大仔大女媽媽會 今日: 0 | 主題: 177860

積分: 30556

畀面勳章 hashtag影視迷勳章

1^#

發表於 08-9-9 14:02 |只看該作者 |正序瀏覽 |打印

因為昨日工作到好晚下，返到屋企又要湊仔，結果搞到成1:00am先瞓。點知我上床瞓時，傲宏仔反而唔願瞓，結果我要氹佢瞓著我先有得瞓(平日唔係咁，但佢唔瞓就會整d怪聲等我無得瞓，但呢d對佢爸爸無效，照瞓可也)。

但最慘係傲宏不斷醒下瞓下，一醒就扭我，整怪聲/喊/用手拍打我，總之搞到我醒先開心...... 好不容易令佢瞓返，我老公d snoring又嘈到拆天...... 結果當然係我極度唔夠瞓啦！

我一唔夠瞓就會忟唔好脾氣，仲要昨日做到就快想死，點知傲宏仔今朝起身仲要唔食奶...... 我真係好忟，諗住都食左1oz，可以頂到去我爸屋企，唔食就算啦。咁我老公就話佢會幫我餵，叫我去梳洗準備。

點知我梳洗完畢，出到黎見到個工人餵緊我個仔(工人早上過來幫手接傲宏仔過去老爸家)，仲要個仔正掙扎中...... 我已經多次講過，在自己家唔可以俾工人負責傲宏仔的事，一定要由我地自己做！結果老公被我鬧，工人被我話之餘，連傲宏仔我都鬧佢以後一唔肯食奶就無得食......

事後我好後悔呀，因為我自己心情唔好就鬧傲宏仔，呢樣係一樣我好唔想發生嘅事呀！

0 0 0

私人傳訊

BoBoFamily

積分: 642

49^#

發表於 08-10-2 19:46 |只看該作者

睇開d吧,比人鬧都算係一個體驗,對有d人可能會有些正面作用.

私人傳訊

積分: 30556

畀面勳章 hashtag影視迷勳章

48^#

發表於 08-9-16 12:48 |只看該作者

Exactly！

我老公仲要我做埋佢私人秘書，自己嘢都唔自己記，要我幫佢記埋，唔記得就賴我...... 好彩我記性好(都唔知係好彩定唔好彩)，先無咩嘢俾佢賴。

私人傳訊

pingapinpin

大宅

積分: 2217

47^#

發表於 08-9-16 11:15 |只看該作者

原來我o地d老公係有共通點, 就係選擇性失憶~
叫佢o地做o野就得個"拖"字, 到我o地真係唔記得或者遲o左做, 就話我o地唔上心...

私人傳訊

積分: 835

46^#

發表於 08-9-15 22:41 |只看該作者

全中, 呢個係我0黎緊的新年願望, 生日願望, 母親節願望......

原文章由 Freesia_cat 於 08-9-15 14:05 發表
我希望傲宏仔1歲前佢應承幫我的家事已經完成啦！同埋希望傲宏仔唔係佢阿爸那類啦！

私人傳訊

積分: 30556

畀面勳章 hashtag影視迷勳章

45^#

發表於 08-9-15 14:05 |只看該作者

我希望傲宏仔1歲前佢應承幫我的家事已經完成啦！同埋希望傲宏仔唔係佢阿爸那類啦！

私人傳訊

fionakwok

複式洋房

積分: 344

44^#

發表於 08-9-15 00:57 |只看該作者

Freesia cat.... 就係因為佢係c6 攞.

我個洗衣機出問題, 由個女出生到今天 7個月了... 都仲係gum, 可能到個女 7 yrs old, 都仲係gum.

mouth:

嬲都冇謂. 唉.

原文章由 Freesia_cat 於 08-9-14 00:26 發表
tsl0511：

唸樣又係我唔明白的事：點解老公應承幫手，結果都係要三催四請仲要發埋火佢先會郁手...... 最要命係仲話我地老婆哦佢？

我老公又係咁，佢已經應承左我整好多嘢，包括我地房其中一個燈泡壞左要換啦，飯廳其中2個燈泡壞 ...

