夫婦情感 今日: 0 | 主題: 42807

積分: 103

1^#

發表於 16-9-27 01:30 |只看該作者 |正序瀏覽 |打印

上bk已經10年，由拍拖到結婚到生仔，估唔到今日要開新acc留言

以前唔信男人可靠可信，直到遇到呢個老公，佢好似完全癲覆我一直ge感覺，覺得呢個人可愛可靠可信，100%信任，從無懷疑
結婚5年，仔仔3歲，由結婚開始完全相信佢
直到今年年頭，竟然無意中見到佢個wechat，個天真係壓左落黎，心痛到透唔到氣，我一個個msg睇，睇左足足1個鐘，除左喊，無野做到，仔企係隔離，叫我唔好喊

佢知道後，當然係後悔，懺悔，發誓唔會再有下次，話會努力做個好老公好爸爸，經過一段短時間，我希望自己可以原諒佢，我無同任何朋友屋企人提過，所有人仲係會讚呢個老公幾好幾好，每次我都心如刀割，我好想係事實

而家已經過左半年有多，我覺得我好想原諒，但又做唔到真係原諒，半夜會喊，聽到人讚佢會想喊，諗起佢做過ge又喊，會對佢發脾氣，雖然佢會忍我，但可以忍幾耐？我到底有無可能放低？到底應該點做？有無人真係可以原諒對方？可以走落去？

0 0 0

私人傳訊

conbella

大宅

積分: 2835

96^#

發表於 16-10-6 14:04 |只看該作者

引用：Quote:heiheikwok+發表於+16-9-27+02:15+知

原帖由 ppyyz 於 16-09-27 發表
我同佢一直無咩特別，我對佢好好，佢對我都好，真唔明點解竟然佢可以背叛我而我完全唔知

俾機會我有俾佢 ...

男人好多時都係用下體諗嘢，幾多歲都覺得自己仍然好有魅力，加上又唔識珍惜，唔好喊，對自己好d, 為著甘乖又生性嘅囝囝，比一次機會佢，小朋友單親家庭長大冇甘好

私人傳訊

積分: 103

95^#

發表於 16-10-6 12:07 |只看該作者

eelenomis 發表於 16-10-5 00:00
加油努力！明天會更好，情緒到咪再上來呻下。啲負面post 就唔好睇咁多喇

...

呢排個人舒服左，今日聽到首歌，係度分享下

紙牌屋李克勤

殘忍的人生中渴望有情人與共
可記得找到他你曾如何地放鬆
如今的危機中要是綿羊學懂珍惜那牧童
總能包容他掀起那份痛

從前你倆為甚麼執手起誓
難捱的關口請你記住原委
努力保衛

同林鳥要是害怕半路墜毀
不只要分享所有美麗
愛美在一起賭上一切
難道回望這半生修到默契忍心作廢

揚起的塵土中要是兩人緣已盡
天塌的一秒鐘你們為何在抱擁
迷失中尋初衷歲月無情或者增加了裂縫
山窮水窮沖不走那份勇

從前你倆為甚麼執手起誓
難捱的關口請你記住原委
努力保衛

年年歲歲慢慢砌縱是盡毀
可想過紙牌屋裡你自願留低
原地裡再砌

從前你倆為甚麼執手起誓
難捱的關口請你記住原委
努力保衛

人人已放下伴侶再換下位
統統也親手打破約櫃
你看著有沒突然慚愧
然後回望到這半生修到默契
不忍作廢

私人傳訊

積分: 6783

94^#

發表於 16-10-5 00:00 |只看該作者

引用：Quote:eelenomis 發表於 16-10-1 07:24 我

原帖由 ppyyz 於 16-10-04 發表
忍左好耐，終於上黎呻，呻完其實真係有用，至少呢牌我對佢態度好左，對佢少左d懷疑，希望一路可以改變我地 ...

