婆媳關係 今日: 0 | 主題: 27782

積分: 5884

1^#

發表於 08-8-7 18:16 |只看該作者 |正序瀏覽 |打印

各位, 真係唔好意思, 編嘢好長, 因為真係好嬲...... 請見諒!

我有個超級百佳嘅99和食古不化嘅老爺, 我未結婚之前, 佢哋都好識掩飾自己, 做到自己好開通, 但我哋結咗婚, 佢哋就原形畢露, 我只好講我唔好彩!

搞婚禮嗰時, 我99啲賤格嘢, 我啲朋友和親友全部睇到和知道, 佢哋都直言無諱同我講"你99好麻煩和衰格, 好怕你第時俾人蝦, 你小心第時可能好辛苦". 結婚前一晚, 我老公發脾氣, 搞到我要自己去攞婚紗禮服和花球. 結婚當晚, 佢孻叔借醉搞事想同佢老婆離婚, 嗰晚我老公去咗陪佢阿嬸, 我就自己一個喺屋企瞓. (以上呢啲谷氣嘢, 我都算數, 唔到佢哋計較)

到我發現有咗阿B, 我原本諗住俾99湊, 但最後我決定唔俾佢湊, 我亦都唔想佢哋掂我阿B, 事因如下 :

- 我有咗阿B, 業主話想賣樓, 唔想續租, 呢個時候我哋已經好煩, 因為啲租好貴, 又唔夠首期買樓, 有一日上99到食飯, 我99叫我哋離婚(其實假離婚), 仲要個B跟我老公, 跟住由我老公去申請公屋. 我聽完之後好突然, 唔係話, 要仔唔要乸, 間公屋真係咁重要(最搞笑係我老公唔覺得離婚問題, 佢覺得佢阿媽無問題, 係我有問題). 到最後, 我屋企人幫我俾首期買了而家呢層樓, 買樓期間, 佢屋企人沒有幫我哋仲不停漏風點火(因為利益問題, 佢哋覺得佢哋無着數, 所以要千方百計搞事), 搞到我哋兩個成日鬧咬唔開心.

- 剛考佢姨丈肝癌入院(我哋同佢姨丈一啲都唔熟, 一年先見一次面而已), 我奶奶同我老公要我大住肚去醫院探佢, 縱使我屋企人反對我都就佢屋企人去探佢姨丈. 跟住佢姨丈死咗, 我奶奶好老鳳咁叫我同公司請某日假去送姨丈上山, 我心諗唔係掛, 叫個大肚婆去送葬........... 我奶奶拜開神, 呢啲嘢都知要避忌, 仲要求我去, 佢要威都唔係攞我嚟搞呢啲嘢, 我真係覺得佢好黐線................ 最後我當然無去. 除此之外, 我奶奶同我老公講要買個大花藍俾姨丈, 不過要我哋俾錢, 目的係要威, 佢明知我哋買樓要用錢, 仲喺到掠水, 我覺得佢當我哋係提款機, 正一百佳婆............

- 坐月方面, 我話我買張床俾你過嚟瞓, 你咪唔使咁辛苦九龍灣荃灣兩邊走, 但佢哋堅持要我喺佢屋企坐月, 大家上過佢屋企都知極細兼無私人空間, 仲要有4個人堅持喺屋企食煙, 所以我最後決定由我阿媽陪我坐月.

- 我奶奶又好斤斤計較, 咩到算到爆, 掠到爆, 練JEM學懶不在話, 心地又唔好, 不過佢啲仔女好聽佢講.

- 仲有佢一見到我阿B就同我阿B講唔好要媽媽, 正一百佳婆

- 湊B方面, 由於以上事件可見佢哋啲人格有幾賤, 我最後決定由我阿媽湊B.

之後, 阿B出咗世, 佢哋成日要我哋抱阿B過去, 但佢哋唔會自己過嚟探阿B, 加上阿B有氣管敏感, 佢哋4條友喺屋企食煙, 對阿B一啲唔好, 所以我唔鍾意帶阿B過去. 問題又嚟, 我老公覺得我唔尊重佢屋企人, 我哋又成日為咗佢屋企人又鬧咬.

