吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 賤人大姑9連個細佬都玩

婆媳關係今日: 0|主題: 27782

收藏本版

發帖

返回列表

跳至頁

查看: 1959 | 回覆: 11

賤人大姑9連個細佬都玩 [複製鏈接]

KiuShaBB

珍珠宮

積分: 31492

1^#

發表於 08-10-23 17:46 |只看該作者 |正序瀏覽 |打印

我一向同99&大姑9唔多妥, c6要我就晒佢地, 但我做唔到.早幾日c6又同我講佢家姐d好野, 我無出聲, 但令我想起大姑9連細佬都玩的事.

話說同c6結婚之後幾次見到大姑9, 叫親佢都無反應, c6都睇倒但無出聲, 我都係入屋叫人啫, 佢無禮貌都費事理佢. 有次返去食飯, 99同大姑9喺飯枱度細細聲傾謁, 咁c6落咗街買野, 跟住99問我: 結婚時斟茶你點叫62呀哥同佢老婆?
我: 叫"伯公老爺同伯婆99囉".
99: 哦.
大姑9: 都唔係咁叫(佢望住99講, 唔係同我講).
我心諗, 你自己唔識咋?
我: 結婚果日叫返傳統叫法啫, 99你想我點叫呀?
99: 叫大伯同伯娘囉.
我: 哦.
大姑9: (又係望住99講, 語氣平常)我老公個呀哥個仔叫我做呀嬸, (突然好大聲)我叫佢唔好叫我呀, 我唔會啋你架.
我: ... (心諗, 你想講俾我聽咋)

c6返來, 佢地收晒聲, 咁我好細聲同c6講, 你唔喺度你家姐俾說話我聽, 我已經好俾面你同你家姐, 既然叫佢幾次都唔啋, 我唔會再叫佢, c6話佢家姐可能唔鐘意我叫佢"大姑9", 仲教我:"咁你咪客氣d問吓佢, 要點叫至肯啋你囉." 我話唔鐘意咪講囉, 唔駛唔啋人, 打個招呼啫, 應句hello都得啫. 當時62坐喺房門口, 佢聽倒晒我同99大姑9之前的對話, 但唔知聽唔聽倒我同c6講的野, 不過我唔介意俾佢聽倒.

到99生日, 當時差不多要報稅, 返到99屋企, 大姑9出來開門, 咁兜口兜面咪盡我最後努力, 再叫佢大姑9囉, 佢個賤人即刻擰"咩"面, 用個背脊"得"住我, 但好大聲咁講"蝦...佬..."拖到好長, 語氣好唔服氣, 即係做戲俾人睇啦, 唔知係咪62話過佢.

c6係自僱人仕, 用公司名義報稅, 佢家姐做會計, c6未識我前都係佢幫c6公司報稅. 食完飯後,
c6問: 家姐, 你幾時幫我做好d數? 過2日到期報稅啦."
大姑9:嘜我幫你報稅咩? (語氣輕佻, 仲笑添)
c6: 係呀, d收據我之前俾咗你啦, 一向都你幫我做喎.
大姑9: 我冇收到喎.
c6: 唔係呀, 咁咪好大鑊?
99呢個時候至出聲: d野喺房度, 你上次返來食飯冇攞走.
大姑9: (木無表情) 係咩? 咁我返去睇吓先.

大姑9正八婆, 枉c6當佢係神咁拜, 為咗鬧氣, 佢連個細佬都玩, 99仲話佢地姊弟感情好好, c6就晒佢梗係無事啦.

[ 本文章最後由 KiuShaBB 於 08-10-23 17:50 編輯 ]

0 0 0

私人傳訊

KiuShaBB

珍珠宮

積分: 31492

12^#

發表於 08-10-24 10:47 |只看該作者

原文章由 tantanmama 於 08-10-24 10:07 發表

呀, 我都記得你喇. 你大姑9唔鍾意你, 似乎嚴重咗喎, 仲"禍及"你c6添. 係咪你62同c6都對你好咗, 佢更加眼紅? 你真係唔洗嬲喎, 佢冇禮貌或做d想令你難堪嘅事你都唔好中計, 做足自己本份. 知佢唔鍾意d咩嘅, 你得閒咪 ...

