自由講場 今日: 91 | 主題: 1368892

積分: 4676

1^#

發表於 16-8-18 15:04 |只看該作者 |正序瀏覽 |打印

本帖最後由 Nikkichau 於 16-8-18 15:07 編輯

我個女仲差一個月就兩歲，但仲未系識講好多野，只系識少量既疊字，而問題系我覺得佢好懶學野，我家姐個女細佢兩個月，雖然都唔系識好多，但至少佢會跟人口水尾學，所以佢識既都比我女多，當然我唔系要比較，我系擔心佢咁樣讀書面試k1時點算。。仲有佢好活躍，我覺得系過份活躍，佢唔坐得定架，鐘意走黎走去，買d益智玩具返黎教佢點擺，數數字，佢又冇心學，佢鐘意跟佢自己果套玩，我覺得佢系專注力低，最後一樣令我最頭痛，就系佢成日打人，我諗呢樣系我錯先，因為曾經我會輕輕打下佢手仔以為佢會知錯知驚，但點知佢學左我，成日打人，但奇怪既系佢只打女人，仲要系師奶老女人果d，男人我從來未見佢打過，不過佢系唔怕同人接觸，對其他小朋友佢又好主動好熱情同人玩，但我好擔心佢講野能力同情緒，成日起手打人，好多時同d長輩出黎食飯，我做呀媽唔比較姐，但其他人會，我聽到個心好難受，又怕佢咁既表現有冇學校肯收佢，黎緊點面試。

系好長篇，希望jm可以教下我應該點做，分享下你地點教仔女，尤其面對d難教既小朋友，我真系唔識教。。

0 0 0

私人傳訊

hxbbl

積分: 8522

29^#

發表於 16-8-19 11:36 |只看該作者

我個姨生女，都係唔識講野，都係單字..或多一,兩個字..仲要係好唔正.D發音(哥哥.就講成:多多) 佢宜家今年先讀BB班囉(老師叫家長，多D同講野)

打人方面，我個仔成日比我打佢手仔，不過佢又絕對唔會〝多手打人"
(呢一方面，個人，再慢慢教下佢囉)

專注力方面，之前聽老師講過，小朋友專注力得15至20分鐘左右，

你可以觀察一下，或去健康院搵姑娘跟進一下囉。

私人傳訊

joey0904

積分: 4238

28^#

發表於 16-8-19 11:10 |只看該作者

回覆 Nikkichau 的帖子

幸好我老公就唔會咁話個囝, 所以當亞囝每次做到我地啲指令, 我地會讚佢叻叻, 俾啲鼓勵, 亞囝就會好開心, 下次會做得更好, 小朋友係要讚賞多過比較。

私人傳訊

已刪除用戶

已刪除用户

積分: 225652

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

27^#

發表於 16-8-19 10:04 |只看該作者

提示: 作者被禁止或刪除內容自動屏蔽

私人傳訊

Mrs.Luckycat

公爵府

積分: 29867

26^#

發表於 16-8-19 09:03 |只看該作者

Nikkichau 發表於 16-8-18 15:04
我個女仲差一個月就兩歲，但仲未系識講好多野，只系識少量既疊字，而問題系我覺得佢好懶學野，我家姐個女細 ...

我仔而家五歲。當年，十零個月都唔係好講嘢。在健康院評估時的表現亦不理想。到佢差不多20個月, 我feel到佢好想講嘢，咁我不斷引導，用跨張嘅嘴形逐隻字吐出來，佢想要邊樣，唔可以手指指，一定要講出嚟。佢inN班時都冇太多進步㗎，然後，讀咗K1.......超多嘢講，完全唔停。
語言方面，你不用太擔心。
反而, 你提到小朋友常常打人，呢樣要嚴肅say no, 不斷向佢解釋不能用武力解決問題，唔好以為小朋友咁細唔識。

你可以更新記錄, 讓好友們知道你在做什麼...

私人傳訊

spikenard

水晶宮

積分: 74809

25^#

發表於 16-8-19 07:44 |只看該作者

回覆樓主:

你阿b打人係正常的行為，因佢未識得點講野，詞匯少，表達唔到佢想要的，人地又唔明佢需要所以好忟就心急於是就打人，上到k1會有改善的，別太擔心，每人發展快慢有別

私人傳訊

hakbb

積分: 6806

24^#

發表於 16-8-19 03:54 |只看該作者

Nikkichau 發表於 16-8-18 15:04
我個女仲差一個月就兩歲，但仲未系識講好多野，只系識少量既疊字，而問題系我覺得佢好懶學野，我家姐個女細 ...

我仔仔2歲8個月，係佢歲半至2歲半期間同你女女一樣呀，呢d就係人地講既trouble two，當時真係好頭痛，就唯有不停講不停講同不停教，慢慢會好架啦，至於講野方面每個小朋友都唔同既，到佢一講真係講到收唔到聲架，加油

私人傳訊

曈曈媽咪

積分: 5525

23^#

發表於 16-8-19 03:47 |只看該作者

Nikkichau 發表於 16-8-19 01:28
回覆 joey0904 的帖子

就系喇，你知啦佢地好興攞d小朋友黎比較，呀邊個果個又識d乜乜乜，你個女未識喎！人 ...

