吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 對母親心存芥蒂

婆媳關係今日: 1|主題: 27783

收藏本版

發帖

返回列表

跳至頁

查看: 26272 | 回覆: 137

對母親心存芥蒂

[複製鏈接]

12 3 4 5...7

Sandy太

複式洋房

積分: 195

1^#

發表於 16-2-3 09:50 |只看該作者 |正序瀏覽 |打印

呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主婦，哥哥大我2年，細妹細我2年。

無錯，我係中間果個。但其實細時爸爸較痛錫我，所以都未算好可憐，只係爸爸工時好長，為家庭晚晚加班，好多時佢返到屋企我地已經瞓咗喇。而日對夜對嘅媽咪，就超偏心細妹，對我同對佢一個天一個地，所以我童年都幾唔開心。

兩個都係佢個女，唔明點解佢對住我總係黑口黑面，呼呼喝喝，對住細女就笑曬口，講嘢溫柔陰聲細氣。可能我生得唔得意啦，又硬頸，個樣都好掘強(😛)，
。我阿妹細時就生得幾得意，個樣成個鬼妹仔咁，出街成日比街坊讚，可能媽咪覺得阿妹令佢好光榮啦。

細個媽咪對我d衰野實在太多，耐唔耐腦海會浮返一兩件。呢到講d即時諗到深刻小小嘅：

一年級時考得好好，路過文具舖時爸媽比我揀咗件玩具，我揀咗部釣魚機(唔知jm們有冇印象，係用魚干用磁石釣起d魚仔果種)，返到屋企我阿妹就搶住黎玩，我唔比，我媽咪就一手搶咗去比我妹，鬧我爭就唔好玩喇。。。

小學時，試過媽咪切蘋果時問我默書幾多分，我唔記得幾多分喇，總之係令佢好唔滿意好嬲，即刻大鬧我同時用把生果刀剁落我大脾到，嚇到我尖叫，雖然剁落黎果吓我先知道係刀背，但我已經嚇到喊晒，同埋大脾有條血痕，當年我只得6歲左右。。。

隔黎屋有個女仔，同我妹一樣大，係家中掌上明珠金菠蘿，因為佢對上幾個哥哥大十幾廿年已出身，佢父母老來得女，萬千寵愛在一身。我妹仲讀幼稚園時，媽咪送完我同哥哥返小學後，會帶細妹同隔黎屋兩母女一齊去食早餐，然後一齊送女返幼稚園再一齊買餸，感情好好。有一次我放學返屋企，見到枱上有兩對新嘅髮夾，我心諗應該係我同細妹一人一對啦，點知後尾先知一對係比我細妹，一對係比隔黎屋個女仔。。。

暑假時同鄰居d小朋友一齊落街踩單車，隔黎屋個女仔唔識踩，於是我載佢，即時比我媽咪喝住，鬧我，唔比我載，話我陣間整親人地個女。。。

有一年新年返鄉下，唔記得為乜同細妹嘈交啦，好似郁埋手，媽咪就當住好多親戚面前好大力打咗我一巴，拖住我妹走。。。事後梗係同往時一樣黑我面幾照
日啦，望都冇望吓我，反而我舅母見到我比佢打到紅晒，偷偷地幫我揸d藥膏。。。

再大點，大概10歲啦，果個暑假佢忽然對我好好，講野又溫柔，同我好似朋友咁，又問我買咩餸好，我提議果d佢真係買，我仲記得我阿妹果次仲同我講，你話買媽咪就買喇，即係佢都覺得媽咪對我好，我仲安慰我細妹話咁係大家都可以食咖嘛。呢段美好時光，唔記得維持咗幾耐喇，總之唔長，响一次我同細妹嘈交比佢發顛鬧完一大輪，放低一句\"對你好d都唔得\"之後，正式完結。

小六果年母親節，我學識咗摺百合花，就摺咗朵放响佢床頭，當係我同阿妹一齊送佢，我地兩個响佢床頭等佢起身，到佢醒咗，我地話送朵花比你，佢即刻笑晒，拎起手話阿妹摺咖？我地話我摺咖，佢就即時變臉，放抵支花，話\"車～仲以為阿妹咁叻添\"，之後就行開咗。。。

