吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 為左2件蛋糕...

婆媳關係今日: 0|主題: 27783

收藏本版

發帖

返回列表

跳至頁

查看: 3879 | 回覆: 28

為左2件蛋糕... [複製鏈接]

小寶貝兒

珍珠宮

積分: 30295

1^#

發表於 08-11-19 12:06 |只看該作者 |正序瀏覽 |打印

上星期日, 我同老公去完街, 諗住買d蛋糕比6299食, 氹下佢地開心, 於是就去左美心買2個小蛋糕啦~

去到99度, 99行開左, 得62係度, 一開門, 我話買左d蛋糕比佢地, 跟住62就好惡好大聲咁鬧 "又買蛋糕?! 叫左你地唔好買架啦, 買完又食唔晒, 放係屋企, be le ba li~~"

我當場被佢嚇到退左2步, 仲呆左, 驚到想喊!!

第一, 佢從來都冇同我地2個講話唔好買蛋糕, 有講的話, 我地都唔會咁白痴買及送比佢地啦!!

第二, 洗唔洗咁惡呀, 好似我做左d咩十惡不赦既野咁!

我老公聽到都呆一呆, 平時佢老豆好少咁樣同佢講野的! 佢話:"唔要就算啦!" 62仍然繼續講!

之後岩岩好99返到黎, 我地就同佢講買左d蛋糕, 99好欣然咁收左!! 唔知62係費事理我地, 定係覺得佢話唔要, 但99就收左, 佢好冇面之類, 轉個頭就唔見左啦!

我返到屋企, 仍然驚到呆呆濟濟咁, d眼淚真係流緊出黎!

成件事好似好小事, 但卻令我覺得不好過, 想同老公傾, 但又覺得好似咁小事都黎煩佢, 驚佢會覺得我小氣, 咁小事都嬲或驚, 但唔同佢講, 又唔知點咁.... 所以就上網同大家呻啦~~

同埋想請教大家, 如果下次有同樣情況, 我應該點樣同老公講出我的感受呢?
我唔係想佢鬧返佢老豆, 只係想佢安慰返我, 等我好過d姐.... 但就唔知點開口囉~~

0 0 0

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

chinghomama

子爵府

積分: 10020

29^#

發表於 08-12-30 16:35 |只看該作者

小宝貝, 好小事姐, 其實5須要唸咩解決辦法, 我唸與其要唸你點同老公講你既感受, 或希望老公點样support你, 不如你放開懷抱啦.....
5好介意我講一句, 其實同你識咁耐, 覺得你有时真係唸得太多, 或者可能我都低估左當时你62既反應帶比你既傷害有幾大, 但我覺得, 最折衷既辦法係, 你嘗試睇開啲, 5好咩都咁上心, 咁样你自己都會開心啲.....
而且, 老人家既野, 总會脾氣有啲特別.....
能夠就到既咪就下囉, 真係5得既, 都5好成日放上心.....
我近排成日唸, 其實係做左人亞媽先識唸.....
雖然我老豆又係食古不化, 因為我當年結婚既事, 咁到好大鑊, 我曾經因為咁, 同我老豆真係有好幾年都無來往, 直至我個仔出世, 佢好主動嚟e院探我, 而我亦放下怨恨, 主動帶個孫去見佢.....
而我99, 我总係覺得, 由我同老公拍拖到結婚, 佢都5鈡意我, 以前我好介意, 但而家, 雖然我未必可以做到成日返去陪佢食飯飲茶, 但至小佢單打我時, 我會笑笑口笑下就算, 5會放上心囉.....
但我會成日提住自己, 我自己都係人地亞媽, 如果將來我個仔個老婆又係咁对我, 我個仔再錫我呢個亞媽又點呢, 佢只會夾係中間好難做.....
所以我好5明, 成日有啲mami出topic, 數臭自己99....

我明白呢個世界咩人都有, 但就係因為個個都覺得自己係好人, 99係衰人, 所以咪搞到啲關係咁差囉.....
點解5可以學下, 用另一個角度同身份, 去唸下睇下, 將來你係人地99時, 你又會點.....
當你轉一個角度睇時, 你可能就5會咁憎/討厭自己既62,99了.....