加油努力！明天會更好，情緒到咪再上來呻下。啲負面post 就唔好睇咁多喇

私人傳訊

積分: 103

93^#

發表於 16-10-4 22:02 |只看該作者

eelenomis 發表於 16-10-1 07:24
我前夫仲過份嘅都有呀，講幾日幾夜都講唔完~
其實你c6都算肯改，就讓時間沖淡，比傷口癒合。
加油！有唔開 ...

忍左好耐，終於上黎呻，呻完其實真係有用，至少呢牌我對佢態度好左，對佢少左d懷疑，希望一路可以改變我地關係，我心底裡的確仲好想有將來

私人傳訊

queeniesuen

積分: 5121

92^#

發表於 16-10-2 02:52 |只看該作者

ppyyz 發表於 16-9-27 01:30
上bk已經10年，由拍拖到結婚到生仔，估唔到今日要開新acc留言

以前唔信男人可靠可信，直到遇到呢個老公， ...

咁又要睇下佢做左啲乜，如果有搞過野既話就一定原諒唔到架啦。但只係搞下曖昧無肉體上既接觸既話都可以原諒既。我係咁介定。

私人傳訊

worthy

珍珠宮

積分: 46038

馬年勳章

91^#

發表於 16-10-1 10:57 |只看該作者

http://www.baby-kingdom.com/foru ... ad&tid=18241068
http://www.baby-kingdom.com/foru ... ad&tid=18603023

樓主我只能十分十分同情你, 明白你嘅痛. 事發後到依家無論我點問C6死都唔肯講佢地重有無再聯絡. 於是佢一出咗去 (返工或者玩), 一見佢攞住手機, 我又諗好多嘢. 心又狂跳. 好辛苦架.

不過你都好, 依度所有JM都同情你. 點都好過我, 呻完之後得到 "癲婆"呢個title.

真係同人唔同命. 點都好, 我自身難保所以無嘢可以教你. 我其實有D唔明點解好多人會勸人, 你個C6有女人, 你就去揾工做啦! 一係就叫你去旅行, 做運動, 睇電視, 聽歌, 揾興趣. 一個人傷心欲絕, 真係有心情做呢D. 我只能希望你可以過到呢關, 我唔會係唔係就叫你分開. 唔到最後一刻無人想個結局係咁.

你要加油呀!

HOPE EVERYDAY IS A GOOD DAY

私人傳訊

積分: 6783

90^#

發表於 16-10-1 07:24 |只看該作者

回覆：好想問有無過來人可以教我？(長篇)

我前夫仲過份嘅都有呀，講幾日幾夜都講唔完~
其實你c6都算肯改，就讓時間沖淡，比傷口癒合。
加油！有唔開心就上嚟呻喇~

私人傳訊

積分: 103

89^#

發表於 16-10-1 00:40 |只看該作者

starrynight89 發表於 16-9-30 19:58
FTM生活上依靠他, 也要為自己著想(以防他會變), 增加安全感. 你唔同人講是保護了他名聲, 希望他懂珍惜, 否 ...

係，我保留佢名聲，為佢為仔為自己，真係希望佢可以珍惜呢一次機會

私人傳訊

starrynight89

積分: 231

88^#

發表於 16-9-30 19:58 |只看該作者

FTM生活上依靠他, 也要為自己著想(以防他會變), 增加安全感. 你唔同人講是保護了他名聲, 希望他懂珍惜, 否則便要與親人說.

私人傳訊

積分: 103

87^#

發表於 16-9-30 19:45 |只看該作者

sherielee 發表於 16-9-30 01:40
我老公係未結婚前偷食,我個心都痛到唔識形容,兩星期後佢話唔可以再同我一齊,之後我寫咗封信比佢,希望佢幸福 ...

