吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 好嬲呀！！！

論盡家傭今日: 0|主題: 134110

收藏本版

發帖

返回列表

跳至頁

查看: 2949 | 回覆: 43

好嬲呀！！！ [複製鏈接]

12 3

Navita

男爵府

積分: 5123

1^#

發表於 16-2-23 16:08 |只看該作者 |正序瀏覽 |打印

姐姐衛生意識唔好，成日唔洗手，所以阿女啲粥仔都係我前一晚預備定啲肉蓉，第二朝早6:00起身再預備蔬菜蓉，跟手再放落個電飯煲仔度煲，姐姐10:00就餵粥仔。

因為煲完後keep住保溫模式，所以煲粥到18:00時會黏底。今朝我特登同姐姐講，叫佢餵完10:00餐粥後，每隔一個鐘就攪一次，即係12:00攪完後，13:00再攪，佢答我好。

啱啱15:45時姐姐打電話比我，話啲粥出水同黏底，問我可唔可以倒咗佢。我問佢對上一次幾點攪，佢話13:00之後無攪過，我即刻著哂火！我同佢講，我叫你一個鐘頭攪一次，你無做到，梗係黏底啦！

啲粥係我天未光就起身煲，你話倒就倒，你都痴痴地嘅！

0 0 0

私人傳訊

Navita

男爵府

積分: 5123

44^#

發表於 16-2-27 08:56 |只看該作者

引用：樓主你好叻啦~我唔評論攪粥呢個動作好處/壞

原帖由 hilaryashley 於 16-02-27 發表
樓主你好叻啦~我唔評論攪粥呢個動作好處/壞處, 但我覺得你叫工人每小時去攪一攪好合理!! 因為呢個係你安排 ...

因為佢破壞力都幾強下，洗衣機係一種比較貴嘅電器，唔想比佢整壞。（鑊同電飯煲都比佢整花哂，要買過新嘅）

私人傳訊

melle

男爵府

積分: 6338

43^#

發表於 16-2-27 01:29 |只看該作者

回覆：好嬲呀！！！

我絕對不會忍佢，做得不好一定話及列好today list一個一個同我tick好。工人不受聽除了自以為什事之外, 就係覚得主子奈佢唔何...因此要guide到instruction及令她follow, 如真的改善不少我不會省個幾千一定轉人及出terminate letter比佢寫negative 佢!

點評

hsbc005

發表於 16-2-27 02:09

私人傳訊

hilaryashley

男爵府

積分: 8411

42^#

發表於 16-2-27 01:08 |只看該作者

回覆：好嬲呀！！！

樓主你好叻啦~我唔評論攪粥呢個動作好處/壞處, 但我覺得你叫工人每小時去攪一攪好合理!! 因為呢個係你安排佢工作一部分, 返工工作當然要帶腦同用心, 工人都唔例外!仲要每日重複做同一樣野都可以唔記得. 佢做唔到就係佢失職!

但我唔明點解夜晚你要自己開洗衫?

私人傳訊

thankyoutha

別墅

積分: 543

41^#

發表於 16-2-25 09:31 |只看該作者

回覆：好嬲呀！！！

唔好咁keep warm 同攪，會生細菌。我個仔當年成日肚痾最後查出係因為咁。
俾醫生鬧到飛起！

食完第一次，取出待凍入雪櫃。每次食前取出適當份量在小煲，明火煮滾。

私人傳訊

陳皮爸媽

大宅

積分: 4125

wyeth冷知識勳章

40^#

發表於 16-2-24 16:20 |只看該作者

引用：Quote:原帖由+geisito+於+16-02-24+發表樓

原帖由 Navita 於 16-02-24 發表
多謝你嘅正能量呀！但我6299都要返工，自己阿爸阿媽又住得遠同要幫我哥哥揍小朋友，所以我地兩老公婆從來都 ...