近日, 我又有咗小B, 喺7月1日, 我哋又為佢屋企人鬧咬, 今次佢就提出離婚, 又話我唔再改, 第時唔好後悔. 當然嗰刻我無應承佢離婚, 因為為咗阿B和小B, 所以唯有啞忍, 點知佢變本加厲, 不停諸多挑剔, 上兩個星期, 佢同佢姑姐傾過, 跟住佢姑姐打俾我同我傾, 由於佢姑姐唔知頭唔知路, 加上受到我奶奶加鹽加醋啲說話影響, 就同我講問我係咪睇唔起我老公啲屋企人, 喺咪因為佢哋窮, 我就同佢姑姐講, 如果我係因為咁, 我就唔會同佢結婚, 我從來唔介意佢哋窮, 跟住佢姑姐又話我老公仲咁後生, 佢再組織過另一個家庭好容易, 你而家有阿B, 肚內又有小B, 我都唔想見到你哋搞成咁, 後來我講番個事實佢知, 佢又不停幫我奶奶解釋, 叫我將就下, 算數....... 我唔怪佢姑姐, 不過, 我感覺到佢哋成班人因為知道我有咗小B, 所以想用離婚令我同佢哋妥協.

0 0 0

私人傳訊

積分: 5884

70^#

發表於 08-9-28 11:18 |只看該作者

原文章由 boboT 於 08-9-28 00:10 發表

你 99 同我 99 係咪孖生姐妹, 自小失散左呀? 一模一樣呀. 拍拖時扮到好開通, 結婚當日就變臉, 我外家親人全部都當場叫我好自為之.
終日淨係諗法子黐著數攞便宜, 貪威...太公太婆入老人院, 佢就掠老人家嘅棺材本, 人 ...

嘩, 我無諗過你99會同我99咁似, 我仲以為淨係得我咁黑仔有個咁賤嘅99. 你都好呀, 可以同班PK斷絕來往, 但我C6死都唔肯, 而家大家傾點數1個月去2次同班PK飲茶, 諗起都好慘同唔開心.

係呢, 你可唔可以PM你AGENT資料俾我呀? 因為我而家搵緊請工人啲資料, 唔該晒.

私人傳訊

積分: 5884

69^#

發表於 08-9-28 11:10 |只看該作者

原文章由 mypineapple 於 08-9-27 11:18 發表
我覺得容忍係有個限度, 唔好挑戰我既底線囉!
或者你都要為自己設下一條底線, 否則你隻 c6 會一直蝦你架!!!!!

自從我哋爆完離婚後, C6而家對我好好, 如果佢再提離婚, 我會同佢離婚.

私人傳訊

boboT

大宅

積分: 4362

68^#

發表於 08-9-28 00:10 |只看該作者

原文章由 catherineleungg 於 08-8-8 00:09 發表
我同C6啲問題全部都係關於佢屋企人, 而佢又偏幫佢屋企人, 佢何止係愚孝仔, 個腦直情生喺屎忽到, 一啲都唔MAKE SENSE, 真係好難搞. 加上佢啲屋企人(特別係賤99)成日喺到漏風點火驚死我哋離唔到婚咁, 我上星期初終於忍 ...

你 99 同我 99 係咪孖生姐妹, 自小失散左呀? 一模一樣呀. 拍拖時扮到好開通, 結婚當日就變臉, 我外家親人全部都當場叫我好自為之.
終日淨係諗法子黐著數攞便宜, 貪威...太公太婆入老人院, 佢就掠老人家嘅棺材本, 人去左, 佢就借攪白事貪帛金...
結婚多年受埋嘅氣數不盡, 我都唔同佢計.
陀緊 bb 又叫我去飲, 飲都算喇. 仲話叫人地跪我. 我聽到即刻話唔去, 佢地先停止左.
生左仔就走嚟黐著數, 又係想借攞滿月為名掠水攞威, 請埋啲完全唔識嘅人, 錢就我地比, 禮就佢地收. 親人嚟探 bb 封比 bb 嘅利是, 被 99 一封一封開晒. 都唔知有無抽起到...
正一攞婆+百佳婆嚟架.
我換工人, 佢嚟幫幾日手, 湊到我個仔鬼五馬六, 老公提少少要求 (e.g. 人奶有分新舊) 就喺我背後對叔仔姑仔哭訴, 屈我阿媽和我對佢挑剔. 攪到我家變, 連姑仔叔仔都齊聲炮轟我. 連我阿媽都被呢班人數臭. 又私下向我老公挑撥離間, 話佢地屋企人嘅關係是切肉不離皮, 兄弟如手足...咁我個仔同我老公無關係架咩? 我兩夫妻就夫妻如衣服啦?
攪到我老公同我講: 拋妻棄子.
成班賤人 + 攞婆攞佬

(唔好意思, 見到你 99 同我 99 咁似, 借地方嚟呻下)

而家我同果班人斷絶左來往, 同老公都和諧番. 之前所有不愉快都係來自同一個源頭. 就係男家果班百佳! 如果你想百年到老. 一定要想盡辦法, 斷絶果班人同你老公你個仔嘅來往.

