單親天地

跳至

首頁
12

尾頁
   3


大宅

積分: 1137


1#
發表於 16-7-27 08:41 |只看該作者
唉⋯唔經唔覺跟左呢個男人六年,話長唔長、話短唔短,由當初佢阿爸我老爺話要分開住,唔緊要,我搵阿爸問借屋住,我阿爸都樂意,一心諗住連住屋咁大問題都解決到,仲有問題難到我地...

原來一切都係我諗得太簡單,我全職湊囝囝佢負責返工賺錢,一直都看似美滿,我唔介意佢當時只搵到九千,窮、可以慳,但唔夠三個月就有新問題...

當時我仲以為佢會好似之前咁努力返工,原來有好幾次偷偷去機舖打機唔返工、因為咁比人炒左...之後都一直搵唔到野做,頭一個左借右借,第二個月拎埋我自己既強積金出黎,第三個月只好靠囝囝既利是錢......

可能到第三個月都仲未有工作,而我爸都開始有微言,佢只好硬住頭皮去搵一份八千五左右既工作,仲搬返香港仔,而我之後一個月都帶埋囝囝返左鄉下一個月、一返到香港佢第一句對我講既唔係好掛住你,而係話如果有人打電話比我話搵我老公,就話搵唔到,我問咩事呀!原來佢係我第一日返大陸已經開始走數!香港仔個屋企已經有人上門追數...!幸好既係、我爸屋企係冇佢任何既信、所以冇人上呢邊追數...


我開工先,午餐時間再打,全部都係真人真事,各位如果覺得唔信可以當小說咁睇,甚至唔睇,不過唔好質疑我.......

點評

333s    發表於 16-7-27 09:23


複式洋房

積分: 409


25#
發表於 16-9-4 13:26 |只看該作者

回覆樓主:

唉!


大宅

積分: 1137


24#
發表於 16-8-19 13:41 |只看該作者

回覆樓主:

本帖最後由 eigikoxliu 於 16-8-19 13:48 編輯

唔好意思咁多位 最近忙於搬屋 所以冇時間上黎

最後佢當然死死地氣話冇下次、會比心機返啦⋯返多一個月就話唔做,搵左一份得九千蚊既跟車,返左份跟車唔夠兩個月就黎新年前兩個星期既一晚,突然有人敲門,話搵佢⋯我都嚇親口震震咁話佢已經搬走左,果個人半信半疑咁走左⋯我先反應到係追數!第一時間問佢,點解會追數追到黎我爸度!我爸先講原來一年前,我地分居果時冇幾耐已經有人上過黎追數!我果一刻真係嬲到震!!!!

我爸唔收我地租比個地方我地住,佢竟然咁樣搞到我阿爸!我果刻同佢講一係離婚一係你自己搞破產!!!佢又邊有錢去搞破產、最後咪又係我爸借左一萬五千蚊比佢!


子爵府

積分: 12785

BK Milk勳章


23#
發表於 16-8-19 04:18 |只看該作者
想了八年 我都吾明白點解啲人咁鐘意賭錢,我前夫都係呢類人, 賭到冇錢買奶粉 個女發燒賭到冇錢同個女睇醫生 賭到全家只有五十蚊開飯,賭到全家去澳門探親,發毒誓吾會去賭埸,點知輸哂自己錢,再返泥拎哂我所有錢再賭過,連船飛都冇錢買
跪地 流眼淚見過冇數次
而家離開左 吾洗再擔驚受怕冇錢開飯
遲啲離真係訓吾著


大宅

積分: 3568


22#
發表於 16-8-5 09:45 |只看該作者
佢接受唔到人生多左個人,多左個負擔,
可能佢都曾經好想發奮做個正常人,搵錢養家,俾幸福你同小朋友,
但一個人試過唔腳踏實地去賺第一筆錢就唔會想返轉頭,
佢只會諗,賭一賭博一博,有排唔駛做。
但佢冇諗,佢會輸,而且冇諗過佢輸唔起,
而家兩頭唔到岸,做又唔夠還錢,賭本又冇哂,
唯有賴皮.....
如果你係要扶佢起身既,你預左會好辛苦,
因為佢唔會堅持到,不斷浮浮沉沉,唔嗲唔吊,
最後你好多野都係靠自己,因為佢唔會靠得住。
如果你要同佢斷既,就寧願斷得乾乾脆脆,
因為你對佢有情,佢對你只會有錢,
佢知道你同你屋企人都唔會見死不救,
你地只會踏入另一個深淵。


