吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99攪攪震（太長篇，多多包涵）

婆媳關係今日: 0|主題: 27759

收藏本版

發帖

返回列表

跳至頁

查看: 2667 | 回覆: 12

99攪攪震（太長篇，多多包涵） [複製鏈接]

sunba_mama

別墅

積分: 641

1^#

發表於 08-10-25 16:50 |只看該作者 |正序瀏覽 |打印

自我生咗細仔後，我媽咪就過咗黎住，幫我同工人姐姐一齊湊大細b。上個星期，我個婆婆病咗，所以我媽咪就要去醫院探佢，咁就咁啱我99每個星期都黎玩孫，咁佢見我媽咪要去醫院，咁我99都好好話佢留多少少時間幫我媽咪睇孫。原本我都非常多謝佢嘅好意，但就最後換來一肚氣。
由我細仔第一日返屋企佢都主張阿b瞓咗就唔好畀奶佢食，無論幾多點，阿b喊就畀奶佢食，我當然無so佢啦，因為我唔使佢湊b，我個b滿月就已經好規律地每4小時食奶，仲介埋夜奶添。次次佢見bb瞓咗都阻止我地餵奶，但我就同佢講bb會照飲，如果唔定時定候，有規律，咁咪會無正常嘅食飯時間，我地調教到，bb每天最後餐奶奶大約11點食，最遲12點，咁如果鍾意先畀阿b食，咁幾夜先餵佢呀，唔使佢湊又唔會煩到佢，佢更係想點都得啦，何況細b又跟到我嘅時間，連醫生都讚我個b叻，可以隔4個鐘，有規律嘅食奶時間，非常好。我都唔明佢點解唔怕口臭，次次都講。我又唔主張抱住bb瞓，我兩個仔一向就自己係床仔玩，跟住就會瞓著，我99就唔多順氣，每次我個仔畀佢抱抱下喊時，我就會同佢講，bb想瞓你放佢落床啦，佢唔鍾意抱住瞓，佢唔信，但點抱我個仔都喊，終於死死地氣放我個仔落床，跟住我個仔就即刻收聲，乖乖地自己瞓。佢眼見嘅事實，佢都唔想信，每次都係要抱住，拍住我bb，每次都要唔順氣咁放返阿b落床。
好啦！入正題先，我媽咪出去探我婆婆，我99就黎料，又用返佢嘅湊仔方法，3點我個仔要食奶，但瞓咗，咁我工人就照開奶奶，因為佢湊開都知我個仔係可以邊瞓邊食，但佢就竟然推開枝奶唔畀我工人餵細b，跟住1小時後，我個仔就餓醒咗，喊到死死下，咁佢就話拉拉聲畀佢食，跟住7點鐘，正常阿b食奶嘅時間，佢話阿b喊，畀奶佢食，點知相隔只有3個鐘，阿b就食剩2安（我個仔一向到食晒7安），咁就畀佢攪亂晒，又幾個鐘都抱住，起勢拍佢，攪到阿仔o個晚想人抱住瞓，我實唔so佢，就夜晚喊咗3次。
我有工人姐姐，唔使佢餵，但佢又唔畀我工人餵，。(個工人係佢recommend我請，佢鍾意個工人多過我)，我工人想放番bb落床，佢就唔畀，話佢抱住就ok。我工人更唔咁同佢作對架。
我都唔明，我同我嘅方法湊得佢兩個孫肥肥白白，點解係都要用佢（佢嘅方法係縱孫，亂黎嘅方法，c6細個時，我99係無咩照顧過佢，所以我c6好獨立），我個大仔病病地，佢又帶佢落街，亂咁畀嘢佢食，攪到佢嘔，好彩我同c6投訴，我叫咗工人講佢知，大b唔多舒服唔好落街，點知佢又帶佢落去，咁c6見佢又唔聽話，就叫佢即刻帶番阿b返上黎，見佢仲未返即刻再打叫佢上番黎。我真係唔係好明點解99你要理我咁多嘢，佢玩孫，就攪到我地執手尾。

0 0 0

私人傳訊

OJ=A

大宅

積分: 3695

13^#

發表於 08-10-27 19:33 |只看該作者

99係絕對不會跟新抱嗰套!

