夫婦情感 今日: 0 | 主題: 42758

積分: 3841

好媽媽勳章

1^#

發表於 16-8-5 17:51 |只看該作者 |正序瀏覽 |打印

事情的人物背景是，我：離咗婚，有兩個小朋友，跟前夫，我男友A 君，都離咗婚，都有兩個小朋友，係跟佢的，我地拍拖差不多兩年，大家好多野都幾夾，我前夫同之前男朋友都係爛玩爛蒲唔痴家，而A 君就唔出街，好鍾意喺屋企，就算出街都係同我出，都叫搵到個錢，有車有樓，我開頭都覺得各條件佢都好好，對我都好好，family man 型，又鍾意下廚，但拍拖接近一年左右，我就發現佢係脾氣好差，例如出親街都鍾意鬧侍應，售貨員等等，係週圍d 人會望住果隻，佢曾經話過佢工作壓力大，所以有時比較燥，而最近呢大半年，連我都會鬧埋，喺街破口大駡，我係會比佢鬧到喊，因由都係好少事，或者係我講左一句無關痛癢嘅說話，佢就好似即刻變左另一個人咁，會講d 好難聽嘅說話去鬧我，我試過有一兩次嬲左佢，佢道歉，話以後唔會，但隔左兩個月左右，佢又會突然病發，好似有d 神經質咁，但冇病發時，佢對我都幾好，我有同自己講，要包容，每個人都有缺點，要包容佢缺點，但佢久不久就用d 難聽字眼去鬧我，我個心真係好唔開心，會記住佢講嘅野，就算之後好番，我個心都好唔舒服，況且，我地都未夠兩年佢已經咁，過多幾年我乜專嚴都冇哂？我有想過離開佢，但我知我仲愛佢，佢都愛我嘅，究竟我係咪應該繼續忍，包容佢，定係要走？

0 0 0

私人傳訊

積分: 14327

55^#

發表於 16-8-8 10:49 |只看該作者

yoddo 發表於 16-8-8 10:43
我陣間問下c6想法，睇下需唔需要我關心佢多d,睇下去咩反應。

唔使喇
你地呢種獨特的相處模式
應該由其他人打破唔係你做得到

未經本人同意,請勿轉載內容!

私人傳訊

積分: 3914

54^#

發表於 16-8-8 10:43 |只看該作者

eggpudding 發表於 16-8-8 10:33
人會變
你地中間如果無變化咪無野
你地當事人ok就好喇

我陣間問下c6想法，睇下需唔需要我關心佢多d,睇下去咩反應。

私人傳訊

wahiuma

翡翠宮

積分: 94880

53^#

發表於 16-8-8 10:38 |只看該作者

sammili 發表於 16-8-6 10:58
可能佢生話太規律，又冇消遣，放工返屋企，6點幾食飯，9點幾準備上床，唔做運動，唔賭馬唔賭波，最多間中w ...

休息同佢帶埋小朋友去公園玩下，做運動係減壓最好方法

私人傳訊

積分: 14327

52^#

發表於 16-8-8 10:33 |只看該作者

yoddo 發表於 16-8-8 10:26
可能出面好難搵到可以給我同我c6穩定落黎嘅人。我地嘅相同特質就係唔想俾人麻煩。最怕人問長問短，唔鍾意 ...

人會變
你地中間如果無變化咪無野
你地當事人ok就好喇

未經本人同意,請勿轉載內容!

私人傳訊

積分: 3914

51^#

發表於 16-8-8 10:26 |只看該作者

本帖最後由 yoddo 於 16-8-8 10:28 編輯

eggpudding 發表於 16-8-8 10:05
本帖最後由 eggpudding 於 16-8-8 10:12 編輯

你原生家庭係點

可能出面好難搵到可以給我同我c6穩定落黎嘅人。我地嘅相同特質就係唔想俾人麻煩。最怕人問長問短，唔鍾意向別人交待自己行蹤交待得太清楚。

我地兩個都係咁。

無共同資產，我都唔會覺得有危機，佢出街唔講低去邊，我都唔會不安，最緊要唔好麻煩我去幫佢做野，我去邊同做d咩佢都唔會理，我都覺得自在，唔會覺得佢唔關心我。
佢認為我最好唔好癡起條根走去太關心佢，佢會發癲。

私人傳訊

積分: 14327

50^#

發表於 16-8-8 10:05 |只看該作者

yoddo 發表於 16-8-8 09:06
每個人都會覺得自己嘅自尊係無價，未嫁我老公前已經鬧走過不少男朋友。
我拍拖嘅次數多過30次，但次次都唔 ...

本帖最後由 eggpudding 於 16-8-8 10:12 編輯

你原生家庭係點
我覺得會留戀一個打人的人係自虐
應該同一般人唔同
當事人係你，我呢d閒人無乜意見
jm 講得啱，你要一個人係你隔離
你地兩個似有相同背景諗法的人互相吸引痴埋一齊
但事實上關係又唔健康咁囉

私人傳訊

積分: 3914

49^#

發表於 16-8-8 10:04 |只看該作者

Nancy20090615 發表於 16-8-6 21:17
您呢種唔係婚姻, 係您同佢隔離多左個人.