正如另一位網友講, 佢心胸窄吖嘛. 佢成日以為自己好叻, 其實唔接受其他人有d野唔同佢一樣啩. 你話買d佢唔鐘意食既野請佢食來激佢? 我整d佢食既野都激死佢呀. 有一次佢整咗兜芒果布甸上來, 同99講要點整點整至好食, 可能福建人少食呢d野, 99同c6好似發現新大陸咁, 哦哦哦, 係係係... 返到屋企c6仲好回味, 好讚嘆, 我話布甸好易整啫, c6叫我整我咪整囉, 食完佢都話重好食過佢家姐整果d呀:lol. 跟住第二次大姑9又整布甸上來, 仲話唔駛用芒果用橙攪碎都得

, 呢次我就真係唔識呀, 但係c6同佢講話我整d芒果布甸好好食

, 佢即時黑面話"係咩", 以後冇再整過任何布甸lu. 你話佢係咪小家/小氣吖? 而家我都成日整俾c6食, 至緊要c6開心, 大姑9? 話之佢.:tongue:

私人傳訊

KiuShaBB

珍珠宮

積分: 31492

11^#

發表於 08-10-24 10:09 |只看該作者

原文章由 方麗娟 於 08-10-23 19:27 發表
唔鍾意人地咁叫咪講囉, 想人地叫佢中文名又好, 英文名又好, 跟老公叫家姐都得架, 佢唔鍾意又唔出聲先至最老土.

係囉, 想點咪出聲囉, 應句hi都係一句啫. 有一次, 佢地傾開稱呼的問題, 姑仔問我:"呀嫂, 傳統上你點叫我架?" 我話你係我姑仔, 傳統上可以叫三姑娘... 我都未講完, 我同姑仔一齊講:"唔駛啦, 叫名咪得囉." 跟住一齊笑, 好開心, 之後姑仔一時叫我名, 一時叫我呀嫂, 我都冇所謂. 但係當時大姑9一直冇出聲要我點叫佢, 或者佢根本唔想同我講野呢.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

10^#

發表於 08-10-24 10:07 |只看該作者

原文章由 KiuShaBB 於 08-10-24 09:41 發表

我記得你喺我其他post度, 話"你C6全家都聽晒佢話, 但你又唔聽, 好似挑戰緊佢嘅地位, 所以咪唔鍾意你囉", 我好讚成. 或者佢以為唔啋我係想落我面囉.

有一次大姑9用飯煲焗咗個蛋糕, 食飯時攞出來問大家食唔食, 問 ...

呀, 我都記得你喇. 你大姑9唔鍾意你, 似乎嚴重咗喎, 仲"禍及"你c6添. 係咪你62同c6都對你好咗, 佢更加眼紅? 你真係唔洗嬲喎, 佢冇禮貌或做d想令你難堪嘅事你都唔好中計, 做足自己本份. 知佢唔鍾意d咩嘅, 你得閒咪特登做黎激下佢囉. 例如佢最憎食咩, 你特登買返黎請全家食, 仲要大聲d問佢食唔食添. 實激死佢. 哈哈.

私人傳訊

KiuShaBB

珍珠宮

積分: 31492

9^#

發表於 08-10-24 09:41 |只看該作者

原文章由 tantanmama 於 08-10-23 18:39 發表
你大姑9最好唔好報你c6報稅, 等你c6見識下佢有幾好囉. 我諗你大姑9真係唔鍾意你叫佢"大姑9"咁老土, 不過點計佢唔睬人都係佢冇禮貌囉. 係我會故意大聲d再叫多佢幾聲大姑9, 尤其是越多人面前越叫多d同大聲d, 激下佢. ...

我記得你喺我其他post度, 話"你C6全家都聽晒佢話, 但你又唔聽, 好似挑戰緊佢嘅地位, 所以咪唔鍾意你囉", 我好讚成. 或者佢以為唔啋我係想落我面囉.

有一次大姑9用飯煲焗咗個蛋糕, 食飯時攞出來問大家食唔食, 問我右面的62, 望一望我, 再問我左面的c6, 係逐個人問, 淨係唔問我, 當我透明, 自此, 我再無叫佢. 當然, 我唔係想食佢個蛋糕, 覺得佢唔尊重我同佢細佬啫.

私人傳訊

peggy@_@

男爵府

積分: 5707

8^#

發表於 08-10-24 03:02 |只看該作者

好似我都唔鐘意c6 d細佬妹叫我呀嫂,我叫過話叫名得啦,不過99堅持要叫呀嫂咁咪算囉!!!
因為我屋企呢面,我d家姐姐夫都係叫名嘛,我以前一齊住都會叫家姐,反而結婚後就叫名,大家都無所謂!!!

私人傳訊

星星123

民房

積分: 48

7^#

發表於 08-10-23 23:35 |只看該作者

真係唔明點解有人會唔應人 ???? 咩野心態呢 ???

私人傳訊

chrislpy

男爵府

積分: 9185

畀面勳章陪月勳章

6^#

發表於 08-10-23 19:28 |只看該作者

唉,好多人都係食飽飯,無屎or,都唔知做咩要攪到其他人咁辛苦4呢?佢地真係好鍾意攪呢d人際關係架喎,總之攪到人地唔開心,佢就好安樂咁啦,變態既,我老公個姑媽又係咁架,成日講d野激我99,我99就會同我地講,我地咁叫佢唔駛理咁多law,反正一年都係見幾次面姐,其實都無感情可言,唔駛對佢講既野咁上心,佢地唔明白一家人和和氣氣係一種福氣,佢都唔想和氣law,咪唔好當佢一家人law