[ 本文章最後由 chinghomama 於 08-12-30 16:40 編輯 ]

私人傳訊

beepaul2007

大宅

積分: 2298

28^#

發表於 08-12-30 16:15 |只看該作者

係呀,你下次咩都唔駛買比佢,我以前都係,次次去99到,就買生果,
佢成日話食唔哂,又讓尼讓去,又叫佢家姐拿返屋企,家姐又話唔要,
攪到我個d好似炸藥咁,推尼推去,有幾次仲要我自己拿返屋企添呀,
自始之後,我好反感,呢幾年我都無買過啦(做節都無買),死未!

私人傳訊

女王大人

大宅

積分: 2657

27^#

發表於 08-11-25 16:15 |只看該作者

原文章由 小寶貝兒 於 08-11-19 12:06 發表
上星期日, 我同老公去完街, 諗住買d蛋糕比6299食, 氹下佢地開心, 於是就去左美心買2個小蛋糕啦~

去到99度, 99行開左, 得62係度, 一開門, 我話買左d蛋糕比佢地, 跟住62就好惡好大聲咁鬧 "又買蛋糕?! 叫左你地唔好買 ...

扮明事理咁安慰你老公

, 你老公一定會呻..咁你條氣咪可以順返囉

我成日用呢招架

我C6就會自自然然係度數99點樣點樣對佢唔好...仲會同我道歉話要我受委屈...我就扮晒大方

[ 本文章最後由女王大人於 08-11-25 16:18 編輯 ]

私人傳訊

junetam

男爵府

積分: 6184

2025勳章蛇年勳章

26^#

發表於 08-11-25 16:05 |只看該作者

原文章由 muiskyie 於 08-11-24 22:32 發表

睇o黎你９９幾要面。

呢個世界有ｄ人，你誠意、真心對佢地好，佢地只會當你係隻狗：虛偽、造作、扮野、「假」！

有時一個人睇唔起對方（行徑）時，都會出現呢類反應咖～ ...

你講得啱，佢真係好要面嫁~~有時佢拜神無端端都可以講啲粗口又話拜神好x巴閉嚟鬧啲神咁嫁~~我都唔知佢要鬧又要拜嚟做乜

頭嗰兩次我都冇理佢，之前新年年初一晨咁早又係咁講啲不吉的說話，咁我咪話︰99唔好咁講啦~~跟住佢吱吱噚噚咗幾句，之後無端端大聲咁講︰有乜好禁呀~~我初頭都不明佢做乜，後知後覺，令我勁反感呀~~新年流流又拜緊神都咁講，佢都痴嫁~~
佢真係未必鐘意我嫁，第一我不是佢搵朋友介紹嗰啲女仔比佢個仔，佢嗰啲思相勁似N年前嗰啲媒妁之言，怕拖冇耐就問我哋結婚...

又話拎個八字去夾(我勁唔想..但最後都..)，夾都未夾又話我克住佢，最後我C6攞住去夾，個神婆話好夾..佢冇出聲..:;pppp: 若果當初知道個C6咁鬼錫佢阿媽直情當佢係老婆咁，當時即刻分手添

私人傳訊

muiskyie

男爵府

積分: 5667

25^#

發表於 08-11-24 22:32 |只看該作者

原文章由 junetam 於 24 11 2008 09:37 發表
我都好明白你..
我有時咪又係買啲嘢比99食，話佢知買咗啲嘢比佢食，佢連笑都唔笑下，只會用一盤凍水嚟淋你佢話︰唔洗買依啲嘢比我，你哋拎番屋企食啦~~有次佢生日買啲壽包比佢，佢都可以話我哋做緊啲多餘嘢~~跟住話留番比叔仔食...等到真係冇人食或者發霉人哋話要掉佢先攞嚟食...
所以現在我都費時買嘢嚟氹佢~~

睇o黎你９９幾要面。

呢個世界有ｄ人，你誠意、真心對佢地好，佢地只會當你係隻狗：虛偽、造作、扮野、「假」！

有時一個人睇唔起對方（行徑）時，都會出現呢類反應咖～

私人傳訊

junetam

男爵府

積分: 6184

2025勳章蛇年勳章

24^#

發表於 08-11-24 09:37 |只看該作者

我都好明白你..

