婆媳關係 今日: 0 | 主題: 27780

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

1^#

發表於 08-5-31 12:09 |只看該作者 |正序瀏覽 |打印

我啱啱生左 BB, 未生前奶奶成日叫我地請陪月, 佢話到時只會同個孫玩乜都唔理, 點知生完之後就煩啦.

生完嗰日佢黎醫院探我, 見到 BB 話 BB 所有野似晒老豆, 一樣都冇話過似我, 咁算啦似 daddy 好正常, 跟住重覆講完又講, 我 d 朋友黎探我又同我 d 朋友講, 講到我心都煩埋, 到第二日再黎醫院, 今次俾佢見到 BB 開眼又話 BB 連對眼都似埋 daddy, 我都算啦, 反正 BB 日日個樣都變唔係似老公就似我架啦, 點知到第三日黎佢
終於話 BB 似佢 (因為我老公個樣似 99), 我幾興呀, 但都唔出聲又得佢, 第四日我返屋企佢又黎話煮野俾我食, 其實係黎睇孫, 咁好啦有人煮野俾我食唔駛自己整, 佢黎到又話 BB 掛住瞓唔同佢玩 (得幾日人仔唔係食就瞓, 點同你玩呀), 講野又鬼咁大聲方死 BB 聽唔到佢講野咁, 佢唔黎時 BB 除左肚餓同賴左野先喊之外跟本係唔會喊, 佢喺度就搞到 BB 喊到拆天咁, 呢頭話佢喊又得佢唔好抱佢 (老實講我唔係餵奶同換片都唔會抱 BB), 轉頭自己又忍唔住抱起佢, 有時 bb 唔喊又話唔喊我先抱你, 喊就唔抱, 點知喊同唔喊佢都照抱, 呢頭話我如果抱 BB 時唔好搖, 搖慣左第時就次次都要, 轉頭佢自己又係度搖, 佢真係好雙重標準令人無所適從, 我餵人奶奶水不知幾充足, 一日泵 3 次每次都泵到 6oz 多到要倒, 幾日大既 bb 飲人奶每隔 3 個鐘餵 2 oz 係醫院護士教既, 佢就成日話我餓佢個孫 bb 喊咪俾佢食咯駛乜限住時間餵, 尋日佢冇黎到我成日不知幾舒服, 點知佢今日又黎仲煩, 又話咁乾做乜唔開水機, 咁熱又唔開風扇 (我係住喺外國宜家只係比較乾燥, 未至於熱到要開風扇), 有時 bb 係咁喊佢就一味話係 bb 食唔飽, 佢唔會諗到 bb 食完奶係會疴野既, 我話俾佢知佢先冇再出聲, 又話 bb 要日日沖涼,
但因為呢邊天氣乾燥, 我同佢講醫生建議 bb 最好隔日或隔兩日沖涼, 但如果佢出汗咁梗係冇計啦, 但我摸 bb 個身係好爽跟本唔駛日日沖, 佢以為自己廿幾年前仲係香港住時日日都要幫老公沖涼, 係香港梗係要啦, 但呢度唔係嘛, 同埋醫生話 bb 幾乾燥都好都盡量唔好幫佢塗 lotion, 佢又話咁乾點得架, 最後可能我頂得佢太多句佢竟然話最衰 bb 食人奶, 如果食奶粉佢真係會抱 bb 走, 意思暗示我唔識湊 bb, 佢終於都講到出口想湊孫, 只係唔係直接講, 我所有湊 bb 既野都係醫院 d 醫生護士教我架, 佢叫我唔好聽埋人地 d 婆仔野喎, 我真係想話佢係咪痴線, 著得衫多又話多, 著得少又話少, 今日留左係我屋企 5 個鐘, 係咁舞 bb, 到佢地走後 bb 成晚係咁扭計, 佢又唔係肚餓又唔係賴野抱住都係咁喊, 我幾驚 bb 喊到窒息呀, 聽日星期六仲要過去 99 屋企, 我真係好驚呀, 唉, 第 5 日已經痴線啦, 宜家先啱啱開始, 唔知要捱到幾時.....

