吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 埋身定泵奶？

母乳餵哺今日: 0|主題: 85708

收藏本版

回覆發帖

返回列表

跳至頁

查看: 4448 | 回覆: 7

埋身定泵奶？ [複製鏈接]

EudyptulaMinor

男爵府

積分: 9263

1^#

發表於 16-1-15 11:46 |只看該作者 |正序瀏覽 |打印

有冇全埋身、全泵奶、或者半埋身半泵奶的媽媽可以分享下？

我的情況是很想全埋身，但bb埋身唔到3分鐘就會瞓著，而且每次扭眼瞓都會喊哂想啜住瞓，bb辛苦我亦辛苦…… 用樽餵就會好乖食哂成支奶，唔會食下瞓下，醫生就建議我考慮轉做泵媽，泵出黎用樽餵，用樽餵要洗奶樽唔係問題，我本身係窮媽媽，僅僅夠bb食，每次一停埋身餵幾日就好易塞，奶量又會急跌，好辛苦先可以維持到奶量…… 遲下返工，日頭就要泵奶，如果夜晚都唔埋身就冇機會埋身，但埋身又可能會搞到自己同bb都好攰……

我希望母乳媽媽們，不論你係埋身定泵奶，可以分享一下你地的經驗，同埋不同方式的好壞～

0 0 0

私人傳訊回覆引用

Cherry0401

子爵府

積分: 14815

8^#

發表於 16-1-16 10:42 |只看該作者

回覆：埋身定泵奶？

我上胎全泵，奶量keep住爆冰箱，全泵十個月直至有左今胎先停泵。
我今胎初初都想全埋身，但佢出世後面黃要入院照燈，我迫於無奈要泵奶拎去醫院，出院後佢又因收水後增重慢及退黃慢，健康院要求埋身後要再補奶，於是我開始半埋半泵，埋身後泵清再用樽補比佢。如是者一直到3個多月，佢開始唔肯食樽，漸漸變左只肯埋身，仲要食右唔食左，而我右邊亦開始唔受泵兼好易塞，我仍在苦惱緊要唔要買其他樽再試下。

私人傳訊回覆引用

sophia1121

大宅

積分: 1171

7^#

發表於 16-1-15 15:48 |只看該作者

回覆 EudyptulaMinor 的帖子

我係全泵樽餵，餵咗一年，我仔剛出世時，我個胸塞死咗，出咗到奶只好補奶粉，之後陪月幫我按摩通咗個胸，試埋身餵，亞仔唔鍾意，唯有泵出來，剛開始2個鐘泵1次，過完產假就每日泵4次，好彩D奶夠亞仔食之餘仲可以俾佢冲涼，因為佢唔食雪奶，中間都試過塞，不過唔嚴重，自己按摩推下就通咗，其實想奶多同唔塞除咗多飲水，用機泵完後記得用手泵清D奶，我次次都可以用手揸多几十ml出來

私人傳訊回覆引用

Fionhohoho

子爵府

積分: 10607

6^#

發表於 16-1-15 15:35 |只看該作者

引用：樽餵對我泥講容易d，有時埋身（埋完又泵清

原帖由 mangobabybaby 於 16-01-15 發表
樽餵對我泥講容易d，有時埋身（埋完又泵清又補泵奶）真係腰都痛。bb大個d又會啜叻左，所以你放鬆些，唔好放 ...

係呀，塞左比bb啜完簡直一身鬆哂，個胸林哂

私人傳訊回覆引用

mangobabybaby

大宅

積分: 1194

5^#

發表於 16-1-15 14:52 |只看該作者

回覆：埋身定泵奶？

樽餵對我泥講容易d，有時埋身（埋完又泵清又補泵奶）真係腰都痛。bb大個d又會啜叻左，所以你放鬆些，唔好放棄。我都係泵媽，而家一日兩次埋身，我好易塞，只有bb幫到手，所以唔好放棄埋身呀

私人傳訊回覆引用

Fionhohoho

子爵府

積分: 10607

4^#

發表於 16-1-15 14:44 |只看該作者

引用：Quote:原帖由+Fionhohoho+於+16-01-15+發表

原帖由 EudyptulaMinor 於 16-01-15 發表
我個b每次埋身3分鐘就瞓，一瞓可以瞓4-5個鐘，樽餵唔食夠4oz都喊…… 我成日俾人話我埋身餵會餓親bb，bb埋 ...

我會練佢膊頭，用濕紗巾抹佢塊面，掃風咩都試下架

母乳媽媽要有自信，只要有足夠濕片，有增重即係可以餵飽佢啦

私人傳訊回覆引用

EudyptulaMinor

男爵府

積分: 9263

3^#

發表於 16-1-15 14:02 |只看該作者

引用：我係全職媽媽。我一開始已經係半泵半埋身，

原帖由 Fionhohoho 於 16-01-15 發表
我係全職媽媽。

我一開始已經係半泵半埋身，坐月個陣我朝早同半夜都係樽餵，下午就埋身。我唔埋身的時間就 ...

我個b每次埋身3分鐘就瞓，一瞓可以瞓4-5個鐘，樽餵唔食夠4oz都喊…… 我成日俾人話我埋身餵會餓親bb，bb埋身瞓著又點搞佢都唔醒，彈腳板彈到啪啪聲都仲繼續瞓…… 點先可以令bb埋身時唔瞓著？醫生話起碼要餵到10分鐘！

私人傳訊回覆引用

Fionhohoho

子爵府

積分: 10607

2^#

發表於 16-1-15 13:11 |只看該作者

回覆：埋身定泵奶？

我係全職媽媽。

我一開始已經係半泵半埋身，坐月個陣我朝早同半夜都係樽餵，下午就埋身。我唔埋身的時間就準時密密泵，不過就預左好支力。

佢兩個月之前都係埋身好差架，之後我就尤佢唔，喊到個人夠餓夠醒先比佢埋身，如是者可以兩個鐘一餐，而家就3個鐘一餐。

以前佢食到訓著我就會放底佢，直到下餐先可以再食，最多只可以提早少少食。我一定要佢醒神先埋身，如果訓著就練下佢膊頭整醒佢

到而家佢2個半月，一日5餐有2餐樽3餐埋身。因為佢好早已經戒左夜奶。我依然半夜會準時起床泵，因為我好易塞。

埋身我又會再泵清。如果個日唔埋身，我會密密泵，起碼一日泵6次。我唔窮亦唔富，因為bb樽餵要食8安，我有時都要追奶。我會食好多飯，飲好多代茶同湯去維持奶量。

呢兩個月日日就好似發夢甘渡過，泵泵泵埋身埋身再泵泵泵，但我同自己講辛苦只係一時，為左個仔好，呢d唔算係乜

加油