吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 食母乳真的很重要嗎?

母乳餵哺今日: 0|主題: 85707

收藏本版

回覆發帖

返回列表

跳至頁

查看: 6123 | 回覆: 45

食母乳真的很重要嗎? [複製鏈接]

12 3

lovemo1

別墅

積分: 747

1^#

發表於 16-1-27 10:44 |只看該作者 |正序瀏覽 |打印

每次去健康院姑娘都問食母乳進展如何...又會教你唔同方法...好似講到全世界得母乳係最好...BB唔食唔得咁。
但問題係我太太母乳不多...一出院BB就因食得小所以黃疸，結果要照燈，如果飲奶粉控制到份量其實就唔會有問題

現在見到太太日日都要埋身，夜晚又要，好辛苦，但最後其實每次母乳好小...最後都係要加奶粉

好的還沒有看到...但懷的就已出現...那為甚麼重要飲人奶呢?

其實我細個都係飲奶粉大，現在未又係健健康康...我會覺得後天照顧和飲食才是最重要

0 0 0

私人傳訊回覆引用

muimui125

大宅

積分: 3787

46^#

發表於 16-2-13 13:05 |只看該作者

回覆：食母乳真的很重要嗎?

很明白你和太太而家既顧慮和苦況。
我是一個緊張型媽媽，自己出院果日bb要留院照燈，睇資料見到好多人話食人奶黃會退慢d，又擔心因為bb 留院而影響餵人奶，自己又累，心情真的好差好差。

之後，bb果排都係出入醫院抽血（媽媽會心痛）.. 前後照左兩晚燈，但出院後都會擔心，怕幾日後又要照。半奶粉半人奶，上奶上得慢，bb經常食唔飽，但係，餵人奶係長遠的，真的不想放棄。為左令bb退黃快d，唯有食密d柯密d，我每2小時餵佢一次，半夜較鬧鐘起身叫醒bb食，堅持不想放棄，深信只要努力堅持一定有，壓力一定有，但係bb就係我既動力，要相信bb啜會幫到自己上奶，我果陣同bb講\'仔仔，媽媽要靠你，你幫下媽媽好無？\' 見佢小口小口但努力咁啜其實心裡好安慰，心諗我都要努力。到bb 一個月開始夠比全人奶，而家bb 3個月半我在職仍夠食。

重點係好彩老公比左適度關心和支持我，（其實老公顯出關心已經好好，幫手做家務，等我可多d休息，但如果佢太緊張我驚我辛苦而叫我唔好餵，反而我都會有壓力！！）
老公都好明白人奶對bb會好，所以好配合！

其實我之前都覺得姑娘唔理3721都猛叫人餵左先，而家我覺得咁樣做佢地都係想媽媽嘗試堅持左先，我都聽過有媽媽餵左幾日就話自己無奶而放棄，乳頭損左所以放棄，呀b係咁喊唔夠飽就放棄。如果姑娘唔迫媽媽，有些媽媽會因為未見到餵人努既實質好處而輕易效棄。我都慶幸當初醫院姑娘\'迫\'我餵人奶，萬事起頭難，餵人奶個頭係難，但係會愈來愈輕鬆，你會好快見到好多好處，bb相對唔易病，增進關係，同埋極之方便。到而家我覺得，餵人奶媽媽真係苦盡甘來架

所以睇下是邊種類型
- 打死不放棄，越難越要挑戰
- 緊張型，點都要做到為止（我係呢類）
- 好想餵，不過唔會比壓力自己，盡力而為，處之泰然（呢類媽媽好欣賞！可以放鬆心情會多奶）
- 無乜所謂，餵唔餵都ok

因為我自己一開始都係好少奶，但親身試過肯堅持自會成功，所以最緊要睇媽媽意思想點

唔好意思有d長，有感而發。希望你bb都快d退黃。

私人傳訊回覆引用

saub

複式洋房

積分: 125

45^#

發表於 16-2-11 02:19 |只看該作者

回覆：鳥嘴123 的帖子

私人傳訊回覆引用

Euniceleung13

別墅

積分: 697

44^#

發表於 16-2-6 07:29 |只看該作者

回覆：lovemo1 的帖子

從前無任何研究支持母乳。作為母乳媽媽，要

私人傳訊回覆引用

heidiv3v

複式洋房

積分: 467

43^#

發表於 16-2-5 17:10 |只看該作者

引用：大家好，我都支持我老婆餵人奶，但今日反母

原帖由 shinghk 於 16-01-28 發表
大家好，我都支持我老婆餵人奶，但今日反母嬰健康院check到黃疸指數又高反，因為阿B剛出世15天，之前都照左 ...