0 0 0

生活在花旗國一年有 300 天陽光普照的城巿裡

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

37^#

發表於 08-6-7 03:29 |只看該作者

原文章由 bbbttt 於 08-6-6 10:32 發表
usbaby, 我同你一樣, 未生之前同坐月初期同奶奶關係都ok, 會一齊行街隻, 我又想買禮物氹佢開心. 點知生左之後, 佢成日做埋野討我厭, 迫我黑面...搞到我宜家對佢好冷淡. 其實我不嬲都知佢係鐘意咩都問一餐種 ...

我以前又係同奶奶關係幾好, 間唔中一齊出黎食飯同去行 mall, 知道佢鐘意食乜如果嗰日過去佢屋企既話之前會特登去買俾佢食, 關係仲好過佢同佢個女, 但宜家我怕左佢, 直頭係唔想見到佢.

我地一齊努力撃退呢 d 99, 呢個係長期戰爭黎, 打勝左先有安樂日子過. 其實我真係唔想咁做, 係佢迫成我咁.

[ 本文章最後由 usbaby 於 08-6-7 03:30 編輯 ]

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

36^#

發表於 08-6-7 03:26 |只看該作者

原文章由 gracefulb 於 08-6-4 16:44 發表
usbaby,

你唔洗自責0架. 你的情況同我好相似. 話抱得多唔好, 佢自己又0向度抱, 驚我地話佢抱呢, 就0向bb 面前話 " 你媽咪唔比我抱你呀 ~" 比說話我聽. 我咪黑佢面囉. 後來老爺仲加加埋埋鬧左我地三次, 結果攪 ...

所以我決定自己湊番點都唔會俾佢湊, 有時真係好辛苦, 因為第一個 BB 乜都唔識每樣野要慢慢摸索已經夠煩夠迷惘, 再加埋 99 從旁"欽點", 好彩老公企我呢邊, 否則佢企埋 99 嗰邊而我呢邊又冇親人被孤立既話, 我顛到一早自殺左啦.

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

35^#

發表於 08-6-7 03:22 |只看該作者

原文章由 rubymo928 於 08-6-4 14:48 發表
樓主,

睇完晒 d post, 哎, 你個 case 系一個好典型婆媳關系問題. 好多人未生前 & 生左後同 99 關系 180度轉變 ~ 好正常, 因為大家有野爭 = 爭 bb.

我同你相反, 我生 2nd bb 我個C6 安排我 6299 返HK 住 6 個月, ...

我知道啦, 多謝你提點.

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

34^#

發表於 08-6-7 03:16 |只看該作者

原文章由 babygigi 於 08-6-3 08:18 發表
你先生噤SUPPORT你﹐你一定要同佢講你既心底話﹐等佢出聲黎同你99講。我老公果時都同我99撐到恆﹐我奶奶就先無講噤多野.. 另外佢再私低下同62解釋點解叫99唔好黎﹐62都有幫口叫99唔好黎。
我完全明白你感覺﹐實在一模一樣呀! ...

係呀仲要係好"恨"想湊孫嗰種, 佢係我生之前兩個月失業冇野做, 佢有搵工但唔多積極, 話我就生所以要搵到岩先, 其實佢之前搵到但又話我就黎生所以唔去做可以幫下手我坐月, 因為我冇屋企人喺呢度, 就係咁我生左之後佢日日無所事事咪黎搞搞震冇幫襯, 其實我同老公兩個人跟本搞得掂有餘. 我未有 BB 前佢話千祈唔好俾佢湊, 就算到時失業都會拿拿林搵工做, 日日喺屋企冇野做時間好難過會痴線咁話, 所以我臨生前兩個月工都辭埋, 宜家佢又言語間暗示想湊孫, 你話佢係咪雙重標準? 但我宜家坐月佢已經成日搞埋呢 D 小動作, 所以我堅決唔會俾佢湊.

我同老公呻左啦, 佢真係幫我搞掂佢阿媽, 已經兩日冇黎我真係樂得清靜可以好好休息下精神好左好多, 多謝你既意見, 我知道跟住要點做唔會再俾佢影響到架啦.

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

33^#

發表於 08-6-7 01:26 |只看該作者

原文章由 rubymo928 於 08-6-4 13:54 發表

哎 ~ 其實幸福果個系你 ~ 無99 幫手系一件好事 ~

唔系話所有 99 都系衰 (but over 90%), 只不過佢地唔接受新一套, 同埋成日好心做壞事 & 以為個BB 系佢自己, 完全漠視邊個先系 BB 個 mummy. ...

