吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 教仔女係咪無謂太執著？

自由講場今日: 238|主題: 1342695

收藏本版

發帖

返回列表

跳至頁

查看: 5935 | 回覆: 87

教仔女係咪無謂太執著？

[複製鏈接]

12 3 4 5

muimui2

大宅

積分: 4580

1^#

發表於 16-8-8 10:12 |只看該作者 |正序瀏覽 |打印

本帖最後由 muimui2 於 16-8-8 11:12 編輯

講緊物質上嘅嘢，小朋友6歲同3歲，老公覺得:
- 主題公園（海記或迪迪）一年一次就夠，無謂買年票，去得多唔馨香。
- 旅行一年一次，都俾唔想佢哋覺得去旅行係理所當然。

其實我覺得老公都有道理，但有時又覺得去多幾次主題公園都唔係咩奢侈嘅事，淡季去旅行亦唔係好貴，覺得唔駛下下咁執著，應該趁佢哋仲細時留多啲珍貴回憶俾大家。

你哋又點諗（純粹從管教層面上討論）
Update:
睇完大家feedback, 其實我都明老公嘅concern 係有道理，只係有時長假期時，真係諗唔到咁多節目（大家都知諗節目呢樣嘢老公係唔會參與架啦）, 最簡單直接嘅就係旅行/theme park。而呢兩樣都有限制時，就要加把勁諗活動了。

0 1 1

私人傳訊

ironmanmama

子爵府

積分: 13430

88^#

發表於 16-8-9 16:09 |只看該作者

emilylam 發表於 16-8-8 18:07
之前我也開過問旅行是否咁重要嘅post,但大部分，應該話全部jm都一致覺得一年去幾次旅行無問題，其實我想表 ...

同意到極。依家d細路(親友)去旅行去到唔恨，無晒期待既興奮;食到唔食，食到厭/悶。全部十多d歳，咁大d仲有乜野恨做恨食架?太垂手可得了！我睇見到怕。

私人傳訊

fatchu@home

翡翠宮

積分: 79742

87^#

發表於 16-8-9 15:50 |只看該作者

miffyumiffy 發表於 16-8-8 10:22
我自己唔會比細路過得太奢侈

我仔細個都係去過1-2次旅行, 唔想細細個就比佢一種做人要享受嘅心態

SAME HERE....

樓主,我講下我朋友個CASE....主角係佢老公唔係小朋友,佢老公細細個屋企已經好好環境(但唔係好有錢果隻),幾歲大已經一年去兩三次旅行,中學畢業就去左幾個月歐洲玩,食又食得好,著衫都係名牌...朋友同佢拍拖半年左右知道原來佢欠好多卡數,就係因為細個享受慣!就算搵得一萬幾千都仲要買名牌衫名牌眼鏡....去旅行呢,又要豪華團,唔住得3星酒店! 呢個故事對我都幾大啟發架...

私人傳訊

CheungKeeKee

子爵府

積分: 13521

86^#

發表於 16-8-9 15:33 |只看該作者

一向堅持平養，物質不會給最好的，我只會給最好的教養和最多的時間。我未帶過仔女去主題樂園，也未帶過他們旅行。聽了太多例子，子女不知足，不感恩，覺得是理所當然。

我另一半也不會想節目，我個個星期留意親子雜誌、網站、政府免費文娛活動和商場活動。放假去可以游泳、打球、行山、行博物館、去圖書館借書。

剛過去的全民運動日不知幾好玩，早上免費游泳，下午去了楊屋道體育館，驚會好多人，點知冇咩人。不但免費，還有一大堆禮物。節目有意思，大人細路都啱玩。巨型彈床排幾分鐘有得玩，還有親子遊戲。好過去荔園。

私人傳訊

emilylam

水晶宮

積分: 62845

85^#

發表於 16-8-8 19:03 |只看該作者

bubblegummy 發表於 16-8-8 18:57
我非常buy你老公
我會咁覺得：依家有能力就話可以咁佢哋去玩，但小朋友一慣咗，會將呢啲變成理所當然 ...

係，變左老馮

私人傳訊

bubblegummy

子爵府

積分: 14865

84^#

發表於 16-8-8 18:57 |只看該作者

回覆：教仔女係咪無謂太執著？

我非常buy你老公

我會咁覺得：依家有能力就話可以咁佢哋去玩，但小朋友一慣咗，會將呢啲變成理所當然的事。萬一touchwood有咩事上黎，經濟條件唔再容許自己咁做，佢哋會好唔慣，消化唔到呢個轉變，咁仲煩，只會覺得你哋點解要收起佢「應有」的事

以前聽過一個故仔，無記錯係一有雞食時，阿媽一定將雞脾俾個仔食，久而久之個仔就覺得雞脾係佢食嘅。有一日阿媽拎雞脾食，個仔就質問佢媽仲咩食咗佢隻雞脾？！

私人傳訊

happybebebe

用戶要求終止服務

積分: 37634

83^#

發表於 16-8-8 18:43 |只看該作者

lumijuli 發表於 16-8-8 18:36
我同仔女大約5年去一次迪迪尼。

我69同仔女就在他們還小時個個星期去海洋公園，因為免費。。。但係就每 ...

係呀，仲記得以前1個大人免費帶兩個小童入場。
以前我c6個阿爺每個星期自己入去，來來回回坐吊車，因為退休無嘢做喎。
我以前都見威威劇場好多外國小朋友由工人帶去睇，好似當係公園咁去

私人傳訊

lumijuli

子爵府

積分: 11536

82^#

發表於 16-8-8 18:36 |只看該作者

回覆樓主:

我同仔女大約5年去一次迪迪尼。

我69同仔女就在他們還小時個個星期去海洋公園，因為免費。。。但係就每次只去一兩個景點。。

老人家有的是時間。。我都無野好講。

私人傳訊

abinayams

伯爵府

積分: 15266

81^#

發表於 16-8-8 18:34 |只看該作者

品行學業上我有堅持同要求，物質上我支付到要求唔過份我覺得0k，不過不會盲目滿足佢。

私人傳訊

wan_sosin

珍珠宮

積分: 48426

80^#

發表於 16-8-8 18:26 |只看該作者

回覆樓主:

我個小朋友8歲，只去過2次迪迪，3次海水公園，坐飛機旅行就嚟緊8月尾才第一次去，我唔覺有乜問題。
但我哋經常陪佢玩，經常一齊打波游水

私人傳訊

emilylam

水晶宮

積分: 62845

79^#

發表於 16-8-8 18:07 |只看該作者

之前我也開過問旅行是否咁重要嘅post,但大部分，應該話全部jm都一致覺得一年去幾次旅行無問題，其實我想表達好似樓主老公的想法，有時去得多無錯是好開心，見得多d嘢，但問題是會否over 呢？唔係話唔去旅行，係去得太多會否令小朋友覺得係必須品一樣，唔珍惜或身在福中不知福，難怪現時年青一代好多時不懂珍惜，甚至老馮，大左無能力可能怨家人無得再給，衰d仲借人錢去旅行，因覺得旅行吃喝玩樂是必需品