吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇jm既老公都係咁咖？

夫婦情感今日: 1|主題: 42785

收藏本版

發帖

返回列表

跳至頁

查看: 11725 | 回覆: 65

12 3 4

積分: 35654

1^#

發表於 17-1-22 23:55 |只看該作者 |正序瀏覽 |打印

我老公唔會主動，有時亦好抗拒我，唔好話床事，拖手錫錫佢永遠唔會，咁我咪主動啦，行街果陣走去拖住佢，一陣佢就fing甩我手，有時佢放工返到屋企，攬下佢啦佢又推開我（唔太力），佢訓覺前我錫下佢，佢又嗯一聲擰開，又或者專登用條脷頂開我

我真係好冇癮，因為我地都有幾個小朋友，我唔想冷落佢，見人地話生左bb後會冷落另一伴，我盡量都做返老婆應該有既野，但係佢反而掉返轉，話好攰唔想唔好搞我咁，好似對我完全冇晒興趣，佢又唔係冇需要只係唔需要我，有時見佢都會成日睇女人，街會睇電話會睇，電話都會睇女性器官由其大胸，佢會睇完又睇，有時同佢睇下機，佢又覺得我阻住佢，問我自己冇機睇咩，我樣樣野都想分享佢知，但係佢又唔係……收收埋埋，我會因為咁好多時都唔開心，可能我而家又陀住一個成日亂諗啦

0 0 0

私人傳訊

Evilgrin

侯爵府

積分: 22888

hashtag影視迷勳章

66^#

發表於 17-2-8 10:00 |只看該作者

我唔知生4個係咪你兩公婆共識，不過我如果係個老公，自己一個人返工養你養4個細，仲要乜都被你管住，想洗下「自己錢」都好似要乞咁，我會覺得慘過坐監。久而久之會對你好反感，你呼吸都會睇唔順眼，覺得好討厭。

私人傳訊

teddyyau

複式洋房

積分: 408

65^#

發表於 17-2-7 10:58 |只看該作者

唔好怪我多口，我係過來人
情況同你差唔多，但就無話計到盡，什至我無問你拎家用，我老公都係好錫仔女同好鐘意鬧我，但原來係因為佢出面有第二女人，我佢無　check住哂無問佢家用，但原來佢地已經兩年喇，唉，我只係湊仔好累無好好服侍佢姐.....
你要快啲好好傾下，男人都會認為女人生左咁多件走唔甩，所以出去偷食但又唔想無左個家....

私人傳訊

bibibadbad

大宅

積分: 1250

最關心BB問題熱投勳章

64^#

發表於 17-2-7 10:08 |只看該作者

首先呢…你作為FTM，我明白你會覺得錢好重要，同埋要存多個錢先有安全感…但你要明白，錢對佢0黎講都好重要0架﹗佢一個人支撐個屋企好大壓力，好辛苦。有時我地女人眼中男人0既亂FING錢…係佢地要抒發一下…

我有個舊同事同你先生好似，我初初睇以為你係佢太太TIM呀~不過佢得2個小朋友﹗男0既又係一個人支撐成頭家，每個月拎0左大部份錢做家用，仲要供樓、水電煤、所有講得出講唔出0既雜費都係佢。每年年頭我地公司都加人工…點知0個次佢加完人工之後，佢老婆即時打俾佢同佢講，多0左0既錢用俾細0個個小朋友上K1用。我明白佢太太0既講法…但男同事一收線就同我呻，加幾千蚊人工又係俾晒出去，自己一毫子都無﹗男同事唔係唔錫小朋友喎﹗佢都好錫2個小朋友0架﹗但佢做咁多年嘢，又咁辛苦，係佢0既角度係：點解佢好似得個做字﹖一D成果都無得分享﹖男同事又係試過上網唔知買咩基金，蝕0左一半(幾萬蚊)到啦~跟住佢太太知道又係發癲咁鬧。自此之後佢地2個開始攻防戰咁﹗後來我轉0左職…唔知佢地點發展…不過最近聽到有人話男同事離0左婚喇﹗仲係打官司離，2個都為0左一毫子計到盡，各不讓﹗益0左律師…

我知道男同事0既事之後，一直都提醒自己，唔好好似佢太太咁…迫大家走到無灣轉。我奉勸樓主，你都要小心…因為…我覺得你借錢俾自己老公都話要計息，其實幾有問題囉﹗我相信唔會有太多人認同呢個價值觀﹗

