這間簡直是一間黑店，買度一肚氣！！
之前想買Action Cam, 搜集好資料，要買GoPro Black. 咁上星期一上左去TripPro買機，有一個店員招呼，一入去問店員有冇新機，他說有； 然後我問係味行貨，佢話係代理行貨，一年保養；咁我再問d操作問題，那店員其實態度麻麻，唔係好識野咁，咁諗住都算啦，照買啦， 唯有自己返去慢慢研究。機都未拿出黎，個店員叫我付款先, 才拿機check。 咁我覺得這也是正常的程序，便付款先，怎知，付款後，店員拿了出面放了很久display的機，雖然機身連盒，但我當然想要新的機啦。咁我問佢有無新機，佢話冇喇，得返這部，這也是全新的，之後暫不會返新機。因我趕用，同埋巳付款，既然他說不會有新機，那我也沒有辦法， 但已覺得他不老實。
返到去再詳細用時，有時按按下d掣，面果個setting 顯示內d字會重疊同朦，咁我即日whatsapp 佢地講，佢地話拿回佢地店鋪。第二日，行過百老匯同其他GoPro 特許經營店鋪，看到有GoPro代理 '原裝行貨' 貼紙同'行貨保養'貼紙，我去問問，那些商鋪店員話如果是GoPro代理提供的貨品，一定有這兩個貼紙。我再打去GoPro代理Microworks 問，佢地話如果是他們提供的货一定有行货貼紙的。我唔想買左水貨，我立即再whatsapp Tripprp問佢地，它們俾我的貨品是水货嗎？為何沒有行货貼紙？ 它們回覆是行貨，一年原廠保養。 點知仲有個超驚訝的回覆, 如果要保養，要拿回俾Trippro佢地, "因單不是正價，所以代理不會保，要拎反比我地交比代理維修"!
這樣更令我質疑部機是否有甚麼問題，我問Trippro如果是行货為何沒有行货貼紙，如果我買的是正貨，為何代理不受理，保養不能拿俾代理？
它們解釋唔到，只不斷説我們提供俾你的是行貨，叫我唔好為左冇貼紙而嘈！
我覺得很唔合理，因在7天內，我要求退款或換返有行货貼纸證明既貨俾我；佢地話唔可以
我覺得很有問題，直接上去Trippro 度質問，點知一上去見到幾部全新GoPro Black ，它們已返了新貨，之前還告訴我沒有新货! 仲有，我看到那些新機全部都有行货貼紙的，那為什麼我買的沒有呢？
它們説不能退款，那我就說那你們換货，換返有代理行貨貼纸俾我，它們說不能，因已開盒
店員跟著說也覺得今次事件有些奇怪，都想幫我們，但他們話唔到事，要經理才知道怎樣處理，但經理沒有上班，等他上班才再回覆我們
跟著最可笑的是店員看完我和他們whatsapp 的對話，還說whatsapp 回覆我的那個員工都有問題，回答錯了，結果一核對電話，原來一直whatsapp 那個就是經理，店員即時冇聲出
之後我再whatsapp 問經理，佢確定說不會換货俾我
我亦都唔想再同它們爭拗，事件已交由消委會處理中
同時為更了解事件，我打去GoPro代理Microworks那邊有關部門查詢，GoPro 代理也頗關注這件事，有3件事肯定的：
- Trippro不是GoPro代理的特許經銷商，它們從來沒有直接提供货俾Trippro; 那Trippro所謂的行货，貨源途徑也不知道的
- 代理說明行货一定要有那兩個行货同保養貼纸的
- 同時代理check 到我的機號，説我的機已是很舊的，是14年的貨, 即Trippro 賣舊機俾客人
Trippro 毫無操守, 欺詐顧客，實在可怕！！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
