＋
Baby Kingdom - 親子王國 香港 討論區 › 首頁 › 婆媳關係› 99喊住叫我唔好嬲佢?

婆媳關係

收藏本版
發帖
返回列表
跳至頁
99喊住叫我唔好嬲佢? [複製鏈接]

首頁
12

尾頁
   0
Cat1218


大宅

積分: 1690


1#
發表於 08-11-9 20:48 |只看該作者
話說我同99反面4個月後今日c6話去陪佢阿媽飲茶,結果當然無去啦(c6自己怕煩).
終於,今日我同c6.仔仔出左街,突然間佢阿媽打來...
99:........
c6:"媽咪,你唔舒服呀?把聲咁嘅?"
99:..........
c6:"個肚唔舒服吖,我聴日同你去睇醫生啦."
99:.......(叫我聽)
c6推個電話俾我,我搖頭擺手唔想聽,c6就再推俾我恳請+逼我聽..我地呢幾個月都無聯絡過,無啦啦唔知點咁..有咩好講啫,大家都唔啱架啦,後來我咪好唔願意咁聽左囉...
99:"阿x(叫我),你唔好嬲我啦,大家一家人呀..你地番來住啦..我都好掛住你地架..."佢仲要喊住來講,我一d都唔覺得佢可憐,反而感覺佢好pk.咁嘅事情早已發生過好多次,次次反去後不出一個月又重複傷害我,屈我,我真係好q憎佢..我唔知佢想玩咩..扮曬可憐咁,搏到佢個仔同情,但呃唔到我囉,個c6好似中曬魔x咁.竟然一喊即刻逼我聽個衰人電話..我當時咪應付下佢地囉,同佢講左陣
但我好嬲c6,唔係話咁嘅情況就即刻要我聽唔理我願唔願意,總唔可以話我去左toilet,一陣先打俾佢嘅,我真係好嬲..
早知道d c6係咁架喇,衰心軟,到時又歷史重演囉...
姊妹們有咩意見呀,去到咁嘅地步係咪即係話我唔可以唔去見佢啦?
私人傳訊

Cat1218


大宅

積分: 1690


29#
發表於 08-11-10 21:28 |只看該作者
始終係自己亞ma.cry住甘打黎為人子女當然吾會無動於終.你都吾希望你仔仔甘對你掛.你都體諒一下c6好d.我唸你c6經己覺得你同99鬧我同你搬出黎.經己表明心跡仲聽你話吾為你着想ｏ既說話先覺得好angry....係lee part黎講你 ... [/quote]<br />


{樓主又生左個仔.係一張皇牌.受左氣咪罰佢停牌無得玩b}
你真係好得意,好好笑,但呢樣我又好容易做到,又唔洗我扮野,正!!good point..哈哈..哈哈...
私人傳訊

Cat1218


大宅

積分: 1690


28#
發表於 08-11-10 21:22 |只看該作者
To wmpl<br />
嘩,你好勁呀!!只係透過我d文你已經睇到我99係鍾意鑽牛角尖,佢真係咁架!佢真係好白痴囉,以前仲鬼咁把炮,喝我呢样果样,真係好笑,我都話過睇佢喝得我幾耐,最尾我頂唔順搬左,佢點都估唔到佢個仔都會走埋,而家悶喇寂寞喇,先來扮死狗,呢d人係咪抵死吖...
私人傳訊

ballchi


洋房

積分: 415


27#
發表於 08-11-10 19:42 |只看該作者
始終係自己亞ma.cry住甘打黎為人子女當然吾會無動於終.你都吾希望你仔仔甘對你掛.你都體諒一下c6好d.我唸你c6經己覺得你同99鬧我同你搬出黎.經己表明心跡仲聽你話吾為你着想ｏ既說話先覺得好angry....係lee part黎講你真係有吾着既地方.(希望你吾好angry).
but你99都開攞你黎緊都有好多出重頭劇等你.你自己要小心處理.始終佢覺得你搶左佢個心肝 時間可以將恨意減退.
相見好同住難.保持住而家各有各一頭家得閒飲下茶.關係会更勝從前.再者.吾係一齊住有時受小小氣隔一排就冇事.如果一齊住只會大家都吾會有好面色.無謂law.(樓主又生左個仔.係一張皇牌.受左氣咪罰佢停牌無得玩b. )

