母乳餵哺 今日: 0 | 主題: 85708

積分: 3076

1^#

發表於 16-3-8 01:41 |只看該作者 |正序瀏覽 |打印

本帖最後由 babycatrina 於 16-3-10 13:40 編輯

同各位媽媽一樣, 覺得餵母乳好唔容易, 甚至辛苦, 但餵到時又好滿足! 第一胎無經驗加上BB唔合作, 只能夠餵三個半月半人奶. 但第二胎時有經驗了, 知道點樣可以幫助上奶, 暫時餵左四個月基本上係全人奶, 仲可以給大B飲，所以想同大家分享一下, 一齊加油！
第一胎：

從來都唔可以全母乳，同好多JM一樣, 已狂埋身勁啜, 但因為:

1) BB係輕磅B, 啜住訓, 又成日厭奶, 百日該, 訓得唔好, 導至食得唔到, 惡性循環, 上唔到奶.
2) 用medela swing, 單泵, 24MM喇叭 --> 唔夠力+喇叭太細出唔到奶, 泵既時間好長, 泵45分鐘最多先得4安.
3) 乳腺唔夠, 泵奶時只得好幼既奶柱
4) 兩個月開始返工, 壓力大加BB難湊, 更加無奶
5) 依家睇番轉頭係飲唔夠水同湯

因為無奶, 就更唔捨得買貴泵, 當時又無諗到生第二胎. 到第三個半月時, 每次泵30分鐘只有一安, 正式掛泵. 冰奶就每日一包, 捱到四個月BB開始全奶粉.

第二胎：

基於第一胎既經驗, 我無信心可以全人奶, 所以買定奶粉看門口. 係醫院第三日上到奶. 有泵奶. 埋完身後可泵到一安.

因為BB大食, 加日夜顛倒, 所以一返屋企我就每晚十二點個餐餵奶粉. 即係全日埋日, 半夜就泵. DAY 8時可以泵到兩至三安. DAY 11 有四安

到陪月上手後, 我加泵, 只係晨早同臨前埋身 (睡前再補粉), 一日五至六泵. 到DAY 12有五安. DAY17有六安. DAY 19有7安

太攰了, DAY 25 最始減泵到一日自三至五泵, 每次有六至八安.

要湊大B, 太太太攰了, DAY 30開始又再減泵. (二B自個半月開始戒夜奶) 直到依家都係:

我泵/埋身：
00:00 泵11安
7:30 一邊埋身, 另一邊手啫2.5安
11:30 泵10至11安
17:30 泵9-10安

二B飲奶時間：
7:30 埋身
11:30 泵奶
15:30 泵奶
19:30 泵奶
23:30 泵奶 (之前係奶粉)
1:00 補泵奶

二B三個月開始每餐飲6 安, 所以夠佢飲.

開左個罐奶粉, 就算我可以做到全日奶我都給二B飲晒. 我唔覺得飲奶粉係罪過.

亦因為當初我開左奶粉, 有多既泵奶可以給大B飲, 都飲唔晒就冰起. 所以二B個半月大時我已經有30包冰奶. 令我無壓力. 更易上奶.

SO FAR好彩都叫可以全人奶, 係因為做左以下預備：

1) 生左第一胎, 失敗過, 累積到經驗 + 乳腺已warm up
2) 生前兩星期開始食卵磷脂通乳腺
3) 返屋企開始食山羊豆, 對增加乳腺好有用, 繼續食卵磷脂, 再後加more milk plus. 奶量穩定後我少食或停食呢D herbal supplement. 但一跌奶就食番. 好有效.
4) 多湯水, 豆奶, 牛奶.
5) 花大錢買貴雙泵, 迫自己堅持. 好彩個泵夾我.
6) 買27MM喇叭, 都發覺唔夠, 原來我乳頭唔算大, 但係要31MM先易出奶.
7) 最重要係, 要有一個好肯啜既BB, 有咩塞奶唔夠奶, 揾佢幫手先得！
8) 用lansinoh heating pads邊泵邊"FU", 幫助血液循環, 加快流量, 防止塞奶9) 每次都泵清, 同埋每旦次半"power pump" (即係20分鐘, 抖10分鐘再泵10分鐘或者點整都無奶出為止)
10) 一路泵一路按摩, 仲要從背脊推肌肉至乳房, 醫院姑娘教咁要會多奶
11) 有支持餵母乳既家人