你放心拉，我bb之前都系甘
本身人奶退黃系會慢啲
不過影響吾大，bb要訓箱系心痛，不過真系五洗太擔心
當時好多人叫我餵奶粉退黃。但我堅持全人奶。雖然滿月個時仲有小小黃
但宜家我bb53日大，由細碼b，宜家系標準bb拉
所以放鬆啲

私人傳訊回覆引用

zxyggp

公爵府

積分: 28411

認識瑞士牛牛第二回認識瑞士牛牛第一回想生BB熱投

42^#

發表於 16-2-4 20:04 |只看該作者

而家啲奶粉已經好接近母乳，餵唔到都唔係問題，食到初乳已經好叻好強啦！我2個都有比母乳，大女果時就係太在意人地講點好點好仲有成雪櫃人奶，搞到自己太緊張，工司已經唔鐘意泵奶，半夜又起幾次身搞到無精神，再加上塞乳線，唔夠奶……真係出事……呢胎放鬆左，食到幾耐就幾耐，唔駛同人鬥多，唔上奶味沖奶粉啦，咁樣反而多左奶，又無咁緊張，仲可以放低bb俾屋企人，自己free下。
過來人，唔係個個出事都醫得返，人地叻人地嘅事，唔食人奶唔係錯嫁，香港奶粉點都好過大陸奶粉，咁想自己會舒暢一啲。

大女4.5歲啦，努力成果胎兒5個月啦，10月可以見

私人傳訊回覆引用

mmzoe

洋房

積分: 40

41^#

發表於 16-2-4 10:35 |只看該作者

回覆：ryan-mama 的帖子

私人傳訊回覆引用

Maxsobb

別墅

積分: 991

40^#

發表於 16-2-1 00:46 |只看該作者

回覆：shinghk 的帖子

我個B一出世都有黃疸，當時我又攰又唔夠奶、b因為黃疸攰而唔努力啜奶，但為咗令b快d退黃，我就半人奶加奶粉，結果b食得多痾得多尿好快退黃。

人奶係最有益最無可取代，但有時又唔需要強迫自己、太太去堅持，咁只會影響大家情緒同增加壓力～依家餵到就餵，唔夠補粉，第時輕鬆返少少咪多返埋身俾bb食啦

私人傳訊回覆引用

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

39^#

發表於 16-1-31 09:08 |只看該作者

姑娘見你老婆係奶媽，唔跟進呢d 野，唔通問佢識唔識校水開奶粉咩。

如果現實係要補奶粉，咁咪補囉。如果仲有餵人奶既餘地，咁咪俾老婆渣主意。如果你老婆堅持到失去理性分析，你去提醒佢係好事，但唔好質疑佢夠唔夠奶，有冇好處呢d 無謂野。

我認為唔駛下下將餵人奶同好處掛鈎，佢想餵咪俾佢餵，佢信有好處咪俾佢信，呢d 好處係有科學證明，佢要信係無壞架喎。我大仔出世時病左，我成日諗要俾抗體俾佢但又唔識餵，反而有反效果，都係姑娘點醒我去補粉。之後再餵我就冇諗好處，反正我印證唔到，我只係想餵咪餵。我三個仔女未過一齊病，又冇大病過，佢地4歲至入學，我又唔係乜都要消毒，佢地由細到大少病又唔出奇。至於防癌果d，touchwood我仲未生癌，就算將來touchwood 生癌，我都講唔到同餵人奶有冇關係啦，到時我可慶幸餵過人奶，可以遲一年至生can。

私人傳訊回覆引用

see_c213

男爵府

積分: 6155

38^#

發表於 16-1-31 01:31 |只看該作者

回覆：食母乳真的很重要嗎

其實你上得黎問即係你都知道人奶有好處。我覺得你應該同太太好好傾下你既顧慮，為左退黃可以補下粉先，退曬之後太太又願意繼續餵人奶就減粉囉。但係千其唔好質疑太太無奶，呢樣係最hurt母乳媽媽。補粉過程太太可以keep住pump奶，同埋瞭解下增奶既方法，咁樣先係支持太太既做法。祝bb健健康康

私人傳訊回覆引用

sandycoocoo

大宅

積分: 2574

37^#

發表於 16-1-30 19:09 |只看該作者

回覆：shinghk 的帖子

我bb 都係黃疸，食人奶退得好慢，出左院又要再入院搞左成個月...係辛苦，但只要無其他問題，bb 係唔覺辛苦架，父母要加油，過了就好

私人傳訊回覆引用

chinyuetbb

大宅

積分: 3505

36^#

發表於 16-1-30 16:03 |只看該作者

回覆：食母乳真的很重要嗎

如果因為餵人奶問題而破壞周圍的關係，例如雙方感情，自身情緒，或其他子女關係，咁樣唔好。雖然我都餵人奶，但我成日係fb見到好多媽媽晒戰績，又講自己點努力為b b健康，講真，某程度上，我覺得係想話比人知自己有幾偉大，有幾犧牲，但老實講，餵奶粉的媽媽都可以好辛苦，一家唔知一家事，可能食奶粉的媽媽佢冇人1幫，自己一腳踏，連坐月都冇呢! 所以，凡事多面睇。

私人傳訊回覆引用

goosema

翡翠宮

積分: 92484

畀面勳章 BK猜猜猜慶中秋 BK Milk勳章

35^#

發表於 16-1-30 13:16 |只看該作者

回覆：食母乳真的很重要嗎?