大宅

積分: 4263


21#
發表於 16-8-5 08:00 |只看該作者
你要諗辦法搵人照顧bb
你去返工
咁耐以嚟你老公咁嘅態度咁嘅生活
你冇條件做ftm
快d出嚟做嘢先


大宅

積分: 1137


20#
發表於 16-8-4 18:33 |只看該作者
gloriehungws 發表於 16-8-4 17:06
叫爸爸湊bb, 自己搵工靠自己。呢個男人靠唔住,以後帶眼識男人吧

我父母都再婚 唔想打擾他們


男爵府

積分: 6677


19#
發表於 16-8-4 17:06 |只看該作者
叫爸爸湊bb, 自己搵工靠自己。呢個男人靠唔住,以後帶眼識男人吧


子爵府

積分: 14244

畀面勳章


18#
發表於 16-7-31 00:10 |只看該作者
爛泥扶唔上壁。。


大宅

積分: 1137


17#
發表於 16-7-28 15:19 |只看該作者
其實後面會講我近期決定搬走自己照顧小朋友


版主

積分: 18438

減齡達人勳章 2018母親節勳章 15週年勳章 親子王國15週年勳章 親子王國15週年勳章 熱血勳章 畀面勳章 版主 大廚勳章 BK猜猜猜慶中秋


16#
發表於 16-7-28 14:06 |只看該作者
唔好再諗佢以前點好點好,如果你仲想等到佢變番以前一樣,你呢篇就應該係「夫妻情感」個區出,如果你想有個新生活你就真係要離開佢先做得到,既然咁多年都冇靠過佢,相信你同小朋友都會好快適應到


大宅

積分: 1137


15#
發表於 16-7-28 13:49 |只看該作者
當初佢係就算有朋友約夜晚食飯唱k都好,第二日都一定會開工既人、一年365日返足365日。就算幾攰都好都堅持送我返屋企、即使係一個港島南區一個元朗都冇變過既好男人。

但事實係好殘酷、變左就係變左、無論比幾多時間幾多機會都係改變唔到事實。


翡翠宮

積分: 79226


14#
發表於 16-7-28 13:46 |只看該作者

咁你真一要等
不過等都唔會等到

佢由頭到尾都係同一個人
睇怕只係你自己美化左佢做另外一個人.


大宅

積分: 1137


13#
發表於 16-7-28 13:13 |只看該作者

回覆樓主:

本帖最後由 eigikoxliu 於 16-7-28 13:13 編輯

其實一直唔離開佢 主要係我係度等、等緊佢變返當初我識果時既佢


版主

積分: 18438

減齡達人勳章 2018母親節勳章 15週年勳章 親子王國15週年勳章 親子王國15週年勳章 熱血勳章 畀面勳章 版主 大廚勳章 BK猜猜猜慶中秋


12#
發表於 16-7-28 12:28 |只看該作者
其實樓主你講咗咁耐,基本上我睇唔到佢對你對頭家做過咩,根本佢就係一個PAT不知所謂既爛泥,衰懶,衰賭,衰講大話,你再數落去都唔會有咩好嘢,不如你講一樣佢既優點令你跟住佢咁耐


翡翠宮

積分: 79226


11#
發表於 16-7-28 11:10 |只看該作者
一舊爛泥無誤
點解你仲要同佢一齊?
唔好同我講你愛舊爛泥喎


大宅

積分: 1137


10#
發表於 16-7-28 08:42 |只看該作者
一開始幫佢搵呢份工已經同佢講到明唔好學人賭錢,真係唔賭得。而我老爺都好緊張咁講真係唔好賭呀!佢都應承左,但係到最後佢都係做唔到、賭波賭馬、仲賭到唔夠半個月就冇曬,佢果時人工兩萬我收萬二蚊做家用,佢個八千係用黎食早餐,車費十二蚊來回同買煙,而我個萬二係包水電煤,屋企所有開支同整飯盒比佢做午餐,佢都可以唔夠洗、月中就問返我拎......