曾經我侄仔都係咁，作為姑姐都擔心的，不過有時轉個位諗，可能係小朋友智商高，嫌我地智商低，所以唔同我地講野,我侄仔而家就黎小一，都仲好BB,有時都溝通唔到，不過小朋友總會長大的，只係遲定早，又或者好似我講咁，佢嫌你地蠢，所以搭唔到線啫

私人傳訊

天使青蛙

積分: 4953

22^#

發表於 16-8-19 02:54 |只看該作者

我囝都係坐唔定，教佢野刻意走左去，對住唔熟既人唔敢出聲。
我都好怕無學校收。

私人傳訊

積分: 4676

21^#

發表於 16-8-19 01:45 |只看該作者

回覆魚兒小寶貝的帖子

希望佢系果d一系唔開口講，一講就講得好叻果d啦

私人傳訊

積分: 4676

20^#

發表於 16-8-19 01:41 |只看該作者

回覆謙仔媽咪的帖子

你細仔好叻仔呀

，我都想我女咁，不過讀書唔叻都唔緊要，最重要系品格，所以我咁擔心佢打人呢個行為，唔知點改。。希望大大下會有改變啦，家下就當佢仲細未識聽道理住。。

私人傳訊

積分: 4676

19^#

發表於 16-8-19 01:36 |只看該作者

回覆 lovececing 的帖子

佢一歲多d時我都帶佢上過playgroup，佢既表現系出乎我意料之外既差，唔肯坐定定，周圍走，唔俾佢就扭計仲要打老師，搞到我勁唔好意思，又覺得佢好影響其他人，我唔敢再帶佢去，不過因為黎緊要讀k1點都要佢適應，所以而家都搵緊playgroup

私人傳訊

積分: 4676

18^#

發表於 16-8-19 01:30 |只看該作者

回覆小_魚的帖子

多謝jm你既意見呀

私人傳訊

積分: 4676

17^#

發表於 16-8-19 01:28 |只看該作者

回覆 joey0904 的帖子

就系喇，你知啦佢地好興攞d小朋友黎比較，呀邊個果個又識d乜乜乜，你個女未識喎！人地個又點叻，你個又系唔識喎，仲成日打人。。講到佢好差啦。。呢d說話聽起都難受，有時仲要連我老公都加把口話自己個女好曳又呢樣唔識果個唔識，我都話過佢人地點比較都系人地既事，至少我地做父母唔應該咁，再大d好傷佢自尊心。。

私人傳訊

積分: 4676

16^#

發表於 16-8-19 01:20 |只看該作者

方方媽媽發表於 16-8-18 15:17
你囡囡好正常喎.2歲就識坐定定聽你教佢,先至有問題呀.
每個小朋友的發展唔同,多元智能有七項(你上網查查啦) ...

多謝jm你既意見

私人傳訊

魚兒小寶貝

珍珠宮

積分: 36783

2025勳章蛇年勳章 2024年龍年勳章 2018復活節勳章

15^#

發表於 16-8-18 18:14 |只看該作者

你女係正常，我見好多兩歲講野唔叻，過多幾個月就變開籠雀，你想佢講少句都唔得

. 兩歲半仲係咁就要返健康院check.

都有名你叫 trouble two , 活躍trouble 有自己主見想自己話事係好正常，安安定定聽人講果d 係少數，係天生，冇得強求。呆坐，唔郁果d 個腦可能有問題。

Bb 有拍打動作亦正常，我從來唔打個仔，恐嚇"打打"亦唔會講，所以我仔一歲後只有短暫拍打物件行為，唔會打人。你去圖書館借育兒書睇啦，各成長階段有唔同行為，亦會教你點應對，方法都係要試，睇吓啱唔啱自己同bb .

千奇絕對唔好比較，唔好心急，每人成長進度，長短處都唔同，就算唔睇書，健康院都會派書仔你參考，抽d 時間睇吓啦。

私人傳訊

lbb813520

積分: 1076

14^#

發表於 16-8-18 17:25 |只看該作者

遲講野如果唔放心可以係2歲返健康院評估時同姑娘講下睇下會唔會有轉介言語治療。打人就要即刻阻止，重覆又重覆咁話佢知咁做係唔啱唔可以。呢個歲數會開始明你嘅意思，只係佢唔識表達比你知。面試方面無得強求，到面試日執生。夾硬逼佢只會雙輸大家辛苦。親戚要比較都無辦法，你要擺上心只會令自己唔開心。我從來都唔會理3姑6婆講d乜，最緊要bb 健康愉快成長

大吉小吉總之就係阿吉

私人傳訊

wingwing515