我仲有兩罐奶粉, 會遲些給二B食, 每日一餐, 再儲冰奶. 咁希望我就算轉工後壓力大, 佢都有人奶食. 既然BB一日只需50ML就有足夠抗體, 咁我覺得咁只要佢每日有一餐係人奶都"足夠" (當然係唔理想). 我情願若我突然無奶的話, 二B仲可以"拖長飲", 有人奶既保護, 好過一次過給佢飲晒, 即係一段時間全人奶, 之後只係全奶粉, 咁佢吸收抗體既時間可以拖長D！

因為第一胎既失敗, 我一開始只係希望第二胎可以餵到6個月, 依家似乎可以做到. 但係泵奶真係好花時間、悶、攰. 但會堅持！

各位媽媽一齊加油！

0 1 0

私人傳訊回覆引用

LC116

子爵府

積分: 11120

61^#

發表於 19-4-6 14:30 |只看該作者

babycatrina 發表於 16-3-8 01:41
同各位媽媽一樣, 覺得餵母乳好唔容易, 甚至辛苦, 但餵到時又好滿足! 第一胎無經驗加上BB唔合作, 只能夠餵三 ...

山羊豆, 卵磷脂
請問邊度買？

私人傳訊回覆引用

Sandyyp123

民房

積分: 18

60^#

發表於 19-4-1 14:05 |只看該作者

私人傳訊回覆引用

momo_n

積分: 292

59^#

發表於 19-3-24 01:23 |只看該作者

Taka12 發表於 19-3-22 23:58
呢個講法我都曾聽醫生講過。有一次我睇醫生，無意中同醫生講，話我上一胎泵了一年，但每日只能俾一餐BB, ...

本帖最後由 momo_n 於 19-3-24 01:24 編輯

咁聽落對我呢d 唔富的在職泵媽黎講，儲起慢慢食都係方法喎，等我認真研究下先

私人傳訊回覆引用

Taka12

男爵府

積分: 5454

畀面勳章 BK Milk勳章

58^#

發表於 19-3-22 23:58 |只看該作者

momo_n 發表於 19-3-17 17:16
Sis 請問bb 只需要50ml 母乳就有足夠抗體的說法係出自邊度㗎？有無相關資料或連結可以share 出來參考下呢？ ...

呢個講法我都曾聽醫生講過。有一次我睇醫生，無意中同醫生講，話我上一胎泵了一年，但每日只能俾一餐BB, 其他餐就補奶粉。跟住醫生話泵一年好好，雖然每日只有一餐，但那一餐已經俾到我b足夠抗體。

私人傳訊回覆引用

momo_n

積分: 292

57^#

發表於 19-3-17 17:16 |只看該作者

Sis 請問bb 只需要50ml 母乳就有足夠抗體的說法係出自邊度㗎？有無相關資料或連結可以share 出來參考下呢？千祈唔好誤會我係changelle 你呢個講法呀。我只係想求正下，因為如果係真係咁的話我都想轉一餐粉，儲起拖長食。
因為我都就快返工，唔知到時仲泵唔泵到咁多出黎，如果50ml就夠，我可以而家要準備留多d 。

私人傳訊回覆引用

愛美的媽媽

子爵府

積分: 10269

56^#

發表於 18-11-5 11:51 |只看該作者

babycatrina 發表於 16-3-8 01:41
同各位媽媽一樣, 覺得餵母乳好唔容易, 甚至辛苦, 但餵到時又好滿足! 第一胎無經驗加上BB唔合作, 只能夠餵三 ...

樓主，唔好意思，我宜家情況就好似你第一胎咁..BB先3個月, 但每日泵2次, 每次只有一安, 愈黎愈無心機...但我好唔想放棄, 請問仲有冇得救?