P.S. 男同事之後講番，佢買0個D基金就係想搵多個錢…無人一開始投資會諗住蝕0架﹗但…一蝕0左，作為伴侶只係怪責…佢就開始心淡喇﹗樓主，可能你先生都係想搵多個錢俾屋企…唔係你所講0既「亂FIND」0既﹗

私人傳訊

KT0603

禁止訪問

積分: 102652

63^#

發表於 17-2-7 08:34 |只看該作者

提示: 作者被禁止或刪除內容自動屏蔽

私人傳訊

eggplantyanyan

大宅

積分: 1881

62^#

發表於 17-2-7 01:05 |只看該作者

恩庭寶貝發表於 17-1-23 00:34
你又真係攪錯呀，老公問你攞錢，要收息!

收息真係...... 不過樓主話c 6 俾得大約20% 錢家用，即係其他大部分係自己洗！咁少錢養一家4 口+ 肚的bb，仲要唔夠使就借... 我覺得lee 個男人唔值得為他生咁多個...

私人傳訊

snowshine123456

禁止訪問

積分: 242

61^#

發表於 17-1-28 22:20 |只看該作者

回覆：有冇jm既老公都係咁咖？

提示: 作者被禁止或刪除內容自動屏蔽

私人傳訊

kit-kwok

大宅

積分: 3399

60^#

發表於 17-1-28 21:56 |只看該作者

BREADWING 發表於 17-1-23 01:43
佢d錢點用我冇過問佢，就係衰在佢用完晒佢d錢就好興問我借，佢比既家用冇錯係佢賺，但係我成日話家用係最 ...

我覺得你無錯，如果我老公係咁我都會死守爛守，自己唔食細路都要食，無錢就無錢，唔通大家一齊食風啊。

私人傳訊

siukayc

洋房

積分: 61

59^#

發表於 17-1-26 10:35 |只看該作者

係咪因為太多年又有咁多細路, 所以淡左咋? 不如營造多D戀愛既感覺俾大家? 例如去下以前拍拖既地方, 做下以前拍拖會做既事?

私人傳訊

cy372818

大宅

積分: 2155

58^#

發表於 17-1-26 09:21 |只看該作者

講錢失感情呀⋯

私人傳訊

Lorican

珍珠宮

積分: 31362

57^#

發表於 17-1-24 16:47 |只看該作者

回覆樓主:

收息

，真係好反感

私人傳訊

MsAudreyK

大宅

積分: 2527

56^#

發表於 17-1-24 15:10 |只看該作者

回覆樓主:

我都係FTM, 老公一份人工養4個，只要佢每月俾足家用，我唔理佢點駛錢，我地 1 年去2-3次旅行，所有錢應駛則駛，佢有買股票，都儲到錢。男人一個養幾個，加上返工又有壓力，要買野釋放下，唔過份咪由得佢，下下管住晒，係人都唔開心。有時男人駛得多反而有動力搵多d。

仲有男人係視覺動物，你唔打扮，咁肥唔肥？女人幾時都要扮靚，扮靚唔一定貴，普通畫下眉，眼線，搽胭脂同唇膏，個人已經精神好多。得閒去剪下髮，買下衫同鞋，自己心情都好 d。如果又肥又烏 wear，男人邊想攬同錫呢？

私人傳訊

Nancy20090615

瑪瑙宮

積分: 138714

55^#

發表於 17-1-24 14:13 |只看該作者

beebee67890 發表於 17-1-23 13:57
扮靚唔一定要好貴，其實而家有啲面膜講緊都係幾十蚊一盒，計返其實都係＄10 $8一片，深層清潔產品同去角質 ...

我都係, 每月做下 facial 都係3幾百/次, 一年3幾千, 唔過份. 買下衫鞋都係一年一千幾百 (吼特價買), 咁都慳對唔住自己. 平日護膚都唔使買貴, 唔好以為一話護膚就係貴野, 開架野都用得過.

私人傳訊

小manman

翡翠宮

積分: 87026

54^#

發表於 17-1-24 14:00 |只看該作者

beebee67890 發表於 17-1-24 13:06
我哋可以做朋友交流吓，我買好多護膚產品，所以每日其實都有好多野玩，幾時都係做女人唔可以放棄自己，死 ...

