吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 係自私定節儉？

夫婦情感今日: 0|主題: 42680

收藏本版

發帖

返回列表

跳至頁

查看: 19211 | 回覆: 128

係自私定節儉？

[複製鏈接]

12 3 4 5...7

Mai0207

別墅

積分: 830

1^#

發表於 16-5-3 21:15 |只看該作者 |正序瀏覽 |打印

網上文章成日話「一個富男人有$1000，願意為你花$100；一個窮男人有$100，同樣願意你花$100」你認為邊一個更愛你？

我男人，唔知係咪巨蟹座關係（沒冒犯），初初我覺得佢係「節儉」，係一個好男人，日子耐左，幾年了，越來越覺得佢其實係「自私」

初初一齊時，出街拍拖我會「佢出雞，我出豉油」但後來佢都拒絕我俾錢，話這是男人應該的。去旅行都係，佢主動話要俾晒酒店機票錢，仲會俾埋其他野。
（而我就會額外兌換同酒店機票同等嘅錢，旅行時交通食野玩樂多數我主動俾）

而過時過節，佢會話係奸商賺錢借口，不願意出街食飯，而禮物都只係「中/大學生才會送的」(e.g. 旺中買飾物/手袋仔）
（但我就會送一啲佢鐘意的牌子，全部都在外國訂/託朋友買，慳好多）

但久而久之，有次我電話壞左好耐都仲用緊，唔捨得換新，之後頂唔順就用家裡的半壞舊電話，撞啱情人節，我話唔好再用學生哥先買既野黎送我敷衍我，佢問要咩，我隨口講笑話要iPhone/手袋/現金/金器，佢最後話見我電話壞左就送LG俾我因為只需要三千多元，但我本來壞左果部就係LG，我未有心水電話想要，我笑言話等iPhone 7, 但佢話咁我資助你$3000（大約LG價錢）去換iPhone 6s, 我話咁唔換電話住啦。最後佢都係買左俾我，但就話要當埋係生日禮物！

我話我年年送佢嘅禮物都好多錢，佢竟然話：「平時你食我嘅用我嘅，條數都係番度啦，應該架喎！」

最近旅行韓國4日，我俾晒酒店機票錢，見佢冇話俾番佢果份我，我就話咁你帶錢去兌換啦，起初佢只話帶US$300（只係機票酒店嘅一半）我話就算唔買野都唔夠交通&食&玩樂，咁佢先話帶US$700，出發前佢先俾番佢果份機票酒店錢我，佢問我帶幾多去，我帶已換好嘅韓圜（HK$3000)，當中有HK$2000係我媽，要買野（其實幫買唔使HK$1000野)

誰知道，旅行中，我朋友送手信零食俾我做回禮，都有送佢，佢後話同我拆開share，但沒想到，佢收埋佢自己部分，淨係拆開晒我果啲，分左我一半比佢自己。
第二日被我發現問佢，佢講大話，後來佢承認，仲發火，佢話因為佢覺得自己在呢趟旅行付出多啲，所以佢要分多啲比佢自己！
（其實我較少食零食，佢想要嘅我都可以比晒佢只留件，我只係想知係咩味食過就滿足，估唔到佢咁樣偷雞摸狗咁做，只係為左唔值幾錢嘅零食）

我覺得，這樣有必要嗎？

平時有啲野大家都鐘意時，佢都係分多啲比佢自己，冇諗過我，佢首要滿足左自己先，咁我都算，讓佢，自己愛嘅人開心就好，即使自己有唔開心，點解眼見其他男人都唔係咁，而我又唔係「港女」。

講番呢趟旅行，其實大家付出嘅錢差不多，因為我已準備好韓圜，佢兌換錢前都係用我嘅，就算佢兌換錢都只兌換左US$300, 我身上嘅HK$3000的韓圜最後都用晒⋯⋯
佢以為自己帶左US$700就付出最多而感到不滿（用左都冇一半），而佢以為我只準備HK$1000係for旅行用...
佢一直講自己付出多，但佢冇諗過今次旅行，佢話要去，我上網睇又收工後去旅社逐間詢問，什至勞煩我媽日間特登出去錄卡俾錢&租還wifi蛋，咁呢啲付出又點計？！佢只睇到錢嘅付出！（但佢又會計算自己嘅勞力&時間付出，別人的我的都不計算）