私人傳訊回覆引用

積分: 40594

55^#

發表於 16-3-14 09:59 |只看該作者

babycatrina 發表於 16-3-14 02:21
其實我對人奶成份既改變唔多熟, 雖然有GOOGLE過知道母乳營養基本上有三個階段, 切合BB唔同成長所需. 但例 ...

你有冇睇到我比你既pm??
你唔信我, 可以問多d人意見.
我害你無著數, 叫你入group我亦無錢分, 但係對你同你bb就有好處.

私人傳訊回覆引用

積分: 40594

54^#

發表於 16-3-14 09:55 |只看該作者

babycatrina 發表於 16-3-14 02:21
其實我對人奶成份既改變唔多熟, 雖然有GOOGLE過知道母乳營養基本上有三個階段, 切合BB唔同成長所需. 但例 ...

其實我對人奶成份既改變唔多熟, 雖然有GOOGLE過知道母乳營養基本上有三個階段, 切合BB唔同成長所需. 但例如要餵兩個BB既媽媽 (有D媽媽陀住都餵, 餵到生, 生完又再餵兩個), 身體點調節?
醫生多數會建議, 陀住細既媽媽, 唔好再餵個大既, 因為刺激乳頭會引致宮縮, 對肚入面果個唔好. 而且大b已經加左幾餐固, 人奶只係甜品.

而身體又有無咁精確分到45日BB同55日BB既所需既不同營養?
淨係日夜既人奶, 成份都有唔同la. (不過其實我自己都無咁得閒去分朝早泵既奶定中午泵既, 旨在話你知係有唔同)
http://www.breastfeeding.org.hk/story/3218

你有冇睇過有個媽媽將自己病果幾日既奶比較未病之前既奶？係唔同色ga. 不過我一時搵唔返條link.

有人奶媽就用奶粉概念：BB月齡越細既人奶營養越多, 就好似1號奶粉咁, 之所以咁貴係因為營養最豐富而份子最細, 易於給BB吸收. 所以, 餵冰奶唔會令BB少左營養。
冰奶既營養唔會比雪奶低好多, 但係營養成份未必最適合lor.

其實我對人奶既認識好淺, 只知佢營養多過奶粉好多, that's it!
唔知, 就去搵資料, 無人一開始就乜都知, that's it!

至於冰奶, 拓賴夠食. 其實我雪櫃已爆, 每日靠大B幫我飲8-10安奶去泵奶. 而頭個一、兩個月儲既冰奶有D已經到期, 我就唔捨得嘥, 照樣給佢地飲. 而多左個D泵奶又變冰奶...
我一早講左, 我唔比你好, 我雪櫃多極都係2-3日份量既雪奶, 幾包冰奶, 遇著長假, d雪奶到期但我埋身, 我都唯有將佢冰起, 比bb沖涼, 好過浪費. 來緊復活節, 我都係打算將23,24號泵既做冰奶, 用來做儲備, 而節日期間泵既雪奶, 會留比bb在我放完假後食.
始終都係果句, 明明有新鮮, 點解要食冰鮮??

私人傳訊回覆引用

積分: 40594

53^#

發表於 16-3-14 09:33 |只看該作者

mmkk12 發表於 16-3-13 01:47
係埋身唔食定餵樽唔食????唔好唔開心wor, 人生唔係只係得食人奶㗎嘛，嘻嘻，我唔明個d 全人奶媽咁偏激做咩 ...

唔知你係咪話緊我, 亦唔知你有冇睇清楚, 我都話左我餵人奶路初頭好唔順, 我有補粉ga.
咁點解明明bb而家可以有新鮮奶, 你唔比佢食, 係都要佢食冰鮮奶同罐頭奶??
你有新鮮雞, 都唔會專登雪到佢變冰鮮, 一個月後先拎黎食la.
而且bb越細, 先至越需要人奶, 到5個幾月開始加固, 泵奶就會輕鬆d ga la.
與其溝奶粉, 拖長佢條人奶路, 不如而家全人奶, 打好個底先la.

私人傳訊回覆引用

積分: 3076

52^#

發表於 16-3-14 02:21 |只看該作者

小歪仔發表於 16-3-13 05:13
我都唔順利架，到bb兩個月時佢仲要間中一餐係奶粉，3個月時先進入直路，可以全人奶咋！
不過bb而家都只係4 ...