亦係六年級，當年學校宿營，第一次離開家人，但都玩得開心冇唔習慣，晚餐後打電話返屋企報平安，媽咪响電話到態度好好，我同媽咪講晚餐有薯仔湯飲呀(我最喜歡嘅湯)，媽咪好溫柔咁話咁咪飲多d囉，我覺得心都暖晒，好期待回家。到返屋企果日，我入到屋好開心咁話我返黎喇～媽咪坐响廳到睇電視中，好燥咁回應\"返黎咪返黎囉\"，我默默走去沖涼，邊沖邊偷泣。。。事實上，我响無數咁多個晚上响廁所响床上，因為佢而偷偷地喊。。。

試過响屋企唔舒服作嘔，我攞定個膠袋，之後嘔咗，我阿妹就幫我去廚房講比媽咪聽我嘔，可能佢以為我嘔到一地都係，就勁燥咁大聲鬧\"你叫佢去死啦\"。細個時媽咪嗌我去死啦都唔知已經講過幾多次，當然佢應該唔係真係想我死。。。

初中時開始發育，個胸可能開始長肉好痕，我R到損晒，果時真係唔知點算，終於忍唔住同媽咪講，佢話乜你咁麻煩咖，自己搵d嘢黎揸吓啦！！而發育期中當然咩都冇教過我，到中六我先由同學仔帶我買第一個bra。。。

然而，入咗大學之後，媽咪對我開始冇咁差，講野平和咗好多，可能一個禮拜先見一兩日，令我冇咁乞佢憎。

到我大學畢業返返屋企住果兩年，媽咪都對我OK，又會朝早煮野比我返工帶飯，講野都溫柔好多，我覺得佢當返我係自己個女，但其實果時我都已經唔係好care喇。

兩年後我儲到錢就搬走(因為我真係頂唔順我阿妹d賤格野)，爸媽哥哥都有一齊黎幫我入伙。當晚，原來我媽咪喊咗成晚。。。係我爸爸講返我聽嘅，佢話媽咪話都係我最好。。。(呢個我又真係唔否認，細到大我真係咩都諗屋企，但其實我冇做得好出面，唔覺得媽咪會感覺到。)

第二朝我都收到佢電話問候我瞓成點，講講吓仲喊話有d唔捨得，我話我以前住hall都係咁啦，佢話唔同。

到後來我結婚喇，E幾年媽咪對我越黎越好，返親去食飯都煲補品我飲，講野超溫柔，而家同佢相處都算幾好。

但，我耐唔耐諗返細個佢點對我，就會好唔開心，唔想返去同佢食飯。呢個心結我真係解唔開。。。

0 0 0

私人傳訊

堅媽

男爵府

積分: 5404

138^#

發表於 17-7-30 07:40 |只看該作者

Sandy太發表於 16-2-3 09:50
呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主 ...

樓主, 人大咗有時諗返以前媽咪對你唔好嘅嘢梗有啲唔開心，最怕聽人講過咗去就算唔好諗咁多，思緒嚟時都唔到自己控制啦！我今早都剛剛在隔離po講細時阿媽唔鍾意我，雖然而家我表面冇咩嘢，但有時諗起都會唔開心，所以我而家對兩個仔女好好，唔想佢哋第日諗起我會唔開心

與智者為伍與善者同行

私人傳訊

Wannii

大宅

積分: 1026

137^#

發表於 17-7-30 07:12 |只看該作者

Sandy太發表於 16-2-3 09:50
呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主 ...

過去左既野無法去彌補番，如果第時有小朋友，千期唔好由呢個環境下長大，好好愛錫佢地，媽咪果度，依家無問題就由佢啦。

私人傳訊

koalachan2002

男爵府

積分: 9796

136^#

發表於 17-7-29 23:25 |只看該作者

會唔會你媽睇到你讀到大學, 將來搵錢搵得多過個妹, 而且自己年紀大, 驚個妹靠唔住, 都係對你好返D, 搏你比多D錢??? 我有幾個朋友就出身阿媽庇度都變哂

私人傳訊

mini1204

翡翠宮

積分: 79228

135^#

發表於 17-7-29 20:00 |只看該作者

Sandy太發表於 16-2-3 09:50
呢個舖講嘅唔係99，係自己媽咪，好長篇吓，希望唔會悶親咁多位jm

先講講屋企背景，爸爸養家，媽咪係家庭主 ...