私人傳訊

wmpl


大宅

積分: 3000


26#
發表於 08-11-10 19:03 |只看該作者
原文章由 tantanmama 於 08-11-10 17:24 發表


你一定係一個好率直嘅女仔, 咩都同老公講返, 你99又咁識扮嘢博同情, 所以你咪蝕章俾你99囉. 唔講都講咗, 今次俾你99攞晒分添. 算啦, 我地睇長線嘅, 要奪得最後勝利就要捉緊老公個心. 你照扮大方, 話唔想99唔開心, ...

好多時直率嘅人就係偏偏會同扭擰嘅人喺埋一齊,有時咪阿Q啲諗,當係上天俾個同自己完全唔同嘅人喺身邊,train吓自己嘅EQ囉~~

樓主,事到如今,唔講都講咗,就唯有喺哩個處境之中,尋求一個最好嘅處理辦法,凡事都睇兩面,或者而家好唔開心,但過後嚟睇,唔係有哩啲人同事發生,自己又好難真正認識自己嘅優缺點,同真正識得人情世故而懂得點去各種處理人際關係!!

你99唔夠你醒,鍾意自己鑽牛角尖,冇嘢揾嘢嚟煩,你可以嘗試抽身,用一個好客觀嘅態度嚟睇佢,就知佢係幾咁自己揾自己笨呢?!
私人傳訊

Cat1218


大宅

積分: 1690


25#
發表於 08-11-10 17:43 |只看該作者
原文章由 <i>tantanmama</i> 於 08-11-10 17:24 發表

<br />
你一定係一個好率直嘅女仔, 咩都同老公講返, 你99又咁識扮嘢博同情, 所以你咪蝕章俾你99囉. 唔講都講咗, 今次俾你99攞晒分添. 算啦, 我地睇長線嘅, 要奪得最後勝利就要捉緊老公個心. 你照扮大方, 話唔想99唔開心,  ...
<br />
可能係啦,我c6都係架,仲直過我架>.<
我都話會去.不過就唔上屋企,只限於飲茶,我感覺舒服咪上囉,哎,我唔接觸佢都係知道自己會心軟,原諒個衰人,因為我好易會笑,但我又唔甘心自己俾佢欺負,我想保護自己,咁易原諒佢就對自己唔住...
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


24#
發表於 08-11-10 17:24 |只看該作者
原文章由 Cat1218 於 08-11-10 17:11 發表

死啦,我講左吖.我真係蠢,咁點算?


你一定係一個好率直嘅女仔, 咩都同老公講返, 你99又咁識扮嘢博同情, 所以你咪蝕章俾你99囉. 唔講都講咗, 今次俾你99攞晒分添. 算啦, 我地睇長線嘅, 要奪得最後勝利就要捉緊老公個心. 你照扮大方, 話唔想99唔開心, 雖然你明知大家相處唔到, 但都唔想老公做夾心人咁慘, 所以你會陪老公見下99. 只要扮下體諒老公, 佢又會心軟加番你分架喇. 總之兩公婆以和為貴, 唔洗下下撐到盡, 你氹下佢佢又會就下你. 真係唔值得為咗99傷害同老公嘅感情架.
私人傳訊

Cat1218


大宅

積分: 1690


23#
發表於 08-11-10 17:11 |只看該作者
原文章由 <i>tantanmama</i> 於 08-11-10 16:57 發表
其實你99喺電話度同你講嘅嘢, 你老公應該唔知架. 佢都係同你老公講話個肚唔舒服啫, 你咪問候下佢收線, 唔洗同你老公講返99哭住同你道歉架. 總之無論99講咩, 只要你老公聽唔到嘅, 你都當佢冇講過, 反正佢都係扮嘢嘅啫 ...
<br />
死啦,我講左吖.我真係蠢,咁點算?
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