私人傳訊

mypineapple

公爵府

積分: 28219

67^#

發表於 08-9-27 11:18 |只看該作者

我覺得容忍係有個限度, 唔好挑戰我既底線囉!
或者你都要為自己設下一條底線, 否則你隻 c6 會一直蝦你架!!!!!

私人傳訊

積分: 5884

66^#

發表於 08-9-11 17:10 |只看該作者

原文章由 circlewinnie 於 08-9-10 23:34 發表
樓主，聽妳咁講妳老公都幾有問題。結婚前一晚, 老公發脾氣要自己去攞婚紗禮服和花球；妳大住個肚又要去喪禮；妳6299嗰邊係吸煙區，妳哋ＢＢ去到佢又唔出聲；有咗細Ｂ仲威脅妳同流合污。老實講如果我c6係咁而我又 ...

講真吖, 好多人都話我好有忍耐力, 我好多嘢都無同C6&佢屋企人計較, 反而佢哋得寸進尺, 越嚟越過分, 成日搞風搞雨, 真係好乞人憎.

私人傳訊

積分: 5884

65^#

發表於 08-9-11 17:06 |只看該作者

原文章由 Pinklapin 於 08-9-9 17:37 發表
睇完樓主個case真係同自己個case一樣, 我老公明知佢亞媽錯都可以不惜一切咁為護佢亞媽! 當年我有咗BB, 我99叫所有親戚朋友日日上屋企打麻將(打24圈), 個個都食煙(間公屋得幾百呎)仲要開冷氣, 我當場透唔到氣要落街坐 ...

你老公還好, 識得回頭是岸, 但我個C6完全只會幫佢屋企人, 一啲都幫我, 總之我唔順佢屋企人意就係我錯.

私人傳訊

積分: 5884

64^#

發表於 08-9-11 17:03 |只看該作者

原文章由 小可愛11 於 08-9-9 16:12 發表

如果真係不幸要打官司, 你可以用BB健康做理由, 因為你99+C6都食煙, 係嚴重形響BB健康.

我朋友都係咁講.

私人傳訊

circlewinnie

洋房

積分: 87

63^#

發表於 08-9-10 23:34 |只看該作者

樓主，聽妳咁講妳老公都幾有問題。

結婚前一晚, 老公發脾氣要自己去攞婚紗禮服和花球；妳大住個肚又要去喪禮；妳6299嗰邊係吸煙區，妳哋ＢＢ去到佢又唔出聲；有咗細Ｂ仲威脅妳同流合污。

老實講如果我c6係咁而我又好似妳咁有咗第二胎，我都會好煩，我諗妳要好好同妳個c6傾吓，真係傾唔掂就長痛不如短痛嘞！勉强盞委屈妳自己。

私人傳訊

elaine815

大宅

積分: 1390

62^#

發表於 08-9-10 00:37 |只看該作者

你個c6咩人黎嫁......都痴痴地........
連老婆都唔理阿b都唔理
罵爆佢怕佢咩

私人傳訊

Pinklapin

別墅

積分: 704

61^#

發表於 08-9-9 17:37 |只看該作者

睇完樓主個case真係同自己個case一樣, 我老公明知佢亞媽錯都可以不惜一切咁為護佢亞媽! 當年我有咗BB, 我99叫所有親戚朋友日日上屋企打麻將(打24圈), 個個都食煙(間公屋得幾百呎)仲要開冷氣, 我當場透唔到氣要落街坐, 我隻C6返到屋企我同佢講, 佢就話佢亞媽鍾意打麻將唔到我理, 仲話間屋係佢亞爸亞媽, 叫我唔好咁多聲氣