佢人工係我2.5倍，我對侍我愛嘅人從不吝嗇，我有100都願付出90；而佢覺得自拍有$1,000，願付出$100在我身上，佢已經係一個好男人。

佢成日強調自己冇偷食，冇同其他女仔曖昧，又花$100比我，對我已經係好男人。其他男人個個都唔會好似佢咁，回家只打機，放假都冇約朋友，花時間陪我。（其實，我放假又何嘗唔係花時間陪佢？！10次有11次都係去佢屋企，什至同佢媽一齊，幫手買菜買野陪佢去陪佢媽，而家係邊個「花」時間）

我真係冇諗過，佢原來唔係節儉，佢係計較，而且仲好自私自利... 自私到只睇錢為先，只睇到自己嘅付出...

男人，都會係咁的嗎？
巨蟹，係咁的嗎？因為我不是血親？

我而家諗番起佢旅行時講佢不滿佢付出最多既嘴臉，我好反感反胃

0 0 0

私人傳訊

kkk1983

複式洋房

積分: 210

129^#

發表於 16-7-14 13:01 |只看該作者

引用：其實如果你開到口同佢講而佢都唔會點變,而

原帖由 onteingu 於 16-07-13 發表
其實如果你開到口同佢講而佢都唔會點變,而你都覺得佢其他方面做既野都彌補唔到依方面既不足,不如果分開算啦 ...

沒開口講過，唔合適便算了，分開更自在～

私人傳訊

onteingu

複式洋房

積分: 377

128^#

發表於 16-7-13 18:52 |只看該作者

其實如果你開到口同佢講而佢都唔會點變,而你都覺得佢其他方面做既野都彌補唔到依方面既不足,不如果分開算啦....

私人傳訊

Manting_t

大宅

積分: 1861

認識瑞士牛牛第二回

127^#

發表於 16-7-13 13:57 |只看該作者

kkk1983 發表於 16-7-12 20:28
你了解實情嗎？你不了解就不要話人地物質，這是你自己想象加推斷出來。你喜歡同你老公AA是你的事，但請不要 ...

咁你又好了解實情? 你不了解為何說男人都是自私? 男人係唔鐘意比錢你洗既話做女人都要先自我檢討點解~

私人傳訊

kkk1983

複式洋房

積分: 210

126^#

發表於 16-7-13 08:44 |只看該作者

回覆：係自私定節儉？

沒責任心和愛計較的男人要來都沒用，還不如單身開心

私人傳訊

fattymama

伯爵府

積分: 16331

125^#

發表於 16-7-13 08:42 |只看該作者

Mai0207 發表於 16-5-3 21:15
網上文章成日話「一個富男人有$1000，願意為你花$100；一個窮男人有$100，同樣願意你花$100」你認為邊一個 ...

男人，都會係咁的嗎？
巨蟹，係咁的嗎？因為我不是血親？

我相信只係呢個男人係咁啫.
我老公都係個巨蟹座嘅男人,
佢都有d孤寒架,
但由結婚嗰日起成頭家嘅開支都係佢俾,
間屋我一毫子都無俾過但有一半業權(長命契),
而我賺嘅錢只係我嘅.
最重要嘅一點係我地嘅價值觀相同,
我地都唔重視乜嘢節日呀紀念日要互相
送禮或一定要慶祝呢d好多人(特別係女人)認為必定要做嘅指定動作.
我都覺得節日外出食飯只係俾d酒樓賺多d咋,
咁平時幾時想外出食飯就出唔係仲好咩?
當然,呢個男人太計較啦,
做朋友太計較都好難頂吧.