絕對同意, 我都係咁話, 佢唔黎幫手同搞搞震已經幫左好大忙.

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

32^#

發表於 08-6-7 01:25 |只看該作者

原文章由 k.k206 於 08-6-4 11:41 發表
樓主我同你一樣都係外國住,都係喂人奶,重要係超唔夠奶,不過當時mami&sis有過黎陪月,but actually they can’t help much,因為我地俾夫家既人老點左,我唔夠奶要飲魚湯唔俾, only叫我食佢地(夫家)整既雞酒,咁我喂人奶 ...

我生左第 5 日谷奶, 點知嗰日朝早奶奶煮雞酒我飲, 到左夜晚到老爺煮俾我飲, 一日飲左兩餐, 嗰晚成晚頭暈身興咁好舒服, 泵出黎 D 奶係有少少酒味, 結果全部倒晒夜晚嗰餐阿 BB 要食雪奶, 過左兩日後我生到成身 red rash 鬼死咁痕, 嚇死我以為食錯乜野藥同野食搞成咁, 跟住兩日都冇餵人奶, 泵出黎全部倒晒, 後尾打電話返香港同阿媽講先知原來係雞酒搞到我咁, 嗰 D 係"酒爛"黎, 佢話上當年坐月時阿婆都有煮雞酒佢飲佢又同我情況一模一樣, 叫我唔好再飲, 之後嗰日我同番 99 講, 佢先話我知佢都曾經係咁喎, 咁佢知做乜唔話我知呀, 佢當年唔駛餵人奶但我宜家要呀佢唔係唔知, 害我唔緊要唔好害埋個 BB 丫.

我曾經試過埋身餵但 BB 唔夠力啜我放棄所以宜家要全泵奶餵 BB, 但我都好大壓力驚自己好快就唔夠奶或冇奶要改奶粉 99 就有藉口帶 BB 走呢樣係我最唔想, 因為佢曾經講過話 BB 因為食人奶所以佢冇得帶走, 我睇得出佢講得出做得到架, 搞到我好驚未滿月就真係冇奶到時就大鑊, 老公叫我唔諗咁多休息多 D 同食多 D 野就冇問題, 我因為呢個問題搞到我一日食 3 餐但份量越黎越少, 尋晚老公見我咁愁再開解我, 我尋晚訓得好好, 半夜餵完奶泵奶竟然多番喎, 先知心情唔好真係好影響奶量, 我要放鬆 D 99 講既野當聽唔到先得咯.

私人傳訊

rubymo928

積分: 1612

31^#

發表於 08-6-6 17:21 |只看該作者

原文章由 bbbttt 於 08-6-6 10:32 發表
usbaby, 我同你一樣, 未生之前同坐月初期同奶奶關係都ok, 會一齊行街隻, 我又想買禮物氹佢開心. 點知生左之後, 佢成日做埋野討我厭, 迫我黑面...搞到我宜家對佢好冷淡. 其實我不嬲都知佢係鐘意咩都問一餐種 ...

好心做壞事.

私人傳訊

bbbttt

別墅

積分: 670

30^#

發表於 08-6-6 10:32 |只看該作者

usbaby, 我同你一樣, 未生之前同坐月初期同奶奶關係都ok, 會一齊行街隻, 我又想買禮物氹佢開心. 點知生左之後, 佢成日做埋野討我厭, 迫我黑面...搞到我宜家對佢好冷淡. 其實我不嬲都知佢係鐘意咩都問一餐種人, 但太關心別人既事就會去到一個煩既地步. 日日黎我屋企 (自出自入架啦) 玩bb, 衞生同安全意識都差... 點解99唔可以識做一, 比番空間大家, 等關係好? 我驚我遲早發癲.