我以前用燉盅燉粥仔！都ok 的，又不痴底，又可以保留D精華
大D可以煲定放入真空壼keep warm

加油，baby 好快大的

私人傳訊

kimberlybaby

子爵府

積分: 12100

39^#

發表於 16-2-24 16:17 |只看該作者

回覆：好嬲呀！！！

用電飯煲煲粥咪得囉，又吾洗點睇火

私人傳訊

janicetsang

男爵府

積分: 6302

38^#

發表於 16-2-24 15:38 |只看該作者

為了免自己激心，以前阿女係BB時，我買十幾個奶樽，減少無樽用機會。現在就是自己及家人的內衣褲襪，唔洗都會足夠穿十天八天，以免佢放假呀，病呀天氣潮濕呀搞到無得著，抹手布呀地布呀都要多幾塊，因為佢地未必會日日洗，校服又係要5、6套，以免任何原因無得穿，我無時間去睇住佢，為免激氣就惟有咁做。因為我以前有工人因為無洗襪褲，拿汚糟的比阿女穿2天，又有試過返學前話校服未乾，要即時用風筒吹，唔想有呢D情況，惟有乜都就住佢地的智慧。

私人傳訊

dindinlam

男爵府

積分: 6915

37^#

發表於 16-2-24 14:48 |只看該作者

Navita 發表於 16-2-23 22:42
多謝你呀！你完全講出咗我嘅心聲
其實我個女先得6個月大，因為姐姐衞生意識唔好又曾經煲燶過嘢，所以 ...

Agreed x 2My bb is just 6 mths....

私人傳訊

Navita

男爵府

積分: 5123

36^#

發表於 16-2-24 14:34 |只看該作者

引用：Quote:原帖由+Navita+於+16-02-24+發表其實

原帖由 geisito 於 16-02-24 發表
樓主，好明白你嘅心情。我都係過來人，第一胎時，第一個請嘅係印姐，都係本地有nb經驗嘅old seafood。當初 ...

多謝你嘅正能量呀！但我6299都要返工，自己阿爸阿媽又住得遠同要幫我哥哥揍小朋友，所以我地兩老公婆從來都無諗過要靠過佢地......即使我生完阿女坐月期間，都只係靠我老公放咗一個月假嚟照顧我咋。

私人傳訊

geisito

大宅

積分: 1668

35^#

發表於 16-2-24 13:35 |只看該作者

引用：Quote:原帖由 littlerabbitmom 於 16-02-24

原帖由 Navita 於 16-02-24 發表
其實無熱水嗰次係我地放工返嚟想餵奶，但發現既無奶樽又無熱水，攪到bb 肚餓無奶飲。
我就係知道個女係自己 ...

樓主，好明白你嘅心情。我都係過來人，第一胎時，第一個請嘅係印姐，都係本地有nb經驗嘅old seafood。當初我選擇忍，結果忙到好似你而家咁，樣樣對我地黎講係「手板眼見功夫」，幾分鐘搞掂嘅洗衫，打肉蓉，洗米落煲等等不如自己做，對個b都有保障。結果呢度幾分鐘，果度幾分鐘，夾夾埋埋係個幾鐘嘅family time。
建議你如果有長老幫忙，早炒早著，又或者請定另一個換佢走。我唔係果啲開口埋口叫人炒就輕鬆嘅人，我都仲痛苦咁loop緊請人炒人嘅情況。但每一次換，我都會發現，原來真係早換早享受，換到個幫到多少少手嘅，你又輕鬆多一啲。
最後俾啲正能量你: 最辛苦最掛心嘅nb階段都捱過左，半歲之後bb紮實好多，相對依靠工人生性嘅壓力會少啲嘅，頂住呀！

私人傳訊

jumug

男爵府

積分: 5743

34^#

發表於 16-2-24 12:35 |只看該作者

回覆：好嬲呀！！！

一個有8年經驗既姐姐都做得咁差，其實樓主都唔需要擔心下一個姐姐會差過佢。你呢個old seafood咁無用，留佢係度真係嘥錢嘥米飯

私人傳訊

Navita

男爵府

積分: 5123

33^#

發表於 16-2-24 12:19 |只看該作者

引用：Quote:原帖由+Navita+於+16-02-23+發表多謝

原帖由 babiiyuky 於 16-02-24 發表
樓主，bb得六個月大就咁快食肉蓉牙?會唔會消化得唔好?

Ok呀，開始食肉蓉後，大便顏色同次數都依然正常，隔日就有

私人傳訊

babiiyuky

大宅

積分: 1797

32^#

發表於 16-2-24 12:11 |只看該作者

引用：Quote:原帖由濛查查於 16-02-23 發表我完

原帖由 Navita 於 16-02-23 發表
多謝你呀！你完全講出咗我嘅心聲
其實我個女先得6個月大，因為姐姐衞生意識唔好又曾經煲燶過嘢，所以 ...