私人傳訊

rabbithappy

複式洋房

積分: 409

124^#

發表於 16-7-13 02:42 |只看該作者

回覆：係自私定節儉？

明白，即係你見到佢咁，你覺得條數如果要計，都唔係咁計。

你試下問佢，假設結婚買樓，首期/供諗住點夾？

有d傳統嘅大男人，覺得吃喝玩樂係無謂錢，洗得唔爽快，就住就住。

反而係大錢上，又會有所承擔，例如買樓/結婚支出就佢大份，你細份。

如果你觀察到佢唔係呢種男人，咁就幫唔落啦。

私人傳訊

kkk1983

複式洋房

積分: 210

123^#

發表於 16-7-12 20:28 |只看該作者

引用：Quote:soright+發表於+16-7-9+13:50+愛你，

原帖由 Manting_t 於 16-07-11 發表
唔認同... 按樓主現時情況佢都係度同緊個男朋友計算中, 咁即係樓主都唔愛自己男朋友??可能我白羊座男仔頭性 ...

你了解實情嗎？你不了解就不要話人地物質，這是你自己想象加推斷出來。你喜歡同你老公AA是你的事，但請不要把你的價值觀植入強加別人思想，謝謝，同埋請不要不了解別人情況就亂fea

私人傳訊

princessf

大宅

積分: 3784

122^#

發表於 16-7-12 14:27 |只看該作者

回覆 Mai0207 的帖子

唔係叫你同佢傾, 傾咩春, 走LA

寧可單身都不嫁呢D 人, 而且呢個世界又唔係冇男人

私人傳訊

icestar0129

大宅

積分: 1961

121^#

發表於 16-7-12 01:30 |只看該作者

回覆樓主:

我同老公拍拖冇幾耐俾人炒咗，之後佢做散工，得好少收入，我甚至幫佢找住咭數，不過佢會mark低話第日還俾我，我自己又鍾意去旅行，佢話冇錢去我又俾埋佢嗰份，其實都冇諗住要佢還。就算佢俾唔俾番錢我都冇所謂。
幾年後佢份工終於都穩定，婚後我返part time，宜家到佢養我，去旅行佢俾曬錢。

私人傳訊

Pinkmoon

子爵府

積分: 11863

120^#

發表於 16-7-12 00:26 |只看該作者

回覆：係自私定節儉？

我之前个男友巨蟹座，超級好男人，現在个老公同你个件有D似，又唔可以話惨，但總括生活中会唔开心多過开心。你識選擇!

私人傳訊

Pinkmoon

子爵府

積分: 11863

119^#

發表於 16-7-12 00:09 |只看該作者

引用：其實你都計較得失，我c6都未試過買3000蚊嘅

原帖由善宜於 16-05-03 發表
其實你都計較得失，我c6都未試過買3000蚊嘅手機俾我，果d手袋金器更加無可能，我自己出錢買1000幾手機俾自 ...

佩服

私人傳訊

Manting_t

大宅

積分: 1861

認識瑞士牛牛第二回

118^#

發表於 16-7-11 14:33 |只看該作者

soright 發表於 16-7-9 13:50
愛你，係唔會計。唔愛你，才計到盡。

唔認同... 按樓主現時情況佢都係度同緊個男朋友計算中, 咁即係樓主都唔愛自己男朋友??可能我白羊座男仔頭性格, 我唔鐘意洗男人錢, 所以拍拖以黎好好時同男朋友都財政獨立, 去旅行會AA制, 唔會賴好咁請完人之後又期望人地情返你咁...拍拖一直以黎都是這樣, 我男朋友同我講就係鐘意我呢種性格, 佢話呢家啲女仔好多時都在乎啲錢多啲, 男朋友請食飯睇戲去旅行買貴禮物先叫好男人, 佢話好討厭呢種女仔...
直接我同佢結婚後, 佢開始自動洗錢係我身上, 因為佢覺得值得為我洗錢...
有時女人點睇男人, 男人亦會點睇女人, 可能男人覺得女人貪錢, 就算有錢, 都覺得唔值花係呢啲女人身上!