原文章由 usbaby 於 08-6-3 09:50 發表
好好好多謝各位既意見同支持, 聽完你地咁講我更加會堅持落去唔會比 99 睇死架. 佢今日又黎我屋企, 當時 BB 訓左, 咁我又趁佢訓時我又訓, 訓訓下醒左落廳睇下, 見到佢又抱住 BB, 佢話 BB 醒左要人抱, 邊有可能, 我個 ...

http://bd.lilypie.com/HVeWp8.png

私人傳訊

gracefulb

積分: 1013

29^#

發表於 08-6-4 16:44 |只看該作者

回覆 #15 usbaby 的文章

usbaby,

你唔洗自責0架. 你的情況同我好相似. 話抱得多唔好, 佢自己又0向度抱, 驚我地話佢抱呢, 就0向bb 面前話 " 你媽咪唔比我抱你呀 ~" 比說話我聽. 我咪黑佢面囉. 後來老爺仲加加埋埋鬧左我地三次, 結果攪到一鑊粥, 我亦因為壓力攪到無奶.. 而家關係唔算差, 但又無以前咁和諧囉. 大家同一室的時候, 係無野講0架. 係佢自己攪成咁..唔好問我點解對佢咁冷淡0刺..

bb 係自己的. 自己鐘意點湊都唔輪到人地話事. 所以你唔好以為自己無用, 你夠奶的話, 唔洗理你 99 0架. 繼續食人奶. 食人奶快餓你咪餵密d 囉~

可以自己湊梗係自己湊啦..雖然辛苦d, 但好多媽咪想自己湊返都唔得呀~ 所以你唔好比人影響到你. bb 點都係跟住媽咪最好的!!

私人傳訊

rubymo928

積分: 1612

28^#

發表於 08-6-4 14:48 |只看該作者

樓主,

睇完晒 d post, 哎, 你個 case 系一個好典型婆媳關系問題. 好多人未生前 & 生左後同 99 關系 180度轉變 ~ 好正常, 因為大家有野爭 = 爭 bb.

我同你相反, 我生 2nd bb 我個C6 安排我 6299 返HK 住 6 個月, 我C6 話因為1st bb 佢 parents 唔向 HK woo ~ 由我未生 (就生) 到我生左我成日喊. 想過自殺 tim. 因為真系好頂唔順. 我 6299 行為同你 99 same same la ~ but 我系要面對兩個.

-- 雙重標準, 叫人唔好抱, 6299 兩個輪流抱.
-- 成日話要帶我 bb 跟佢地走, 湊到讀書先比番我.
-- 對住我個大女講話淨系錫妹妹, 唔鍚佢, 影響大女情緒.
-- 叫我將bb 搬去佢 temp. home 住 (我C6 另外租左個 apartment 比佢地住) 重有好多好多講唔晒.

But 你巳經好好, 因為你老公support 你, 我c6 成日話系我 little air, 話 6299 抱 bb 走系講笑 ~ 總之一句講晒系我唔 arm. C6 重話因為 1st bb 我父母無向我地身邊幫手, 所以今次專登安排佢父母返HK 服侍我, 整 d 安野你食... ~ 嘩, 真系多謝晒, 比龍肉我食都無味啦, 食左都唔吸收啦.

我有我自己 mummy & 工人幫手巳經好足夠, 所以我當時想死, 試過為左避佢地, 我同 bb 由C6 一出門口返工後, 我同 bb stay 向房, 鎖住門扮瞓覺. 水都無飲過一啖 until dinner time 佢地食埋飯走左我先出關.

拿, 樓主我講出黎, 唔系要你學我, 千萬唔好學 tim, 坐月系好重要, 一定要 take care 好自己身體, 我而家身體變得差, 所以你一定要好好保重身體, 你開心, bb 先會開心. 你有物事同老公講, 由佢出面為你擋啦. 開心d 啦 ! 你有老公 support 差好遠.

私人傳訊

rubymo928

積分: 1612

27^#

發表於 08-6-4 13:54 |只看該作者

原文章由 揚莉煒媽咪 於 08-5-31 21:18 發表
O岩O岩出世BB係會甩皮
真係唔駛搽 lotion
你99用番以前果一套
緊係會緊張架喇
係就係煩d但99起碼黎睇你
過黎探你係擔心你同bb
一個坐緊月o既媽媽好大情緒
我果陣湊唔掂阿女都會坐o係度喊(第一胎)
可能我99 ...

哎 ~ 其實幸福果個系你 ~ 無99 幫手系一件好事 ~

唔系話所有 99 都系衰 (but over 90%), 只不過佢地唔接受新一套, 同埋成日好心做壞事 & 以為個BB 系佢自己, 完全漠視邊個先系 BB 個 mummy.