22#
發表於 08-11-10 16:57 |只看該作者
其實你99喺電話度同你講嘅嘢, 你老公應該唔知架. 佢都係同你老公講話個肚唔舒服啫, 你咪問候下佢收線, 唔洗同你老公講返99哭住同你道歉架. 總之無論99講咩, 只要你老公聽唔到嘅, 你都當佢冇講過, 反正佢都係扮嘢嘅啫.
同埋, 唔好因為99而同老公嘈喇, 果個始終係佢亞媽, 佢唔可以唔理嘅. 相嗌唔好口.你咪(扮)大方d, 久唔久陪老公同99飲次茶囉. 自己做咗新抱嘅本份就算喇.
私人傳訊

leopak


侯爵府

積分: 22685


21#
發表於 08-11-10 15:59 |只看該作者
係呀, 我老公最驚佢阿媽"哭"同"唔開心"嫁, 跟住就同我講就下佢喎, 原來個個男人都係咁既.
私人傳訊

2on


別墅

積分: 746


20#
發表於 08-11-10 15:45 |只看該作者
咁佢都開到口....
你唔返去又好唔大方...你c6好難做...
返去la...以後萬事小心d la...
私人傳訊

iampaulineko


男爵府

積分: 5822


19#
發表於 08-11-10 14:51 |只看該作者
千萬唔好反去住, 好煩同d老人家一起住, 有需要的話, 埋得閑反去探下佢就算..本身關係已經差, 如果再反去住, 一有咩小小事, 佢又會吵到 你暈..個個仔對住自己的媽都會心軟..但你就千萬唔好心軟..

我c6有時叫我搬近d佢屋企人住, 我都唔想, 因為我相信佢d屋企人一定會成日上來. 到時會好煩

我咪同佢講, 點解要搬近你屋企唔搬近我媽咪果邊?你想同你屋企人住近d, 我都想同我屋企人住近d, 咁你又點睇? 果下, 佢就會唔聲出..哈..
私人傳訊

Cat1218


大宅

積分: 1690


18#
發表於 08-11-10 14:03 |只看該作者
原文章由 <i>wmpl</i> 於 08-11-10 04:51 發表 <a
唓,我就唔信你99係真眼淚囉....,你話我偏見都係咁話,因為哩啲一,哭二鬧,三上吊嘅寃屈戲,我C6阿媽都喺我面前表演過唔知幾多次~~<img src="images/smilies/bb16.gif" smilieid="74" border="0" alt="" /> <br />
<br />
初初我都真係會信架,又試過明知佢扮嘢都心軟算數,不過當自己領過好多次嘢之後 ...
<br />
我而家都想睇下佢點哭點鬧幾時上吊,面我會俾c6,同佢去飲茶,客客氣氣囉,唔出太多聲,相處時間太耐就不必要了.
唔去,c6肯定覺得我點解唔原諒佢阿媽,咁小器.學d姊妹話戲要交...但我唔會俾佢得逞嘅,睇佢鬧得我咁過引嗱!!
私人傳訊

Cat1218


大宅

積分: 1690


17#
發表於 08-11-10 13:53 |只看該作者
原文章由 <i>OneOneMa</i> 於 08-11-10 13:35 發表
樓主, 下次c6再迫你聽你惡頂99電話, 你照聽, 只要一聽到佢喊, 你就即刻話 "99, 你而家咁嘅情緒會好辛苦, 咩都唔好講住勒, 你去飲杯水靜吓先啦, 遲吓先再講啦, 拜拜" 然後收佢線... <br />
轉頭電話再響, 你聽到 c6 話 "亞 ...
<br />