我有時咪又係買啲嘢比99食，話佢知買咗啲嘢比佢食，佢連笑都唔笑下，只會用一盤凍水嚟淋你

佢話︰唔洗買依啲嘢比我，你哋拎番屋企食啦~~有次佢生日買啲壽包比佢，佢都可以話我哋做緊啲多餘嘢~~跟住話留番比叔仔食...等到真係冇人食或者發霉人哋話要掉佢先攞嚟食...

所以現在我都費時買嘢嚟氹佢~~

私人傳訊

muiskyie

男爵府

積分: 5667

23^#

發表於 08-11-23 23:06 |只看該作者

原文章由 Cat1218 於 23 11 2008 02:15 發表
講下自己感受..老公無回應都唔緊要,唔好逼佢俾咩反應你,你唔開心佢其實知嘅,男人會記係心度,始終有日佢會為保護你作出行動架

It's real~

私人傳訊

mkt

大宅

積分: 1535

22^#

發表於 08-11-23 05:56 |只看該作者

係呀~
小寶貝兒，你老公咁錫你，見到你無端端畀人鬧，一定都唔開心，但果個係佢老豆，又唔係好大件事，所以佢無出聲啫。如果你覺得唔開心，點解唔畀老公知呢？我相信佢一定明白你的心情。
你又唔係要投訴啲咩，你要老公錫返你之嘛，我相信佢非常樂意咁做囉，乖乖，唔好喊

原文章由 Cat1218 於 08-11-23 02:15 發表

直接同老公講,因為當時你老公都呆左.證明你老公都唔喜歡你62d行為,所以佢應該唔會接受唔到你講出自己意見,不過今次過左就算了....有下次,你就事後返到屋企,瞓覺前捉住老公隻手,聲綫要委屈d講出來...講下自己感受.. ...

私人傳訊

Cat1218

大宅

積分: 1690

21^#

發表於 08-11-23 02:15 |只看該作者

原文章由 小寶貝兒 於 08-11-19 12:06 發表
上星期日, 我同老公去完街, 諗住買d蛋糕比6299食, 氹下佢地開心, 於是就去左美心買2個小蛋糕啦~

去到99度, 99行開左, 得62係度, 一開門, 我話買左d蛋糕比佢地, 跟住62就好惡好大聲咁鬧 "又買蛋糕?! 叫左你地唔好買 ...

直接同老公講,因為當時你老公都呆左.證明你老公都唔喜歡你62d行為,所以佢應該唔會接受唔到你講出自己意見,不過今次過左就算了....有下次,你就事後返到屋企,瞓覺前捉住老公隻手,聲綫要委屈d講出來...講下自己感受..老公無回應都唔緊要,唔好逼佢俾咩反應你,你唔開心佢其實知嘅,男人會記係心度,始終有日佢會為保護你作出行動架

私人傳訊

muiskyie

男爵府

積分: 5667

20^#

發表於 08-11-23 00:27 |只看該作者

原文章由 小寶貝兒 於 19 11 2008 22:40 發表
唔係6299唔鐘意食, 係d栗子係係我婆婆屋企樓下買, 99實會問我地係邊度買, 如果照直講, 佢知我地(最主要係佢個仔)去我婆婆度, 99會唔like, 又嘈一餐架啦! (所有衰99, 惡99都恨不得新抱同娘家斷絕關係架啦!)
如果求其講話附近, 到佢自己去買買唔返咁

