問題!!!
可能你見咁多媽媽唔贊同你既觀點會唔忿氣,當然我地無親身見到你發生既事,但按你描述既假若係事實既話,我諗大家咁既反應係再正常不過。

私人傳訊

siuba

子爵府

積分: 13420

54^#

發表於 15-7-2 03:55 |只看該作者

回覆：訓吾著申下，上水越棧店長恰大肚婆

既然係自己唔小心冇睇清楚，我會超食正價，唔會為咗果少少錢玩自己又行出又行入。

另外，如果唔係你係又影人相，唔係又影人相，人哋都唔會咁玩你。影人相行為真係好討厭，仲乜啫？！人哋都係打工之嘛，俾着我跟規矩做嘢，但俾人影我相唔知會post去邊，跟住所有親友都响網上見到我，我寧願唔要份工，都要玩獲你啦……。

私人傳訊

Miss007

複式洋房

積分: 394

53^#

發表於 15-7-2 02:29 |只看該作者

回覆：訓吾著申下，上水越棧店長恰大肚婆

樓主你咁過份，仲好意思話人恰你嘅？？
人哋餐廳都有人哋規矩 ,人哋打份工，老闆話咗要跟規矩做，嗰經理唯有照做，佢唔做的話，比人抄咗係未你去養人先？？
人哋最後都比你食下午茶喇，你影人相把鬼咩，你影人相都係想post上網公審人之嘛，
到最後仲要報警，浪費警力，
好心你喇，大肚係辛苦，但唔係大哂架！！

私人傳訊

iamhongkongese

禁止訪問

積分: 6750

52^#

發表於 15-7-2 02:01 |只看該作者

引用：因為佢冇名牌，諗住如果投訴的話，吾知個名

提示: 作者被禁止或刪除內容自動屏蔽

私人傳訊

happytabo

子爵府

積分: 11961

2024年龍年勳章

51^#

發表於 15-7-2 01:27 |只看該作者

回覆：訓吾著申下，上水越棧店長恰大肚婆

如果係我, 由佢叫我抱住個b, 一家大細走出門口再重新入座開始, 我已經睬佢有味走得! 得佢一間有嘢食?! 我真係唔會浪費時間再影相加報警, 呢d咁既態度, 等執啦

私人傳訊

fula

複式洋房

積分: 337

50^#

發表於 15-7-2 01:11 |只看該作者

引用：店長係無情，但你地都幾過份，人地有條例列

原帖由 許c9 於 15-07-01 發表
店長係無情，但你地都幾過份，人地有條例列明要2:30入坐先可以下午茶，點解要影人相，仲要報警浪費警力，其 ...

香港人真麻煩，幫襯幾十蚊以為自己大哂!點解要難為人哋打工仔呢，人哋都係揾食，跟公司規矩，仲要下下話要影人相，唔識尊重下人

私人傳訊

uscayenne

別墅

積分: 735

49^#

發表於 15-7-1 23:07 |只看該作者

引用：初時店係無人情味，不過無做錯。我唔知道多

原帖由 jennylady 於 15-01-29 發表
初時店係無人情味，不過無做錯。我唔知道多唔多人等下午茶時段。

樓主影經理相好錯好過份。

同意

私人傳訊

sololoso

男爵府

積分: 8773

48^#

發表於 15-7-1 23:03 |只看該作者

回覆：nana_meow 的帖子

其實個店長唔係完全錯晒，不過佢少左一份體諒，但你都唔應該影佢相，因為佢唔知道你想拎將相去做乜，而家太多網絡公審所以我覺得唔應該咁做，下次唔好幫襯就好了。。大家都好

私人傳訊

coffee2012

男爵府

積分: 9058

47^#

發表於 15-7-1 23:02 |只看該作者

回覆：訓吾著申下，上水越棧店長恰大肚婆

有時候欠十分鐘就係十分鐘，如果唔係人地set個下午茶時段黎仲咩，人地都要入機先落單（唔係該時段落單店舖要自己賠錢比公司）。。。仲有有大有小，無謂為左個幾蚊而令自己走出走入。依家好多香港人都打橫黎講，事無大小投訴和影相。。。

私人傳訊

小李的媽媽

大宅

積分: 4512

46^#

發表於 15-7-1 22:58 |只看該作者

回覆：訓吾著申下，上水越棧店長恰大肚婆

呢間野一向都臭名遠播，態度係一個極大問題，除左樓主既事件，仲有好多其他衰野

私人傳訊

ckawromnegn

大宅

積分: 1932

45^#

發表於 15-7-1 22:16 |只看該作者

回覆：訓吾著申下，上水越棧店長恰大肚婆

越棧都幾巴閉，真係為左揸正，話之理會得失個客，仲可以向上級指示，上級都同意揸正先奇喎！
我唔喺現場，唔知邊個啱邊個錯，我明樓主當時應該會慶過火屎，不過站在一間公司就唔想惹麻煩上身嘅立場，通常都會遷就個客為左息事寧人，其實入機入返個下午茶價唔難，不過佢地真係堅有原則，唔比就唔比，話之你報警，厲害！！
樓主，算吧啦，慳返啖氣暖肚好過，佢讓你當時會立即讓，你上網唱佢，或者上報紙上消委會都應該唔會改變佢公司嘅立場，唯有你自己blacklist佢啦