哈哈...你個idea 都幾得意..可以一試..不過要訓練下先,太搞笑我怕自己笑左出來先..
私人傳訊

OneOneMa


大宅

積分: 1038


16#
發表於 08-11-10 13:35 |只看該作者
樓主, 下次c6再迫你聽你惡頂99電話, 你照聽, 只要一聽到佢喊, 你就即刻話 "99, 你而家咁嘅情緒會好辛苦, 咩都唔好講住勒, 你去飲杯水靜吓先啦, 遲吓先再講啦, 拜拜" 然後收佢線...
轉頭電話再響, 你聽到 c6 話 "亞媽", 你就即閃去廁所(帶埋雜誌), 冇半個鐘至九個字都唔好出黎呀, 我唔信痾屎都要迫你聽住電話囉...
下次咁唔好彩聽咗佢電話就話 "99, 唔講住, 我個肚好痛, 要去痾, 你有咩同亞x(你c6)講啦", 跟手就俾返個電話你 c6...
仲要呢, 去到咁上下叫出黎 "老公, 可唔可以攞支油俾我呀"... hehee...
如果 c6 問你點解次次都要去廁所, 你咪話你都問過中醫/西醫咩理由, 佢地不約而同話呢D係壓力... 精神病一種... 你都開始好怕電話響... 一響你就急, 其他人打黎好地地, 一聽到係99就急同埋超肚痛, 但係又未必痾得出 (hehee... 如果扮野冇味佢都唔會諗你作古仔嘛)
私人傳訊

Cat1218


大宅

積分: 1690


15#
發表於 08-11-10 13:13 |只看該作者
原文章由 <i>晞玥</i> 於 08-11-10 11:56 發表 <a
擺明做戲啦~扮晒蟹,佢都係做黎俾佢個仔你老公睇咋!等佢個仔知道佢老母有幾可憐,等個仔知道個老婆有幾衰,要個99喊住口咁求個新抱唔好嬲佢!
<br />
係喎,佢本身兩個女都無生孫仔俾佢玩,我生左第一個男孫,仲以為佢會好錫我...點知唔好話錫啦,唔趕我走已經叫多謝啦...
私人傳訊

lypoon


水晶宮

積分: 60273

2018復活節勳章 hashtag影視迷勳章 好媽媽勳章 畀面勳章 環保接龍勳章


14#
發表於 08-11-10 12:50 |只看該作者
原文章由 Cat1218 於 08-11-9 23:05 發表

就係試過幾次我先驚,住就絕對無可能,最多飲下茶..

小心為上!
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


13#
發表於 08-11-10 11:56 |只看該作者
擺明做戲啦~扮晒蟹,佢都係做黎俾佢個仔你老公睇咋!等佢個仔知道佢老母有幾可憐,等個仔知道個老婆有幾衰,要個99喊住口咁求個新抱唔好嬲佢!
私人傳訊

carly.c


子爵府

積分: 14675


12#
發表於 08-11-10 09:40 |只看該作者
樓主, 男人係咁既啦, 收到自己亞媽喊就好似中邪咁,..

不過我都覺得唔好搬返去啦, 而家開心, 關係又好左既話, 就唔好變啦~~如果真係同99相處到既, 當初就唔會搬出來幾次啦~~
私人傳訊

Cat1218


大宅

積分: 1690


11#
發表於 08-11-10 09:25 |只看該作者
直到尋晚夜深,我問c6:"點解今日你要逼我聽電話,唔聽下我意見先,我唔鍾意你都要我聽?"
c6:"無逼你,如果收左綫你就唔會再打去架啦,果個情況佢又唔舒服.."
我:"咁即係逼啦!你有無理我感受吖?"
c6:"我平時點對你吖?你同我計?我真係好嬲囉!其實你知唔知自己好幸福喇"
我:"我當然知啦,呢d幸福係我自己爭取番來架..."當時我已經想喊..唔想再講野..
d男人原來都係差唔多嘅,我平時自問都對佢唔差..哎..唔識講..佢竟然同我講"我平時點對你吖?"俾我感覺懷疑佢平時係咪扮出來嘅????
哎..真係惡夢!!!
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy