吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› “我生過兩個仔我點會唔知者”

婆媳關係今日: 0|主題: 27783

收藏本版

發帖

返回列表

跳至頁

查看: 6663 | 回覆: 49

“我生過兩個仔我點會唔知者” [複製鏈接]

12 3

chowky

複式洋房

積分: 381

1^#

發表於 08-12-8 10:21 |只看該作者 |正序瀏覽 |打印

我是個未婚單親媽媽，那個所謂的奶奶（我稱BB的麻麻，因為我未婚，所以我是不會嗌佢做奶奶），她倒蠻不錯的。

我唔係同佢住，我跟我爸爸一齊住，家母已過身，我爸搵左個女人（住隔離樓，她每天會走上來煮飯給我吃，也會替我照顧BB），BB的麻麻見我爸及他女友沖奶時沒有用刀柄刮走匙上面多出來的粉末(他們用 “躉”的方式弄平)，她便會破口大罵，我爸的女友有時會反駁她，她便會罵得更厲害，然後便會自言自語，“我生左兩個仔我點會唔知者”

我BB出世一星期，佢就煲Ｄ粥仔BB食，我聽到已經呆左，
“無野呀嘛，想佢死都唔係攪呀”
雖然知道她出於好意，但我都係唔俾她餵BB食囉～結果，她就發我脾氣，係我屋企掟
“撜”走。

我鼓吹埋身餵母乳，但她認為餵母乳唔健康同埋好麻煩，所以每次BB肚餓喊個陣，一定無人夠佢咁快沖奶餵BB飲，有時佢更會搖醒BB定時飲奶。有時我見到咪話今餐飲人奶喇，佢就會話“唔餵人奶呀，人奶無益架，我生左兩個仔我點會唔知者”，跟住就會抱住BB一齊鎖係間房度。

BB出世十日去健康院，佢就叫護士同我講要戒人奶，話遲D佢要接返佢屋企湊唔願飲奶喎，護士聽到同我對望一眼O哂嘴，護士咪同佢講我仲有成兩個月先再返工，遲D先戒都未遲，俾BB飲得幾多得幾多喇，佢又話“人奶有乜好，無益又麻煩，我兩個仔都係飲奶粉架，我生左兩個仔我點會唔知者
(經典句)”

護士建議我即日上一堂母乳餵哺堂，當我走入母乳餵哺室，裡面已經有四五個人正在餵母乳，無耐佢又走埋入黎，望住我餵（仲要哄個頭好近望個隻），坐係側邊不斷又望下我，又望下佢，護士叫佢出去先，佢又唔聽唔理，一直望，我尷尬到死。直至護士發火趕佢，佢先死死地氣出去。但十分鐘唔夠又再走返入黎，側邊既人怕鬼左佢，全部一個個地走。

BB既爸爸話想將BB俾佢媽湊，佢媽就話俾佢湊都唔係大問題既，不過佢本身有份工，要佢湊即要佢辭左份工喇，無收入唔可以湊，然後就話每個月要6500先湊，(BB的日用品另計)，我聽完咪話搵托兒所好過，寧願每天減少加班，開支都無咁大，但佢竟然粒聲唔出，辭左份工都無講我知，就咁話到時會幫我湊，每個月俾返錢佢．．．

我同佢傾每日接送BB的安排，佢就話每日都唔可以接佢走，一個月先可以黎探佢一次，仲要唔可以帶佢離開或過夜，心諗：
“邊個先係BB阿媽呀？”

而家我同佢地個邊更因為其他事而斷絕來往，BB由我黎安排，不過我倒覺得樂得清閒，廢事又再聽到
“我生過兩個仔我點會唔知者”

0 0 0

私人傳訊

sandy1425

珍珠宮

積分: 41032

好媽媽勳章大廚勳章

50^#

發表於 08-12-13 09:58 |只看該作者

原文章由 chowky 於 08-12-8 12:08 發表

又唔多完全中哂，因為BB既爸爸由我返呢份工開始就不斷打滋擾我同事，問候我同事屋企人，目的都係想我唔返工，等我屋企人養我同埋佢地囉～

下？佢想你屋企人養哂你+bb+佢+佢阿媽？

私人傳訊

chowky

複式洋房

積分: 381

49^#

發表於 08-12-12 17:45 |只看該作者

原文章由 mimi88 於 08-12-12 17:22 發表
為咗你仔仔, 你要努力加油！有乜唔開心, 記得上嚟嗔呀

嗯嗯，不過我家無電腦，我就會好似消失左咁，放心，只要我一有電腦用，我就會同大家報平安！
祝大家生活愉快！

更預祝大家聖誕快樂！
有咩唔開心，一笑泯千仇！

私人傳訊

mimi88

公爵府

積分: 28062

好媽媽勳章

48^#

發表於 08-12-12 17:22 |只看該作者

原文章由 chowky 於 08-12-12 17:16 發表
多謝哂咁多位，仲有唔夠一個鐘頭我就放工，然後就正式加入失業大軍，不過我仍會為我地倆母子既生活而繼續努力架啦～

為咗你仔仔, 你要努力加油！有乜唔開心, 記得上嚟嗔呀

網上世界咩人都有，謝絕介紹買賣，謝絕代購！

私人傳訊

chowky

複式洋房

積分: 381

47^#

發表於 08-12-12 17:16 |只看該作者

多謝哂咁多位，仲有唔夠一個鐘頭我就放工，然後就正式加入失業大軍，不過我仍會為我地倆母子既生活而繼續努力架啦～

私人傳訊

mimi88

公爵府

積分: 28062

好媽媽勳章

46^#

發表於 08-12-12 16:02 |只看該作者

樓主你真係幾可憐
但慶幸你有愛鍚你的哥哥
你要好好珍惜佢哋
有機會的話再搵過份工
好好照顧bb
祝你幸福、快樂！

網上世界咩人都有，謝絕介紹買賣，謝絕代購！

私人傳訊

elmostoney

男爵府

積分: 6299

45^#

發表於 08-12-11 10:23 |只看該作者

有需要就要報警, 要保護你屋企人同bb. 佢騷擾你就打999, 搬唔到屋就要嚇到佢以後唔敢再來你屋企. 唔好睇bb細個, 佢地好識性.

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

44^#

發表於 08-12-9 15:13 |只看該作者

樓主你哥哥真係好保護你同BB, 你哋要好好珍惜, 發奮做人自己湊大阿B.

私人傳訊

kkf2210

男爵府

積分: 8948

43^#

發表於 08-12-9 14:33 |只看該作者

佢係咩人離KA......

.....咁都得......

私人傳訊

chowky

複式洋房

積分: 381

42^#

發表於 08-12-9 14:11 |只看該作者

原文章由 水太太 於 08-12-9 13:43 發表
唉, 睇完都覺得好驚, 真係出入小心, 亦小心門戶! 其實你同佢拍拖時,都知佢係咩人, 點頂得住同佢一齊, 仲咁大意有埋bb呢?
當然, 依家bb咁得意, 又乖, 又有湊得佢好, 大家都開心啦.
你哥哥好鍚你呀, 你都算幾好彩, 有 ...

而家仲有返工，因為我係公司上網(屋企沒有電腦)，不過兩星期前已收到大信封，做到今個禮拜五就加入失業大軍喇，遲D既無電腦上網搵工，又無收入先至最煩惱！

不過都唔諗得太多架啦，見步行步啦！～

初時唔係咁囉，係專制，但唔會唔做野，亦唔會叫我唔做野，同佢媽都唔係成日講野，點會知佢媽竟然話養佢成世，我同佢講要保祐佢媽長命過佢架～

我由佢發顛個陣就即刻提出分手，但佢唔岩聽既說話唔會聽，半夜兩三點仲會去你家按你門鐘，我爸早訓，尤其係呢個鐘數，我屋屋企人幾夜訓都會訓哂喇，怕佢嘈醒我屋企人咪放佢入黎囉。又知佢成日想半夜黎攪我，我已試過讓埋間房俾佢訓，我訓廳，但隻冤魂會坐係你隔離鬧我！我哥怕左佢，話佢幾句，跟住佢就喊，我成家人都驚左佢！

私人傳訊

水太太

別墅

積分: 922

41^#

發表於 08-12-9 13:43 |只看該作者

唉, 睇完都覺得好驚, 真係出入小心, 亦小心門戶! 其實你同佢拍拖時,都知佢係咩人, 點頂得住同佢一齊, 仲咁大意有埋bb呢?
當然, 依家bb咁得意, 又乖, 又有湊得佢好, 大家都開心啦.
你哥哥好鍚你呀, 你都算幾好彩, 有個咁保護同照顧你嘅哥哥, 有人support就要努力d 湊bb喇!
係呢, 你有無返工呀?

私人傳訊

chowky

複式洋房

積分: 381

40^#

發表於 08-12-9 11:30 |只看該作者

原文章由 阿jo 於 08-12-8 18:05 發表
如果佢地冇再煩你就最好啦
不過, 如果現實情況許可, 我都建議你地全家搬屋改電話, 一齊人間蒸, 免得佢地得閒無事又上你屋企搞事, 你又生活得提心吊膽 ...

搬唔到，大哥雖然曾經建議過搬去同佢地一齊住，但我爸無人照顧，雖然有時會同佢有爭拗，但畢竟養左大我地，又係老竇，唔可以掉低佢唔理囉

而我大哥同我爸有心病，又無可能一齊住，加上我爸衛生真係好差，我大哥更加頂唔順

電話改唔到，因為我哥以前俾左屋企固網電話號碼俾朋友，個D朋友只會打呢個電話號碼俾佢，取消左就失去聯絡，而家阿哥話個電話已經加左拒接來電同來電顯示可以減少滋擾，講真個句，我整個一蚊去公眾電話亭度滋擾人都拉我唔到啦

私人傳訊

wmpl

大宅

積分: 3000

39^#

發表於 08-12-8 20:32 |只看該作者

兩母子都完全唔係正常人嘅所為,,

絕對冇任何理由交個BB俾佢哋湊,,識唔識湊都只係另一個問題,,最大問題佢冇辦法同佢哋溝通得到,,想教都難,,又完全地唔聽人講嘢,,更冇可能話得聽!!

趁BB仲未識認人,,早走早着,,同哩種人快啲斷絕來往,,見多啲驚多啲!!

私人傳訊

kellyly

侯爵府

積分: 24623

好媽媽勳章畀面勳章

38^#

發表於 08-12-8 19:05 |只看該作者

原文章由 chowky 於 8/12/08 17:38 發表

BB既爸爸成日都自稱係三合會會員，以前都成日想帶埋我去見佢D所謂既大佬，有一次真係去左，去到見到所謂既大佬，兄弟，唔係智障就係殘疾
(我並沒有歧視任何智障或殘疾人仕，因為我家中也有這樣的人)，成晚不斷聽佢地講
“大佬前， ...

“遲D會報答你既好同事我個十日幫佢除衫影寫真，我大佬話點都要幫返你既好同事既仔女影番作為報答，千祈唔好客氣”

佢都痴得幾咩下wo
都係嗰句la,係小心佢地同唔好再見佢地la

私人傳訊

阿jo

禁止發言

積分: 959

37^#

發表於 08-12-8 18:05 |只看該作者

提示: 作者被禁止或刪除內容自動屏蔽

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

36^#

發表於 08-12-8 17:53 |只看該作者

佢兩母子都幾癲喎!但個阿媽仲癲!
我都係同樓上咁多位既意見一樣,自己點辛苦都好,千其千其唔好俾bb佢地!!!最好連見都唔好俾佢地見!

私人傳訊

chowky

複式洋房

積分: 381

35^#

發表於 08-12-8 17:38 |只看該作者

原文章由 elmostoney 於 08-12-8 14:12 發表
其實你唔好再比呢個"奶奶"來你屋企啦, 抖纏不清, 對大家都冇好處, 你又唔開心, 佢又唔開心, 不如大家講清楚. 將來bb大個d, 懂性識野, 你都唔想佢聽住你"奶奶"成日來攪攪震, 又或佢個爸爸粗口爛舌, 學埋呢d野. 不如 ...

BB既爸爸成日都自稱係三合會會員，以前都成日想帶埋我去見佢D所謂既大佬，有一次真係去左，去到見到所謂既大佬，兄弟，唔係智障就係殘疾
(我並沒有歧視任何智障或殘疾人仕，因為我家中也有這樣的人)，成晚不斷聽佢地講
“大佬前，大佬後”，真係反胃，衰D講句，我坐都未暖就嗌走，雖然係唔俾面，但總好過同呢D人有任何既來往。

佢有次SEND SMS俾我，同我講，“遲D會報答你既好同事我個十日幫佢除衫影寫真，我大佬話點都要幫返你既好同事既仔女影番作為報答，千祈唔好客氣”

我個陣衰心軟，又念及怕傷害到佢媽，廢事令呢個SMS去報案，如果唔係佢連唯一既理想工作都無得做
(保安—因為實會留案底，無得考保安牌)

我而家呢個SMS仲KEEP住係電話度呀！

私人傳訊

chowky

複式洋房

積分: 381

34^#

發表於 08-12-8 16:54 |只看該作者

原文章由 mamawaga 於 08-12-8 16:39 發表
知道女朋友有咗就辭工返屋企成日瞓覺??我諗得出O既最合理理由只有以下一個:

這位男子神經錯亂,以為有咗嗰個係自己,可以持住自己有身紀就唔駛撈!

好彩樓主有屋企人錫住,好好湊大ＢＢ仔呀！支持你！ ...

其實當初我哥好反感，成日希望我CHECK真D，希望佢係有缺憾，然後好令我安排進行流產手術，但個天憐憫我，幾次超聲波都四肢健全，然後順順利利生左隻豬仔出黎！

但我大哥係最支持我既一個，由始至終都好關心我，明白我開支大，間中都俾錢我用，而豬仔就最生性(唔係點喊，即使肚餓都係咕咕兩聲，又鍾意笑喎)，呢樣野已經係我精神支柱喇！~