你都好，阿媽會回頭話你最好

我老娘到而家都仲係同一態度（即係你胸好痕話你咁麻煩架既態度）

算啦，好好享受剩餘既母愛，過去無人可以改變，將來自己可以創造。

私人傳訊

morikawa

大宅

積分: 2108

134^#

發表於 17-7-29 18:53 |只看該作者

回覆樓主

我同你差唔多，但係自從我媽媽有癌症，到佢而家走咗半年了，我也放不下，我想我媽媽鬧我都冇機會了，就算佢幾唔好，佢都係你媽媽，或者你成熟啲就會明白，珍惜現在所有的人和事

私人傳訊

蘋果mama

大宅

積分: 4731

133^#

發表於 17-7-27 07:04 |只看該作者

本帖最後由蘋果mama 於 17-7-26 18:08 編輯

[sorry 有d 長，但係真係想分享下！]

Jm，我好明白你！因為我都係中間o個個，我有個大我6年o既家姐同細我6年o既妹。因為家姐細個成日蝦我（反而大o左就好錫我）所以我成日希望我可以有個妹，我一定會好錫佢對佢好好。咁的確我同阿妹由細到大感情好到不得了。

其實我阿爸阿媽就冇你阿媽咁過份，不過細個o個陣有好多事都真係會令到自己質疑父母對自己o既愛。可能因為我冇家姐同阿妹咁醒咁聰明啦，佢地好中意話我蠢話我鈍o架。所以我由細開始我都以為自己係好蠢。

好似有次我阿爸阿媽要出去，o個日我病o左，阿爸阿媽比低錢我去睇醫生同埋我地3個食飯。o個日我家姐好早出去，比低$200 話係我睇醫生同埋同阿妹食飯用。我好記得我去睇醫生o個陣我係將$200 捲埋放o係褲袋，仲手插住袋make sure 唔會跌出o黎。到夜晚阿爸阿媽見到我找番o既錢o既時候就問我點解剩番咁少錢，我就話$200,睇醫生冇o左$120, 剩番$80 咪我同阿妹兩個食飯囉。佢地就好大反應話：「咩$200呀？我比o左$300 你地o架喎！」我話家姐真係比$200 我咋，但係我家姐一口咬定話比o左$300, 然後屈我話係我大頭蝦跌o左。我阿媽仲要打去診所問，個姑娘都話我係比o左$200佢, 又串我阿媽：「咁大個人唔通佢自己比o左幾多錢都唔知咩？！」就係咁我就比佢地冤枉，仲要後尾佢地同哂d 親戚講囉！

其實根本就係家姐自己攞o左張$100 自己使又驚比阿爸阿媽鬧所以屈我跌o左，但係當時完全冇人信我...

另外，好多家務都係我做，我家姐同阿妹就唔使做，我又唔介意o既，起碼因為我由細被訓練到大，我而家做ftm 打理頭家都井井有條。

其實仲有好多唔公平o既事發生，不過我又冇因為咁唔中意阿爸阿媽o既，講到底佢地真係好錫我地o架，就算而家我地傾開計我講番呢d 往事我都冇條刺。好似呢單跌錢事件佢地而家咪信我囉。
JM，我鼓勵你同媽咪開門見山講，話哂兩母女，同埋佢都知錯啦！你當比個大家重新修補關係。我家姐雖然細個成日蝦我，但係大o左之後佢好錫我o架，佢仆心仆命為頭家。只可惜我同佢o既姐妹情去到上年就結束喇，佢末期胃癌過o左身...

我到而家都好後悔，我冇真正同佢講我好愛佢。所以，it's never too late！好好地同媽咪剖白內心o既說話。

私人傳訊

sssssssss

男爵府

積分: 9857

132^#

發表於 17-7-26 23:54 |只看該作者

Sandy太發表於 16-2-3 12:11
Sis睇到你回覆我真係忍唔住流淚。。。我有時都諗如果我媽同我講聲對唔住我諗我會好過d，但事實係我覺得佢唔 ...