當兩個人相處，唔需要形式去證明大家在一起，唔需要去要求對方，就會處於一個非常平穩而不會驚動大家嘅狀態。
好多時，我們認為婚姻需要大家好多付出。
但如果兩個人嘅共識係大家咪搞著大家，需要嘅空間好大，就無問題。

你認為婚姻上，應該要親密，要有聯繫。

但可能某些人除了思想上認定大家嘅關係，確立大家嘅家庭崗位和責任，可以容許大家和single一樣咁自由，只為自己交待，反而係件好事。
我唔理自己老公嘅金錢係點嘅狀態都會和自己老公走下去，而我老公唔理我係點樣打理自己嘅錢，我地從來無為錢吵過，因為佢嘅錢係佢嘅錢，我嘅錢係我嘅錢。
佢嘅時間係佢嘅時間，我嘅時間係我嘅時間。

曾經我同佢吵係因為怕佢屋企人損害c6嘅利益，會麻煩到我c6,要佢處理好，但c6話即使見到有爆鑊嘅情況，別人嘅人生掌握在他自己手中，就算係仔女嘅將來你都理唔到咁多，鑊要爆就會爆，爆左先黎清理，而家都阻止唔到，吵到打我對手要我唔好多事，但後來我連佢嘅其他屋企人嘅事都列入不關自己事系列。

好多時，女人同老公吵，都係因為老公外家，錢（經濟能力，金錢觀念），老公嘅時間分配（陪自己時間少），花心（包二奶，第三者，唔捨得返屋企），變心（離婚爭仔女，分賬。）

我咩都唔理，佢自己咩都諗埋，
佢自己安排時間陪我出街，安排錢銀找數。
唔理佢家事，佢自己開心share,我又樂得清閒。

私人傳訊

積分: 3914

48^#

發表於 16-8-8 09:06 |只看該作者

本帖最後由 yoddo 於 16-8-8 09:33 編輯

eggpudding 發表於 16-8-6 20:36
本帖最後由 eggpudding 於 16-8-6 20:36 編輯

你呢種無自愛我無自尊的生活

每個人都會覺得自己嘅自尊係無價，未嫁我老公前已經鬧走過不少男朋友。
我拍拖嘅次數多過30次，但次次都唔長，我老公係唯一一個可以last到兩年以上嘅人，其他都係半年貨仔。
初戀情人鍾意左我6年，但開始左一個月，我就行唔到落去。

我性格有個缺陷，就係太容易對個男人無feel。變得太快，一無feel就鬧到人地死狗咁。有d ex係好討厭我嘅缺點而離開我。以前拍拖年代，我不曾為任何人甚至自己改變過甚麼，爛口，不修邊幅，懶理事，唔會煮飯餸，唔會送任何禮物俾我男朋友，對男人一d都唔好，話之佢死。原來我根本唔識愛一個人，只是搵男人做飯脚。

識我老公前，我有一個死狗男友，仲生埋個細路都唔想結婚，根本當男人係陪食陪玩嘅人，但喜歡點到個男朋友發脾氣為樂，最後有第三者搶我男友，跟著我孤身走左，連佢個仔我都無帶走。我唔愛佢，連自己同佢生嘅仔都無任何感情。

我以為我冷血。

但直到我遇到我老公之後就再無離開嘅念頭。我唔會送禮物俾男人，我老公就要我一定要送，逼到我無辦法唔送。我唔煮飯佢要我出門口以後各行各路，我唔捨得就開始煮。我鍾意點人做野，佢死都唔肯幫我，仲要我做埋佢果份，唔做嘅話就大家一刀兩斷，我一路落黎都係因為唔捨得佢，而搞到今日咁樣。

曾經緊張過佢，但由於成日以一刀兩斷相逼。我已經當佢透明。
可以唔使佢幫，可以唔使佢陪，可以唔使佢同我傾計，可以唔使佢同我瞓，可以唔使佢理解我，我也不關心佢嘅財政，也可以不去關心佢嘅身體，也不會關心佢有無女人埋身。

我唔係無自尊自重。

而是我覺得呢個人係適合同我住埋一齊，因為大家都已經攞左個平衡點，而且我也睇化左。我丈夫以為我好愛佢先為佢付出，而我只係覺得已經習慣左佢嘅要求係咁，做多少少事，出少句聲，廢x事理佢d野又對我無損失。有飯脚好過無飯脚。

男人我見識得多。一個人一世人拍左30幾個男朋友，難得定落黎，仲搞離婚再黎過?
如果我真係決定離婚，我唔會再走進婚姻，自己一個人過。

如果離婚為搵下一個男人，離婚會好易ga 咋，如果同自己講，離婚決定獨身，就比較難去離婚。因為獨身主義（除左唔食齋，但已經下定決心唔再交男友，唔再sex,係好難作決定，係咪真係咁絕對話抗拒男人，答案係肯定，當你遇到接近40個男人都無一個岩自己，已經覺得最適合自己嘅已經結左婚又離埋婚，仲要再係情海中再搵多半百個人睇下適唔適合自己，我覺得好難囉。我自問，我自己嘅性格唔會比我老公更容易相處。）

當一個好難相處嘅人搵到個伴，可能呢個伴嘅性格都有返咁上下難頂。呢d叫一物治一物。

你可以話我老公咁唔珍惜我，但佢同我一樣，遇到我之前都好容易對女人生厭，佢話對得一個女人三個月就會厭。我話me too。大家咁話。

但最後我地對左6年。

如果一對人對住其他異性只可以對到三個月就厭。但對住大家就可以一直對落去而唔會散，點解要決定走?