唔一定淨係個９９想個仔、媳＆孫同親家斷絕來往咖～
有ｄ人好惡，「只准州官賴屎，不准平民放屁」咖～

樓上有個提議好好：想表示關心，除物質之外，可以行動之前先關心下對方，順道一探口風，一舉兩得～

我６２９９好有修養、e.q.好好，即使出現意見分歧都唔會發生呢種衝突／殃及池魚。

其實我都「乃」過野～～送得貴，以為我用o左佢個仔好多＄＄；節儉ｄ，又覺得你送梗ｄcheap野俾佢。勁無奈！:;pppp:
我老公教我：先問９９鍾意／想收到ｄ乜（類型物件），若果係自己能力範圍以外，就要清楚俾正面訊息對方（你財力有限），建議調整「心頭好」（想頭）。

私人傳訊

冬前

大宅

積分: 1193

19^#

發表於 08-11-22 21:34 |只看該作者

可憐

私人傳訊

hk430

男爵府

積分: 7289

18^#

發表於 08-11-22 16:08 |只看該作者

傻豬黎既.. 個下點解又要忍唔住喊出黎呢?!
如果你個下就即刻喊出黎
即使你轉頭就走左去,
你c6都唔會覺得你唔岩
因為你無做錯事, 但俾人咁惡鬧你,
你喊,你走都好正常
而且你c6仲可能會即刻幫口鬧返佢老豆!

而家可以搵個機會喊, 唔覺意俾c6見到
等佢問你咩事,
話佢知無啦啦咁俾人鬧,
覺得好委屈

私人傳訊

lypoon

水晶宮

積分: 60273

2018復活節勳章 hashtag影視迷勳章好媽媽勳章畀面勳章環保接龍勳章

17^#

發表於 08-11-22 15:54 |只看該作者

原文章由 小寶貝兒 於 08-11-19 12:06 發表
上星期日, 我同老公去完街, 諗住買d蛋糕比6299食, 氹下佢地開心, 於是就去左美心買2個小蛋糕啦~

去到99度, 99行開左, 得62係度, 一開門, 我話買左d蛋糕比佢地, 跟住62就好惡好大聲咁鬧 "又買蛋糕?! 叫左你地唔好買 ...

對佢好都唔o岩!

私人傳訊

wmpl

大宅

積分: 3000

16^#

發表於 08-11-20 05:27 |只看該作者

小寶貝兒,,

唔好忍得太辛苦,,我反而覺得你唔係因為唔敢同你老公呻而唔開心,,只係你成日都為咗你老公諗先,,好快就feel到當時你老公其實係比你仲更加唔開心,,先至會忍住啲眼淚,,唔想加重你老公唔開心嘅感覺啫~~

下次你可以同你老公講,,見到佢俾佢自己阿爸咁樣對待覺得好心痛,,一份心意就咁就糟蹋咗,,唔明老爺點解會咁對你哋??跟住你就可以直接喊出嚟,,唔駛將啲眼淚忍得咁辛苦啦,,或者,,你老公見你咁樣,,都會將佢自己嘅情緒釋放出嚟,,到時大家就可以互相安慰,,咁樣對大家其實都有好處,,唔駛屈住屈住,之餘,又可以令夫妻感情更進一步~~

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

15^#

發表於 08-11-19 23:57 |只看該作者

唔好咁唔開心啦小寶貝兒

你都話啦你62最唔鍾意你呢個新抱既....咁佢當然會樣樣野都針對你啦....佢仲要係長輩....唔通會同你客氣咩

我太62同太99都係唔鍾意我&樣樣野針對我架....我好似你咁做乜都係唔岩佢地心水....送野比佢地就一定話唔岩心水....唔送就一定話我孤寒唔孝敬佢地

mouth:
咁又可以點丫....我都對佢地無晒期望....總之我繼續做返本份就算喇....佢地唔鍾意都無計....最緊要老公明白我地咪得囉

私人傳訊

agneskong

大宅

積分: 3562

好媽媽勳章醒目開學勳章畀面勳章

14^#

發表於 08-11-19 23:50 |只看該作者

原文章由 小寶貝兒 於 08-11-19 12:06 發表
上星期日, 我同老公去完街, 諗住買d蛋糕比6299食, 氹下佢地開心, 於是就去左美心買2個小蛋糕啦~

去到99度, 99行開左, 得62係度, 一開門, 我話買左d蛋糕比佢地, 跟住62就好惡好大聲咁鬧 "又買蛋糕?! 叫左你地唔好買 ...

