吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如果c6同你講。。。

夫婦情感今日: 0|主題: 42770

收藏本版

發帖

返回列表

跳至頁

查看: 7313 | 回覆: 50

如果c6同你講。。。 [複製鏈接]

12 3

ankiso

別墅

積分: 851

1^#

發表於 16-11-22 15:31 |只看該作者 |正序瀏覽 |打印

如果c6同你講佢對家既美好感覺已經玩x完。
係咪表示已經對你無感覺，隨時離婚？

0 0 0

私人傳訊

gtg435i

大宅

積分: 1804

51^#

發表於 16-12-6 23:18 |只看該作者

如果你想繼續同呢個老公一齊, 就小D批評, 講真著多著少一兩件衫個D係咪真係要緊張到破壞你地夫妻關係 (當然肯定你仲有大把投訢你冇講), 比我係你老公都會覺得煩唔想返屋企.

私人傳訊

小cute

大宅

積分: 1791

50^#

發表於 16-12-2 00:54 |只看該作者

婆媳关系系会令男人好煩

私人傳訊

ankiso

別墅

積分: 851

49^#

發表於 16-12-1 00:46 |只看該作者

zoooooooooo 發表於 16-11-29 08:58
其實會唔會樓主老公係唔識表達，我覺得佢唔係覺得個家玩完，而係佢夾住喺兩個女人嘅中間而感覺好辛苦呢？手 ...

多謝大家既回應。
睇完大家的回應，令我好好反思下。
或許沒有直接傷害女兒竹，我就容忍下。
我都想女兒有一個幸福的家。

私人傳訊

zoooooooooo

大宅

積分: 2083

48^#

發表於 16-11-29 08:58 |只看該作者

回覆樓主:

其實會唔會樓主老公係唔識表達，我覺得佢唔係覺得個家玩完，而係佢夾住喺兩個女人嘅中間而感覺好辛苦呢？手掌又係肉手背又係肉。。。唔知點取捨，想叫佢讓下個老人家又唔知點講出口又唔好意思講出口呢？
可能樓主個老公又會覺得，兩公婆係最親，好想你會明白同體諒佢嘅位置！
我都明婆媳關係係好難頂，但係，我覺得點難頂都好，顧全大局係最緊要。。。或者又諗下，乜嘢係對你嚟講最緊要？我老公成日講，番到屋企仲緊要舒服開心，所以，一放左工就好想番屋企抖下舒服下，佢話，如果為左要番屋企而番屋企，佢番到都唔開心！
樓主，加油，雖然辛苦你，但係你所付出嘅，唔係比呢一刻同呢十年八年，係比更遠更遠嘅日子，祝你生活愉快，有乜上嚟呻就算，呢度大把人支持你

私人傳訊

moniko

伯爵府

積分: 15183

47^#

發表於 16-11-29 02:11 |只看該作者

ankiso 發表於 16-11-22 16:12
天氣熱，個囡出緊汗，你見你奶奶仲比厚衫佢，你會點？
你笑住同奶奶講吾好著咁多衫，佢一句回你“朝頭早， ...

我試過，佢話涷，我認同，仲即刻認真地著，仲問2x度喎，著咁少唔夠。態度要誠懇， eq高。咁耐我只成功過一次，因為我eq低。

私人傳訊

Cocochow

別墅

積分: 523

46^#

發表於 16-11-26 15:36 |只看該作者

回覆：如果c6同你講。。。

男人只想要安靜

私人傳訊

Lukasling

複式洋房

積分: 150

45^#

發表於 16-11-23 11:01 |只看該作者

回覆樓主：

本帖最後由 Lukasling 於 16-11-23 11:01 編輯

「佢十二點幾先入房，我知佢幫我除低口罩，幫我蓋被，但係我真係唔知道佢點諗。」

(emoji)都係錫你嘅，可能一時悔氣先講左負面嘢

私人傳訊

Lovelovebear

珍珠宮

積分: 31496

44^#

發表於 16-11-23 10:17 |只看該作者

回覆樓主:

