吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點維繫夫妻感情？

夫婦情感今日: 9|主題: 42755

收藏本版

發帖

返回列表

跳至頁

查看: 14696 | 回覆: 105

點維繫夫妻感情？

[複製鏈接]

12 3 4 5...6

gbj531

洋房

積分: 95

1^#

發表於 16-12-14 14:08 |只看該作者 |正序瀏覽 |打印

由拍拖講起。。。
第一眼見到她，已經覺得好吸引，朋友關係相處左幾個月就開始拍拖。
其實我都好耐冇拍拖，識到佢我搵返好耐未嘗過既甜蜜
但有得有失，偶爾爭吵時就覺得好委屈…
拍拖冇耐，佢就不斷翻舊帳～　睇我 FB / Whatsapp 得知我以前曾經暗戀過邊個
但我始終認為，呢啲係我同佢一齊之前既事，唔應該拎黎話我（主要話我以前點哄其他女仔呀果啲）

拍拖幾個月後，發生過一件事令佢好嬲，差啲就分開
話說男性朋友之間有個咸相whatsapp群, 我都join左, 男人嘛...
一直做CD-rom既我，有一日突然想些呀下…
當時我偷拍一個女仔既背影，主要focus對腳啦～　唔係咩裙底啦，邊夠膽！

但冇幾耐已經覺得咁影人都係唔好，delete左
不過仍然被女朋友發現~ 差一點就分開
及後佢原諒我, 我亦應承唔會再有呢種行為! 我更加離開左個咸相Group!

然後到結婚生ＢＢ。。。

再過多２個月…她有了我的ＢＢ
跟住我地搞結婚啦，影婚紗相啦～
中間太多嘢搞，壓力大，嘈過好多次～
最終簡簡單單註冊，家人幾圍食個飯～
她跟我屋企人一齊住～　我冇辦法，買唔起樓～
加上覺得養胎＋湊ＢＢ，屋企有老人家幫手＆比下意見會好啲～
而且我媽唔洗返工～　我諗住佢幫手湊下ＢＢ都可以幫輕下我老婆，坐月果陣可以抖多啲～

佢專心佗ＢＢ果幾個月～　我完全就哂佢～
會煲湯，整雞，整魚佢食～　
其間我同啲朋友冇再約食飯／玩…近乎冇聯絡
滿月，ＢＢ出世～　我好感動！
覺得終於可以成立一個自己既屋企～

婆媳關係。。。

同住左一段時間，唔希望發生既終於發生～
婆媳關係好惡劣～　去到見面當陌生人既程度
＞９９覺得我老婆
咩家務都冇幫手做，差啲連底褲都要幫佢洗埋，要開聲先肯自己洗
一家人屋企食飯／返屋企果陣，見人都唔嗌一聲～　一返黎就入房打機／篤電話
＞老婆覺得９９
平時講嘢大大聲，喺屋企賭馬仔果陣有時激動會講左粗口
喺佢阿媽面前數佢，話佢唔識湊ＢＢ

坐月期間。。。

後來嘈到想搬返外家住～但我覺得冇人幫手湊下ＢＢ唔係咁好
外家又唔見得有人幫到手～　我都要放工返黎先可以接手～
註：外母年輕時因為工作，幾個仔女主要交比老人家幫手湊
加上自己重要返工，跟本唔會長時間喺屋企～

但係由於雙方水火不容，我返工唔喺度果陣跟本唔能夠想像會變成點
最後方案係每朝我車我老婆同ＢＢ去佢親戚度，然後我放工先接返佢地返屋企
果陣真係好攰。。。每日晨咁早餵完奶，執埋啲嘢就出發
放工即閃，買定啲餸，撲返去接老婆同ＢＢ～　
返到屋企，煲中藥，同ＢＢ沖涼，餵奶～
半夜ＢＢ喊都係我起身去湊。。。