私人傳訊

積分: 835

43^#

發表於 08-9-14 16:37 |只看該作者

哈哈!!係呀....可能呢d就係男人同女人的分別, 我都冇晒計, 而家唯有將d希望放0係個仔度, 教佢識照顧自己, 有手尾, 同埋唔好要我成日三催四請......如果第日個仔似晒老公, 咁我諗我會撞頭埋牆...

原文章由 Freesia_cat 於 08-9-14 00:26 發表
tsl0511：

唸樣又係我唔明白的事：點解老公應承幫手，結果都係要三催四請仲要發埋火佢先會郁手...... 最要命係仲話我地老婆哦佢？

我老公又係咁，佢已經應承左我整好多嘢，包括我地房其中一個燈泡壞左要換啦，飯廳其中2個燈泡壞 ...

私人傳訊

積分: 30556

畀面勳章 hashtag影視迷勳章

42^#

發表於 08-9-14 00:26 |只看該作者

tsl0511：

唸樣又係我唔明白的事：點解老公應承幫手，結果都係要三催四請仲要發埋火佢先會郁手...... 最要命係仲話我地老婆哦佢？

我老公又係咁，佢已經應承左我整好多嘢，包括我地房其中一個燈泡壞左要換啦，飯廳其中2個燈泡壞左又要換啦，我大肚時影嘅相要錶啦....... 已經由我生完無耐應承到宜家，個仔都半歲啦！承諾仍未兌現......

佢仲話我哦佢...... 我好記得我前度男友曾經問我點解要哦佢，我話我並唔想哦佢，如果我叫左佢做佢即做/在合理時間內做，咁我根本唔會哦佢。前度聽左之後就明左，有咩應承左我就即做...... 同老公講同一道理，佢點極都唔明......

私人傳訊

積分: 835

41^#

發表於 08-9-13 15:46 |只看該作者

唔知係咪男人都係咁, 以為自己仲未大...我老公有時仲難揍過個仔, 我同佢講, 你番去搵奶奶揍你啦...我以前係幾火爆的人, 而家仲溫馴過隻羊呀, 成日都係比老公食住, 最慘係人地出邊個個以為我老公好就我, 係我食住佢先0岩....

只有識佐我地好耐的人先知個真相...

原文章由 Jasmine豬豬 於 08-9-12 13:31 發表
我曾經講過,有咗BB之後, 忽然好似多咗兩個BB要照顧, even 我c6大我一截(>15years), 都一樣..., 如果我話佢有乜地方揍得唔好, 一係就話我bossy, 一係就發脾4塞番個女比我, 然後話, 淨係你識揍咁你揍啦! 總要我過一陣 ...

私人傳訊

積分: 835

40^#

發表於 08-9-13 15:39 |只看該作者

係呀, 我都諗緊請工人, 不過我地通常嘈的野唔係關於家務, 因為大部份我做晒, 最慘係佢自己d私人野都要我幫佢做埋, 或者佢覺得係我多事, 可以唔理佢d野, 不過佢又冇記性, 又忍受到屋企七國咁亂, 我又抵唔住頸幫佢做, 我又做唔到唔出聲喎...所以係循環, 2, 3 個月就會重現一次....

原文章由 灝灝B 於 08-9-11 12:44 發表
我老公都係咁ga！不過佢家陣人自己喺外地做嘢先覺得自己老婆好咋！

唉 ~ 家務嘅嘢，唔得閒咪搵鐘點嚟做囉！總之要保持自己心境開朗d！去玩就要盡情d！ ...

私人傳訊

積分: 835

39^#

發表於 08-9-13 15:32 |只看該作者

係呀...我好miss個仔呀...而家唯有同自己講, 做到就到, 做唔到就算, 我都唔想成日為佐d小事嘈, 仲要比人話我多complaint..