其實休息對造奶好重要，如果太太唔夠休息半夜果餐餵粉都無所謂啦。

我自己餵左2個，大女都係黃疸時高時低，入院照過一次燈，之後keep住要去醫檢查，果陣我都有餵水奶（睇私家醫生果陣比我嘅），自己訓得好左，奶多左就慢慢退黃，但都足足兩個月有多。（因為母乳性黃疸，對bb身體無壞處嘅）

唔好因為餵唔餵母乳而同太太嘈，太太呢個時候係需要休息同支持，你可以等太太餵完人奶幫手掃風換片，等太太多d休息。真係再黃就補奶粉啦

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊回覆引用

yusahan1019

大宅

積分: 1917

我的育兒心得勳章

34^#

發表於 16-1-30 10:31 |只看該作者

回覆 lovemo1 的帖子

人奶好重要！但奶粉都有補足人奶缺乏的營養素～我覺得餵人奶就盡力而為，每一餐都係bonus～

私人傳訊回覆引用

Candyctl

別墅

積分: 949

33^#

發表於 16-1-30 04:22 |只看該作者

引用：每次去健康院姑娘都問食母乳進展如何...又

原帖由 lovemo1 於 16-01-27 發表
每次去健康院姑娘都問食母乳進展如何...又會教你唔同方法...好似講到全世界得母乳係最好...BB唔食唔得咁。
...

我岩岩12月尾生完，bb 生完第2曰就去左照燈，頭一個星期完全冇奶，之後又俾bb啜損左，我一度懷疑自己係咪唔會再有奶，後來返健康院，跟左姑娘策略，每2-3小時俾bb啜或者泵，之後夜晚12點同4點餵奶粉（等自己可休息），好快就上左奶，bb黃又退左好多，同埋夠重量！只要上左奶，你就會冇以上疑慮。加油！要支持太太呀！

私人傳訊回覆引用

Maygo

男爵府

積分: 7159

32^#

發表於 16-1-30 03:05 |只看該作者

引用：每次去健康院姑娘都問食母乳進展如何...又

原帖由 lovemo1 於 16-01-27 發表
每次去健康院姑娘都問食母乳進展如何...又會教你唔同方法...好似講到全世界得母乳係最好...BB唔食唔得咁。
...

好簡單，飲奶粉吧

私人傳訊回覆引用

carmen1424

複式洋房

積分: 255

31^#

發表於 16-1-30 01:21 |只看該作者

回覆：食母乳真的很重要嗎

雖然我的bb是全母乳，但我覺得奶粉並不是毒藥，不要俾太大壓力自己，有咪餵唔夠就補。特別是現在太sell 母乳幾咁好 (相對早幾年)，加大了媽媽的壓力。

私人傳訊回覆引用

EudyptulaMinor

男爵府

積分: 9263

30^#

發表於 16-1-30 00:49 |只看該作者

回覆：食母乳真的很重要嗎?

爸爸唔好動不動就叫媽媽補奶粉/放棄人奶，你可以同媽媽講一日50ml人奶都夠抗體俾bb，唔一定要全人奶，夜晚俾媽媽瞓多d，半夜就餵奶粉，只要媽媽食得飽瞓得夠，每日飲多d水，終有一日可以全人奶～ bb黃唔係咩問題，遲早會退，人奶始終有益，呢段時間成日出入醫院係辛苦d～爸爸要俾媽媽知道你支持佢，如果媽媽辛苦到要放棄人奶，你都要尊重佢，最重要係俾媽媽知道唔夠奶唔係錯，餵奶粉係選擇唔係失敗～

私人傳訊回覆引用

Cherry0401

子爵府

積分: 14815

29^#

發表於 16-1-29 21:51 |只看該作者

引用：其實餵人奶唔係你諗得禁辛苦，辛苦只係頭

原帖由 kawaii_pekkle 於 16-01-29 發表
其實餵人奶唔係你諗得禁辛苦，辛苦只係頭果兩個用，到第二時出街時你就發現唔洗帶奶樽，熱水，奶粉果d . ...

我同意，我轉左全埋身後，出街真係好方便

私人傳訊回覆引用

byanleung

大宅

積分: 1933

28^#

發表於 16-1-29 20:13 |只看該作者

回覆：食母乳真的很重要嗎?

還有呢度bk太多媽媽過份強調母乳，有時見啲人影啲相show成個雪櫃既成績,我以過來人身份講其實咁做好傻，因我第一胎都係咁做，一來冰奶都有限期（最終攞左不知幾多黎沖涼），儲少少就夠，媽媽生完都要好好補下，咁泵奶法攞左身體不知幾多營養，養孩子係一世，照顧好自己都好緊要！好似樓上咁，太堅持最終bb又要照燈又要住院，對bb同媽媽都唔好