我同妹妹都唔好

私人傳訊

cancan2013

大宅

積分: 1265

131^#

發表於 17-7-25 13:23 |只看該作者

回覆樓主：

本帖最後由 cancan2013 於 17-7-25 13:42 編輯

樓主媽媽慢慢對你好已經好好。
好過D媽媽口講最錫你，其實就最錫個細。叫你層樓唔好同個細既爭呀！
我心諗你唔俾咪唔俾囉！
永遠佢生日就要當佢皇太后咁，要食好野，要有禮物，要有錢，要有花。
對個細就煮餐好餸，一定要我返去同佢慶祝，又有蛋糕。而我呢？毛都冇條，話就話專燈燉左D好野俾我食當生日禮物喎，我去到見到湯渣同唔夠1cm既湯囉！仲要從個細把口，知道佢飲左佢另一半飲埋。我媽又飲埋。
個刻我已經嬲到爆炸。忍。到夜晚食飯只係落樓下食（屋邨酒樓）由頭彈到尾。我老公也看在眼內，到埋單時我老公話我老婆生日緊係我請，唔洗你哋俾

點評

sklui

發表於 17-7-29 21:52

私人傳訊

mayoyo44

大宅

積分: 1967

130^#

發表於 17-7-25 03:06 |只看該作者

Happy_Yeungbb 發表於 16-8-15 17:47
我PM左你地，煩請check PM，如有其他人想入group請通知我:mother:

please check pm

私人傳訊

Happy_Yeungbb

禁止訪問

積分: 2851

129^#

發表於 16-8-15 17:47 |只看該作者

提示: 作者被禁止或刪除內容自動屏蔽

私人傳訊

ty2201

大宅

積分: 3761

128^#

發表於 16-8-13 09:09 |只看該作者

回覆樓主:

開心見誠講出黎。。。。。唔好第時後悔，珍惜眼前人

私人傳訊

Happy_Yeungbb

禁止訪問

積分: 2851

127^#

發表於 16-8-13 00:42 |只看該作者

提示: 作者被禁止或刪除內容自動屏蔽

私人傳訊

熊貓小姐

男爵府

積分: 5789

126^#

發表於 16-8-6 08:25 |只看該作者

其實我都布相近，什至俾你們更慘既經歷，係咪有what's group ,太多私人野唔想係度講，一講d朋友應該會認出我，因為真係無人衰得過我阿練

私人傳訊

kuku1230510

複式洋房

積分: 488

125^#

發表於 16-8-5 21:18 |只看該作者

回覆樓主：

本帖最後由 kuku1230510 於 16-8-5 21:39 編輯

本帖最後由 kuku1230510 於 16-8-5 21:22 編輯

睇完樓主嘅經歷，相對我個媽媽實在小兒科，偏心同叫你去死個啲係我小學年紀時已經覺得平常，我爸都長期唔係屋企，我細個都同細佬關系唔好，佢搶我野打我再扮成受害者添。我麻木到放棄。我係咁多個人入面最為屋企最孝順，最盡力為大家好個個，大左同細佬妹都可以和平相處。到依家呀媽都係勁偏心，但一向都係佢需要我幫忙而唔係我需要佢（感情就冇喇，得返做女嘅責任），不過佢冇好似你媽咁知道要對我好，佢係變本加厲，將所有麻煩推曬比我。

我覺得做好自己該做嘅就夠,你媽媽已經好好喇起碼有盡責餵飽你地帶你地返學放學。
我細個係自生自滅，好多時要自己去買方包食足一日仲要照顧細佬帶佢返學放學，呀媽日日打麻雀仲要脅我每次老豆打返黎迫我講大話。細個比佢無理打大，一直都覺得孝順佢冇乜問題，直到廿幾歲時佢終於連續踩我底線。（我條線已經低至其他人都覺得誇張）依個人真係完全冇當過我係佢個女，所以我都唔再當佢係呀媽。已經盡力亦問心無愧。我所有朋友都知我有個咁既呀媽，只要呀媽突然反常對我好，我啲朋友都異口同聲話唔對路有問題。次次都中架。我就直係冇可能同佢fd返。成日要防止唔好比佢陰到。

樓主介意嘅偏心問題，我覺得只要自己學識呀媽還呀媽，細佬妹還細佬妹（佢地無辜嘅），冇理由因為呀媽偏心而影響我對細佬妹嘅態度。除非佢地都係故意傷害我啦，個心夠堅定就唔會受影響，亦冇咁多負能量。
我由細到大都盡力為佢地好。佢地有咩問題都係會詢問我，佢地中小學時都係我做監護人。