佢同屋企人本身係咪關係唔錯？如果係，佢講佢阿媽，佢梗係唔開心啦…

我之前都係咁，為左99同老公頂咀，關係變差，而家請左工人湊小朋友，少左接觸大家都輕鬆左

私人傳訊

ssl1102

大宅

積分: 3709

43^#

發表於 16-11-23 09:56 |只看該作者

你唔能夠持家有道反而令佢更大負擔

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

42^#

發表於 16-11-23 04:38 |只看該作者

回覆樓主：

本帖最後由 kandyb 於 16-11-23 04:59 編輯

樓主，如果你老公係較為明白事理同願意接受新事物既人，不如你比d關於照顧小朋友或關於認識小朋友成長既資料佢睇下，或一齊傾下。我地往往同老人家有分歧好多時係因為認知唔同，佢地嗰套可能過左時而佢地唔知仲認為啱，如果我地而家做父母都跟佢地嗰套就會好大問題，我諗你老公對照顧知識都未必夠，所以，如果你老公都肯去學去接受同改變，問題就會解決得到。我係男人，我自己一個湊仔做家務煮飯或者陪小朋友玩都可以，亦堅持同我老婆對抗d三姑六婆閒言閒語同無知識既道理，例如小朋友手凍就等於佢地凍，其實佢地唔知小朋友點解成日會手凍既原因同凍冇關，同埋小朋友體温其實係比成人高，所以你凍佢都未凍，唔洗成日覺得佢凍就係咁要佢著多幾件衫，冇意思的.......我地都會解釋返比佢地聽，凍唔凍係可以証實到，唔係靠估，亦唔關經驗事。我老婆餵人奶要聽更加多古老石山式既道理，但我地都會去解釋，講返清楚，聽唔聽一回事，我地都會去講，都會反對同堅持。唔係要搵交嗌，和諧亦並不是建立喺忍讓之上，而係每個家人其實都有責任去學習，學到正確既野對小朋友對大人同對自己都係好事。最後想講，你老公似係覺得自己冇能為力，想搞好家庭和諧，想做好老公好爸爸好兒子，但最後未如理想，所以就有d洩氣講晦氣說話，我諗問題解決左就會冇事，唔洗擔心佢係咪愛你，唔愛你就唔會唔開心，冇人想鬧交，所以先要解決矛盾。

私人傳訊

lazywife

侯爵府

積分: 24263

41^#

發表於 16-11-22 19:30 |只看該作者

回覆：如果c6同你講。。。

我成日都唔知，有咩好同個奶奶吵，你有把口嫁，講囉，你唔現場去解決呢個問題，之後執住呢個問題，去要人地個仔評理，唔理對錯先。。第一個感覺就係：你好X煩。。。如果仲要唔係好識語言藝術，俾人地個仔感覺明批評緊我個阿媽。。咁你就係搞屎棍。。麻X煩。。。男人，諗野就係咁直接，咁做女人，做咩成日要擺自己係呢個位置上，做呢D.醜人？

你有把口，可以直接同個奶奶對話，當然，禮貌做足，尊重做足。。可以退步咪退一步囉。。無得退步咪講下囉。。下下一黎就要個男人簡老母同老婆跌落海救邊個。。我都唔想返屋企。。

私人傳訊

Hotpot-baby

男爵府

積分: 5707

40^#

發表於 16-11-22 19:06 |只看該作者

ankiso 發表於 16-11-22 17:24
他對我還有愛嗎？

明明個核心內圍係你自己。點解係咁推個莊去人地度。又愛唔愛，又係咪有第二個女仔like 佢，佢會走。胡思亂想就係你呢庭。

私人傳訊

tansyneko

琥珀宮

積分: 152982

39^#

發表於 16-11-22 18:00 |只看該作者

ankiso 發表於 16-11-22 17:02
諗過，但我媽咪同佢媽咪都極力反對。
又好多人同我講，請一個好工人係講運氣。
...

人生本來就係三分打拼，七分運氣，由出生投胎邊戶人家已注定係運氣，工人係你用，你媽媽和99最多係參考，錢又唔係佢哋出，你堅持佢哋奈你唔何架，工人唔啱你意你可話佢，99你唔妥佢只有硬食

私人傳訊

Serenaa

複式洋房

積分: 297

38^#

發表於 16-11-22 17:58 |只看該作者

tansyneko 發表於 16-11-22 17:54
因為佢唔鍾意你話佢媽，佢覺得和諧的家已破滅，佢夾中間壓力大唔想回家寧留公司

重點在於你和你奶奶，最 ...

認同！
其實你地平時點相處???
少少事就嘈?

私人傳訊

tansyneko

琥珀宮

積分: 152982

37^#

發表於 16-11-22 17:54 |只看該作者

ankiso 發表於 16-11-22 15:47
有。
係個囡面前嘈得好勁。
其實因為好小事，我吾認同我奶奶揍我囡方法，佢吾喜歡我話佢媽媽，就爆發左一 ...

因為佢唔鍾意你話佢媽，佢覺得和諧的家已破滅，佢夾中間壓力大唔想回家寧留公司

重點在於你和你奶奶，最好唔好再俾奶奶湊，否則你只會繼續不滿，你老公繼續唔開心，一係你唔好再係佢面前話佢媽

私人傳訊

Danny3101

大宅

積分: 4742

36^#

發表於 16-11-22 17:48 |只看該作者

本帖最後由 Danny3101 於 16-11-22 17:50 編輯

回覆 ankiso 的帖子

其實老公老婆一起多年後
可能真的談不上愛
只是由愛情轉為親情再附加一點關心

但身為巳婚多年的男人
就算和身邊人因家庭事鬧意見
都不會太大影響

反而覺得因一起生活久了而失去尊重或重視就更失樂
有些朋友夫婦關系不好
就會少講野, 少對話, 所有話題只會集中在小朋友
但如果當事人連小朋友的關系都不好
那就更加無趣和不知生活為乜

男人和女人想法和處理方法未必是一樣
女人可能認為對某些事要據理力爭
男人可能覺得不要相和氣免得大家面左左
如你偏偏就是和他對著幹
可能又要比阿媽鬧
還要低聲下氣令阿媽無咁慶

當然你可說老公唔睇亮你
你可能說出來的道理 100% 贏晒
贏了道氣.
輸了老公 (有人可能覺得唔重要)
就是因和果的道理.