私人傳訊

k.k206

複式洋房

積分: 172

26^#

發表於 08-6-4 11:41 |只看該作者

樓主我同你一樣都係外國住,都係喂人奶,重要係超唔夠奶,不過當時mami&sis有過黎陪月,but actually they can’t help much,因為我地俾夫家既人老點左,我唔夠奶要飲魚湯唔俾, only叫我食佢地(夫家)整既雞酒,咁我喂人奶食左雞酒起碼兩三個鐘都唔喂得,所以我refuse唔食,因為我覺得d酒就算好小都會pass左俾bb,唔知係咪唔妥我唔食佢地d雞酒,咁我要飲章魚湯又唔俾,之後食咩都話唔好,搞到大家心裡都有條”次”, 所以你唔開心要同你hubby講,等佢幫你分擔幫你同你99講,有d野你出口同你hubby出口係好大差別,生完會有baby blue千祈唔好抑埋抑埋, 處理得唔好會變抑鬱架.
and如果你想keep住喂人奶就唔好信人地話要隔幾多個鐘先喂bb&同迫bb介夜奶,因為一來人奶易消化,二來人奶係會因媽媽心情,進食影響變得”稀”or”濃”&”甜”or”酸”,因為接收左d錯誤信息,我bb未滿月時,hubby已經話要同bb介夜奶,又話bb要定時3,4個鐘食人奶,嗰時bb食奶時間唔stable, bb有時食完奶一個鐘又喊,有時6個鐘都唔醒,hubby放工返黎聽到bb喊就問我點解佢喊,但又叫我等起碼3個鐘先好喂奶,if bb瞓得好淋都要拍醒佢食奶喎,嗰時攪到我好大壓力,一日only食兩餐,其實唔開心一定會小奶d,所以要放鬆d休息多d,加上有時bb喊唔係唔飽其實係bb想搵你攞安全感(bb埋身啜時佢會有安全感),所以bb喊咪俾佢啜囉,啜多d又會多d奶出,不過你就會攰d囉,finally我bb兩個半月自己介左夜奶,不過你要明白個個bb發展都唔同,而且真係頭嗰3個月最辛苦,但係當你見到佢識笑時就覺得好值架啦,你要加油呀.
p.s.點解你唔將bb搬番入你房瞓呢??

私人傳訊

babygigi

積分: 1013

25^#

發表於 08-6-4 09:02 |只看該作者

同奶奶講﹐E生話BB係唔可以飲橙汁的! 飲水都要食SOILD FOOD後先要飲。下次CHKUP同埋99一齊去﹐你當面問E生﹐等E生話比她聽﹐果時我99話BB要飲水/懿米水/開奶茶/7星茶果D野﹐最後E生笑住同我99講BB六個月大前食奶就得﹐飲其他野會映響食奶量﹐會重得唔好。
餵人奶就係最既EXCUSE﹐BB要24/7同媽媽一齊。BB出世後我6299成日都話叫BB同去街﹑係他們家過夜等﹐我都係一句﹐BB要食人奶。他們問多幾次都係一樣答案(唔得/唔好/大D先)就會無隱唔會再問。

我果時帶埋BB入房一齊訓﹐因為方便餵奶呀

[ 本文章最後由 babygigi 於 08-6-4 09:04 編輯 ]

私人傳訊

JFL

伯爵府

積分: 17193

24^#

發表於 08-6-3 10:27 |只看該作者

吓,初生ＢＢ飲橙汁,唔好玩啦.

不如你帶ＢＢ去check up時帶埋佢去嘞,等醫生話佢知,乜嘢可以做乜嘢唔可以做!