樓主，bb得六個月大就咁快食肉蓉牙?會唔會消化得唔好?

私人傳訊

Navita

男爵府

積分: 5123

31^#

發表於 16-2-24 11:48 |只看該作者

引用：樓主,+請工人要睇開啲,+我唔會要求咁高,+正

原帖由 littlerabbitmom 於 16-02-24 發表
樓主, 請工人要睇開啲, 我唔會要求咁高, 正正常常便算.

你所遇到的問題我每日都發生緊, 我家的處理方發係: ...

其實無熱水嗰次係我地放工返嚟想餵奶，但發現既無奶樽又無熱水，攪到bb 肚餓無奶飲。
我就係知道個女係自己嘅，只有我同老公先係最緊張佢，所以我天未光（06:00）就起身煲粥，一放工就撲去街市買菜同買飯盒比姐姐，跟住趕返屋企幫bb沖涼，然後再𠱁佢瞓覺，如果我個女瞓得好嘅話，好彩我會有30分鐘食飯時間，如果佢中途喊醒咗，我就要係餐枱同睡房兩邊走，等到10:00，我同老公就會輪流餵奶，如果老公餵奶，我就負責預備bb煲粥材料，通常等到11:00-11:30我先可以去沖涼，沖完涼仲要執衫放落洗衣機度教時間制洗衫，00:00先可以吹頭瞓覺，如果好彩我個女無半夜喊醒，我先可以一覺瞓天光。

我唔知我咁樣做係唔係一個稱職嘅媽媽，但我只可以話我已經盡咗我嘅能力，我請個姐姐返嚟除咗照顧我個女之外，我亦希望佢可以幫我處理到一啲家務，等我喺工餘有多啲時間揍b，而唔係返屋企做佢唔做嘅嘢。

私人傳訊

littlerabbitmom

男爵府

積分: 5902

30^#

發表於 16-2-24 11:07 |只看該作者

樓主, 請工人要睇開啲, 我唔會要求咁高, 正正常常便算.

你所遇到的問題我每日都發生緊, 我家的處理方發係:

粥仔, 我會每朝煮好放入小飯煲俾工人餵, 中午食咗一半會OFF, 晚飯前再reheat, 4年來都係咁做餵大兩個, 其實粥仔係唔好成日搞.

奶樽, 工人餵完, 無論食唔食得晒都只係會放係度, 直接等洗, 我自己係會先倒奶再沖水放係度, 工人開頭做下, 後來已無做. 其實洗完啲奶樽係會再放入奶煲消毒, 所以工人唔沖水我都由佢

我每晚瞓前都會check有無足夠熱及凍水, 無會自由煲定, 唔想明早起身無水沖奶.

可能你會問我咁請個工人返黎做咩, 其實工人係我返工時幫手睇住小朋友已經係最大功勞, 再做下家務煮餐飯, 我已經好滿足, 其他啲細小事, 隻眼開隻眼閉, 小朋友係自己生既, 自己辛苦啲跟下都好應該.

點評

bobo101^*^

發表於 16-2-24 15:10

私人傳訊

Navita

男爵府

積分: 5123

29^#

發表於 16-2-24 09:49 |只看該作者

引用：Quote:原帖由+Navita+於+16-02-23+發表因為

原帖由 濛查查 於 16-02-23 發表
照你咁講，佢好似唔聽你地講！自己有自己一套，老sea food 特徴

都係架，之前佢試過將啲飲用過嘅奶樽（飲唔哂，仲有奶喺個樽入面）放喺枱面等兩、三個鐘先洗，又試過6個奶樽儲埋一次過蒸，蒸完又唔裝返，攪到我地要餵奶時無奶樽用，後來又發現屋企熱水壺連熱水都無，我老公超嬲，叫佢以後有三、四個奶樽就要蒸，總之唔可以無奶樽用。

另外再同佢講啲奶樽如果唔可以即刻洗，至少都要倒咗啲奶，沖一沖個樽，再用清水浸住，如果唔係會有菌...但之後有一次餵完奶後（11:00），佢又係就咁放係枱面，我12：30時見到，問佢做咩唔執去洗，佢話佢擺一陣啫，我話已經放咗個幾鐘架喇，跟住佢就黑面同我講：「得喇」，然後先執去洗。

私人傳訊