我最後就返外家住, 費是同佢講因為一個禺孝嘅人個腦只得佢父母, 其他人係容納唔到!
到我BB出世後, 我老公同我搬咗出去住, 但我99都不斷搞好多嘢想我老公嘈我, 但我老公開始對BB同頭家有感情, 所以都無咁禺孝

你不如真係同你老公心平氣和講清楚, 你再同佢嘈只會嚇親D細路(當初我個BB見到我同老公嘈咬佢嚇到狂喊之後仲晚晚發惡夢!)叫佢搞清楚佢o係呢個家嘅責任, 如果佢唔聽仲企係自己屋企人o個邊, 你就一定要放棄, 佢連自己老婆同個女都保護唔到, 將來有D咩事佢都唔會理, 咁不如搵個第二個啦!
其實我之前嘅情況同你一樣, 但係我老公最後係我迫佢作出選擇時佢選我同BB, 我諗如果你老公真係愛你同個女佢一定會改變佢想法!
我一定會係呢度支持你!

私人傳訊

小可愛11

珊瑚宮

積分: 102475

畀面勳章

60^#

發表於 08-9-9 16:12 |只看該作者

原文章由 catherineleungg 於 08-8-8 15:10 發表
多謝各位的分析和意見.

我自從結咗婚後, 我覺得C6係因為佢老豆老母恨抱孫, 所以成日想我生仔. 目的全部都係為咗佢屋企人, 而唔係我哋個小家庭, 個C6鬧離婚嗰日話如果我同佢屋企人相處唔到, 佢出去求其搵個女人結婚 ...

如果真係不幸要打官司, 你可以用BB健康做理由, 因為你99+C6都食煙, 係嚴重形響BB健康.

私人傳訊

sfll

積分: 81099

2025中秋節勳章母親節2025勳章 2025勳章蛇年勳章 2024年龍年勳章虎到金來勳章好媽媽勳章醒目開學勳章畀面勳章環保接龍勳章大廚勳章 BK猜猜猜慶中秋

59^#

發表於 08-8-16 09:48 |只看該作者

人善被x搵著數:;pppp:

私人傳訊

積分: 5884

58^#

發表於 08-8-16 02:18 |只看該作者

原文章由 sfll 於 08-8-14 00:11 發表
我睇佢應該心裏有數，但礙於尊嚴和不敢冒犯亞媽，我地兩個都啞子吃黄蓮，我更加有苦自已知啦。

我都唔明點解啲賤99唔可以同新抱好好相處, 成日喺到搞事搞非, 真係乞人憎到爆...........................

私人傳訊

sfll

積分: 81099

2025中秋節勳章母親節2025勳章 2025勳章蛇年勳章 2024年龍年勳章虎到金來勳章好媽媽勳章醒目開學勳章畀面勳章環保接龍勳章大廚勳章 BK猜猜猜慶中秋

57^#

發表於 08-8-14 00:11 |只看該作者

我睇佢應該心裏有數，但礙於尊嚴和不敢冒犯亞媽，我地兩個都啞子吃黄蓮，我更加有苦自已知啦。

私人傳訊

積分: 5884

56^#

發表於 08-8-13 14:53 |只看該作者

原文章由 sfll 於 08-8-13 14:28 發表
d99識手段係無分年紀嘅。lee頭詐帝唔記得大廈入口嘅code,借故同62喺屋裏(留意，裹便唔係喺街出面bor)兩個話爭吵好唔好打电話俾個仔問個code喎，咁跟住梗係有打啦，仲講晒俾個仔聽，話家嫂出咗街，個仔番緊工，收到亞媽亞爸電話，講 ...

咁你C6點睇? 幫唔幫你呀?

私人傳訊

sfll

積分: 81099

2025中秋節勳章母親節2025勳章 2025勳章蛇年勳章 2024年龍年勳章虎到金來勳章好媽媽勳章醒目開學勳章畀面勳章環保接龍勳章大廚勳章 BK猜猜猜慶中秋

55^#

發表於 08-8-13 14:51 |只看該作者

要勸樓主，天下間大把lee一類男人，marriage根本係一個遊戲，win or loose 全靠自己。而家唔覺意嫁咗俾一個品德比不上妳嘅人，妳一就係fight, 一就係棄餬，另覓好郎君！
佢屋企人就 nothing to loose. 我一貫認為只有兩大類父母，自私的, 和以子女利益為先的。
似乎妳c6需要另類教育！

私人傳訊

sfll