本帖最後由小manman 於 17-1-24 14:00 編輯

我成日覺得錢帶唔到落棺材，唔係話要使哂佢先安落，但都唔係做守財奴囉，我唔知自己有幾長命，如果我係短命種，都未享受到成果就已經死鬼左咪好唔抵~

私人傳訊

beebee67890

男爵府

積分: 9714

53^#

發表於 17-1-24 13:06 |只看該作者

本帖最後由 beebee67890 於 17-1-24 13:21 編輯

小manman 發表於 17-1-23 22:25
你講緊的生活完全同我一樣~

我睇到一半以為係自己留言，但諗下好似我都未睇哂，未留言喎

我哋可以做朋友交流吓，我買好多護膚產品，所以每日其實都有好多野玩，幾時都係做女人唔可以放棄自己，死慳死抵，分分鐘慳埋比人洗就唔抵，所以衫褲鞋襪同手袋我都唔會慳，難得嘅係我老公都係捨得洗錢的，當然我哋都有儲蓄，不會月月清，有儲備，我覺得人生最重要的不是錢，能力負擔到的應該開心下，我從來都覺得做守財奴係搵自己笨，以前認識一對夫妻又係好慳家，唔捨得用唔捨得食，旅行又唔去，連同朋友親戚去聯誼都唔會，因為要夾錢都覺得好貴，雖然佢哋係有啲錢，但有時我真係覺得佢哋似富貴乞兒多，不過好彩嘅係佢兩夫妻觀念一致，對住存摺銀碼已經好開心，所以完全係冇問題，樓主真係要同老公好好溝通下，大家對錢同生活態度完全唔一致，好難搞

私人傳訊

歌莉亞

伯爵府

積分: 18114

52^#

發表於 17-1-24 13:04 |只看該作者

小manman 發表於 17-1-24 12:29
本帖最後由小manman 於 17-1-24 12:34 編輯

其實，唔係淨係樓主老公，做老婆既乜都安排好哂，真係似阿 ...

我老公都係
看錢大過天
有時都好無癮
份人好計較
我從來無同佢計較
過年過節生日, 我都自己淘自己的錢比奶奶, 出去同奶奶或他家人食飯食buffet也是我比的, 久而久之覺得好唔公平, 我自己也要返工 , 曾幾何時都有抱怨但若為了錢嘈又不值, 後來同自己説錢是用來駛的, 他咁慳咪好囉, 好過大花筒, 淨下來日後只要我長命過佢, 都係我的, 而我死先的話, 便是我女的, 之後個心就無咁激氣了。

私人傳訊

小manman

翡翠宮

積分: 87026

51^#

發表於 17-1-24 12:29 |只看該作者

jeremylui83 發表於 17-1-24 08:09
回覆 BREADWING 的帖子

其實你工唔工作並唔係重點。。你打理個家庭打理得很好，令你老公冇後顧之憂去工作 ...

本帖最後由小manman 於 17-1-24 12:34 編輯

其實，唔係淨係樓主老公，做老婆既乜都安排好哂，真係似阿媽多過老婆，慢慢男人會覺理所當然而唔會感恩~

要自己老公覺得你好，唔係你做到哂你自己認為好的野，而係要做到佢心目中需要的好，唔係話要你為討好佢而委屈自己，但間中任性下無壞既~

好似我老公咁，一味儲錢儲錢，成日話慳，唔係話佢錯，但太過份的時候，我會覺得生活無趣囉，係我眼中優點都變成缺點~

我老公有樣野似你，理性得太可怕，下下用大道理黎壓我，話做左人父母唔可以任性，我雖然做左人阿媽，但我唔想終日圍住仔女轉囉！！

我需要既係生活而唔係生存，望住存摺堆數字，得個睇字，係唔可以攞黎用既，咁樣即使堆數字係幾多個位，但我生活得唔開心，對於我黎講都係無意義~

私人傳訊

jeremylui83

子爵府

積分: 14244

畀面勳章

50^#

發表於 17-1-24 08:09 |只看該作者

回覆 BREADWING 的帖子

其實你工唔工作並唔係重點。。你打理個家庭打理得很好，令你老公冇後顧之憂去工作，亦係好重要。。佢好錫啲小朋友，我覺得佢係唔想淨工人湊的。。平日有工人幫你手嗎？冇就請一個吧…一個人太辛苦了，亦不見得老公會欣賞你…

另外，佢俾人工的20%你做家用，仲知道你有錢儲到，呢一點。。。你想想假如佢知道你每月家用只是剛好夠月，佢還會想揮霍嗎？
在男人面前，不要表現得太強太精明，越蠢佢地會越high..
做女人有時係好無奈，好似你咁，付出咁多，所有事安排得咁好，真係萬中無一，可惜老公不懂珍惜…