私人傳訊

積分: 42576

馬年勳章 2025勳章蛇年勳章 2024年龍年勳章開心吸收勳章畀面勳章

23^#

發表於 08-6-3 09:50 |只看該作者

好好好多謝各位既意見同支持, 聽完你地咁講我更加會堅持落去唔會比 99 睇死架. 佢今日又黎我屋企, 當時 BB 訓左, 咁我又趁佢訓時我又訓, 訓訓下醒左落廳睇下, 見到佢又抱住 BB, 佢話 BB 醒左要人抱, 邊有可能, 我個 B 跟本唔會扭抱, 就算係 BB 房裝左 speaker, BB 一喊我地房會聽到我實會醒, 我對左 BB 咁多日佢跟本唔會扭抱, 我諗佢應該係趁我訓左時入 BB 房"候"住, BB 一郁佢就話醒左抱起佢. 我落廳坐係隔離昅實佢, 佢同我講話想帶 BB 走, 我唔出聲冇反應當聽唔到但已經黑面, 過一陣佢同 BB 講話[返麻麻屋企麻麻俾橙汁你飲好唔好], 我笑住同佢講[你唔好搞到佢第時唔飲水呀], 你地話佢係咪黐線, 我點放心俾佢湊. 佢成日煩我老公話要買個 car sit 擺喺佢車用黎帶 BB 去街 (因為呢度法例規定 BB 坐車一定要用 car sit), 我同老公講話如果你真係幫佢買既話你個女係咁先, 所以我老公一拖再拖都唔肯幫佢買, 要出街咪一齊出咯, 做乜要單獨同 BB 去. 99 成日去 party, 佢想帶 BB 出街目的係想 show off 俾人睇, 我唔知佢俾 D 乜野人抱呀搞 BB, 陣間返黎有乜事點算, 同埋佢渣車真係好恐怖, 又成日迷路 (自己屋企日日返有時都可以走錯路), 所以呢次我唔會退, 我實同佢撐到行.

未生 BB 前我同 99 關係都 OK 好, 但生左後就完全兩回事, 以前呢版 [婆媳關係] 我只係間唔中黎睇下, 宜家親身感受到各位媽咪由 99 帶俾你地既壓力原來係咁辛苦, 我係你地度學到一 D 對付 99 既手段, 希望祝我 [成功].

唔該晒各位.

私人傳訊

babygigi

積分: 1013

22^#

發表於 08-6-3 08:18 |只看該作者

你先生噤SUPPORT你﹐你一定要同佢講你既心底話﹐等佢出聲黎同你99講。我老公果時都同我99撐到恆﹐我奶奶就先無講噤多野.. 另外佢再私低下同62解釋點解叫99唔好黎﹐62都有幫口叫99唔好黎。
我完全明白你感覺﹐實在一模一樣呀! 你99係咪想湊孫?
我生完大仔成兩個禮拜後仔仔先食得飽﹐無問題的﹐好正常。BB餓咪埋身食囉﹐仲好﹐越食得密會越多奶。
我老公教左我一句用黎擋架好有用又不失大體的﹐下次你笑住口同99講: 麻麻梗係錫BB緊張BB﹐但我做媽媽的比你梗加緊張呢。(不過一定要笑住講﹐唔係既話聽落真係會硬耳

)
另外﹐其實你奶奶講咩都唔好理當聽唔到﹐因為完全無POINT呀。同埋﹐同老公講﹐下次唔好留你係99度﹐一係一齊走。
你99講果D說話﹐如果你老公當時係度﹐可能你99唔會講。
唔開心一定要呻灑出黎。

原文章由 usbaby 於 08-6-2 04:58 發表
尋日屋企要洗 carpet 老公留係屋企, 而我同 BB 無奈下要過去 99 屋企幾個鐘, 但呢幾個鐘足以令我差 D 顛呀. 開頭 2 個鐘喺佢屋企 BB 喺 car sit 訓緊佢冇得搞 BB, 但又問 BB 食飽奶未, 沖左涼未, 做乜唔幫 BB 剪指甲 ...

私人傳訊

sasa0208

象牙宮

積分: 248090

馬年勳章 2026勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏親子探索遊玩具勳章畀面勳章叻叻勳章有「營」勳章趣教勳章好媽媽勳章醒目開學勳章環保接龍勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章食得好勳章瞓得好勳章 HiPP勳章(1) HiPP勳章(2)

21^#

發表於 08-6-2 16:10 |只看該作者

加油呀！我都有少少經歷，係親戚們俾既。佢地就好似你地既99咁，明明bb訓緊覺就成日走去攪醒佢，仲要話日頭訓咁多夜晚又唔訓呀。bb出世頭1個月時間未適應到日夜倒轉好正常啫，又係攪到我情緒不隱。
樓主，你一定要同老公share呀，自己個心都會舒服好多。
祝bb同媽咪健康快樂！！

私人傳訊

小寶貝兒