ＢＢ長大。。。

老婆放完產假，開始要返工～　我都鬆返口氣，希望佢返工有返啲寄託唔好成日搵嘢黎嘈…
好景不常，唔知係產後抑鬱定點，成日搵嘢黎嘈
昨日就話我媽靜係教ＢＢ嗌爸爸
今日就喺餵人奶方面同我媽有分歧

ＢＢ一日一日長大，開始易湊啲～
我以為終於可以好好地享受下家庭樂
但我地仍然係成日鬧交…
佢黎黎去去都係話我以前偷影果單、暗戀過邊個、幫我媽講說話唔撐佢
而我就成日覺得佢冇手尾，一返屋企啲衫褲亂咁擺
捽完鼻啲廁紙週圍丟，成日掛住篤電話唔湊Ｂ
冇交帶，要遲收工又唔早啲講聲
約人／返工例牌遲到～　催佢出門口反而話返我轉頭比面色我睇

呢排每次同佢嘈完…我都喺度諗
點解我搞到自己既人生咁。。。
本來，係就係單身寂寞啲
但係身邊有唔少好友可以陪我玩，陪我傾
間中重可以同朋友去下旅行
自己都有份唔錯既工作，搵到錢之餘重可以渣架車仔玩下～
而家負擔又重，經濟／時間上都係…
如果換黎既，係一個開心既家庭都還好～
但係宜家每兩日就鬧一次交，日日比人拎以前啲嘢出黎怨…

我既下半生。。。都係咁過? T^T

其實我未去到想同我老婆分開～　我仍然好愛佢～
佢亦有好多優點係我好鍾意既…

但係我地既價值觀原來都差幾遠下…
以尋晚嘈交為例～
佢夜過平日既時間都未返，我打比佢，佢冇聽
返黎之後，我問佢點解知道要遲收工都唔先比個msg 我
佢反話咁宜家有咩分別啫，你重煮緊飯咋嘛，我見遲左已經飛的返黎，重想點？！
重話佢跟本唔想返呢個屋企。。。T^T

我…
響往幸福開心，零爭吵既家庭
討厭家無寧日，永遠都係我錯既屋企
懷念往日自由算在，冇壓力既生活 ~_~

0 0 0

私人傳訊

jsfamily

大宅

積分: 4230

106^#

發表於 17-2-28 22:03 |只看該作者

gbj531 發表於 16-12-14 14:08
由拍拖講起。。。
第一眼見到她，已經覺得好吸引，朋友關係相處左幾個月就開始拍拖。
其實我都好耐冇拍拖， ...

慢慢傾，唔傾後果只会散，如果大家还有心行落去一定会有得傾，但緊記，傾完要身體力行去改善。

待你的好消息。

私人傳訊

歌莉亞

伯爵府

積分: 17886

105^#

發表於 17-2-27 15:45 |只看該作者

Leeleelau 發表於 17-1-2 22:41
唔知點解好老婆成日都配到差老公、
好老公又配到差老婆。

好同意! 天意弄人!

私人傳訊

jeffkafung

大宅

積分: 2255

104^#

發表於 17-1-8 01:07 |只看該作者

jackiemei 發表於 17-1-8 00:53
我係C9認同你；

本帖最後由 jeffkafung 於 17-1-8 01:17 編輯

親身經歷

私人傳訊

jackiemei

侯爵府

積分: 23530

103^#

發表於 17-1-8 00:53 |只看該作者

jeffkafung 發表於 16-12-15 01:38
其實我角度覺得樓主錯，係無顧老婆感受，因為男方一定覺得自呀媽好！
而樓主講就想慳錢買樓，但老婆都講到 ...