果一刻我真係覺得好冇保障、望唔到將來,決定分居,自己同囝囝借住左朋友用黎做工作室既地方,佢見我地搬走左佢都搬返我老爺度。一分就分左差唔多半年,而佢半年都有比六千家用,我地就係靠果六千慢慢捱,過左半年佢比我感覺佢真係改左,而囝囝都就黎讀n班、我唔想入學果一日得我呢個媽咪夠囝囝,最後我地都係返埋一齊,平平淡淡咁過左八個月。

有一日我收到佢既電話,佢話有一個壞消息,就係佢比人炒左,我已經唔識得嬲......我好似冇曬感覺咁同佢講咁你打算點,佢話唔知......我就打左比我爸爸,睇下果邊有冇位,而我爸都好好咁幫佢fight 左個比新入職更加高既人工返黎!依家諗返好對我爸唔住......

我爸爸係呢間公司算係半個老闆,而佢都知、但正常人返工又點會同老闆同一時間返工?我爸都有出聲講過呢個問題,但佢覺得自己冇問題,叫佢去我爸度做係想佢學返一門手藝,咁先有機會過溏加人工,但佢到走果一日咩都唔識!有一日我唔舒服佢話請假陪我、我都即時問佢有冇同我爸請假?佢話有、十點再問多次都話有,咁我唯有信啦!行街食飯返到屋企都九點,我爸突然氣沖沖咁行出黎,第一句就鬧佢「你到底仲想唔想係我度返工!」原來佢又一次講大話,根本冇請假,我爸果一日係公司比人問到口呀呀⋯⋯我第一次見我爸爸咁嬲鬧人。


男爵府

積分: 7965


9#
發表於 16-7-28 08:08 |只看該作者
eigikoxliu 發表於 16-7-27 18:13
知道有機會冇左份勤工 我仲緊張過佢,食完飯返到屋企第一時間搵我朋友,講左之後我朋友同我講,只要佢同阿 ...

爛泥


男爵府

積分: 6304


8#
發表於 16-7-27 23:31 |只看該作者

回覆:我都就快係呢度報到(長)

吾洗恨不過睇完先再講?


大宅

積分: 1137


7#
發表於 16-7-27 18:13 |只看該作者

回覆樓主:

本帖最後由 eigikoxliu 於 16-7-27 18:24 編輯

知道有機會冇左份勤工 我仲緊張過佢,食完飯返到屋企第一時間搵我朋友,講左之後我朋友同我講,只要佢同阿頭講聲 對唔住今日遲到,咁就會有返份勤工,咁我當然安心好多,仲第一時間同佢講啦,點知佢既反應同我預期完全唔同,佢仲怪我點解要搵人講、我果下著左!

我話,「依家講緊二千蚊呀!唔係二百蚊呀!講一句說話可以有返二千蚊點解唔講!」佢聽完冇聲出,淨係話星期一先講啦(當時係星期六)。好,咁你咁講我咁聽,星期一朝早九點半我收到我朋友電話,「喂、你老公星期六唔係遲到咁簡單喎!佢星期六同今日都冇返工喎!」我當時呆左十秒,跟住就講左句「x!xyz佢,我知佢死左去邊啦!」大家冇估錯,佢又重複犯同一個錯誤,又走左去機舖打機!最後比我鬧到佢返黎、我仲講左句「既然你咁鍾意打機、去機舖打工啦!唔好再返黎!我唔想囝囝知道有個咁不知所謂既爸爸!」

最後佢都係唔敢,好努力返工,亦都好準時比家用,我以為呢次真係苦盡甘來、原來一切都係幻象!


首頁
12

尾頁

跳至
Presslogic Logo
Baby Kingdom Logo