就係咁越黎越難分開。

我地無共同資產，無需要溝通，一兩個星期大家嘅電話紀錄都見唔到大家會打個電話搵大家，但無一日係可以唔見面咁制，一唔見面果一個晚上就會打電話傾兩句。

我地嘅生活就好似普通朋友咁無關係（除左仔女及住埋同一間屋之外，無任何共同關係，我父母和c6父母只在結婚當日見一次和我左生細路見過兩次面，無親家一齊打牌果家野，除左會一齊食飯行街之外，其他時間唔需要證明自己去邊，講句話出門就ok, 我地做人做事互相信任，只為自己交待，大家嘅career只需要自己負責返，我轉工辭工唔需要向佢交待。大家返工返邊區，公司地址係邊，無必要硬性刻意知清楚。到我做ftm,佢每個月搞掂屋企開支，同包埋我嘅開支，其他生活照舊）
但情感上，6年黎都未能可以分開超過24小時而唔思念大家。

私人傳訊

babychuc

積分: 2365

47^#

發表於 16-8-7 07:57 |只看該作者

sammili 發表於 16-8-5 17:51
事情的人物背景是，我：離咗婚，有兩個小朋友，跟前夫，我男友A 君，都離咗婚，都有兩個小朋友，係跟佢的， ...

樓主你好，

雖然，你男友同你幾夾，又對你幾好住家型。但係街破口大罵，好似就……

私人傳訊

Purple_0322

侯爵府

積分: 21613

2018復活節勳章畀面勳章

46^#

發表於 16-8-7 07:54 |只看該作者

小小果發表於 16-8-6 12:15
我覺得你EQ好叻啊，睇得出你對你老公既愛同包容。我發覺自己都有少少情緒病，不過我身體唔好，唔太喜歡依 ...

我覺得情緒上出現問題要儘快搵人傾，可以先去啲服務中心walk in搵社工先，唔洗咁快睇心理醫生住~畢竟自己book心理醫生都唔平~到真係舒緩唔到，社工會幫你轉介合適既支援比你....我中學都有過情緒病，但係大左康復左就覺得其實好小事

私人傳訊

kyky123

男爵府

積分: 9870

45^#

發表於 16-8-7 07:37 |只看該作者

Nancy20090615 發表於 16-8-6 21:17
您呢種唔係婚姻, 係您同佢隔離多左個人.

自己內心有陰影及抑鬱，子女大了都有影響。不過每個人有自己選擇，可能會一天爆發

私人傳訊

Nancy20090615

瑪瑙宮

積分: 136944

44^#

發表於 16-8-6 21:17 |只看該作者

yoddo 發表於 16-8-6 03:36
唔多問半句，唔做佢唔想我做嘅事，只做佢喜歡我去做去講嘅事。
為左唔激嬲佢，其實都好簡單，廢話少講，講開心野，唔開心嘅野，唔關佢事嘅野，我收埋同其他人傾。...

您呢種唔係婚姻, 係您同佢隔離多左個人.

私人傳訊

積分: 14327

43^#

發表於 16-8-6 20:36 |只看該作者

yoddo 發表於 16-8-6 03:36
我想分享下我嘅遭遇。老公同我一齊已經有5年幾，個女兩歲，初初我老公發作係鬧我，之後掉野落地，之後係打 ...

本帖最後由 eggpudding 於 16-8-6 20:36 編輯

你呢種無自愛我無自尊的生活
唔係人人做到
你所謂開心，你的定義別人未必一樣

私人傳訊

歌莉亞

積分: 17890

42^#

發表於 16-8-6 20:05 |只看該作者

yoddo 發表於 16-8-6 03:36
我想分享下我嘅遭遇。老公同我一齊已經有5年幾，個女兩歲，初初我老公發作係鬧我，之後掉野落地，之後係打 ...

咁高境界要長些實習期先做到
真係要向你學習吓

私人傳訊

歌莉亞

積分: 17890

41^#

發表於 16-8-6 19:48 |只看該作者

歌莉亞發表於 16-8-6 19:45
未落搭(未結婚前)我係你
我會走
一世人流流長點頂

可能佢太太都係因為咁而離開佢

私人傳訊

歌莉亞

積分: 17890

40^#

發表於 16-8-6 19:45 |只看該作者

sammili 發表於 16-8-5 19:11
佢工作壓力大因為佢單親爸爸帶住兩個女，要供樓供車，佢係做金融，所以個市差又會影響佢收入，所以我都明白 ...

未落搭(未結婚前)我係你
我會走
一世人流流長點頂
落了搭
唯有忍及帶他看醫生

私人傳訊

fattymama