你好勁，可以做到不提不問，我諗你老公感受到，態度改變命運我信，我都想自己唔再嘈，好想平靜落黎，但我做唔到你話唔再怕佢傷害你，因為我真係好怕

私人傳訊

積分: 103

86^#

發表於 16-9-30 19:39 |只看該作者

babyhi 發表於 16-9-29 10:15
你要明白發生左就係發生左，如果佢地開始左未必可以即時停止，傷痕永遠磨滅唔到，間唔中就會痛一痛，只要 ...

我今日聽到首歌，聽到喊
塞車謝霆鋒

未看到如何前去　但已知無從回去
　這種錯戀多愛一天　再一天　我今天　竟仍然留在裡面

＃我　原來無路可退　停留在重災區　著了急　仍呆坐這裡
　這關係像架車困於擠塞的市區
　無言同路的一對　看著殘酷的世界　還能做做愛侶　還是要忍下去

私人傳訊

積分: 103

85^#

發表於 16-9-30 19:38 |只看該作者

eelenomis 發表於 16-9-30 08:26
樓主，其實去或留真係要睇你c6值唔值得。
大部分男人被揭發後，因為唔想被人罵係賤男，怕要同高堂，朋友交 ...

你老公咁做太過份，小三更不知所謂，真係每次聽到d小三野都特別嬲，同為女人，點解要做到咁，痴線

私人傳訊

積分: 103

84^#

發表於 16-9-30 19:34 |只看該作者

babyhi 發表於 16-9-30 13:13
個心點止分開兩邊，諗起就喊，唔想講野，唔想見人，不停聽歌，越聽越喊，不停問自己點解。佢揸住部手機你會 ...

你講得好中，係佢做乜，我都會諗好多野，而家過左半年有多，好似的確比起之前諗少左，好想時間過得快d呀

私人傳訊

babyhi

大宅

積分: 4842

好媽媽勳章

83^#

發表於 16-9-30 13:13 |只看該作者

ppyyz 發表於 16-9-29 22:43
我都盡量唔抗拒佢，想返去以前，個懷疑始終係個心度釋懷唔到，好怕，但個理性又話我知我唔可以成日舊事重 ...

個心點止分開兩邊，諗起就喊，唔想講野，唔想見人，不停聽歌，越聽越喊，不停問自己點解。佢揸住部手機你會諗佢係咪同緊第二個聯絡緊，佢唔出聲時你又會諗佢係咪掛住對方，佢雖然放工返左黎但會唔會今日放假冇返工? 總之個腦不受控制不停諗，果段時間唔易過。
我好辛苦先行出左第一步，時間會帶住我地行出尼個傷痛，今日你痛係因為你冇諗過身邊人背叛你，太突如其來既事令你手足無措，冇辦法鬼叫自己仲愛佢咩，情緒好壞會被佢牽住走，盡量投入愛佢忘記過去，人人都話生仔十級痛我地都面對到，話俾自己知冇野難到我地，jm加油。

私人傳訊

積分: 6783

82^#

發表於 16-9-30 08:26 |只看該作者

回覆：好想問有無過來人可以教我？(長篇)

樓主，其實去或留真係要睇你c6值唔值得。
大部分男人被揭發後，因為唔想被人罵係賤男，怕要同高堂，朋友交待，一定保住個家先再諗點處理的。
睇你c6 表現都可以試下原諒佢，等日子沖淡吧。
而我最終選擇離婚，因為由發現至揭發，佢唔認到逐少認，即係根本唔認錯，再到唔顧家，打仔，經常外岀，越來越嚴重，一切一切都令我覺得無得救，即使佢仍堅持唔認，問題已經不在於佢係咪有小三了。結果三年後我一搬走，小三進駐，大話不攻而破。
到依家，雖然已經走咗兩年，我亦有男友，但係想起都會覺得唔開心。
所以，其實原唔原諒，同想起會痛，唔開心，係分開的。就好似小朋友跌倒好傷，即使傷口好番，佢只要諗起嗰一次的受傷，都會有痛的感覺，但唔代表佢要收埋自己唔岀街，係咪？小心啲咪得囉~

私人傳訊