其實我對人奶成份既改變唔多熟, 雖然有GOOGLE過知道母乳營養基本上有三個階段, 切合BB唔同成長所需. 但例如要餵兩個BB既媽媽 (有D媽媽陀住都餵, 餵到生, 生完又再餵兩個), 身體點調節?

而身體又有無咁精確分到45日BB同55日BB既所需既不同營養?

有人奶媽就用奶粉概念：BB月齡越細既人奶營養越多, 就好似1號奶粉咁, 之所以咁貴係因為營養最豐富而份子最細, 易於給BB吸收. 所以, 餵冰奶唔會令BB少左營養。

其實我對人奶既認識好淺, 只知佢營養多過奶粉好多, that's it!

至於冰奶, 拓賴夠食. 其實我雪櫃已爆, 每日靠大B幫我飲8-10安奶去泵奶. 而頭個一、兩個月儲既冰奶有D已經到期, 我就唔捨得嘥, 照樣給佢地飲. 而多左個D泵奶又變冰奶...

私人傳訊回覆引用

積分: 3076

51^#

發表於 16-3-14 02:10 |只看該作者

kim_mum 發表於 16-3-13 07:35
係味泵時乳頭谷红哂填滿哂就不合適?

係呀! 因為我只買左一對31MM來試, 所以依家仲有用27MM, 有時隨手攞, 一邊用27MM, 一邊用31MM, 好明顯27MM泵到尾個乳頭會痛, 出奶無咁順！

我都要等朋友係美國返來先幫我買到, 因為香港直情無31MM賣. 好煩！

私人傳訊回覆引用

積分: 3076

50^#

發表於 16-3-14 02:08 |只看該作者

kim_mum 發表於 16-3-13 07:19
山羊豆? 那裡可買?

咪就係TST個間獨市囉...佢簡直要給DISCOUNT我地

(雖然每胎只幫襯各一次)

試了N種上奶SUPPLEMENT, 山羊豆最啱我.

私人傳訊回覆引用

積分: 3076

49^#

發表於 16-3-14 02:06 |只看該作者

mmkk12 發表於 16-3-13 01:47
係埋身唔食定餵樽唔食????唔好唔開心wor, 人生唔係只係得食人奶㗎嘛，嘻嘻，我唔明個d 全人奶媽咁偏激做咩 ...

工人用樽餵150ML要1HR 10MINS

-- 都唔夠我大B最離譜用樽餵150ML要1HR 30MINS

二B唔飲不特止, 担天望地都算, 佢仲要咆哮(低沉既聲音), 好似發皮氣咁...阿姐反晒白眼, 我要湊大B (大B都唔係省油既燈!), 幫唔到工人姐姐！

我早上埋身同夜晚埋身+樽餵二B就肯飲...唔知係咪認人

老實, 餵人奶煩都爆, 我只係鍾意埋身個十幾分鐘, 見到阿B個冧樣...其他時間都真係好鬼煩, 又泵奶、塞奶、...下省千字...

又呻完, 繼續泵！

私人傳訊回覆引用

kim_mum

積分: 175

48^#

發表於 16-3-13 07:35 |只看該作者

引用：Quote:原帖由 babycatrina 於 16-03-08 發

原帖由 winy629 於 16-03-08 發表
我上胎係醫院用 24 mm 時，護士已話我唔合適。所以用 27 mm. 今胎都係照用 27mm. 雖然有個 30 mm, 但唔太知 ...

係味泵時乳頭谷红哂填滿哂就不合適?

私人傳訊回覆引用

kim_mum

積分: 175

47^#

發表於 16-3-13 07:19 |只看該作者

引用：Quote:原帖由 cathy_chui 於 16-03-11 發表

原帖由 babycatrina 於 16-03-11 發表
姐妹，你正正講緊我上胎既經歷同心情
奶量話跌就跌，完全睬我都"sor"!
冰奶係唔捨得開， ...

山羊豆? 那裡可買?

私人傳訊回覆引用