私人傳訊

KiuShaBB

珍珠宮

積分: 31492

12^#

發表於 08-10-27 15:21 |只看該作者

都係d99想顯示吓自己有幾叻, 攪得掂個孫咁啫, 但係又唔明白, 或者係唔肯相信而家湊仔的方法同以前好唔同, 硬係認為個新抱唔用自己果套就有問題, 或者以為係個新抱同自己作對, 其實佢地未完全開化囉.

私人傳訊

caca0921

男爵府

積分: 8888

熱血勳章

11^#

發表於 08-10-27 15:01 |只看該作者

唉......其實99"幫"手湊孫, 點解唔跟新抱嗰套呢, 話明係"幫", 咁就唔好用晒自己嗰套. 99可以出意見, 但最終決定權是在媽媽手上啊

私人傳訊

BABYPURPLE

子爵府

積分: 13261

10^#

發表於 08-10-27 14:37 |只看該作者

我奶奶又係有佢一套自以為呃既湊仔方法....我細仔基本上好乖.....好少喊...所以我都大約知佢喊係因乜事....肚餓同扭訓...但次次佢一喊...我奶奶就問係咪唔想訓覺呀....唉...佢緊係想抱bb去玩啦....我唔理佢...話bb想訓教...唔知點解佢唔會點窒我喎...可能驚左我老公.....
佢生左七個仔女.....我叔仔都講過...細過都係幾兄弟姐妹自己搞掂架啦....何況...而家湊仔唔同以前湊仔既方法...唔好成日話以前都係咁....以前d bb傻下傻下...咀都唔駁多句...而家果d...精靈到乜咁..

私人傳訊

hinleungwah

大宅

積分: 1360

9^#

發表於 08-10-27 12:46 |只看該作者

原文章由 kidcute 於 08-10-26 02:26 發表

咁都好既, 最後都證明到佢果套唔岩樓主兩個仔, 希望佢唔好再係咁啦

好難! 明白係一回事, 做係一回事. 有事的時候就話"我唔知點解會咁, 亞c6以前都係咁樣湊" , 到冇事的時候就話"我都話冇錯, 係都唔信我". 你話死唔死......

私人傳訊

cecilia.wilson

別墅

積分: 505

8^#

發表於 08-10-27 12:34 |只看該作者

其實都無話邊個方法好d, 個個bb都唔同
老人家係唔識變通, 佢以前係咁做, 佢咪以為應該係咁
不過佢都係關心先會越幫越忙, 十個奶奶九個都係咁, 算啦

私人傳訊

debbieip

大宅

積分: 1113

7^#

發表於 08-10-27 12:22 |只看該作者

樓主請不要介意, 其實我覺得你奶奶冇咩大問題~ 佢只不過係有D老人家的通病, 喜歡自己的孫冇咩大問題, 佢湊仔的方法雖然用你唔同, 但亦唔算好過份, 信不信由你, 當我BB出生後我奶奶堅持要四小時定時飲奶, 我地反而想好BB睡醒先飲奶, 最後我BB因為唔係大食B, 根本做唔到4小時一次奶, 攪到食左都嘔曬出黎, 睇醫生仲比醫生話, 所以點湊BB都係睇個BB本質, 係BB跟到當然就好啦~ 好似我BB要成4/5個月先可以4小時一次, 仲有, 佢就算食5安奶都唔可以用大奶瓶, 要用小奶瓶, 因為大奶瓶多風, 佢食完一定嘔~

至於抱BB問題, 算把啦~ 一日半日~ 你當就下老人家, 佢係係老公的媽媽, 咪當比面老公囉~