原文章由 老鼠仔 於 08-9-11 11:52 發表
tsl0511 唔好咁唔開心啦! 男人就係咁架啦, 你而家應該去左澳門玩緊, 玩完兩日舒緩下心情,無見bb兩日你地又會更錫bb架啦!

私人傳訊

積分: 835

38^#

發表於 08-9-13 15:22 |只看該作者

我番佐0黎啦, 冇好開心咁玩, 因為個朝早佢就講佐一聲sorry就算, 預期我就咁算, 所以為免浪費d酒店錢同船飛錢, 我冇同佢再嘈就出佐門口, 雖然唔係黑口黑面咁玩, 但個心仲頂住頂住.

昨晚又發生佐一件事, 我決定搬bb床入我地房, 等佢今晚番0黎屋企0訓, 唔洗一個人0係房, 搬佐床後諗住要較番個床位高d, 佢應承話會做, 點知提佐佢2次, 佢話想今朝先整, 我就諗佐一陣話好啦(個樣show佐唔想), 之後佢話佢唔開心, 點解要跟我個schedule做, 改第2日做唔得, 我話咁你一早話今朝整咪得囉, why我提你做2次之後你先講, 咁佢就發悔氣去整...我忍住度火問佢, 係咪我講得唔0岩, 佢話唔係, 而家咪整囉...

激c我啦....

原文章由 Freesia_cat 於 08-9-11 08:44 發表
tsl0511：

我有睇哂你講嘅嘢呀！

係呀！男人都係咁，下巴輕輕，到真係發生就唉......

雖然你唔係好想過澳門，不過既然要去就盡情d玩啦！ ...

私人傳訊

Jasmine豬豬

大宅

積分: 2618

好媽媽勳章醒目開學勳章

37^#

發表於 08-9-12 13:31 |只看該作者

我曾經講過,有咗BB之後, 忽然好似多咗兩個BB要照顧, even 我c6大我一截(>15years), 都一樣..., 如果我話佢有乜地方揍得唔好, 一係就話我bossy, 一係就發脾4塞番個女比我, 然後話, 淨係你識揍咁你揍啦! 總要我過一陣後, 呵番,explain番至ok...

私人傳訊

積分: 30556

畀面勳章 hashtag影視迷勳章

36^#

發表於 08-9-12 13:14 |只看該作者

我唔係無俾機會老公去嘗試湊傲宏，但如果你想像下，你個仔因為唔見你(不論你是否身於同一處)所以喊，你老公已經在安撫佢，但完全不成功，而我講緊嘅係你個仔已經喊足一小時，喊累睡一陣，醒左再喊過，即至你抱起佢為止，你會點做？

又再想像下另一個情況，就係你個仔喊，你老公已經出盡力安撫但唔work，而且已經頂佢唔順，你老公就放佢在地墊上由得佢喊，而你個仔亦係喊足一小時都繼續喊，直至你抱佢為止，你會點做？

講真如果我不在家，我可以做嘅係盡快趕返屋企；如果我在家，我係會俾一段時間我老公嘗試安撫傲宏，let's say大約10-15分鐘左右，佢都搞唔掂我就會出手干預，因為真係唔想個仔不停咁喊(好慘慘呀)，唔想佢以為媽媽唔要佢。

私人傳訊

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

35^#

發表於 08-9-11 20:30 |只看該作者

原文章由 jj032008 於 08-9-11 10:31 發表
我覺得好多時男人太依賴就係比女人寵慣左，細個就依賴阿媽，大個就依賴老婆。不過我奶奶比較照顧周到，所以結左婚之後，我老公都做多左野，尤其是我坐月期間，換片、沖涼、餵奶佢乜都做，仲照顧埋我。 ...

係呀!!!! 我 d家人就係人辦.... 我阿媽服待周到, 攪到我地個個都依賴晒.

所以我唔想太過寵個 bb 乜都幫佢做.

私人傳訊

littlegracehk