吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› （其他討論區睇到，好心寒）關於行山既 ...

自由講場今日: 952|主題: 1365348

收藏本版

發帖

返回列表

跳至頁

查看: 17542 | 回覆: 265

12 3 4 5...14

積分: 3910

1^#

發表於 15-5-26 21:50 |只看該作者 |正序瀏覽 |打印

我自己都鍾意行山,行左幾年....
阿痳成日上山砍柴,我細個過陣我同阿痳燒柴時,阿痳成日講,如果你大個仔時鍾意行山時,如果見到D唔熟既小路就千其唔好行,因為入左去就出唔到黎。
佢話佢以前日日上山砍柴,行開行熟都係過條山路,但有一日佢話見到有個位多左條小路,但平時唔見有呢條路,當佢砍完柴落山時又唔見左條路,佢都覺得怪,明明頭先有,搵左一論都搵唔返條小路
最後佢都放棄唔搵過條路,之後返到佢諗返就好驚,因為如果佢當時入左去好有可能出唔返黎。

初初唔係好信,但事件發生係自己身上就一定信。

有一日我地兩個人去跑山,跑跑下因為停低跑慢少少, partner 就keep住跑, 心諗呢道我日日跑,我轉頭跑快少少追番上去。

ok 當我休息完發力上去追的時候,追好耐都搵唔到partner , 於是拿手機出黎打,發現係收唔到訊號,再看看四周,發現一d同平時唔同的植物又長又多,心開始驚。

當時已經係黃昏,雖然無太陽係會涼d,但感覺係冰涷,而且路又唔同曬,開始大叫有無人呀,有無人聽到? 果然係有聲回應, 而且係好近的。但最奇怪係佢環顧四周係人影都唔見, 之後我個心已失曬理智, 唔再跑石屎路, 直頭走 shortcut 向下山的方向衝落山,衝左一陣見到下方有四盞燈, 以係行山用的\"頭燈\" , 應該是行山的人, 我大叫但是佢地好似無聽見我咁

叫極佢地都唔應, 但我好肯定係頭燈黎,因為佢地的步速同擺動的節奏睇到,再次打開電話仍然收唔到,我覺得好奇怪就係,平時呢個山係有signal cover , 就算一個台收唔到,一樣有顯示其他黎自電訊商 signal , 但部好奇怪電話係得零格, 完全無反應, 果時
我醒起我電話係有GPS的,打開係定唔到位, 再望前見到頭燈開始行遠左,我不敢抬慢再向佢地方向衝落山

睇下電話個時間,顯示 4:45pm,但個天係黑到好似就7:00咁,由於我身處係d 樹間,好黑,又無其他照明工具,如果我再唔襯呢少少光就一定會走唔到。所以我開始向果4個\"人\"全速衝,

好多樹枝,好涷,但我無理一路向下衝, 我驚到聽到自己心跳聲,d 樹葉刮到我手腳損曬,途中我打 112 .. no signal ..收線 999 .. no signal.. 跟本就無用,我再向果班人走

一路衝,我同佢地的\"目測\"距離有100m 內, 全力跑左5分鐘, 我發現我同佢地的距離係無拉近過.

大家都之行山的石屎路係之型咁落山, 我就由中間 d 樹shortcut 落去, 情況好似個 \" $\"符號咁正常我落一段應該會見番石屎路, 但一路都係泥路.

同埋我發現佢地的移動速度好快,因為隔 150m 遠的話,係目測移少少實際係行好遠的了,佢地左至右, 右至左之型咁落山, 我行慣果個山, 之型落的話距離無可能咁快行到. 但佢地個頭燈好 stable ,唔似係跑緊, 又唔似係車燈

以目前推斷我唔係迷路咁簡單,好似入左一個好陌生的空間咁,好涷,好靜,蟲聲都無, 目前果四顆\"頭燈\"就係我唯一的希望, 我一路衝單手打 112 再試, 部手機顯示緊急呼收,一路hold住係果個screen但係無signal ,3分鐘後再按了一次cancel 又撥多次, 但部手機電池位好熱,用了兩格電.

(奇怪係我部機今朝叉爆電,平時用到兩日,點解用一陣會得番 1格 , 我估計係打112搵唔到訊號食曬d電?)

我見佢都仲係無signal 就自不然cancel,再重撥.拼命衝左一輪,終於跑近了四位行山人事,亦開始聽見人聲

最尾果段衝左不到十分鐘,meet 到果4個人,心情定下來,但係咁索氣,
果四個人見到我係樹林衝出黎,叫左一聲,我打個手摰揮揮手話無野, 順左條氣我開始講野, 佢地見到我個樣似為 II , 我立即講, 你地唔使驚, 我頭先迷路,好彩見到你地引我落黎.

我開始feel到好熱,頭先d冷意無曬,之後想睇睇個電話打到未,完來無電,個天黑齊, 我問佢地, 而家幾點呀? 佢地答我就8:15

我唔係好信再問多次, 佢地好似當我怪物咁, 仲問\"咪八點三囉,有咩問題\"

我個身打冷震, 起曬雞皮好驚, 我成世人未試過驚成咁.
因為我由見到個電話 4:45 開始計跑起, 我自己覺得應該唔會起過 30分鐘,但而家足足跑左三個幾小時, 頭先的速度叫我跑三個幾鐘跟本係無可能.

我一路都安慰自己..可能係手機個鐘錯左..部手機熄左,但舊電好熱, 我想開都開唔到,一到logo位就熄機。

我返到屋企著電話, 時鐘顯示\"正常\" 不過. 我睇番call history.. 我即係標冷汗.

999 (3)
emegercy call

呢一頁好正常, check call time history ..

999 - 1hr 15 m 45 s
999 - 1hr 2 m15 s

我成個人打個突, 因為我 999 打唔通一陣就cut 線再撥, 跟本無可能做到呢d call history 出黎邊可能一個call make 成個鐘? emergcry call 就無通話時間紀錄所以唔知佢用左幾耐,我諗番起舊電咁熱,又好似真係用耐用到無電..

即係我跑落山果半小時不到的時間,實際係用左近四小時...我心問自己, 我到底去左邊?

0 0 0

私人傳訊

mww654321

禁止訪問

積分: 12080

266^#

發表於 15-6-9 18:18 |只看該作者

回覆：（其他討論區睇到，好心寒）關於行山既

提示: 作者被禁止或刪除內容自動屏蔽

私人傳訊

PCMW

珍珠宮

積分: 35700

好媽媽勳章

265^#

發表於 15-6-9 18:10 |只看該作者

私人傳訊

zoie_w

珍珠宮

積分: 30995

264^#

發表於 15-5-28 17:26 |只看該作者

睇完呢個POST之後, 有一事想請教下, 都係關於拜神嗰度

我年年都會去西貢壕涌度拜車公, 咁佢嗰度呢, 門口會有好多神佛既象(例如:觀音, 仲有其他神佛) 咁我見好多香插度喺個沙度, 咁照拜呢D同插香得唔得架?

我只係新年時去拜下車公, 求風車, 合家平安既姐, 無話要有咩要求

唔知您地有無人去過, 唔係沙田車公廟嗰間, 係ATV隔離嗰間

另外, 我仲有拜元朗既天后廟, 係朋友帶我去拜同埋求簽的, 又係話我今年姻緣唔太順利, 所以幫我作左個福, 比左個符我袋, 仲有屯門既青松觀, ZIP太歲