我係C9認同你；

私人傳訊

bby0602

大宅

積分: 4056

BK Milk勳章畀面勳章

102^#

發表於 17-1-8 00:08 |只看該作者

我係c9

只能講你唔夠了解老婆就結婚了。佢懶，無手尾，例遲....呢d野應該拍拖時就知，呢d請工人可解決9成。

你老婆控制欲都幾強（我拍拖10年，結婚就10年）無特別要check老公電話，信任建立時間唔夠。我會問佢係邊亦強調唔好太夜就可以，大家第二日仲要返工。

反舊帳能力高，其實你坐抵同佢傾下，反舊帳其實無意義，誰無後生一時沖動做過錯事，我改好了你看不見嗎？

婆媳死局，仲要第三代教養問題。
我同自己丫媽住都日日嘈，為點教仔嘈，講真寧願辛苦d搬走都唔想有人爭屋企主導權。

詩篇32:7
你是我藏身之處，你必保佑我脫離苦難，以得救的樂歌四面環繞我。

26/10/2014 5W4D 0.6cm 胎襄
16/09/2014 Bingo

08/06/2013 出世拉

28/11/2012 11W4D 4.99cm Oscar 1.98mm
23/11/2012 10W6D 3.95cm BB跳杻腰舞
10/

私人傳訊

gigi2016

複式洋房

積分: 124

101^#

發表於 17-1-7 21:59 |只看該作者

Leeleelau 發表於 17-1-2 22:41
唔知點解好老婆成日都配到差老公、
好老公又配到差老婆。

我就認為係，好老婆成日縱出個差老公，好老公成日縱出個差老婆！

私人傳訊

小小師奶

別墅

積分: 832

100^#

發表於 17-1-7 18:09 |只看該作者

gbj531 發表於 16-12-14 14:08
由拍拖講起。。。
第一眼見到她，已經覺得好吸引，朋友關係相處左幾個月就開始拍拖。
其實我都好耐冇拍拖， ...

我都係同99住架。暫時我同佢相處未有好大既問題。講真，我都想同c6有自己既屋企，始終係自己屋企做咩都得，一齊住就吾同。但未有屋之前住埋一齊就當係同老人家培養下感情。我之前都試過同老公日日嘈，吾係吾愛佢，又吾係憎佢，只係有D吾順眼。直至我睇住佢吾開心，佢問左我一句“你係咪好憎我？吾愛我啦？”我先發覺我既問題。

我覺得你不如哄下老婆，做返一D小情趣。例如同老婆講今日吾係屋企食，一齊出去睇下電影。食完飯叫老婆陪你落街食糖水拍下拖。訓教前同佢按摩下傾下今日發生左咩事。就算有左BB感情都要維繫，好似拍拖甘，大家互相哄下先可以過世。加油

私人傳訊

ivycowcow

公爵府

積分: 29789

99^#

發表於 17-1-7 16:31 |只看該作者

完全覺得搬出黎主就可以解決到80%的問題

私人傳訊

yui1625

男爵府

積分: 5702

98^#

發表於 17-1-3 17:51 |只看該作者

你太就你老婆喇樓主
所以有少少唔順佢意佢會剷到你上天花貼2日先跌落黎個隻

點講呢，聽落佢已經將你既世界歸納埋係佢既世界
你試下爆次seed, 可能會好d..........
(嗱suggest架唔寫包單work架)

私人傳訊

Leeleelau

男爵府

積分: 9553

DHA勳章

97^#

發表於 17-1-2 22:41 |只看該作者

唔知點解好老婆成日都配到差老公、
好老公又配到差老婆。

唉，好多人都身在福中不知福，
我都未試過在坐月，我老公煮過一餐比我食

私人傳訊

甜甜人妻

大宅

積分: 3844

96^#

發表於 17-1-2 18:05 |只看該作者

一口氣睇哂所有post, 有小小嘢都想發表下:

利申：本人係女，結婚一年，有工作，同老爺奶奶住，未生仔。

1）d男人成日覺得同老爺奶奶住好，家務又唔使你做，放工返來等食食完可閃，同男家住係益咗你，老實說我奶奶同老公都咁諗。我自己結婚之前已獨居三年，非常enjoy，係嘅同老爺奶奶住係唔使做家務，但其實如果同c6搬出來住我會做家務，所以女人係唔會當同奶奶住唔使做家務係一個benefit, 佢哋寧願自己做請鐘點都唔同住。一個family 只得一個女主人，媳婦只係一個寄居者，無女人鐘意寄人籬下。我願意同住都係因為好鐘意老公，我知道佢好鐘意同爸媽住（佢係獨子），所以我至願意同佢哋住，間唔中會有小小唔開心但都還可以接受。

2) 樓主話自己老婆入屋都唔叫人，可能佢未適應到做新抱嘅角色，身係嫁咗但心態仲喺做女嗰陣咁，自己鐘意點就點⋯⋯你有無提點叫你老婆叫人？語氣係點？

3）樓主老婆成日問樓主往事，都明白係好煩下嘅。我個case就相反，我c6好鐘意問我前䴤往事，因為佢出來做嘢頭十年都好忙，無時間拍拖，我就拍過幾次咁囉。問咁多，其實都係attention seeking , 佢一問呢d我會好温柔同佢講最鐘意係佢然後Non stop 氹佢囉，之後佢會calm down 返。

其實你哋可以try 下婚姻輔導，等你哋可以聽下人哋講，婚姻嘅角色責任⋯⋯

私人傳訊

MoooVoo

男爵府

積分: 7874

95^#

發表於 17-1-2 01:28 |只看該作者

beautytiny 發表於 16-12-29 22:46
不如搬出來，請工人 la, 你話現正每月餘下3萬，夠la , new born 到3 歲最辛苦。其實你c9 肯同你生B 同99 住 ...

我都認同，搬出黎，請工人，剩3萬好好啦，大把人2公婆加埋都係搵3萬咋

私人傳訊

MoooVoo

男爵府

積分: 7874

94^#

發表於 17-1-2 01:26 |只看該作者

gbj531 發表於 16-12-23 10:12
尋晚又嘈...
事源係...有個朋友識左個女仔, 我好奇佢對邊類女仔睇上眼~ 問佢拎左張相黎睇
我太太都識得果個 ...

你咪是但up個低d嘅分數
然後話老婆幾時都100分咪得囉，鐘意嘅咀佢2啖
有時d野唔洗咁認真同老實……

私人傳訊

MoooVoo

男爵府

積分: 7874

93^#

發表於 17-1-2 01:23 |只看該作者

gbj531 發表於 16-12-14 16:15
有幾錯? 我都聽朋友講過, 女人喺情感上接受唔到同另一半屋企人住, 因為要做女主人
但喺我諗法,
...

你咁講係assume太太唔想做家務同買日用品，但好大可能其實佢寧願搬開做好多家務，買幾次日用品都唔想同你家人住呢？
我自己屋企經常家嘈屋閉，同朋友呻，朋友會話你家人幫你準備埋lunch box呀blablabla唔好諗咁多，係呀我知有lunch box畀我帶返工係好好呀，但我成日都好白痴咁係到諗，如果我日日食麵包可以換黎屋企唔嗌交，我絕對好樂意

你明唔明？

私人傳訊

Jennifer1228

大宅

積分: 1261

92^#

發表於 17-1-2 01:07 |只看該作者

gbj531 發表於 16-12-29 15:01
人奶都停左好耐喇, 我喺佢面前都唔會再提置於搬出黎之後想佢分擔下啲日常家務...宜家講咩都係齋UP
真係搬到 ...

我覺得你老婆係鐘意你所有野都要以佢為中心，拍拖時你全心全意對佢，令佢好有安全感，依家你返屋企都對住囡囡多，其實佢係呷醋，不過佢又唔可以講佢呷醋個囡，咪為有講返你之前啲野借題發揮，可以試試放手交囡囡比媽咪，多啲兩個岀街食飯睇戲，將你依家愛囡嘅感情轉返去老婆度，再唔係諗下自己之前拍拖點樣對個老婆，如果你仲愛佢一定會做到