如果比著係我，我會當場望實62大聲喊，喊到收唔到聲…
第一，比老公知你好冤枉
第二，比62知佢嚇親你/你已經頂佢唔住
第三，比其他人睇62蝦新抱

喊完直接走，全程無需要嗌交，等62唔安樂，下次鬧你都就住口黎鬧啦

私人傳訊

ABBC

子爵府

積分: 13533

13^#

發表於 08-11-19 23:50 |只看該作者

既然件事係咁~樓主~你下次就唔好買野俾佢地食喇~一係就打左俾你62問佢想食乜野囉~!!你都係錫佢姐~佢會知道既~不過會唔會係老人家糖尿有問題呀?關心下佢食乜野喇~好似我老公咁~分分鐘我知道我99鐘意食乜野,佢都唔知呀!有時都係自己用眼睇,好過聽男人講呀..!!

私人傳訊

小寶貝兒

珍珠宮

積分: 30295

12^#

發表於 08-11-19 22:40 |只看該作者

唉~~ 就係平時62唔係咁, 所以先會被佢嚇親!!

最慘係本來我提議買炒栗子, 因為係我婆婆屋企樓下食過一檔好好食, 想買埋比6299食(有好野一齊分享麻~), 但我老公話唔好, 買蛋糕好d, 咁就lai 左野啦!!

不過唔關老公事, 其實我知佢點解唔買炒栗子, 唔係6299唔鐘意食, 係d栗子係係我婆婆屋企樓下買, 99實會問我地係邊度買, 如果照直講, 佢知我地(最主要係佢個仔)去我婆婆度, 99會唔like, 又嘈一餐架啦! (所有衰99, 惡99都恨不得新抱同娘家斷絕關係架啦!)
如果求其講話附近, 到佢自己去買買唔返咁好食, 又係lai野!
所以寧願唔買炒栗子!!

只係諗唔到, 以前買比佢地都好like, 今次62就會鬧人姐!!

最唔開心係有對比, 62對個個新抱都好開心, 成日笑, 但唯獨是對住我, 就黑起塊面, 我做乜都唔岩佢心水..... 其他新抱幫老公剪頭髮就好地地, 我幫老公剪頭髮就鬧我咁都要慳, 又話我剪得樣衰, 佢個仔要出去見人, 點可以比我剪!! 言下之意好似我虐待緊佢個仔, 唔比錢佢個仔用咁....... 關我乜事啊! 係我老公話要架!! 同62講佢又唔信我....

私人傳訊

愛麗斯傳說

大宅

積分: 4164

畀面勳章

11^#

發表於 08-11-19 21:57 |只看該作者

之前都見你話你老爺最唔錫你老公....所以連帶你都會唔鍾意......

我諗因為咁....你地做咩.....都唔會合佢心意....以後咪鬼理佢....咩都唔好買.....費事貼錢買難受.....

你遲d搵個機會同你老公講下啦....你可以表示你唔係想你老公鬧返你老爺....只係當兩公婆傾閒計....咁你老公先會知你諗咩....

我老爺都係「古代人」...思想好守舊....佢諗的野就係岩...我都同佢溝通唔到架...不過好彩....暫時未試過鬧我....因為我係屋企唔多講野....有次佢講開飲咖啡...佢話唔落糖...但係落鹽....我奶奶咪話邊有人飲咖啡落鹽架...老爺就反駁話大把人都係咁啦(係佢自己諗,唔係事實)...我果時好想笑出聲...當然我死忍....隔左一排....我同老公傾計....講返出黎....當係笑話咁講....老公都覺得佢亞爸係「古代人」....

你真係慘....個奶奶又鍾意鬧人....連個老爺都係咁....真係少見為妙....好過次次見完都嚇餐死...

私人傳訊

跳至頁

返回列表

回覆

發帖

熱門搜尋：

婆媳關係 今日: 0|主題: 27783

瀏覽過的版塊

婆媳關係今日: 0|主題: 27783